پارتيا مەن مەملەكەت ىستەرىنىڭ دامۋىن نەگىزگى زاڭمەن پارمەندى قامتاماسىزداندىرايىق
2018.03.15 13:22 كەلۋ قاينارى : شينجياڭ گازەتى
− نەگىزگى زاڭعا وزگەرىس ەنگىزۋ جوباسىنىڭ ماقۇلدانۋى اۆتونوميالى رايونىمىزدا كۇشتى اڭىس قوزعادى
3 - ايدىڭ 11 - كۇنى تۇستەن كەيىن مەملەكەتتىك 13 - كەزەكتى حالىق قۇرىلتايى 1 - ءماجىلىسىنىڭ ءۇشىنشى جالپى جيىنىندا «جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسى» داۋىسقا سالىنىپ ماقۇلداندى. مەملەكەتتىك ەكى ماجىلىسكە قاتىناسقان مەملەكەتتىك حالىق قۇرىلتايىنىڭ رايونىمىزداعى ۋاكىلدەرى مەن مەملەكەتتىك ساياسي كەڭەستىڭ شينجياڭداعى مۇشەلەرى، سونداي - اق ءار ۇلت كادرلارى مەن جۇرتشىلىق ءبىر اۋىزدان بىلاي دەپ قارادى: بۇل −ءداۋىر جالپى جاعدايىنىڭ بەتالىسى، ىستەرىمىزدى دامىتۋدىڭ قاجەتى، پارتيا مەن حالىقتىڭ تىلەگى، مەملەكەتتى جاپپاي زاڭمەن جونگە سالۋدى ىلگەرىلەتۋدەگى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋداعى كەلەلى شارا. «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى نەگىزگى زاڭمەن پارمەندى قامتاماسىزداندىرۋ جونىنەن ماڭىزدى رەال مانگە جانە بولاشاقتىق تاريحي مانگە يە.
پارتيانىڭ قۋاتتاماسى مەن حالىق ەركىنىڭ وسكەلەڭ بىرلىگى
ۋاكىلدەر، مۇشەلەر جانە ءار ۇلت كادرلارى مەن جۇرتشىلىق بىلاي دەپ قارادى: مەملەكەت ءتوراعاسىنىڭ مىندەت وتەۋى جاعىنداعى قاتىستى بەلگىلەمەگە وزگەرىس ەنگىزۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا مەن مەملەكەت ىستەرىنىڭ قاي - قاشان دا دۇرىس بەتالىسپەن العا باسۋىنا شىنايى كەپىلدىك ەتۋ جونىنەن ماڭىزدى ءمان الادى.
مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق قورشاعان ورتانى قورعاۋ عىلمي ينستيتۋتى پارتكومىنىڭ ورىنباسار شۋجيى، ينستيتۋت باستىعى جارقىن اقات ۇلى: مەن نەگىزگى زاڭعا وزگەرىس ەنگىزۋ جوباسىن باتىل قولدايمىن، نەگىزگى زاڭعا وزگەرىس ەنگىزۋ جوباسى باسىم داۋىسپەن ماقۇلدانىپ، حالىقتىڭ تىلەگىن تولىق ايگىلەدى، - دەدى. ول بىلاي دەدى: مەملەكەت ءتوراعاسىنىڭ مىندەت وتەۋى جاعىنداعى قاتىستى بەلگىلەمەگە وزگەرىس ەنگىزۋ ەلىمىزدىڭ مەملەكەت جاعدايىنا ۇيلەسەتىن، پارتيا مەن مەملەكەتتىڭ باياندى تىنىشتىعىنا كەپىلدىك ەتەتىن تۇزىمدىك جوبا، پارتيا مەن مەملەكەتتىڭ باسشىلىق ءتۇزىمىن كەمەلدەندىرۋگە پايدالى، بۇل بۇكىل پارتيانىڭ، بۇكىل حالىقتىڭ، بۇكىل ارميانىڭ ورتاق ەركى مەن ورتاق تالابىنا ءتىپتى دە ۇيلەسەدى. وسى رەتكى نەگىزگى زاڭعا وزگەرىس ەنگىزۋ − پارتيامىزدىڭ زاڭ شىعارۋعا باسشىلىق ەتۋدەگى، زاڭنىڭ اتقارىلۋىنا كەپىلدىك ەتۋدەگى، ءادىليانى قولداۋداعى، زاڭعا باستاماشىلىقپەن بويسۇنۋداعى جاندى امالياتى، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋدىڭ جاندى بەينەسى. وسى رەتكى نەگىزگى زاڭعا وزگەرىس ەنگىزۋدە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بۇكىل ەلىمىزدەگى ءار ۇلت حالقىن باستاپ، اماليات بارىسىندا نازاريادا، امالياتتا، تۇزىمدە جاڭالىق اشۋ جاعىندا قول جەتكىزگەن جەتىستىكتەرى نەگىزگى زاڭعا ەنگىزىلەدى، بۇل پارتيا مەن مەملەكەت ىستەرىنىڭ دامۋ قاجەتىنە سايكەسەدى، قالىڭ حالىق بۇقاراسىنىڭ ءتۇبىرلى مۇددەسىنە ۇيلەسەدى.
