ۋاڭ ياڭ مەملەكەتتىك ساياسي كەڭەستىڭ ءتوراعالىعىنا سايلاندى
2018.03.16 14:27 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى. جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋ ساپارىندا، حالىق ساياسي كەڭەس كەزەك اۋىسۋدى تاعى ءبىر رەت ءساتتى ورىندادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ ياڭ 3 - ايدىڭ 14 - كۇنى تۇستەن كەيىن وتكىزىلگەن ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ ءتورتىنشى جالپى جيىنىندا مەملەكەتتىك ساياسي كەڭەستىڭ ءتوراعالىعىنا سايلاندى، جالپى جيىن سونىمەن بىرگە مەملەكەتتىك ساياسي كەڭەستىڭ 24 ورىنباسار ءتوراعاسىن سايلاپ شىقتى.
سايلاۋ ناتيجەسى جاريالاناردىڭ الدىندا، ساياسي كەڭەس مەملەكەتتىك 12 - كەزەكتى كوميتەتىنىڭ ءتوراعاسى يۇي جىڭشىڭ ءماجىلىس زالىنا كەلىپ، سايلانۋ الدىندا تۇرعان جاڭا كەزەكتى ساياسي كەڭەس مەملەكەتتىك كوميتەتىنىڭ تۇراقتى كوميتەتىن قۇتتىقتادى. ساعات 17دەن 15 مينۋت وتكەندە، جيىن باسقارۋشى ۋاڭ ياڭنىڭ ساياسي كەڭەس مەملەكەتتىك 13 - كەزەكتى كوميتەتىنىڭ ءتوراعاسى بولىپ سايلانعانىن جاريالاعاندا، يۇي جىڭشىڭ مەن ۋاڭ ياڭ قىزۋ مەرەيمەن قول الىستى. بۇكىل زالدى ۇزاققا دەيىن دۋ قول شاپالاق ءۇنى كەرنەدى.
ساياسي كەڭەس مەملەكەتتىك 13 - كەزەكتى كوميتەتىنىڭ وسى جولعى جالپى جيىندا سايلانعان ورىنباسار ءتوراعالارى: جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ.
جالپى جيىن شيا باۋلۇڭدى ساياسي كەڭەس مەملەكەتتىك 13 - كەزەكتى كوميتەتىنىڭ باس حاتشىلىعىنا سايلادى ءارى ساياسي كەڭەس مەملەكەتتىك 13 - كەزەكتى كوميتەتىنىڭ 300 تۇراقتى مۇشەسىن سايلادى.
جالپى جيىن ساعات 15تە حالىق سارايىندا وتكىزىلدى. جالپى جيىنعا جاڭ چيڭلي، دۇڭ جيانحۋا، حى حوۋحۋا، لياڭ جىنيىڭ اتقارۋشى ءتوراعا بولدى. جالپى جيىندى جاڭ چيڭلي باسقاردى. ساياسي كەڭەس مەملەكەتتىك 13 - كەزەكتى كوميتەتىنىڭ مۇشەسى 2158، بۇگىنگى جالپى جيىنعا 2144 مۇشە قاتىناستى، بۇل سايلاۋ بەلگىلەمەسىندەگى ادام سانىنا ۇيلەسەدى.
سايلاۋ باستالاردىڭ الدىندا، جيىننىڭ باسقارۋشىسى الدىمەن قىزمەتكەرگە باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگىن وقۋدى بۇيىردى. باس بەلەت باقىلاۋشى، بەلەت باقىلاۋشىلار دەرەۋ ورىندارىنا جايعاستى، بەلەت باقىلاۋشىلار بۇكىل زالداعى 23 بەلەت ساندىعىنىڭ جاعدايىن تەكسەردى. 2 باس بەلەت باقىلاۋشى جالپى جيىنعا تەكسەرۋ ناتيجەسىن مالىمدەدى.
ودان سوڭ قىزمەتكەرلەر سايلاۋ بەلەتىن تاراتتى. سايلاۋ بەلەتى ەكى ءتۇرلى، ياعني ءتوراعانى، ورىنباسار ءتوراعالاردى، باس حاتشىنى سايلاۋ بەلەتى جانە تۇراقتى مۇشەلەردى سايلاۋ بەلەتى.
ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ سايلاۋ ادىسىنە ساي، جالپى جيىننىڭ سايلاۋىندا جاسىرىن بەلەت تاستاۋ ءادىسى قولدانىلدى. ءتوراعا، ورىنباسار ءتوراعالار، باس حاتشى جانە تۇراقتى مۇشەلەر تەڭ سانمەن سايلاۋ ءادىسى ارقىلى سايلاناتىن ءارى بارلىق مۇشەنىڭ جارتىسىنان كوبىنىڭ داۋىسىنا يە بولعان كانديداتتار سايلاناتىن بولدى. قىزمەتكەر سايلاۋ بەلەتىن تولتىرۋ تالاپتارىن وقىعان سوڭ، مۇشەلەر بەلەتتى تولتىرا باستادى. بەلەت تاستاۋ باستالدى. باس بەلەت باقىلاۋشى، بەلەت باقىلاۋشىلار ورىندارىنا جايعاستى ءارى الدىمەن بەلەت تاستادى. مۇشەلەر وتىرعان ورىندارىنا قاراي بەلگىلەنگەن بەلەت ساندىقتارىنا بەلەت تاستادى.
قىزمەتكەرلەر جينالعان سايلاۋ بەلەتىن ساناپ بولعان سوڭ، باس بەلەت باقىلاۋشى جيىن باسقارۋشىعا بەلەت ناتيجەسىنىڭ مالىمەتىن تاپسىردى. جيىن باسقارۋشى سايلاۋدىڭ كۇشكە يە ەكەنىن جاريالادى.
بەلەت ساناۋ اياقتالىپ، قىزمەتكەر سايلاۋ بەلەتىنىڭ ناتيجەسىن وقىدى. سايلاۋ ناتيجەسى ءتوراعا، ورىنباسار ءتوراعالار، باس حاتشى جانە تۇراقتى مۇشەلەردىڭ 325 كانديداتىنىڭ يە بولعان بەلەت سانىنىڭ جالپى مۇشەلەر سانىنىڭ جارتىسىنان اسقانىن، بارلىعىنىڭ سايلانعانىن كورسەتتى.
مەملەكەتتىك ساياسي كەڭەستىڭ جاڭادان سايلانعان ءتوراعاسىنىڭ، ورىنباسار ءتوراعالارىنىڭ ورتاشا جاس شاماسى 64 جاس. ورىنباسار ءتوراعالاردىڭ اراسىندا جۇڭگو كوممۋنيستىك پارتياسىنىڭ مۇشەسى 11 ادام، جۇڭگو كوممۋنيستىك پارتياسىنىڭ مۇشەسى ەمەس 13 ادام، از ۇلت قايراتكەرلەرى 4 ادام، ايەل 2 ادام. جاڭادان سايلانعان تۇراقتى مۇشەلەردىڭ ورتاشا جاس شاماسى 3.59 جاس، بۇلاردىڭ اراسىندا جۇڭگو كوممۋنيستىك پارتياسىنىڭ مۇشەسى ەمەستەر 195 ادام بولىپ %65تى ۇستادى؛ از ۇلت قايراتكەرلەرى 33 ادام؛ ايەلدەر 39 ادام.
بۇكىل زالداعى مۇشەلەر جاڭا كەزەكتى ساياسي كەڭەس مەملەكەتتىك كوميتەتى تۇراقتى كوميتەتىن دۋ قول شاپالاق سوعىپ قۇتتىقتادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
