قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، «الاستاۋ»، «جەتىلدىرۋ»، «تومەندەتۋ» سىندى كەشەندى شارانى ويداعىداي اتقارايىق
2018.03.15 13:22 كەلۋ قاينارى : شينجياڭ گازەتى
تىلشىلەرىمىز شى شين، ياۋ تۇڭ، يۋان لەي
جۇڭگودا جاساۋدان جۇڭگو جاسامپازدىعىنا دەيىن، جۇڭگو جىلدامدىعىنان جۇڭگو ساپاسىنا دەيىن، جاساۋ جاعىنداعى ءىرى ەلدەن جاساۋ جاعىنداعى قۋاتتى ەلگە دەيىن. كىسىنى سۇيىندىرەتىن وسى وزگەرىستەر قامداۋ جاعىنداعى قۇرىلىمدىق رەفورمانى ىلگەرىلەتۋدىڭ ماڭىزدى ءمانىن كورنەكتىلەندىرۋدە.
«ەكونوميكانى دامىتۋدىڭ كۇش سالۋ ءتۇيىنىن ناقتى ەكونوميكاعا اۋدارۋدان جازباي، <ءۇشتى ازايتۋ، ءبىردى تومەندەتۋ، ءبىردى تولىقتاۋدى> ءۇرتىس ويداعىداي يگەرىپ، ۇكىمەت قۇرىلىمدارىن ىقشامداپ، باجىنى، اقىنى تومەندەتۋدى ىلگەرىلەتىپ، تيجارات، ساۋدا ورتاسىن ۇزدىكسىز جاقسارتىپ، بازار سۋبيەكتىنىڭ ومىرشەڭدىك كۇشىنە اناعۇرلىم دەم بەرىپ، ەكونوميكانىڭ دامۋ ساپاسىن جوعارىلاتۋ كەرەك». ۇكىمەت قىزمەتىنەن باياندامادا قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتۋ جونىندە ايقىن ورنالاستىرۋ جاسالدى.
قايتكەندە ۇتىمسىز قامداۋدى ۇزدىكسىز الاستاپ، جاڭا قوزعالىس ەنەرگياسىن دامىتۋعا، زورايتۋعا بولادى؟ قايتكەندە كاسىپورىنداردىڭ اۋىرتپالىعىن جەڭىلدەتىپ، كاسىپورىنداردىڭ جەڭىل اتتانۋىنا مۇمكىندىك جاساۋعا بولادى؟ بىرنەشە كۇننەن بەرى، مەملەكەتتىك ەكى ماجىلىسكە قاتىناسقان مەملەكەتتىك حالىق قۇرىلتايىنىڭ رايونىمىزداعى ۋاكىلدەرى، مەملەكەتتىك ساياسي كەڭەستىڭ شينجياڭدا تۇراتىن مۇشەلەرى قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتۋ جونىندە قىزۋ تالقى ورىستەتتى.
«الاستاۋ» − ۇتىمسىز قامداۋدى ۇزدىكسىز جويۋ
ءزۇمرات وبۇل
مەملەكەتتىك حالىق قۇرىلتايىنىڭ ۋاكىلى، قۇمىل قالالىق پارتكومنىڭ ورىنباسار شۋجيى، قالا باستىعى
بيىلعى ۇكىمەت قىزمەتىنەن باياندامادا مىنالار العا قويىلدى: ۇتىمسىز قامداۋدى ۇزدىكسىز الاستاۋ كەرەك. بازارلاندىرۋ، زاڭمەن جونگە سالۋ شاراسىنان جازباي، ورتانى قورعاۋ، ساپا، حاۋىپسىزدىك سياقتى زاڭ - ەرەجەلەردى قاتاڭ اتقارىپ، ارتىق ءوندىرىس قۋاتىن باسەڭدەتۋ، مەشەۋ ءوندىرىس قۋاتىن قاتاردان قالدىرۋ كەرەك.