جۇڭگوشا سوتسياليزم جاڭا داۋىرگە ءوتتى، مىنە بۇل ەلىمىز دامۋىنىڭ تىڭ تاريحي ورنى. ەلىمىزدىڭ نەگىزگى زاڭى، ءسوز جوق، پارتيانىڭ حالىققا باسشىلىق ەتىپ جۇڭگوشا سوتسياليزم قۇرۋ امالياتىنىڭ دامۋىمەن بىرگە ۇزدىكسىز كەمەلدەنۋى، دامۋى قاجەت. مەملەكەتتىك حالىق قۇرىلتايىنىڭ ۋاكىلى، شينجياڭ مۇناي الابى سەرىكتەستىگى لابوراتوريالىق تەكسەرىپ - زەرتتەۋ مەكەمەسى اشۋ - تاجىريبە ورتالىعىنىڭ اعا ينجەنەرى ادالەت ازەز بىلاي دەدى: نەگىزگى زاڭعا وزگەرىس ەنگىزۋ جوباسى پارتيانىڭ قۋاتتاماسى مەن حالىق ەركىنىڭ وسكەلەڭ بىرلىگىن ايگىلەدى، بۇكىل پارتيانىڭ، بۇكىل ارميانىڭ، بۇكىل ەلىمىزدەگى ءار ۇلت حالقىنىڭ ورتاق ارمانى مەن تىلەگىن بەينەلەدى. نەگىزگى زاڭعا وزگەرىس ەنگىزۋ ءدال كەزىندە جۇرگىزىلىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋداعى ساياسي پاراساتى مەن تاريحي جاۋاپكەرشىلىگىن ايگىلەدى، قوعامداعى ءار سالانىڭ ورتاق تانىمى مەن تىلەگىن ۇيىستىردى. نەگىزگى زاڭنىڭ بەدەلىن قادىرلەپ، نەگىزگى زاڭنىڭ اتقارىلۋىنا كەپىلدىك ەتكەندە عانا، مىعىم كۇشكە يە زاڭمەن جونگە سالۋ ارناسىندا مەملەكەتتىڭ باياندى تىنىشتىعىن جۇزەگە اسىرۋعا، گۇلدەندىرۋگە، دامىتۋعا بولادى، مەن باتىل قولدايمىن، تولىق قۇپتايمىن.
مەملەكەتتىك ساياسي كەڭەستىڭ شينجياڭداعى مۇشەسى، شينجياڭ كوركەمونەر تەاترحاناسى وپەرا ۇيىرمەسىنىڭ ارتيسى يۇكساك شيجاات بىلاي دەدى: وسى رەت نەگىزگى زاڭعا وزگەرىس ەنگىزۋ جوباسىنىڭ ماقۇلدانۋى ءبىز كۇتكەن ماڭىزدى ءىس. وسى رەت نەگىزگى زاڭعا وزگەرىس ەنگىزۋدە حالىقتىڭ ەركى اناعۇرلىم ويداعىداي بەينەلەنىپ، جۇڭگوشا سوتسياليستىك ءتۇزىمنىڭ باسىمدىعى اناعۇرلىم ايگىلەندى. ءبىز نەگىزگى زاڭعا وزگەرىس ەنگىزۋدى شىن جۇرەكتەن قولدايمىز، سونداي - اق الداعى قىزمەت جانە تۇرمىس بارىسىندا نەگىزگى زاڭدى ۇيرەنۋدى، ۇگىتتەۋدى ونان ارى كۇشەيتىپ، مەملەكەتتى زاڭمەن جونگە سالۋدىڭ مۇنان دا جوعارى دەڭگەيگە كوتەرىلۋىنە تيەسىلى ۇلەس قوسامىز.
نەگىزگى زاڭ پرينسيبىنە بويسۇنىپ، نەگىزگى زاڭداعى بورىشتى وتەيمىز
ۋاكىلدەر، مۇشەلەر جانە قالىڭ كادرلار مەن بۇقارا نەگىزگى زاڭعا وزگەرىس ەنگىزۋ جوباسىنىڭ باسىم داۋىسپەن ماقۇلدانۋىن باستاما ەتىپ، نەگىزگى زاڭ پرينسيبىنە سانالى تۇردە بويسۇنىپ، نەگىزگى زاڭ رۋحىن ساۋلەلەندىرىپ، نەگىزگى زاڭدى اتقارۋدى تاباندىلىقپەن مىقتى يگەرىپ، نەگىزگى زاڭداعى بەلگىلەمەلەر مەن پرينسيپتەردى جانە ونىڭ رۋحىن شىن مانىندە ناقتاپ تياناقتاندىراتىندىقتارىن ءبىلدىردى.
اۆتونوميالى رايوندىق حالىق پروكۋراتۋراسى ارىز - شاعىم باسقارماسىنىڭ ورىنباسار باستىعى گۇڭ رۇي بىلاي دەدى: وسى رەت نەگىزگى زاڭعا وزگەرىس ەنگىزۋ نەگىزگى زاڭنىڭ ارناعا ءتۇسۋ، جەتەكشىلىك ەتۋ، جەبەۋ، قامتاماسىزداندىرۋ رولىن ونان ارى ويداعىداي ساۋلەلەندىرەتىندىگى، ءسوزسىز، بۇل جاڭا داۋىردەگى پارتيا مەن حالىق ىستەرىنىڭ دامۋ قاجەتىنە ساي كەلىپ قانا قالماستان، نەگىزگى زاڭنىڭ، زاڭداردىڭ دامۋ زاڭدىلىعىنا دا ساي كەلەدى، بۇكىل ەلىمىزدەگى ءار ۇلت حالقىنىڭ ورتاق تىلەگىنە ابدەن ۇيلەسەدى، مەن ونى باتىل قولدايمىن. ءبىر پروكۋرور رەتىندە نەگىزگى زاڭنىڭ تاباندى سەنۋشىسى، امالياتتا ايگىلەۋشىسى، قولداۋشىسى بولىپ، نەگىزگى زاڭدى اتقارۋدى مىزعىماي مىقتى يگەرەمىن. نازاردى باس نىساناعا شوعىرلاندىرۋ، قوعام ورنىقتىلىعىن قورعاۋ، ەكونوميكانىڭ جوعارى ساپامەن دامۋىنا قىزمەت ەتۋ، قامتاماسىزداندىرۋ، مەملەكەتتى زاڭمەن جونگە سالۋ امالياتىن تەرەڭدەتۋ، ءادىليا ءتۇزىلىسى رەفورماسىن تىڭعىلىقتى ىلگەرىلەتۋ بارىسىندا قابىلەت - قارىمىمدى جوعارىلاتىپ، پروكۋراتۋرانىڭ ىسكەرلىگىن ايگىلەپ، شينجياڭنىڭ ورنىقتىلىق، دامۋ قىزمەتىندە جاڭا جاعداي اشۋعا تيەسەلى ۇلەس قوسامىن.
حوتان ايماقتىق ورتا حالىق سوتى مەكەمەسى پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى چىن جۇن بىلاي دەدى: نەگىزگى زاڭعا وزگەرىس ەنگىزۋ، نەگىزگى زاڭدى ونان ارى ويداعىداي اتقارۋ نەگىزگى زاڭنىڭ مەملەكەتتىڭ ءتۇبىرلى زاڭىندىق رولىن ونان ارى ويداعىداي ساۋلەلەندىرۋ ءۇشىن بولىپ تابىلادى. ءبىز وسى رەت نەگىزگى زاڭعا وزگەرىس ەنگىزۋدى وراي ەتىپ، نەگىزگى زاڭنىڭ رۋحىن اسقاقتاتىپ، نەگىزگى زاڭنىڭ اتقارىلۋىن مىقتى يگەرۋدى جاڭا داۋىردە مەملەكەتتى جاپپاي زاڭمەن جونگە سالۋداعى كورنەكتى ورىنعا قويىپ، نەگىزگى زاڭ تانىمىن مىقتاپ ورناتىپ، نەگىزگى زاڭداعى بورىشتى ادالدىقپەن وتەپ، نەگىزگى زاڭنىڭ بەدەلىن قورعاۋىمىز كەرەك.
ۋاكىلدەر، مۇشەلەر جانە ءار ۇلت كادرلارى مەن بۇقارا مىنالاردى ءبىلدىردى: نەگىزگى زاڭعا وزگەرىس ەنگىزۋ جوباسىنىڭ باسىم داۋىسپەن ماقۇلدانۋى حالىقتىڭ شىنايى قولداعاندىعىن تولىق ايگىلەدى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قۇدىرەتتى قوزعاۋشى كۇش جانە بەرىك كەپىلدىك ازىرلەيدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
