پارتيا مەن مەملەكەت ىستەرى دامۋىنىڭ جاڭا جەتىستىكتەرىن، جاڭا تاجىريبەلەرىن، جاڭا تالاپتارىن تولىق ايگىلەدى
− نەگىزگى زاڭعا وزگەرىس ەنگىزۋدىڭ كەلەلى ماڭىزى جونىندە (1)
حالىق گازەتىنىڭ شولۋشىسى
2018.03.14 10:38 كەلۋ قاينارى : شينجياڭ گازەتى
مەملەكەتتىڭ ءتۇبىرلى ءىرى زاڭى داۋىرمەن بىرگە ىلگەرىلەگەندە عانا، ىستەرىمىزدىڭ دامۋ نەگىزى باياندى بولادى. بۇل نەگىزگى زاڭ دامۋىنىڭ نەگىزگى زاڭدىلىعى ءارى اماليات دامۋىنىڭ قاجەتتى تالابى.
مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى داۋىسقا سالىپ ماقۇلداعان نەگىزگى زاڭعا وزگەرىس ەنگىزۋ جوباسى پارتيا 19 - قۇرىلتايى تۇراقتاندىرعان كەلەلى نازاريالىق كوزقاراستار مەن كەلەلى باعىت - ساياساتتاردى مەملەكەتتىڭ ءتۇبىرلى زاڭىنا كىرگىزىپ، پارتيا مەن حالىقتىڭ اماليات بارىسىندا قول جەتكىزگەن كەلەلى نازاريالىق جاسامپازدىعىنىڭ، امالياتتىق جاسامپازدىعىنىڭ، تۇزىمدىك جاسامپازدىعىنىڭ جەتىستىكتەرىن نەگىزگى زاڭنىڭ بەلگىلەمەسى دەڭگەيىنە كوتەردى. بۇل − پارتيا مەن مەملەكەتتىڭ باياندى تىنىشتىعىنا كەپىلدىك ەتۋدەگى جوعارى دەڭگەيلى جوبا جانە تۇزىمدىك ورنالاستىرۋ بولىپ، پارتيا مەن مەملەكەت ىستەرى دامۋىنىڭ جاڭا جەتىستىكتەرىن، جاڭا تاجىريبەلەرىن، جاڭا تالاپتارىن ايگىلەدى، ول جاڭا داۋىردە جۇڭگوشا سوتسياليزمگە تاباندى بولۋدى جانە ونى دامىتۋدى، ءسوزسىز، نەگىزگى زاڭمەن پارمەندى قامتاماسىز ەتەدى.
زاڭ − قوندىرمانىڭ ماڭىزدى قۇرامداس بولەگى رەتىندە، بازيستىڭ وزگەرىسىنە ساي وزگەرىپ وتىرۋى ءتيىس. ەلىمىزدىڭ نەگىزگى زاڭىنىڭ دامۋ بارىسى دا وسىنداي ەرەكشەلىكتى ايگىلەدى. 1982 - جىلى نەگىزگى زاڭ جاريالانىپ اتقارىلعاننان تارتىپ، وسى رەتكى نەگىزگى زاڭعا وزگەرىس ەنگىزۋگە دەيىن، ەلىمىزدىڭ رەفورما جاساپ، ەسىك اشۋىنىڭ جانە سوتسياليستىك وسىزامانداندىرۋ قۇرىلىسىنىڭ امالياتى مەن دامۋىنا ساي، پارتيا ورتالىق كوميتەتىنىڭ باسشىلىعىندا، مەملەكەتتىك حالىق قۇرىلتايى نەگىزگى زاڭعا 4 رەت وزگەرىس ەنگىزدى. بۇل وزگەرىس ەنگىزۋلەر پارتيا مەن مەملەكەت ىستەرىنىڭ دامۋىن پارمەندى ىلگەرىلەتتى جانە قامتاماسىزداندىردى، ەلىمىزدىڭ سوتسياليستىك زاڭمەن جونگە سالۋ قۇرىلىسىن پارمەندى ىلگەرىلەتتى جانە كۇشەيتتى. اماليات نەگىزگى زاڭ تەك جاڭا جاعدايعا ۇزدىكسىز ۇيلەسىپ، جاڭا تاجىريبەلەردى قابىلداپ، جاڭا جەتىستىكتەردى تۇراقتاندىرىپ، جاڭا بەلگىلەمەلەر جاساعاندا عانا، باياندى ومىرشەڭدىككە يە بولاتىنىن ءتۇسىندىردى. پارتيانىڭ حالىققا باسشىلىق ەتىپ جۇڭگوشا سوتسياليزم قۇرۋ امالياتىنىڭ دامۋىنا ىلەسىپ، ۇزدىكسىز داۋىرمەن بىرگە ىلگەرىلەپ، دامىپ كەمەلدەنۋ − ەلىمىزدىڭ نەگىزگى زاڭى دامۋىنىڭ كورنەكتى ەرەكشەلىگى ءارى نەگىزگى زاڭدىلىعى دەۋگە بولادى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمگە بۇلجىماي تاباندى بولىپ جانە ونى دامىتىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە تاريحي جەتىستىكتەرگە قول جەتكىزۋدى، تاريحي وزگەرىستەر تۋدىرۋدى جەبەپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتى. پارتيا 19 - قۇرىلتايى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ بۇكىل پارتياداعى جەتەكشىلىك ورنىن تۇراقتاندىرىپ، ءبىر قىدىرۋ كەلەلى ساياسي تۇجىرىمداردى العا قويىپ، ءبىر قىدىرۋ كەلەلى شەشىمدەر، ورنالاستىرۋلار جاسادى. نەگىزگى زاڭعا وسى رەتكى وزگەرىس ەنگىزۋ پارتيانىڭ جەتەكشى يدەياسىن مەملەكەتتىڭ جەتەكشى يدەياسىنا اينالدىردى، بۇل بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاسايتىن ورتاق يدەيالىق نەگىزىن اناعۇرلىم بەكەمدەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتىڭ سان سالالى ىستەرىنە، ءار جاقتاعى قىزمەتتەرىنە جەتەكشىلىك ەتۋ رولىن تولىق ساۋلەلەندىرىپ، پارتيا مەن مەملەكەت ىستەرىنىڭ باستان - اياق دۇرىس بەتالىسپەن ىلگەرىلەۋىنە كەپىلدىك ەتۋدە كەلەلى دە تەرەڭ ماڭىز الادى.
وسى رەت ماقۇلدانعان نەگىزگى زاڭعا وزگەرىس ەنگىزۋ جوباسى پارتيا مەن مەملەكەتتىڭ باسشىلىق ءتۇزىمىن كەمەلدەندىرۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ تۇرعىسىنان پارتيا باسشىلىعىنا، حالىق قۇرىلتايى تۇزىمىنە، بىرلىكساپ تۇزىمىنە، نەگىزگى زاڭعا سەرت بەرۋ تۇزىمىنە، مەملەكەت ءتوراعاسىنىڭ مىندەت وتەۋ مەرزىمى تۇزىمىنە، مەملەكەتتىك كەڭەستىڭ باسقارۋ تۇزىمىنە، جەرگىلىكتى زاڭ شىعارۋ تۇزىمىنە، باقىلاۋ - تەكسەرۋ تۇزىمىنە تاباندى بولۋ سياقتى جاقتاردى قامتىعان ءبىر قىدىرۋ كەلەلى تۇزىمدىك ورنالاستىرۋلار جاسادى. ەنگىزىلگەن بۇل كەلەلى وزگەرىستەر پارتيا مەن حالىقتىڭ ورتاق ەركىن تولىق ايگىلەدى، جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدا قول جەتكەن دامۋ جەتىستىكتەرىن تولىق ايگىلەدى، جۇڭگوشا سوتسياليستىك ءتۇزىمىنىڭ باسىمدىعىن تولىق ايگىلەدى. وسى ماعىنادان العاندا، وسى رەتكى مەملەكەتتىك حالىق قۇرىلتايى داۋىسقا سالىپ ماقۇلداعان نەگىزگى زاڭعا وزگەرىس ەنگىزۋ جوباسى ەلىمىزدىڭ ءتۇبىرلى زاڭىن جاڭا ءداۋىردىڭ قادامىنا تىعىز ىلەستىرىپ، مەملەكەتتى باسقارىپ، ەلدى الاڭسىز ەتۋدىڭ باس ۋستاۆىن اناعۇرلىم كەمەلدەندىرىپ جانە دامىتىپ، پارتيا مەن حالىقتىڭ ەركىن اناعۇرلىم شوعىرلى بەينەلەپ قانا قالماستان، ونان دا ماڭىزدىسى، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدەگى ماڭىزدى بەلەس بولدى.
«زاڭ − الەمنىڭ قاعيداسى، بارلىق ءىستىڭ ولشەمى» جاڭادان وزگەرىس ەنگىزىلگەن نەگىزگى زاڭعا قاراساق، جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋدىڭ باس نىساناسى، باس مىندەتى، جالپى تۇلعالىق ورنالاستىرۋى، ستراتەگيالىق ورنالاستىرۋى كوڭىلدى جەلپىندىرىپ، كەلەشەك جۇڭگونىڭ دامۋ بەتالىسى، دامۋ ءتاسىلى، دامۋ قوزعاۋشى كۇشى، ستراتەگيالىق قادامى، ساياسي كەپىلى سياقتىلار ايقىن دا انىق كوزگە تۇسەدى. نەگىزگى زاڭعا وسى رەت وزگەرىس ەنگىزۋدى باستاما ەتىپ، نەگىزگى زاڭنىڭ ارناعا ءتۇسىرۋ، جەتەكتەۋ، ىلگەرىلەتۋ، قامتاماسىز ەتۋ رولىن اناعۇرلىم جاقسى ساۋلەلەندىرسەك بولعانى، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن ىشكەرىلەي بەكەمدەپ، قالىڭ حالىقتى جاڭا داۋىردە جۇڭگوشا سوتسياليزمنىڭ ۇلى جەڭىسىنە قول جەتكىزۋگە ىنتىماقتاستىراتىنىمىز، ۇيىستىراتىنىمىز ءسوزسىز.
(شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
