جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە قۇلشىنامىز
2018.03.15 13:17 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، شى شين، يۋان لەي
باس شۋجي شي جينپيڭ پارتيا 19 - قۇرىلتايىنىڭ بايانداماسىندا «قازىردەن باستاپ 2020 - جىلعا دەيىنگى مەزگىل جاپپاي دوڭگەلەك داۋلەتتى قوعام ورناتۋدىڭ شەشۋشى مەزگىلى» دەپ اتاپ كورسەتتى.
شەشۋشى جەڭىسكە جەتۋدى ارقاۋ ەتكەن بيىلعى ۇكىمەت قىزمەتىنەن باياندامادا بىلاي دەپ العا قويىلدى: جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدەگى 3 ءىرى قامال الۋ شايقاسىن ويداعىداي مىقتى يگەرۋ كەرەك. قىزمەت وي جەلىسى مەن ناقتى شارالاردى جەكە - جەكە ورتاعا قويىپ، ۋاقىت كەستەسىن، جول كارتاسىن، رەت - ءتارتىبىن جاساپ، كومەسكى حاۋىپ - قاتەردىڭ ءونىمدى تەجەلۋىنە، كەدەيلىكتەن قۇتىلدىرۋدان قامال الۋ مىندەتىن جاپپاي ورىنداۋعا، ەكولوگيالىق ورتا ساپاسىنىڭ جالپىلىق جاقسارۋىنا كەپىلدىك ەتۋ كەرەك. بۇل جونىندە مەملەكەتتىك حالىق قۇرىلتايىنىڭ رايونىمىزداعى ۋاكىلدەرى، مەملەكەتتىك ساياسي كەڭەستىڭ شينجياڭداعى مۇشەلەرى تەرەڭ اسەردە بولدى.
ۋاقىت كەستەسىن عىلمي جاسادى
نۇر مامەت
مەملەكەتتىك حالىق قۇرىلتايىنىڭ ۋاكىلى، جىڭ اۋدانى ماندانبۇلاق اۋىلى بەيديجۇڭ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى
«جاپپاي دوڭگەلەك داۋلەتتى قوعام ورناتۋ سىندى وسى <ەمتيحان قاعازىن> 2020 - جىلى بۇكىل ەلدەگى ءار ۇلت حالقىنىڭ <تەكسەرۋىنە> تاپسىرامىز. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ ءۇشىن، ءسوز جوق، 3 ءىرى قامال الۋ شايقاسىن جاقسى جۇرگىزۋ كەرەك». ۋاكىل نۇر مامەت جىڭ اۋدانى ماندانبۇلاق اۋىلى بەيديجۇڭ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى. ول مىندەتىنىڭ اۋىرلىعىن، ۋاقىتتىڭ تىعىز ەكەنىن ابدەن بىلەدى. ول بىلاي دەدى: 3 ءىرى شايقاستى ويداعىداي جۇرگىزۋدىڭ ۋاقىت كەستەسىن عىلمي جاساپ، شەشۋشى بۋىنداردان كوز جازباعاندا عانا ناقتى مىندەتتەردى اناعۇرلىم جاقسى، اناعۇرلىم ءدال تياناقتاندىرىپ، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋگە بولادى.
«3 ءىرى قامال الۋ شايقاسىن ويداعىداي جۇرگىزۋ بۇدان كەيىنگى 3 جىلدا جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ ماڭىزدى تىرەگى، ءسوز جوق، ورىنداۋعا ءتيىستى ماڭىزدى مىندەت»، - دەدى ۋاكىل ريزا باعداۋلەت قىزى: «كوكەي تەستىلىك سەزىم مەن جاۋاپكەرلىك سەزىمىن كۇشەيتىپ، دەن قويا ىسكە كىرىسىپ، بار كۇشپەن 3 ءىرى شايقاستىڭ جەڭىسىنە قول جەتكىزۋىمىز كەرەك».
