بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

پارتيا باسشىلىعىنىڭ، حالىقتىڭ قوجا بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولايىق

2018.03.15 13:21     كەلۋ قاينارى : شينجياڭ گازەتى

− نەگىزگى زاڭعا وزگەرىس ەنگىزۋدىڭ كەلەلى ماڭىزى جونىندە (2)

  پارتيانىڭ باسشىلىعى − حالىقتىڭ قوجا بولۋى مەن مەملەكەتتى زاڭمەن جونگە سالۋدىڭ ءتۇبىرلى كەپىلى، حالىقتىڭ قوجا بولۋى − سوتسياليستىك دەموكراتيالىق ساياسيدىڭ ماندىك ەرەكشەلىگى، مەملەكەتتى زاڭمەن جونگە سالۋ − پارتيانىڭ حالىققا باسشىلىق ەتىپ، مەملەكەتتى جونگە سالۋىنىڭ ءتۇبىرلى ءتاسىلى، بۇل ۇشەۋى ەلىمىزدىڭ سوتسياليستىك دەموكراتيالىق ساياسيىنىڭ ۇلى امالياتىندا بىرلىككە كەلگەن.

  مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە نەگىزگى زاڭعا وزگەرىس ەنگىزۋ جوباسى جوعارى داۋىسپەن ماقۇلداندى. بۇل ناتيجە پارتيانىڭ باسشىلىعىنىڭ، حالىقتىڭ قوجا بولۋىنىڭ جانە مەملەكەتتى زاڭمەن جونگە سالۋدىڭ جاندى بىرلىگىن تولىق ايگىلەدى، پارتيانىڭ قۋاتتاماسى مەن حالىق ەركىنىڭ جاندى بىرلىگىن ايگىلەدى. بۇل نەگىزگى زاڭنىڭ داۋىرمەن بىرگە ىلگەرىلەۋىن، كەمەلدەنۋىن، دامۋىن جەبەۋدە، جاڭا داۋىردە «مەملەكەتتى باسقارىپ، ەلدى الاڭسىز ەتۋ باس ۋستاۆىنىڭ» ءتۇبىرلى رولىن ساۋلەلەندىرۋدە، پارتيا 19 - قۇرىلتايىنىڭ رۋحىن جاپپاي دايەكتىلەندىرۋدە، بۇكىل ەلىمىزدەگى ءار ۇلت حالقىن جاڭا داۋىردە جۇڭگوشا سوتسياليزمنىڭ ۇلى جەڭىسىنە قول جەتكىزۋ جولىندا كۇرەسۋگە كەڭ كولەمدە جۇمىلدىرۋدا جانە ۇيىمداستىرۋدا كەلەلى ءارى تەرەڭ ماڭىز الادى.

  باعا جەتپەس اسىل سانسىز شىڭداۋدان كەلەدى. وسى رەت نەگىزگى زاڭعا وزگەرىس ەنگىزۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ جالپى جاعدايى مەن ستراتەگياسى تۇرعىسىنان جاساعان كەلەلى شەشىمى. وزگەرىس ەنگىزۋدىڭ جالپى بارىسىندا، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا باستان - اياق تاباندى بولىپ، حالىقتىڭ قاجەتى مەن تىلەگىن تولىق ايگىلەپ، نەگىزگى زاڭعا وزگەرىس ەنگىزۋدىڭ زاڭدا بەلگىلەنگەن تارتىپتەرىنە قاتاڭ بويسۇنىلدى. بۇل − پارتيا باسشىلىعىنىڭ، حالىقتىڭ قوجا بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنىڭ جالىندى امالياتى ءارى جۇڭگوشا سوتسياليستىك ءتۇزىمدى كەمەلدەندىرۋدەگى، سوتسياليستىك دەموكراتيالىق ساياسيدى ىلگەرىلەتۋدەگى كەلەلى جاڭالىق، جاڭا داۋىردە جۇڭگوشا سوتسياليزمگە تاباندى بولۋ جانە دامىتۋ ءتۇبىرلى تالابىن تولىق ايگىلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى نەگىزگى زاڭمەن جونگە سالۋ، بيلىكتى نەگىزگى زاڭ بويىنشا جۇرگىزۋ بەرىك سەنىمىن تولىق ايگىلەدى.

  پارتيا حالىققا باسشىلىق ەتىپ نەگىزگى زاڭ مەن زاڭداردى شىعارادى، پارتيا حالىققا باسشىلىق ەتىپ نەگىزگى زاڭ مەن زاڭداردى اتقارادى، پارتيا حالىققا باسشىلىق ەتىپ نەگىزگى زاڭ مەن زاڭداردىڭ بەدەلىن قورعايدى، سونىمەن قاتار نەگىزگى زاڭ دا پارتيانىڭ باسشىلىعىنا تاباندى بولۋدى زاڭمەن پارمەندى قامتاماسىزداندىرادى. نەگىزگى زاڭعا وزگەرىس ەنگىزۋ جوباسىندا پارتيا 19 - قۇرىلتايىندا بەلگىلەنگەن كەلەلى نازاريالىق كوزقاراستار مەن كەلەلى باعىت - ساياساتتاردىڭ مەملەكەتتىڭ ءتۇبىرلى زاڭىنا ەنگىزىلۋى، اسىرەسە، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتىڭ ساياسي جانە قوعامدىق ومىرىندەگى جەتەكشىلىك ورنىنىڭ تۇراقتاندىرىلۋى، «جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى» − وسى ءسوزدىڭ نەگىزگى زاڭنىڭ باس باعدارناماسىنىڭ 1 - تارماعىنا ەنگىزىلۋى جالپى حالىقتىڭ پارتيانىڭ باسشىلىعى جونىندەگى تانىمىن كۇشەيتىپ، پارتيانىڭ باسشىلىعىن مەملەكەت قىزمەتىنىڭ جالپى بارىسىندا جانە بارلىق جاعىندا تياناقتاندىرىپ، جۇڭگوشا سوتسياليزم ءىسىنىڭ باستان - اياق دۇرىس ارنامەن ۇدەرە العا باسۋىنا شىنايى كەپىلدىك ەتەتىندىگى، ءسوزسىز.

