شي جينپيڭ، لي كىچياڭ، لي جانشۋ، جاۋ لىجي مەملەكەتتىك حالىق قۇرىلتايى ماجىلىسىنە قاتىناسقان ءىشىنارا ۋاكىلدەر ۇيىرمەلەرىنىڭ تالقىسىنا جەكە - جەكە قاتىناستى
2018.03.13 15:48 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي جانشۋ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي 3 - ايدىڭ 10 - كۇنى ءتۇستىڭ الدىندا مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسقان ءىشىنارا ۋاكىلدەر ۇيىرمەلەرىنىڭ تالقىسىنا جەكە - جەكە قاتىناستى.
شي جينپيڭ چۇڭچيڭ ۋاكىلدەر ۇيىرمەسىنىڭ تالقىسىنا قاتىناستى. تالقىدا چىن مين - ىر، تاڭ لياڭجى، جاڭ شۋان، ما شانشياڭ، لي چۇنكۇي، جۋ ميڭيۋە، ليۋ جياچي، شىن تيەمەي قاتارلى 8 ۋاكىل جوعارى ساپالى دامۋدى جەبەۋ، حالىق قۇرىلتايىنىڭ زاڭمەن جونگە سالۋ قۇرىلىسىنداعى رولىن ساۋلەلەندىرۋ، چاڭجياڭ الابىنىڭ ەكولوگياسىن قورعاۋدى كۇشەيتۋ، شارۋاشىلىق قۇرۋ، جاڭالىق اشۋدى ىلگەرىلەتۋ، نەگىزگى ساتى پارتيا قۇرىلىسىن كۇشەيتۋ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرۋ سياقتى ماسەلەلەر توڭىرەگىندە پىكىرلەرىن ورتاعا سالدى. جاڭ شۋان كادرلاردىڭ زاڭمەن جونگە سالۋ ساپاسىن جوعارىلاتۋدى تىلگە العاندا، شي جينپيڭ بىلاي دەپ باسا دارىپتەدى: پارتيامىز بەن ۇكىمەتىمىزدىڭ باسشى كادرلارى تۇگەل امبەباپ كادرعا اينالۋى كەرەك، قانداي قىزمەت ورنىندا ىستەسە دە نەگىزگى ءبىلىم جۇيەسىن ازىرلەۋى ءتيىس، زاڭ − وسىنىڭ نەگىزگى قۇرامداس ءبولىمى. ءار جاقتاعى نەگىزدىك بىلىمدەردى تۇگەل يگەرۋى، بىرىنە اۋناپ، ءبىرىن ەلەۋسىز قالدىرماۋى، وسى نەگىزدە ماماندىقتى ارنايى يگەرۋى كەرەك. كادرلاردى باۋلۋ جۇيەسىنە وسى نىسانا توڭىرەگىندە رەفورما جۇرگىزۋ كەرەك. ما شانشياڭنىڭ نەگىزگى ساتىدا پارتيا 19 - قۇرىلتايىنىڭ رۋحىن تياناقتاندىرۋ جونىندەگى ءسوزىن تىڭداعان سوڭ، شي جينپيڭ بىلاي دەپ باسا دارىپتەدى: جۇڭگوشا سوتسياليزمنىڭ عيماراتى ارقالىق پەن تىرەۋدى تىرەك ەتەدى، پارتيا − وعان ارقاۋ بولعان نەگىزگى قاڭقاسى، پارتيا ورتالىق كوميتەتى − تىرەۋ. سونىمەن قاتار نەگىز دە اسا ماڭىزدى، نەگىزى بەرىك بولماسا جەر قوزعالىپ، تاۋ شايقالادى. نەگىزگى ساتىدا پارتيا ياچەيكاسى مىڭ ساباق ءجىپتى ءبىر ينەگە ساباقتايدى، سوندىقتان ءسوز جوق، نەگىزگى ساتىنى نىعايتۋ كەرەك. ءىس جۇزىندىك جاعدايمەن ۇشتاستىرا ءتۇرلى قىزمەتتەردى تياناقتاندىراتىن ميلليونداعان تاڭداۋلى نەگىزگى ساتى تىرەكتىلەرى بولۋى كەرەك. شي جينپيڭ سوڭىنداعى ماڭىزدى سوزىندە چۇڭچيڭدەگى قالىڭ كادرلار مەن بۇقارانىڭ جۇدىرىقتاي جۇمىلىپ، بايسالدىلىقپەن ىستەپ، ىشكى قۇرلىقتاعى ەسىك اشۋ تۇعىرىن، تاۋى جاسىل، سۋى تۇنىق كوركەم مەكەندى جەدەل قۇرىپ، جوعارى ساپالى دامۋدى قۇلشىنا ىلگەرىلەتىپ، جوعارى ساپالى تۇرمىس جاراتىپ، چۇڭچيڭنىڭ ءتۇرلى قىزمەتتەرىنىڭ تىڭ ساتىعا كوتەرىلۋىنە مۇمكىندىك جاساۋىن ءۇمىت ەتتى. شي جينپيڭ مىنالاردى باسا دارىپتەدى: ساياسي ەكولوگيا تابيعي ەكولوگيا سياقتى، ءسال بايقاماساڭ وڭاي لاستانادى، الدا - جالدا ماسەلە شىعا قالسا قايتادان قالپىنا كەلتىرەم دەگەنىڭمەن اسا زور بوداۋ بەرۋگە تۋرا كەلەدى. سالتى دۇرىس، ستيلى پاك ساياسي ەكولوگيا قالىپتاستىرۋ − ايقىن تۋ ۇستاپ ساياسيدى دارىپتەۋدىڭ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدىڭ ساياسي تالابى، العان بەتتەن تايماي ستيلدى دۇرىستاپ، ءتارتىپتى قاتايتۋدىڭ، پارتيانى جاپپاي قاتاڭ جونگە سالۋدىڭ تەرەڭ دامۋىن جەبەۋدىڭ كوكەي تەستى قاجەتى، تاڭداۋلى پارتيا ستيلىن، ۇكىمەت ستيلىن شىڭداۋدىڭ، رەفورما، دامۋ نىسانالارىنىڭ ءساتتى جۇزەگە اسۋىن قامتاماسىز ەتۋدىڭ ماڭىزدى كەپىلى. تاربيەلەۋ مەن جەتەكتەۋدى كۇشەيتىپ، قيراتۋ مەن ورناتۋدى قاتار جۇرگىزۋگە ءمان بەرىپ، «شەشۋشى ازشىلىقتى» مىقتى ۇستاپ، ءار دارەجەلى باسشى كادرلاردىڭ باسشىلىق جاۋاپكەرلىك پەن ۇلگى كورسەتۋ جاۋاپكەرلىگىن سانالى تۇردە باتىل ارقالاپ، وزدەرىن، يدەيالارىن، قىزمەتتەرىن جايىپ سالىپ، «باسشى قاز ەففەكتىن» قالىپتاستىرۋىن جەبەۋ كەرەك. زاڭمەن جونگە سالۋعا تاباندى بولىپ، ادام ارقىلى جونگە سالۋعا قارسى تۇرىپ، نەگىزگى زاڭنان، زاڭداردان قاشاندا يمەنىپ، باستاماشىلدىقپەن نەگىزگى زاڭ مەن زاڭدار كولەمىندە قيمىل جاساپ، زاڭدا بەلگىلەنگەن ۇقىق كولەمىنە، ەرەجەگە، تارتىپكە قاتاڭ نەگىزدەلە وتىرىپ بيلىك جۇرگىزىپ، مىندەت وتەپ، زاڭ مەن ءتارتىپتىڭ شار ايناسىن كوڭىل تورىنە بيىك قويىپ، زاڭ مەن ءتارتىپتىڭ سىزعىشىن مىقتى ۇستاپ، ءمانساپ ۇستاپ ءىس ىستەۋدىڭ ولشەمىن ايقىن ءبىلۋ كەرەك. پارتيالى باسشى كادرلار «4 تانىمدى» بەرىك ورناتىپ، پارتيانىڭ ساياسي ءتارتىبى مەن ساياسي قاعيداسىنا قاتاڭ بويسۇنىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيانىڭ لۋشيان، باعىت - ساياساتتارىنىڭ جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ بۇلجىماي دايەكتىلەندىرىلۋىنە، تياناقتاندىرىلۋىنا شىنايى كەپىلدىك ەتۋى كەرەك. زاڭمەن جونگە سالۋدى دا، ءمورال ارقىلى جونگە سالۋدى دا دارىپتەپ، ءمورالدىڭ تاربيەلەۋ رولىن ساۋلەلەندىرۋگە ءمان بەرىپ، زاڭ مەن ءمورالدىڭ كۇشىن، زاڭمەن جونگە سالۋ مەن ءمورال ارقىلى جونگە سالۋدىڭ يقۋاتىن تىعىز ۇشتاستىرىپ، ءوزىن تەجەۋ مەن باسقالاردىڭ تەجەۋىن قابىلداۋدى ۇشتاستىرىپ، بۇكىل قوعامدى سوتسياليستىك وزەكتى قۇن كوزقاراسىن بەلسەنە جەتىلدىرۋگە جانە ونى امالياتتا ايگىلەۋگە جەتەكتەپ، تاماشا ءمورالدىق سالت ورناتىپ، فەودالدىق شىرىك ءمورال، مادەنيەت قوقىستارىنىڭ وربۋىنەن ساقتانۋ كەرەك. شي جينپيڭ بىلاي دەپ باسا دارىپتەدى: باسشى كادرلار ساياسي ءمورالدى دارىپتەۋى كەرەك. ساياسي ءمورال − تۇتاس قوعامدىق ءمورال قۇرىلىسىنىڭ باعىت كورسەتكىشى. ساياسي ءمورال ورناتۋدا جالپىلىق ءمورالدى ايقىنداۋ، الەۋمەتتىك ءمورالعا بويسۇنۋ، جەكە باستىق ءمورالدى قاتايتۋ كەرەك. جالپىلىق ءمورالدى ايقىنداۋدا مۇرات - سەنىمدى مىقتاپ ورناتىپ، قۋاتتى پارتيالىلىقتى شىڭاپ، ۇلكەن دۇرىس، ۇلكەن بۇرىس الدىندا ايقىن تۋ ۇستاپ، بوران - شاشىننىڭ سىناقتارىنان قورىقپاي، ءتۇرلى شىرعالار الدىندا تۇرعىنى بەرىك ۇستاۋ كەرەك، مىنە بۇل باسشى كادرلار، ەڭ الدىمەن، جەتىلدىرۋگە ءتيىستى «جالپىلىق ءمورال». الەۋمەتتىك ءمورالعا بويسۇنۋدا جالپى ماقسات تانىمىن كۇشەيتىپ، بۇكىل ىنتا - پەيىلمەن حالىق ءۇشىن قىزمەت ىستەپ، جالپىنىڭ مۇددەسى ءۇشىن پارتيا قۇرۋ، حالىق ءۇشىن بيلىك جۇرگىزۋ ۇستانىمىنان جازباي، حالىقتىڭ تاماشا تۇرمىسقا تالپىنىسى ءبىزدىڭ كۇرەس نىسانامىز دەگەن ۋادەنى سانالى تۇردە امالياتتا ايگىلەپ، قالتقىسىز كوڭىلمەن كوپتىڭ قالاۋىنان شىعۋ كەرەك. جەكە باستىق ءمورالدى قاتايتۋدا ءوزىمىزدىڭ مىنەز - قۇلقىمىز بەن ارەكەتىمىزدى قاتاڭ تەجەۋىمىز كەرەك. بارلىق پارتيا مۇشەسى، كادرلار قياناتشىلدىقتان ساقتانىپ، ءناپسىنى تيىپ، ءوزىن تەجەپ، كوپ قامىن كوزدەپ، حالىق بەرگەن بيلىكتى شىن مانىندە حالىققا باقىت جەتكىزۋگە پايدالانۋى كەرەك. وتباسىلىق ستيل قۇرىلىسىن ماڭىزدى ورىنعا قويىپ، ءوزىن پاك ۇستاپ، وتباسىن پاك ۇستاپ، «ايەل كەسىرىنىڭ» ءىرىپ - ءشىرۋدىڭ بىلتەسىنە اينالۋىنان ساقتانۋ، پەرزەنتتەرىنىڭ ءوز اتىندا زاڭسىز پايدا تۇسىرۋىنەن ساقتانۋ، جانىنداعى ادامداردىڭ ءوزىن ازدىرۋىنان ساقتانۋ كەرەك. شي جينپيڭ بىلاي دەپ باسا دارىپتەدى: بولماشى ەڭبەكتەردى كوبىرەك ىستەۋ كەرەك. ۇساق - تۇيەك ىستەر − اينا، ۇساق - تۇيەك ىستەردە پارتيالىلىق، پرينسيپ، ادامگەرشىلىك جاتادى. «قۇمىرىسقانىڭ يلەۋى توسپانى بۇزادى، ينەنىڭ كوزىندەي تەسىكتەن جەل قاشادى» دەگەن اقىليانى ەستەن شىعارماي، ۇساق - تۇيەك ىستەردەن تاربيەنى كۇشەيتۋگە تاباندى بولىپ، بولماشى ىستەردەن ءوزىن كەمەلدەندىرىپ، ءوزىن قاتاڭ تاربيەلەپ، نيەتىن دۇرىستاپ، ارەكەتىن ايقىنداپ، بىلىنگەن زامان تيىم سالىپ، حالىقتىڭ كومپىس قىزمەتكەرىندىك قاسيەتتى قاشاندا ساقتاۋ كەرەك. ءوزىن قاشاندا تەجەپ، ءاۋ باستان ساقتانىپ، ۇساق اعاتتىقتارعا جول بەرمەي، ناپسىگە ەرمەي، ءوزىن تەجەۋ، ءوزىن مەڭگەرۋ تانىمى مەن قابىلەتىن جەتىلدىرىپ جانە كۇشەيتىپ، «ماردىمسىز پايدانىڭ شىرعاسىنا تۇسپەۋ، الەم - جالەم دۇنيەنىڭ ازعىرۋىنا الدانباۋ» كەرەك. ءوزىنىڭ تۇرمىس شەڭبەرىن، قارىم - قاتىناس شەڭبەرىن، كوڭىل اشۋ شەڭبەرىن ويداعىداي باسقارىپ، جەكە كەزدە، ادام جوق جەردە، نازىك تۇستاردا ەرەكشە اباي بولۋ، ساق بولۋ، قاشاندا بەتىنە جىبەرمەي، جولدان تايماي، قاعيدادان اتتاماي، ءىرىپ - شىرۋگە قارسى تۇرىپ، وزگەرۋدەن ساقتانۋدىڭ يممۋنيتەتتىك قۋاتىن ارتتىرۋ كەرەك.
لي كىچياڭ نيڭشيا ۋاكىلدەر ۇيىرمەسىنىڭ تالقىسىنا قاتىناستى. شى تايفىڭ، شيان حۇي، ما حۇيجۋان قاتارلى ۋاكىلدەردىڭ ءسوزىن تىڭداعان سوڭ، لي كىچياڭ ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىن بۇكىلدەي قۇپتايتىندىعىن ءبىلدىردى. ول نيڭشيانىڭ باتىس بولىكتەگى ۇلتتىق رايون ەكەنىن، وتكەن 5 جىلداعى ەكونوميكالىق، قوعامدىق دامۋدا جۇرتتى جالت قاراتقان ناتيجەلەرگە قول جەتكىزگەندىگىن ايتىپ، مىنالاردى ءۇمىت ەتتى: نيڭشيا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ باتىس بولىكتى قاۋىرت اشۋ ورنالاستىرۋىن ىلگەرىلەتۋدى تياناقتاندىرىپ، ىشكى قۇرلىقتاعى رەفورما مەن ەسىك اشۋدىڭ جاڭا تۇعىرىن اشىپ، «ۇقىقتى تومەنگە بەرۋ، تومەنگە بەرۋ مەن باسقارۋدى ۇشتاستىرۋ، قىزمەت كورسەتۋدى جاقسارتۋ» رەفورماسىن تەرەڭدەتىپ، ساۋدا ورتاسن ساپالىلاندىرىپ، بازار سۋبيەكتتەرىنىڭ ومىرشەڭدىك كۇشىن ءتىپتى جاقسى جالىنداتىپ، بۇقارانىڭ ءىس بىتىرۋىنە ءتىپتى كوپ قولايلىلىق تۋدىرۋى كەرەك. قامداۋ جاعىنداعى قۇرىلىمدىق رەفورمانى ىلگەرىلەتىپ، مەشەۋ ءوندىرىس قۋاتىن قاتاردان قالدىرىپ، وزىق ءوندىرىس قۋاتىن ىسكە قوسىپ، وزىق جاساۋ كاسىبىن دامىتىپ، جاڭا كينەتيكالىق ەنەرگيانى ۇزدىكسىز جەتىلدىرۋ كەرەك. حالىق تۇرمىسىن كۇش سالا قامتاماسىز ەتىپ جانە جاقسارتىپ، كەدەيلىكتەن قۇتىلدىرۋدان قامال الۋ شايقاسىن باتىل تۇردە جەڭىسپەن جۇرگىزىپ، ەكولوگيانى قورعاۋ سەرپىنىن ارتتىرۋ كەرەك. مەملەكەت قاتىناس سياقتى نەگىزدىك قۇرىلعىلاردى، نەگىزگى ساتى مادەنيەت قۇرىلعىلار شارت - جاعدايىن جاقسارتۋدى قولدايدى، «ينتەرنەت +» ەمدەۋى، وقۋ - اعارتۋ سياقتىلاردى بەلسەنە دامىتىپ، ءار ۇلت بۇقاراسىنىڭ تۇرمىسىنىڭ جىلدان - جىلعا جاقسارا تۇسۋىنە مۇمكىندىك جاسايدى.
لي جانشۋ يۇننان ۋاكىلدەر ۇيىرمەسىنىڭ تالقىسىنا قاتىناستى. چىن حاۋ، رۋان چىڭفا، لو جۇن قاتارلى ۋاكىلدەردىڭ ءسوزىن تىڭداعان سوڭ، لي جانشۋ مىنالاردى ايتتى: ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت باياندامالارىن بۇكىلدەي قۇپتايمىن. پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مەملەكەتتى جاپپاي زاڭمەن جونگە سالۋدى تىڭعىلىقتى ىلگەرىلەتىپ، سوتسياليستىك زاڭمەن جونگە سالىناتىن مەملەكەت قۇرىلىسىنىڭ جاڭا جاعدايىن اشتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، پارتيانىڭ باسشىلىعىن مەملەكەتتى زاڭمەن جونگە سالۋدىڭ تۇتاس بارىسى مەن ءار جاعىندا دايەكتىلەندىرىپ، زاڭمەن جونگە سالۋ قۇرىلىسىن پارتيا مەن مەملەكەت قىزمەتىنىڭ جالپى جاعدايىنا قويىپ ويلاستىرىپ، جوبالاپ، ىلگەرىلەتىپ، جۇڭگوشا سوتسياليزمگە تاباندى بولۋ مەن ونى دامىتۋعا پارمەندى زاڭمەن جونگە سالۋ كەپىلىن ازىرلەۋ كەرەك. يۇننان ولكەسىنىڭ باس شۋجي شي جينپيڭنىڭ يۇننان قىزمەتى جونىندەگى ماڭىزدى نۇسقاۋىنىڭ تالابىن ىشكەرىلەي دايەكتىلەندىرىپ، تياناقتاندىرىپ، ەلىمىزدىڭ ۇلتتار ىنتىماعى، العاباسارلىعىنان ۇلگى كورسەتۋ رايونىنا، ەلىمىزدىڭ ەكولوگيالىق وركەنيەت قۇرىلىسىنىڭ كوشباسشىسىنا، ەلىمىزدىڭ وڭتۇستىك ازياعا، شىعىس وڭتۇستىك ازياعا بەت العان شارپۋ ورتالىعىنا اينالۋعا قۇلشىنىپ، كوركەم يۇنناندى ءتىپتى كوركەم ەتىپ قۇرىپ شىعۋىن ءۇمىت ەتەمىن.
جاۋ لىجي شيزاڭ ۋاكىلدەر ۇيىرمەسىنىڭ تالقىسىنا قاتىناستى. ۋ يىڭجيە، لوساڭجياڭسۇن، چيجالا قاتارلى ۋاكىلدەردىڭ ءسوزىن تىڭداعان سوڭ، ول بىلاي دەدى: پارتيا ستيلى حالىقتىڭ قۇپتاۋ - قۇپتاماۋىنا، پارتيانىڭ ءومىر ءسۇرۋى مەن قۇرىپ - جوعالۋىنا سايادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ ستيل قۇرىلىسى جونىندەگى ورنالاستىرۋ تالاپتارىن ىشكەرىلەي دايەكتىلەندىرىپ، «4 ءتۇرلى بۇرىس ستيلدى» تۇزەتۋدەن جازباي، ستيلگە توقتاۋسىز بۇرىلىس جاساپ، تىڭعىلىقتى تۇردە ۇزاق ۋاقىت ۇلەس قوسىپ، ەرەكشە ۇقىق يدەياسىنا، ەرەكشە ۇقىق قۇبىلىستارىنا باتىل قارسى تۇرىپ، فورماشىلدىقتىڭ، تورەشىلدىكتىڭ جاسىرىن، ءتۇرى وزگەرگەن ماسەلەلەرىن باتىل وڭاپ، قولىنان ءىس كەلمەۋ، جۇمىسى ماندىماۋ، الىنە قاراماۋ ماسەلەلەرىن باتىل تۇزەتىپ، ورتالىقتىڭ «8 ءتۇرلى بەلگىلەمەسىنىڭ» رۋحاني جەتىستىكتەرىن بەكەمدەۋ، كەڭەيتۋ كەرەك، ستيل ماسەلەلەرىنىڭ قايتا باس كوتەرۋىنە استە جول بەرۋگە بولمايدى. مىقتى ۇستاپ، تيتتەي دە جول بەرمەي، ماسەلەلەردى ءبىر - بىردەن شەشىپ، ءار كەزەڭ بويىنشا تاباندى بولىپ، بىرتە - بىرتە ادەتكە، سالتقا اينالدىرۋ كەرەك. بۇقارانىڭ پىكىرىن كەڭىنەن تىڭداپ، نە ماسەلە بولسا سول ماسەلەنى شەشىپ، نە ماسەلە كورنەكتى بولسا سول ماسەلەنى وڭاپ، ستيل قۇرىلىسىنىڭ جاڭا جەتىستىكتەرى ارقىلى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ قۇدىرەتتى وڭ ەنەرگياسىن توپتاۋ كەرەك.
چىن مين - ىر، گو شىڭكۇن قاتارلىلار تالقىعا جەكە - جەكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