پارتيا 19 - قۇرىلتايى ۇلى جوبانى جاسادى، مەملەكەتتىك كەڭەس ناقتى شارالاردى شىعارىپ، قاراۋعا ۇسىندى، جاپپاي دوڭگەلەك داۋلەتتى قوعام ورناتۋدىڭ شەشۋشى ۋاقىت ءتۇيىنى مەملەكەت دەڭگەيىندە ايقىندالدى. «شينجياڭنىڭ ءىس جۇزىندىگىنە بىرلەستىرە ايتقاندا، كەدەيلىكتەن دالمە - ءدال قۇتىلدىرۋدىڭ، لاستانۋدان ساقتانۋدان قامال الۋ شايقاسىنىڭ مىندەتى اۋىر، ۋاقىتى تىعىز»، - دەدى مۇشە ەرزات زادا: «وڭتۇستىك شينجياڭداعى 3 ايماق، ءبىر وبلىس اۋىر كەدەي وڭىرگە جاتادى. ولاردى كەدەيلىكتەن قۇتىلدىرۋ ءۇشىن، ونان ارمان دالمە - ءدال جۇمىس ىستەۋگە تۋرا كەلەدى؛ شينجياڭنىڭ كورىنىسى كوركەم بولعانىمەن، ەكولوگيالىق قورشاعان ورتاسى ءالسىز. ەكولوگيالىق ورتانىڭ قىزىل سىزىعىن ساقتاۋدا قاتاڭ بولعاننىڭ ۇستىنە قاتاڭ بولۋعا تۋرا كەلەدى. جوعارىداعى مىندەتتەردى ورىنداۋ ءۇشىن، شينجياڭ قايراتتانا كۇش شىعارىپ، ارەكەت ۋاقىت كەستەسىن جاساۋمەن بىرگە، يدەيادا دا ۋاقىت كەستەسىن سانالىلىقپەن اتقارۋى كەرەك».
ۋاكىل ريزا باعداۋلەت قىزى بىلاي دەدى: كەدەيلىكتەن قۇتىلدىرۋدان قامال الۋدىڭ مىندەتى اۋىر، ۋاقىت ۇتا ىسكە كىرىسۋ كەرەك. وڭتۇستىك شينجياڭنىڭ 3 ايماق، ءبىر وبلىسىنىڭ تابيعي شارت - جاعدايى جاپالى، كەدەيلىك دارەجەسى اۋىر، تەك «اۆتونوميالى رايوننىڭ وڭتۇستىك شينجياڭداعى 3 ايماق، ءبىر وبلىس ءوڭىرىن دامىتۋ مەن كەدەيلەردى سۇيەمەلدەۋدەن قامال الۋدىڭ <13 - بەسجىلدىق> اتقارۋ جوباسى» بويىنشا ءبىر - بىرلەپ ىلگەرىلەتكەندە عانا «جاپپاي دوڭگەلەك داۋلەتتى قوعام ورناتۋدى جۇزەگە اسىرۋدا بىردە - ءبىر ادامدى قاتاردان قالدىرماۋ» ۋادەسىن ورىنداۋعا بولادى.
جول كارتاسىن ءبىر تۇتاس جوسپارلادى
ريزا باعداۋلەت قىزى
مەملەكەتتىك حالىق قۇرىلتايىنىڭ ۋاكىلى، جەمەنەي اۋدانى جەمەنەي قالاشىعى سارولەڭ قىستاعى پارتيا ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى
«3 ءىرى قامال الۋ شايقاسىنىڭ ءاربىرىنىڭ ءوز كوزدەگەن نىساناسى بولعانىمەن، ءبىراق ءمانى ءبىر - بىرىمەن بايلانىسىپ جاتىر. فينانستى، حالىق تۇرمىسىن، قورشاعان ورتانى بىردەي ىلگەرىلەتىپ، جوعارى ساپامەن دامىتقاندا عانا جاپپاي دوڭگەلەك داۋلەتتى قوعام ورناتۋعا كۇشتى نەگىز قالاۋعا بولادى»، - دەدى مۇشە ەرزات زادا.