  حالىق دەموكراتياسى − سوتسياليزمنىڭ جانى، پارتيانىڭ حالىققا باسشىلىق ەتىپ مەملەكەتتى جونگە سالۋى حالىقتىڭ قوجا بولۋدى جۇزەگە اسىرۋىنا قولداۋ كورسەتۋ جانە كەپىلدىك ەتۋ، حالىقتىڭ قوجا بولۋىن ەل بيلەۋ جاعىندا ناقتى، رەال بەينەلەۋ بولىپ تابىلادى. مەيلى جۇمىستى زاڭ بويىنشا، ءتارتىپ بويىنشا قاتاڭ تىندىرىپ، حالىق ەركىن نەگىزگى زاڭعا وزگەرىس ەنگىزۋ بارىسىندا تولىق ايگىلەۋدە، الدە پارتيانىڭ باسشىلىعى، حالىق قۇرىلتايى ءتۇزىمى، بىرلىكساپ ءتۇزىمى، جەرگىلىكتى زاڭ شىعارۋ ءتۇزىمى، باقىلاۋ - تەكسەرۋ ءتۇزىمى سياقتى نەگىزگى زاڭعا وزگەرىس ەنگىزۋ جوباسىنىڭ تۇزىمدىك جوبالاۋىندا بولسىن، حالىقتىڭ قوجا بولۋى سىندى سوتسياليستىك دەموكراتيالىق ساياسيدىڭ ماندىك سيپاتى تولىق ايگىلەندى، ەلىمىزدەگى ءار ۇلت حالقىنىڭ ورتاق تىلەگى مەن ءتۇبىرلى مۇددەسىن بەينەلەپ، پارتيا مەن مەملەكەتتىڭ كوركەيىپ - گۇلدەنۋىنە، باياندى تىنىشتىعىنا اناعۇرلىم بەرىك بۇقارالىق نەگىز قالادى.

  سوتسياليستىك زاڭمەن جونگە سالۋدا، ءسوز جوق، پارتيانىڭ باسشىلىعىنا تاباندى بولۋ، پارتيانىڭ باسشىلىعى، ءسوز جوق، سوتسياليستىك زاڭمەن جونگە سالۋعا سۇيەنۋ كەرەك. وسى رەت نەگىزگى زاڭعا وزگەرىس ەنگىزۋدە، عىلمي زاڭ شىعارۋ، دەموكراتيالى زاڭ شىعارۋ، زاڭ بويىنشا زاڭ شىعارۋ تالابى دايەكتىلەندىرىلىپ، ماسەلەنى ساياسات، جالپى جاعداي، ستراتەگيالىق جاقتان زەر سالىپ ءبىر جايلى ەتۋگە، ماسەلەنى نەگىزگى زاڭنىڭ دامۋ وبيەكتيۆ زاڭدىلىعى مەن ءماندىك تالابى جاعىنان وي جۇگىرتىپ شەشۋگە باسا ءمان بەرىلدى، نەگىزگى زاڭنىڭ بەدەلىن قورعاۋ − مەملەكەتتى زاڭمەن جونگە سالۋدى ىلگەرىلەتۋدەگى، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋدەگى كەلەلى شارا. نەگىزگى زاڭعا وزگەرىس ەنگىزۋ جوباسى پارتيا 18 - قۇرىلتايىنان بەرى پارتيانىڭ حالىققا باسشىلىق ەتىپ، نازاريالىق امالياتتىق جانە تۇزىمدىك جاڭالىق اشۋدى ىلگەرىلەتۋ جاعىنداعى كەلەلى جەتىستىكتەرىن تولىق ايگىلەدى، تۇلعالىق جاقتان ەلىمىز نەگىزگى زاڭىنىڭ باياندىلىعىن، ورنىقتىلىعىن، بەدەلدىلىگىن ساقتاۋ نەگىزىندە نەگىزگى زاڭنىڭ داۋىرمەن بىرگە ىلگەرىلەۋىن، كەمەلدەنۋىن، دامۋىن جەبەپ، مەملەكەتتى جاپپاي زاڭمەن جونگە سالۋدا نىق قادام تاستاۋدى جەبەدى.

  ەلىمىزدىڭ زاڭمەن جونگە سالۋ ءىسىنىڭ دامۋ بارىسىنان الىپ قاراعاندا، پارتيا باسشىلىعىنىڭ، حالىقتىڭ قوجا بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولۋ − باستان - اياق دايەكتىلەندىرەتىن جەتەكشى باعىت. نەگىزگى زاڭعا وزگەرىس ەنگىزۋدىڭ كەلەلى ماڭىزىن جەتە ءتۇسىنىپ، نەگىزگى زاڭنىڭ مەملەكەتتىڭ ءتۇبىرلى زاڭىندىق رولىن اناعۇرلىم ويداعىداي ساۋلەلەندىرسەك، جۇڭگوشا سوتسياليستىك ءتۇزىمنىڭ ەرەكشەلىگى مەن باسىمدىعىن اناعۇرلىم ويداعىداي ساۋلەلەندىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى زاڭمەن اناعۇرلىم پارمەندى قامتاماسىزداندىرا الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار