شي جينپيڭ كورەيا زۇڭتۇڭىنىڭ ەرەكشە ەلشىسى چۇڭ ەييۇڭمەن كەزدەستى
2018.03.14 10:42 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 12 - كۇنى حالىق سارايىندا كورەيا زۇڭتۇڭىنىڭ ەرەكشە ەلشىسى، مەملەكەت حاۋىپسىزدىگىن قورعاۋ كەڭسەسىنىڭ باستىعى چۇڭ ەييۇڭمەن كەزدەستى.
شي جينپيڭ مىنالاردى اتاپ كورسەتتى: مۋن جيە - ىن زۇڭتۇڭ ءسىزدىڭ چاۋشيان مەن اق ش - نا بارىپ، چاۋشيان مەن ا ق ش كەڭەسىن جەبەۋ جاعدايىڭىزدى حابارلاۋ ءۇشىن، ەرەكشە ەلشى مىرزا − ءسىزدى جۇڭگوعا ارناۋلى جىبەرىپ وتىر، جۇڭگو بۇعان القاۋ ايتادى. چاۋشيان تۇبەگىنە جاقىن كورشى ەل رەتىندە، جۇڭگو ەجەلدەن بەرى، تۇبەكتىڭ وڭتۇستىگى مەن سولتۇستىگىنىڭ قارىم - قاتىناستى جاقسارتۋىن، راقايلاسىپ، سەلبەستىك ورناتۋدى جەبەۋىن قولداپ كەلەدى، اق ش پەن چاۋشياننىڭ قارىم - قاتىناس ورناتىپ، ءتىل تابىسۋىن، تاراپتار باسا نازار اۋدارىپ وتىرعان ماسەلەلەردى كەڭەسپەن شەشۋىن قۋاتتايدى. تۇبەكتى يادروسىزداندىرۋ، سوعىس جانە بىلىقپالىقتىڭ تۋىلماۋىن دارىپتەۋ − جۇڭگونىڭ دايەكتى تۇرعىسى. قازىر تۇبەك جاعدايى ساباسىنا ءتۇسۋدىڭ، تىلدەسۋدىڭ كەلەلى ورايىنا ءدوپ كەلۋدە. جۇڭگو كورەيانىڭ وسى جونىندە جاساعان قۇلشىنىستارىنا بەلسەندى باعا بەرەدى، كورەيانى قامتىعان حالىقارالىق قوعاممەن بىرگە، قاتىستى قىزمەتتەردى اناعۇرلىم جاقسى ىستەۋگە، جۇڭگونىڭ «قوس ارنادا تەڭ ىلگەرىلەۋدەي» وي جەلىسى مەن تاراپتاردىڭ سىندارلى ۇسىنىستارىن ۇشتاستىرىپ، تۇبەك ماسەلەسىن ساياسي جولمەن شەشۋ اياق الىسىن جەبەۋدى قالايدى ءارى تاراپتاردىڭ سابىرلى دا ىجداعاتتىلىقپەن، ساياسي اقىل - پاراساتتارىن ساۋلەلەندىرىپ، كەڭەستى قالپىنا كەلتىرۋ بارىسىنداعى ءتۇرلى ماسەلەلەر مەن كەدەرگىلەردى ۇيلەسىمدى شەشۋىن قۋاتتايدى. ءبىز وڭتۇستىك پەن سولتۇستىك باسشىلار كەزدەسۋىنىڭ، چاۋشيان مەن اق ش كەڭەسىنىڭ ءساتتى وتكىزىلۋىن، سونداي - اق تۇبەكتى يادروسىزداندىرۋ، ءوزارا قارىم - قاتىناستى قالىپقا ءتۇسىرۋدى ىلگەرىلەتۋدە ماندىك ناتيجەگە جەتۋىن ءۇمىت ەتەمىز، ىزگى نيەت، شىن ىقىلاس بولعان جەردە تاس ەكەش تاس تا بالقيدى. تاراپتار تەك تۇبەكتى يادروسىزداندىرۋ، بەيبىتشىلىك، ورنىقتىلىق ءتۇبىرلى نىساناسىنا نازاردى شوعىرلاندىرعاندا عانا، چاۋشيان تۇبەگىندە توڭ ءجىبىپ، كوكتەم گۇلى قۇلپىرا جاينايتىن كۇن تۋادى.
چۇڭ ەييۇڭ مۋن جيە - ىن زۇڭتۇڭنىڭ ءتوراعا شي جينپيڭگە ايتقان ىستىق ىقىلاستى سالەمىن جەتكىزدى ءارى بىلاي دەدى: مۋن جيە - ىن زۇڭتۇڭنىڭ بىلتىر جۇڭگوداعى ساپارى اسا ءساتتى بولدى، كورەيا جۇڭگومەن بىرگە قۇلشىنىپ، ەكى جاقتى قاتىناستى دامىتۋدى قالايدى. قازىر چاۋشيان تۇبەگى جاعدايىندا بەلسەندى وزگەرىستەر جارىققا شىعۋدا، مۇندا جۇڭگو ماڭىزدى جەتەكشىلىك رولىن ساۋلەلەندىردى. جۇڭگو تۇبەكتى يادروسىزداندىرۋ ماقساتىنان باستان - اياق اۋىتقىماي، چاۋشيان تۇبەگىنىڭ يادرو نىساندارى ماسەلەسىن بەيبىت جولمەن شەشۋدەن جازبادى، تۇبەكتىڭ وڭتۇستىگى مەن سولتۇستىگى كەڭەسىنە قولداۋ كورسەتىپ، ا ق ش پەن چاۋشياننىڭ تىكەلەي سۇحبات وتكىزۋىن دارىپتەدى، وڭتۇستىك پەن سولتۇستىكتىڭ قاتىناسىندا ماڭىزدى قادام تاستاۋدى ىلگەرىلەتىپ، تۇبەك ماسەلەسىندە بەلسەندى دامۋشىلىقتارعا قول جەتكىزۋگە مۇمكىندىك تۋدىردى. كورەيا جۇڭگوعا شىن جۇرەكتەن العىس ايتادى، جۇڭگونىڭ اۋەلگىدەي بەلسەندى رول اتقارۋىن، سونداي - اق جۇڭگومەن تىعىز سايكەسىپ، تۇبەك جاعدايىنىڭ قازىرگىدەي جاقسارۋ بەتالىسىن قورعاپ، چاۋشيان تۇبەگىنىڭ يادرو نىساندارى ماسەلەسىن بەيبىت جولمەن شەشۋدى جەبەۋدى، ءوڭىردىڭ بەيبىتىشىلىگىن، ورنىقتىلىعى مەن دامۋىن جۇزەگە اسىرۋدى ءۇمىت ەتەدى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ياڭ جيەچى قاتارلىلار كەزدەسۋگە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