مەملەكەتتىك حالىق قۇرىلتايىنىڭ ۋاكىلى، قۇمىل قالالىق پارتكومنىڭ ورىنباسار شۋجيى، قالا باستىعى ءزۇمرات وبۇل بىلاي دەدى: تاياۋ جىلداردان بەرى، ءبىز قامداۋ جاعىنداعى قۇرىلىمدىق رەفورمانى تەرەڭدەتىپ، «ءۇشتى ازايتۋ، ءبىردى تومەندەتۋ، ءبىردى تولىقتاۋدى» ىلگەرىلەتتىك، سونىمەن بىرگە، قارجى قوسۋ، قارجى قۇراۋ ءتۇزىلىس - مەحانيزمىن جاڭالاپ، قازىنا - باجى، فينانس ءتۇزىلىسى رەفورماسىن تەرەڭدەتىپ، تيجارات باجىسىن ارتقان قۇن باجىسىنا وزگەرتۋ سىناق ءتۇيىنىن جاپپاي ىلگەرىلەتىپ، ءتۇيىندى سالالاردىڭ باعا رەفورماسىن تەرەڭدەتتىك، ءبىر قىدىرۋ شارالار ارقىلى كاسىپتەردىڭ دامۋىنا ءورىس اشىپ، دامۋ ورايىنا قول جەتكىزدىك.
بيىل قۇمىل قالاسى كومىر، ەلەكتر، جاڭا ەنەرگيالى جابدىق جاساۋ سياقتى ءداستۇرلى كاسىپ تەحنيكاسىن جاڭالاۋ ۇسىنىلىمىن ءتۇيىندى ارتتىرىپ، ءونىم ءوندىرۋ دەڭگەيى، تەحنولوگيالىق جابدىق دەڭگەيى، ەنەرگيانىڭ ورتانى قورعاۋ دەڭگەيى سياقتىلاردى جوعارىلاتىپ، كاسىپ جەلىسىن ۇزارتادى.
«ارتىق ءوندىرىس قۋاتىن باسەڭدەتۋ، مەشەۋ ءوندىرىس قۋاتىن قاتاردان قالدىرۋ» سىندى «قيىن تۇيىندەردەن قامال الۋ» جونىندە مەملەكەتتىك حالىق قۇرىلتايىنىڭ ۋاكىلى، بايىنعولين موڭعۇل اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى پۇربە تۇگجەجاپتىڭ ءوز ەسەبى بار.
بىلتىر بايىنعولين وبلىسى 6 شاعىن كومىر كەنىن جاپتى، 420 مىڭ توننا مەشەۋ ءوندىرىس قۋاتىن قاتاردان قالدىردى، «تاياقشا بولات» وندىرەتىن كاسىپورىننان تورتەۋىن كۇشىنەن قالدىردى، حىبەي ولكەسىنە ءبىر ميلليارد 200 ميلليون كيلوۆات - ساعات ەلەكتر جەتكىزدى.
پۇربە تۇگجەجاپ بىلاي دەدى: ءبىز بيىل بازارلاندىرۋ، زاڭمەن جونگە سالۋ شاراسىنان جالپىلىق پايدالانىپ، بولات - تەمىر، كومىر، كومىر ەلەكتر قاتارلى كاسىپتەردىڭ ارتىق جانە مەشەۋ ءوندىرىس قۋاتىن باسەڭدەتۋدى ۇزدىكسىز ىلگەرىلەتىپ، قول جەتكەن ناتيجەلەردى بەكەمدەپ، قايتا باس كوتەرۋدى باتىل اۋىزدىقتايمىز. سونىمەن بىرگە، «ءداستۇرلى كاسىپتەردىڭ ساپاسىن جوعارىلاتۋ، جاڭادان كوركەيگەن كاسىپتەردىڭ دامۋىن تەزدەتۋ، وسى زامانعى قىزمەت كورسەتۋ كاسىبىنىڭ دەڭگەيىن جوعارىلاتۋ» سىندى «3 ۇلكەن ينجەنەريانى» بارىنشا اتقارىپ، جۇڭگو - پاكيستان ەكونوميكالىق ءدالىزى جالپىلىق دەمەۋ رايونىن قۇرۋدى تەزدەتىپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، ەكونوميكانىڭ باياندى، ورنىقتى، اقاۋسىز دامۋىن جەبەيمىز.
ۇتىمسىز قامداۋدى قالاي «الاستاۋ» كەرەك؟ مەملەكەتتىك ساياسي كەڭەستىڭ شينجياڭدا تۇراتىن مۇشەسى، شينجياڭ جاڭا ەنەرگيا (توبى) شەكتى سەرىكتەستىگى پارتكومىنىڭ شۋجيى، باس جورا ۋ گاڭ بىلاي دەدى: ۇكىمەتتىڭ رەتتەۋ رولىن ويداعىداي ساۋلەلەندىرىپ، ۇتىمسىز بايلىقتى بىرلەستىرىپ جانە جانداندىرىپ، قامداۋ مەن قاجەتسىنۋدىڭ تەپە - تەڭدىگى ماسەلەسىن ءتۇزىلىس - مەحانيزم جاعىنان شەشۋ كەرەك. سونىمەن بىرگە، ورتانى قورعاۋ، حاۋىپسىزدىك، ساپا سياقتى ولشەمدەردى قاتايتىپ، كاسىپورىنداردى شەكتەمەلەردى الاستاپ، تۇبەگەيلى وزگەرتۋگە جەتەلەپ، جاڭادان كوركەيگەن كاسىپتەردىڭ دامۋىنا ءورىس ازىرلەۋ كەرەك.
«جەتىلدىرۋ» − جاڭا ەنەرگيانى دامىتۋ، زورايتۋ
پۇربە تۇگجەجاپ
مەملەكەتتىك حالىق قۇرىلتايىنىڭ ۋاكىلى، بايىنعولين موڭعۇل اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى
«كونەنى الاستاۋ» «جاڭانى جەتىلدىرۋ» ءۇشىن بولىپ تابىلادى، كاسىپتەردى رەتتەۋ شارا عانا، ساپانى جوعارىلاتىپ، ونىمدىلىكتى ارتتىرۋ ماقسات، جاڭا ەنەرگيا دامۋدىڭ جاڭا ورىسىنە تىرەك بولۋدا.
«جاڭا شارۋاشىلىقتاردى، جاڭا قوزعاۋشى كۇشتەردى، جاڭا ارتۋ ۇيەكتەرىن بار كۇشپەن جەتىلدىرىپ، وسى زامانعى جابدىقتاۋ - جاساۋ ونەركاسىبىن دامىتىپ، جاڭا ماتەريالدار، بيولوگيالىق ءدارى - دارمەك، ەلەكتروندىق ينفورماتسيا، ەنەرگيا ۇنەمدەپ، قورشاعان ورتانى قورعاۋ سياقتى جاڭادان كوركەيگەن شارۋاشىلىقتاردى دامىتىپ، وسى زامانعى قىزمەت كورسەتۋ سالاسىن دامىتۋ كەرەك» − باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ تالقسىنا قاتىناسقاندا ىشكى موڭعۇلدىڭ جوعارى ساپالى دامۋىنا كورسەتكەن وسى تاماشا شاراسى ءزۇمرات وبۇلدى قاتتى اسەرلەندىردى. ول بىلاي دەدى: كاسىپ سالاسىن تۇلەتىپ، دارەجەسىن كوتەرۋ، كونە - جاڭا ەنەرگيانى اۋىستىرۋ مىندەتى جاپالى قۇمىل جونىنەن باس شۋجي ءبىزدىڭ كوڭىلىمىزدەگىنى ايتتى.
ءزۇمرات وبۇل بىلاي دەدى: كونە - جاڭا ەنەرگيانى ۇزدىكسىز اۋىستىرۋ دەڭگەيىن جاڭالاپ جاتقان شينجياڭ ەكونوميكاسىن سارقىلماس جاڭا قوزعالىس ەنەرگياسىمەن قامداۋدا. ۇكىمەت قىزمەتىنەن بايانداماداعى جاڭا ەنەرگيانى دامىتۋ، زورايتۋ، جاساۋ جاعىنداعى قۋاتتى ەل قۇرۋدى تەزدەتۋگە ساياتىن مازمۇندار ەرەكشە جان - جاقتى باياندالىپ، قۇمىلدىڭ الداعى دامۋىنا ايقىن بەتالىس كورسەتتى.
ەكونوميكادا جاڭا ەنەرگيا جەتىلدىرۋدەگى وزەك − جاڭالىق اشۋ.
سوڭعى جىلداردان بەرى، جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا تۇرتكى بولۋ تاجىريبە رايونى، «ءۇرىمجى - سانجى - شىحىزى» مەملەكەتتىك دەربەس جاڭالىق اشۋدان ۇلگى كورسەتۋ رايونى قۇرىلىسىندا تىڭ ىلگەرىلەۋشىلىككە ۇزدىكسىز قول جەتكىزدى؛ تۇتاس قوعامدا «كوپ بولىپ شارۋاشىلىق قۇرۋ، جالپى قاۋىم بولىپ جاڭالىق اشۋ» قارىشتاپ دامىدى؛ جاڭالىق اشۋ تابىستارى، جاڭالىق اشۋ نىساندارى كاسىپ سالاسىمەن جانە ناقتى ءوندىرىس قۋاتىمەن بارعان سايىن تىعىز ۇلاستى.
ءزۇمرات وبۇل بىلاي دەپ تانىستىردى: قۇمىل قالاسى جاڭالىق اشۋ ارقىلى دامۋعا تۇرتكى بولۋدى زور كۇشپەن ىلگەرىلەتىپ، جاڭادان وركەندەگەن كاسىپ سالاسىنىڭ قارجى قوسۋ كولەمىن ۇزدىكسىز كەڭەيتىپ، وسى زامانعى كاسىپ سالاسى جۇيەسى قۇرىلىسىن جەبەپ، سانتاڭحۋ مەن نوم ۋنيۆەرسال ەنەرگيا بازاسىن اشۋدى قۇمىلدىڭ ەكونوميكالىق دامۋىنا تۇرتكى بولاتىن جاڭا موتورعا اينالدىرىپ، مەملەكەتتىڭ «13 - بەسجىلدىق» جوبا مەزگىلىندەگى وسى زامانعى كومىر حيميا ونەركاسىبى ۇلگى كورسەتۋ بازاسى قاتارىنا ەنۋگە قۇلشىنادى.
پۇرجە تۇگجەجاپتىڭ قاراۋىنشا، جاڭا ەنەرگيا ساپانى جوعارىلاتۋ ارەكەتىنەن باستاۋ الادى. ولشەمدى جەتەكتەۋگە تاباندى بولىپ، قامداۋ جاعىنداعى ساپا مەن ونىمدىلىكتى ۇزدىكسىز جوعارىلاتۋ كەرەك. جاعراپيالىق بەلگىسى بار تاۋار ماركالارىن تىركەۋگە الدىرۋدى جەتىلدىرۋ تەبىنىن بارىنشا ارتتىرىپ، ءبىرشاما جوعارى اتاعى مەن ىقپالى بار ايگىلى تاۋار ماركاسىن جاراتۋ كەرەك.
جاڭا ەنەرگيا دا جاڭا تەحنيكادان، جاڭا ۇلگىدەن، جاڭا قالىپتان كەلەدى. ۋ گاڭ: ينتەرنەتتىڭ، ءىرى ساندى مالىمەتتىڭ، جاساندى زەردەنىڭ ناقتى ەكونوميكامەن تەرەڭ توعىسۋىن بەلسەنە ىلگەرىلەتىپ، تەڭ يگىلىككە كەنەلەتىن ەكونوميكا، سيفرلى ەكونوميكا، وسى زامانعى قامداۋ - قاجەتسىنۋ تىزبەگى سياقتى جاڭا قالىپتى، جاڭا ۇلگىنى جەتىلدىرىپ، اناعۇرلىم كوپ جاڭا ەنەرگيانى تۇلعالاۋ كەرەك، - دەدى.
بۇل ءۇشىن، جينفىڭ عىلىم - تەحنيكا سەرىكتەستىگى سيفرلانعان تۇلەتۋ ينجەنەرياسىن بەلسەنە ورىستەتتى. بيىل ءۇرىمجى ەكونوميكالىق، تەحنيكالىق اشۋ رايونىندا (توۋتۇنحى رايونى) جينفىڭ عىلىم - تەحنيكا باقشاسىن سەلبەسىپ قۇرۋمەن بىرگە، دارەجە اتتاعان ەسەپتەۋ ورتالىعى مەن جاساندى زەردە تاجىريبە ورتالىعىن قۇرىپ، تۇتاس سەرىكتەستىك بويىنشا سيفرلاندىرىپ تۇلەتۋدى جوسپارلاعان. «ءبىز 3 جىل ۋاقىت جۇمساپ، <سيفرلانعان جينفىڭ> قۇرۋ ارقىلى ونىمدەردىڭ ساپاسىن، باسقارۋ ورەسىن جانە بازاردىڭ باسەكەلىك قۋاتىن جوعارىلاتامىز»، - دەدى مۇشە ۋ گاڭ.
«تومەندەتۋ» − كاسىپورىنداردىڭ اۋىرتپالىعىن جەڭىلدەتۋ
ۋ گاڭ
مەملەكەتتىك ساياسي كەڭەستىڭ مۇشەسى، شينجياڭ جاڭا ەنەرگيا (توبى) شەكتى سەرىكتەستىگى پارتكومىنىڭ شۋجيى، باس جورا
ۇكىمەت قىزمەتىنەن باياندامادا: «ۇكىمەتتى ىقشامداۋ، ۇقىقتى تومەنگە بەرۋ، باسقارۋ مەن ۇقىقتى تومەنگە بەرۋدى ۇشتاستىرۋ، ساپالى قىزمەت كورسەتۋ رەفورماسىن تەرەڭدەتىپ، كاسىپورىنداردىڭ باجى اۋىرتپالىعىن ونان ارى جەڭىلدەتۋ، كاسىپورىنداردى جەڭىلدەتىپ بازارعا بەت الدىرۋ كەرەك» دەپ العا قويىلدى.
ساندى مالىمەتتە كورسەتىلۋىنشە، 2017 - جىلى «ۇكىمەتتى ىقشامداۋ، ۇقىقتى تومەنگە بەرۋ، باسقارۋ مەن ۇقىقتى تومەنگە بەرۋدى ۇشتاستىرۋ، ساپالى قىزمەت كورسەتۋدى» تەڭ باسقارىپ، 127 نىساندى تومەنگە بەرگەن، كۇشىنەن قالدىرعان جانە تاپسىرعان. تۇتاس اۆتونوميالى رايون بويىنشا ۇكىمەتتىك باعانى نەمەسە جەتەكشى باعانى بەكىتكەن كاسىپورىنداردىڭ شارۋاشىلىققا، قىزمەت كورسەتۋگە ساياتىن اقى الۋ تۇرلەرىنىڭ قىسقارۋ مولشەرى %45.2كە جەتكەن. ۇكىمەت ۇقىعىنىڭ «ازايتىلۋى» بازاردىڭ ومىرشەڭدىك كۇشىنىڭ «ارتۋىنا» تۇرتكى بولعان، 2017 - جىلى شينجياڭدا ورتا ەسەپپەن ءار كۇنى 708 بازار سۋبيەكتى جارىققا شىققان.
ءزۇمرات وبۇل بىلاي دەدى: ۇكىمەت قىزمەتىنەن باياندامادا ورتاعا قويىلعان «ۇكىمەتتى ىقشامداۋ، ۇقىقتى تومەنگە بەرۋ، باسقارۋ مەن ۇقىقتى تومەنگە بەرۋدى ۇشتاستىرۋ، ساپالى قىزمەت كورسەتۋ» رەفورماسىن تەرەڭدەتىپ، كاسىپورىنداردىڭ باجى سالماعىن جەڭىلدەتۋ، كاسىپورىنداردىڭ باجىعا جاتپايتىن اۋىرتپالىعىن جەڭىلدەتۋ سياقتى ناقتى شارالار ارقىلى ساۋدا ورتاسىن ساپالىلاندىرىپ، حالىق باسقارۋىنداعى كاسىپورىنداردىڭ دامۋى ءۇشىن تاماشا جاعداي جاسالدى. مەن مەملەكەت بار كۇشپەن قولداسا، وعان حالىق باسقارۋىنداعى كاسىپورىنداردىڭ وزىندىك قۇلشىنىسى قوسىلسا، حالىقتىق شارۋاشىلىقتىڭ جاڭا داۋىردە، ءسوز جوق، جاڭا ناتيجەلەر جاراتاتىندىعىنا كامىل سەنەمىن.
پۇربە تۇگجەجاپ بىلاي دەدى: ءتۇزىم سيپاتتى ايىرباستىڭ وزىندىك قۇنى مەن ءتۇيىندى ءوندىرىس فاكتورلارىنىڭ وزىندىك قۇنىن تومەندەتۋ جاعىنا كۇش سالۋ كەرەك. «ۇكىمەتتى ىقشامداۋ، ۇقىقتى تومەنگە بەرۋ، باسقارۋ مەن ۇقىقتى تومەنگە بەرۋدى ۇشتاستىرۋ، ساپالى قىزمەت كورسەتۋ» رەفورماسىن تەرەڭدەتىپ، كاسىپورىنداردىڭ ونىمدىلىگىن كەڭ كولەمدە جوعارىلاتقاندا، وزىندىك قۇن بارىنشا تومەندەيدى، «تەك ءبىر ەسىكتەن كىرۋ»، «كوپ بولعاندا ءبىر رەت جۇگىرۋ»، ساۋدا ورتاسىن ساپالىلاندىرۋ وندىرگىش كۇشتى ازات ەتىپ، باسەكەلىك قۋاتتى جوعارىلاتادى.
ۋ گاڭ بىلاي دەدى: مەملەكەت ءتيىمدى، جاقسى ساياساتتاردى شىعاردى، كاسىپورىندار نازارىن ۇكىمەتتىڭ باجى مولشەرىن ازايتۋعا، اقى مولشەرىن تومەندەتۋگە شوعىرلاندىرا بەرمەۋى كەرەك. مۇندا ىشكى قوزعاۋشى كۇشتى جانداندىرۋ نەگىز بولادى. كاسىپورىندار باسقارۋ قابىلەتى مەن ورەسىن وسىرگەندە عانا، بازار باسەكەسىندە جەڭىلمەس ورىندا تۇرا الادى.
ۋ گاڭ بىلاي دەدى: بيىل جينفىڭ عىلىم - تەحنيكا سەرىكتەستىگى باسقارۋ جاعىندا ءبىرسىپىرا جاڭالىق اشىپ، ينتەرنەتتىك وي جۇگىرتۋدەن تولىق پايدالانىپ، كاسىپورىننىڭ بۇرىنعى پراميدا ۇلگىسىندەگى باسقارۋ، ۇيىمداستىرۋ جۇلگەسىن اناعۇرلىم جانداندىرادى. ءبىز كوپشىلىكتىڭ ءوزارا بايلانىس جاساپ، قىزمەت ىستەۋىن دارىپتەيمىز، بىلايشا ايتقاندا، تاراۋ، كاسىپ بىرلىگىن اتتاعان ينفورماتسيانى ءبىر كاسىپتىك تۇعىرعا قويىپ، كوپشىلىكتىڭ ونان ورتاقتاسۋىنا مۇمكىندىك جاساۋ ارقىلى باسقارۋ ونىمدىلىگىن جوعارىلاتۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