«33 ءىرى قامال الۋ شايقاسىنىڭ بايلانىسى تىعىز. مۇندا دارا شايقاس جاساۋعا، دارا شابۋىلداۋعا بولمايدى»، - دەدى ۋاكىل نۇر مامەت: «ءبىر تۇتاس عىلمي جوبالاۋ − 3 ءىرى قامال الۋ شايقاسىن ءوزارا جەبەۋدىڭ شەشۋشى ءتۇيىنى، وسى ارقىلى 3 ءىرى قامال الۋ شايقاسىنىڭ ءبىرىن - ءبىرى تەجەۋىنەن، شاۋجايلاۋىنان ساقتانۋعا بولادى».
«سىرتتاي قاراعاندا، كەدەيلەردى سۇيەمەلدەۋ مەن قورشاعان ورتانى قورعاۋ تەك اقشا جۇمسايتىن، پايدا تاپپايتىن شارۋاداي كورىنەدى، ءىس جۇزىندە ولاي ەمەس»، - دەدى ۋاكىل ريزا باعداۋلەت قىزى.
مۇشە ەرزات زادا شينجياڭنىڭ بىلتىر ەل ءىشى - سىرتىنان 100 ميلليون ادام - رەتتەن استام ساياحاتشى قابىلداعاندىعىن مىسالعا الا وتىرىپ، 3 ءىرى قامال الۋ شايقاسىنىڭ ىشكى بايلانىسىن دالەلدەدى. ول: كەيبىر كەدەي رايوندار − ەكولوگيالىق ورتانى قورعاۋدىڭ قىزىل سىزىقتى ءوڭىرى، «ساۋدا ىستەۋگە قولايلى بولسا ساۋدا ىستەۋ، ساياحاتقا قولايلى بولسا ساياحاتتى دامىتۋ»، كەدەيلەردى سۇيەمەلدەۋگە، قورشاعان ورتانى قورعاۋعا بوداۋ بەرە بەرمەي، ەرەكشە شارۋاشىلىقتىڭ ارتۋ ءتۇيىنىن جەتىلدىرگەندە عانا، جاڭا تەحنيكالاردىڭ، جاڭا ۇلگىلەردىڭ كەدەي رايونداردا تۇبەگەيلى تياناقتانۋىن جەبەپ، كەدەي بۇقارانىڭ كەدەيلىكتەن قۇتىلىپ اۋقاتتانۋىنا جەتەكشىلىك ەتۋگە بولادى، - دەدى.
ۋاكىل نۇر مامەت كەدەيلەردى سۇيەمەلدەۋدى ولاردىڭ ەرىك - جىگەرىن، زەيىن - زەردەسىن ۇشتاۋمەن ۇشتاستىرۋدى مىسال ەتە وتىرىپ، ۇلى جوبانى ءبىر تۇتاس جوسپارلاۋ جونىندەگى تەرەڭ اسەرىن ىشكەرىلەي ءتۇسىندىردى. «شينجياڭنىڭ دامۋىندا قارجى كەمشىل، دارىندى تىپتەن كەمشىل». ول بىلاي دەدى: ەرىك - جىگەر مەن زەيىن - زەردەنى ۇشتاۋداعى ماقسات ءتىپتى دە كوپ اۋىل - قىستاق جاستارىنىڭ قۇلشىنا جۇمىس ىستەۋىنە وراي تۋدىرىپ، كەدەيلىكتەن قۇتىلىپ، اۋقاتتانۋداعى ىشكى قوزعاۋشى كۇشتى تاسقىنداتىپ، كەدەي وڭىرلەردەگى باسىمدىققا يە كاسىپ سالالارىن دامىتۋعا سان مىڭداعان ءبىلىمدى، جوعارى تەحنيكا يگەرگەن ەڭبەكشىلەردى باۋلۋ، وسىلاي بولعاندا ولار جاپپاي دوڭگەلەك داۋلەتتى قوعام ورناتۋدىڭ، ءسوز جوق، مىعىم كۇشىنە اينالادى.
« 3 ءىرى قامال الۋ شايقاسىنىڭ جەڭىسى دامۋدىڭ ساپاسىنىڭ، ونىمدىلىگىنىڭ جانە قوزعاۋشى كۇشىنىڭ رەفورماسىن اناعۇرلىم جاقسى ىلگەرىلەتىپ، ەكونوميكانىڭ ورنىقتى، اقاۋسىز دامۋىنا اناعۇرلىم جاقسى تىرەك بولىپ، جاپپاي دوڭگەلەك داۋلەتتى قوعام ورناتۋعا بەرىك نەگىز قالايدى» دەي كەلىپ، مۇشە ەرزات زادا 3 ءىرى قامال الۋ شايقاسىن ءبىر تۇتاس جوسپارلاۋدىڭ تەرەڭ ءمانىن ءتۇسىندىردى. ول: فينانستىڭ، حالىق تۇرمىسىنىڭ، قورشاعان ورتانىڭ جاقسى بولۋىنىڭ جاپپاي دوڭگەلەك داۋلەتتى قوعام ورناتۋداعى ماكرولىق دەڭگەيى بۇكىلدەي بىردەي، - دەدى.
رەت - ءتارتىبىن ءتۇيىندى جاسادى
ەرزات زادا
مەملەكەتتىك ساياسي كەڭەستىڭ مۇشەسى، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ ورىنباسار مەڭگەرۋشىسى
«ىشكەرىلەگەن سايىن جول قيىنداسادى». 3 ءىرى قامال الۋ شايقاسىنىڭ شەشۋشى كەزەڭىنە جەتتىك، ءدوپ كەلگەن ماسەلەلەر بارعان سايىن قيىنداسۋدا.
«ءىس تىندىرىپ، شارۋاشىلىق قۇرۋدا باستى قايشىلىقتى يگەرۋمەن بىرگە، قايشىلىقتىڭ باستى جاعىن دا مىقتى يگەرۋگە شەبەر بولۋ كەرەك»، - دەدى مۇشە ەرزات زادا: «3 ءىرى قامال الۋ شايقاسىن ويداعىداي جۇرگىزۋ − جاپپاي دوڭگەلەك داۋلەتتى قوعام ورناتۋداعى <باستى قايشىلىق>، شينجياڭنىڭ ءىس جۇزىندىگىنە بىرلەستىرىپ، 3 ءىرى قامال الۋ شايقاسىن ىڭعايىنا قاراي جايعاستىرۋ − <قايشىلىقتىڭ باستى جاعى>».
ۋاكىل ريزا باعداۋلەت قىزى بىلاي دەدى: قيىن تۇيىندەردى شەشۋدە ءارى باتىل، ءارى شەبەر بولۋ كەرەك، بۇل جەردەگى باتىل بولۋ كەرەك دەگەنىمىز قىزمەتتى باتىل دا تىڭعىلىقتى ىستەۋ دەگەندىك، كەدەي حالىق سانى جونىنەن ارحيۆ تۇرعىزىپ، كارتچكا ورناتۋ قىزمەتىن مىسالعا الار بولساق، مەيلى قانداي دا ءبىر كۇردەلى ماسەلەلەرگە جولىقساق تا، ءسوز جوق، ونى تىڭعىلىقتى دا مۇقيات ورىنداۋىمىز كەرەك؛ ال شەبەر بولۋ كەرەك دەگەنىمىز ناقتى مىندەتتەردىڭ رەت - ءتارتىبىن ايقىن ايىرۋ دەگەندىك، ايتالىق، بۇقارانىڭ اڭىسى ەڭ كۇشتى، جۇرت بارىنشا نازار اۋدارىپ وتىرعان جۇمىستانۋ، وقۋ - اعارتۋ، ەمدەۋ سياقتى ماسەلەلەردە ىشكەرىلەي تەكسەرىپ - زەرتتەۋ جۇرگىزۋ، ءار جاقتىڭ پىكىرىن كەڭ كولەمدە جيناۋ، ونان سوڭ باعىتتامالى تۇردە جوبا جاساپ، ماسەلەنى شەشۋ كەرەك.
جاپپاي دوڭگەلەك داۋلەتتى قوعام ورناتۋ، تۇپتەپ كەلگەندە، ءار ۇلت حالقىنىڭ بىرگە كۇرەسەتىن ءىرى ءىسى.
ۋاكىل نۇر مامەت بىلاي دەدى: بۇقارا ەڭ كوڭىل بولەتىن ىستەردەن باستاپ ىسكە كىرىسكەندە عانا، بۇقارا 3 ءىرى شايقاستى ويداعىداي جۇرگىزۋدىڭ ۋاقىت كەستەسىن، جول كارتاسىن قۇپتايتىن بولادى، سوندا عانا كوپشىلىكتىڭ تاماشا تۇرمىسقا دەگەن ارمانىن كەدەيلىكتەن قۇتىلدىرۋدان قامال الۋدىڭ قوزعاۋشى كۇشىنە اينالدىرۋعا بولادى.
«تومەنگى شەك وي جەلىسى، جاڭالىق اشۋ تانىمى بولۋ كەرەك»، - دەدى ۋاكىل ريزا باعداۋلەت قىزى: «<ەكىدەن قام جەگىزبەۋ>، <ۇشكە كەپىلدىك ەتۋ> كەدەيلىكتەن قۇتىلدىرۋدىڭ تومەنگى شەگى، بۇقارانىڭ كەدەيلىكتەن قۇتىلعاننان كەيىن قايتادان كەدەيلەسپەۋىنە قالاي كەپىلدىك ەتۋ، كەدەيلىكتەن قۇتىلعان بۇقارانى اۋقاتتاندىرۋ جولىنا قالاي باستاۋ، مىنە وسىنىڭ بارلىعى فورماعا، ادىسكە جاڭالىق ەنگىزۋدى قاجەت ەتەدى».
مۇشە ەرزات زادا «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىنە قاتىناسقان كەزىندەگى ءبىر كىشكەنتاي ىسىنەن تۋىنداعان ۇلكەن وزگەرىستى اۋىزعا الدى. قىزمەت اترەتى 30 تونارى بار ازىق - تۇلىك مانەرلەۋ زاۆودىن جاڭادان سالۋعا قولداۋ كورسەتەدى، وسى ارادا جۇمىستانعان بۇقارانىڭ ايلىق كىرىسى از دەگەندە 2000 يۋان، كوپ بولعاندا 5000 يۋانعا دەيىن بارادى؛ اتا - انالار سىرتتا جۇمىس ىستەپ، بالالارى قاراۋسىز قالعانىن ەسكەرىپ، زاۆودتىڭ جانىنان بالاباقشا دا سالىنادى. بالاباقشاعا كەلىپ كەتەتىن اتا - انالاردىڭ كوبەيۋىنە سايكەس بالاباقشا ماڭىنداعى اس - سۋ كاسىبى دە جاندانا تۇسەدى. ادام كوبەيەدى، كاسىپ سالاسى شوعىرلانادى، جاڭادان سالىناتىن شيپاحانا، بۇقاراعا قىزمەت كورسەتۋ ورتالىعى سياقتى نەگىزدىك قۇرىلعىلار دا جوسپارلانا باستايدى... «قولتىعىنان دەمەپ اتقا مىنگىزىپ ساپارعا اتتاندىرۋ − بۇقارانى جاپپاي دوڭگەلەك داۋلەتتى قوعام ورناتۋدىڭ جولىنا ءتۇسىرۋ»، - دەدى مۇشە ەرزات زادا.
ۋاكىلدەر قاراۋ، تالقىلاۋ بارىسىندا مىناداي ورتاق تانىم قالىپتاستىردى: جاپپاي دوڭگەلەك داۋلەتتى قوعام قۇرۋدى شاحمات دەسەك، 3 ءىرى قامال الۋ شايقاسى شاحمات كوزى، ۋاقىت كەستەسىن، ءسوز جوق، عىلمي جاساپ، جول كارتاسىن ءبىر تۇتاس جوسپارلاپ، رەت - ءتارتىبىن ءتۇيىندى تۇردە جاساپ، شەگە قاعۋ رۋحىمەن كۇش ۇستىنە كۇش ۇستەگەندە عانا جاپپاي دوڭگەلەك داۋلەتتى قوعام ورناتۋدىڭ دۇرىس بەتالىسپەن العا ىلگەرىلەۋىنە كەپىلدىك ەتىپ، حالىقتىڭ تاماشا تۇرمىسقا دەگەن قاجەتىن قاناعاتتاندىرۋعا بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
