بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

اۋەلگى ماقساتتى ۇمىتپاي، پارتياعا ىلەسەمىز، بورىشتى ەستە بەرىك ساقتاپ، ادالدىقتى ايگىلەيمىز

 ءپايزاۋات اۋداندىق پارتكومنىڭ ورىنباسار شۋجيى، بىرلىكساپ ءبولىمىنىڭ باستىعى ابىليميت اتاولا

2018.03.14 10:55     كەلۋ قاينارى : شينجياڭ گازەتى

  رەفورما جاساپ، ەسىك اشقاننان بەرى، اسىرەسە، پارتيا 18 - قۇرىلتايىنان بەرى، شينجياڭداعى ءار ۇلت حالقى اناردىڭ دانىندەي ءتىپتى دە تىعىز ۇيىسىپ، ەڭبەكشىل قوس قولدارىمەن كورىكتى مەكەندەرىن قۇرۋدا، ءار ۇلت حالقىنىڭ تۇرمىسىندا وراسان زور وزگەرىستەر جارىققا شىعىپ، حالىقتىڭ باقىت سەزىمى، تابىس سەزىمى كورنەكتى كۇشەيدى. بۇل وزگەرىستەر ماعان تەك پارتيانىڭ باسشىلىعىندا، وتان ۇلى شاڭىراعىنىڭ قامقورلىعىندا، ءار ۇلت بۇقاراسى شىنايى ىنتىماقتاسىپ ورنىقتىلىقتى قورعاعاندا، جالپى حالىق ءبىر نيەتپەن دامۋعا قۇلشىنعاندا عانا، ءبىزدىڭ باقىتتى ءومىرىمىز بارعان سايىن تولىسىپ، بارعان سايىن باياندى بولا تۇسەتىندىگىن تەرەڭ سەزىندىردى.

  پارتيا كوپ جىل تاربيەلەپ جەتىلدىرگەن، پارتيانىڭ مەيىر - شاپاعاتىنا بولەنگەن پارتيالى كادر رەتىندە، مەن پارتياعا مۇشە بولعانداعى سەرتىمدى سانالىلىقپەن ورىندايمىن، پارتيا ىستەرىنە ادال بولامىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تاباندىلىقپەن باتىل دايەكتىلەندىرەمىن، تياناقتاندىرامىن، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى جەلىلەس «كەشەندى شارالارىن» دايەكتىلەندىرەمىن، تياناقتاندىرامىن، تۋىم ايقىن، تۇرعىم بەرىك تۇردە بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە تۇرىپ، ءىس جۇزىندىك ارەكەتىم ارقىلى «ءۇش ءتۇرلى كۇشكە»، «ەكىبەتكەيلەرگە» سايىس جاريالايمىن.

  قازىر اشكەرەلەنگەن «ەكىبەتكەيلەردىڭ» ءوزى ۇنامسىز «وقۋلىق»، پارتيا ولارعا ۇقىق پەن ءناپاقا بەردى، ولار بۇعان العىس ايتقاندى، مەكەنى ءۇشىن، حالىق بۇقاراسى ءۇشىن باقىت جاراتۋدى كوزدەۋدى قايىرىپ قويىپ، پارتيا مەن حالىقتىڭ قارسى جاعىنا ءوتىپ، «ءۇش ءتۇرلى كۇشتىڭ» قولشوقپارى بولۋعا، ءدىني ۇشقارى كۇشتەردىڭ قورعاۋشىسى بولۋعا بارىن سالدى، مۇنداي جيىركەنىشتى ارەكەتتەر كىسىنى كەكتەندىرەدى. پارتيا مۇشەسى رەتىندە، مەملەكەت قىزمەتكەرى رەتىندە مەنىڭ ەڭ ۇلكەن جاۋاپكەرشىلىگىم جانە مىندەتىم پارتيانىڭ قامىن جەۋ، حالىق ءۇشىن قىزمەت ەتۋ.

  مەن اۋەلگى ماقساتتى ۇمىتپاي، بورىشىمدى ەستە بەرىك ساقتاپ، ءارقانداي ۋاقىتتا نازاردى باس نىساناعا شوعىرلاندىرىپ، باس نىسانانى تياناقتاندىرامىن. از ۇلتتان شىققان پارتيالى كادر رەتىندە «ءۇش ءتۇرلى كۇشپەن» سوڭىنا دەيىن تاباندىلىقپەن سايىسۋ مەنىڭ باس تارتۋعا بولمايتىن بورىشىم، جاۋاپكەرلىگىم، «ەكىبەتكەيلەردى» تاۋىپ شىعىپ، الاستاپ، تۇبەگەيلى قۇرتۋ ءبىزدىڭ جاۋاپكەرشىلىگىمىز، مىندەتىمىز. قازىرگى «3 مەزگىل قاباتتاسقان» ەرەكشە تاريحي كەزەڭدە، مەن باتىلدىقپەن تۋدى بيىك كوتەرىپ، سەمسەردى سەرت ۇستاپ، اتويلاپ الدىدا جۇرەمىن؛ وزىق مادەنيەتتى جەتەكشى ەتۋ، ءدىندى جۇڭگوشالاندىرۋ باعىتىنا تاباندى بولامىن؛ تۇبىرىنەن تۇزەتىپ، تامىرىنان تازالاۋعا تاباندى بولىپ، مۇلدە جول قويماۋ پوزيتسياسىمەن «ءپانىسلاميزم»، «پانتۇركيزم» يدەياسىنىڭ تارالۋى مەن سىنالاپ كىرۋىنە باتىل تيىم سالامىن؛ بۇقارالىق قىزمەتتى شىنايى جۇرگىزىپ، جۇرتشىلىققا بۇگىنگى باقىتتى تۇرمىسقا پارتيانىڭ قامقورلىعى ارقاسىندا قول جەتكەندىگىن ۇعىندىرىپ، قالىڭ بۇقارانى پارتيانىڭ شاپاعاتىنا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە سانالى تاربيەلەيمىن، جەتەكتەيمىن.

  مەن مىناداي سەرت بەرەمىن: مەن بۇدان بىلايعى قىزمەتتە، تۇرمىستا ادال بولۋدى، جاۋاپتى بولۋدى ەسىمدە بەرىك ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانامدى سانالى تۇردە قارۋلاندىرىپ، پارتيانىڭ ۋستاۆىمەن، پارتيانىڭ ءتارتىپ - ەرەجەلەرىمەن ءسوز - ارەكەتىمدى قالىپقا ءتۇسىرىپ، سوتسياليستىك وزەكتى قۇن كوزقاراسىن سانالى جەتىلدىرىپ جانە امالياتتا ايگىلەپ، ماركسيزمدىك «5 كوزقاراستى» بەرىك ورناتىپ، «5 ورتاق تانىمدى» كۇشەيتىپ، پارتيالى كادرلاردىڭ ۇلگىلىك، باستاماشىلدىق رولىن تولىق ساۋلەلەندىرىپ، باستاماشى بولىپ، تۋدى بيىك ۇستاپ، اتويلاپ الدىدا ءجۇرىپ، ونەگە بولىپ، «ءۇش ءتۇرلى كۇشپەن»، «ەكىبەتكەيلەرمەن» باتىل دا كەسكىن تۇردە سوڭىنا دەيىن كۇرەسەمىن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار