تيانشان الابىندا تاماشا تۇرمىستىڭ جاڭا كارتيناسى كەسكىندەلدى
2018.03.19 14:39 كەلۋ قاينارى : شينجياڭ گازەتى
ءتىلشىمىز لي چۇنشيا
كوكتەم كىرىپ، كۇن جىلىمىق تارتىپ، تىرشىلىك اتاۋلىعا تىڭ تىنىس كىردى. 3 - ايدىڭ 5 - كۇنى. ماكىت اۋدانى عازكول اۋىلى قاماكول قىستاعىنىڭ تۇرعىنى ابدۇۋالي ابدۇرۇسۇل تراكتورىمەن ەگىس اتىزىندا قاربالاس جۇمىس ىستەپ جاتىر. «8 مۋلىق ءبيداي اتىزىما تىڭايتقىش بەرىپ بولدىم. قازىر باسقالارعا كومەكتەسىپ تىڭايتقىش شاشىپ، كۇنىنە نەشە 100 يۋان كىرىس تابامىن. پارتيانىڭ حالىققا ءتيىمدى ساياساتى جاقسى. بيىل تاعى دا مول ءونىم جىلى بولارى داۋسىز. ءبىز بۇقارانىڭ تۇرمىسى بارعان سايىن ۇمىتكە تولى ءارى بارعان سايىن باقىتتى بولماق!»، - دەيدى ابدۇۋالي قۋانا.
«حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز». شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە اۆتونوميالى رايوندىق پارتكوم مەن حالىق ۇكىمەتى حالىقتى وزەك ەتكەن دامۋ يدەياسىن ءتۇرلى قىزمەتتەرمەن ساباقتاستىرىپ، ناقتى ءادىس - شارا قولدانىپ، ناقتى ىستەر تىندىرىپ، حالىق تۇرمىسىن جاقسارتۋدىڭ تەتىگىن كۇش سالا يگەرىپ، دەنساۋلىقتى تەگىن تەكسەرۋ، «قوس ءتىل» وقۋ - اعارتۋى، جۇمىسقا ورنالاسۋدى، شارۋاشىلىق قۇرۋدى ءتۇرلى ارنامەن جەبەۋ سياقتىلاردى ءتۇيىن ەتكەن حالىققا ءتيىمدى ينجەنەريانى تىڭعىلىقتى جۇرگىزىپ، ءار ۇلت حالقىنىڭ تابىس سەزىمى، باقىت سەزىمى ۇزبەي كۇشەيىپ، تيانشان الابىندا ءار ۇلت حالقى الاڭسىز تىرشىلىك ەتكەن، جاراسىمدى، باقىتتى بەينە جارىققا شىقتى.
حالىق تۇرمىسى جاعىنداعى مول تابىس −
«حالىققا ءتيىمدى 9 ينجەنەريا» حالىق تۇرمىسىنا تيىمدىلىك اكەلدى
2 - ايدىڭ 28 - كۇنى فۋكاڭ قالاسى فۋشي ونەركاسىپ باقشا رايونىنداعى وۋليكى جۇڭليان سۋلياۋ شەكتى سەرىكتەستىگىنىڭ ءوندىرىس سەحىندا ياركەن اۋدانىنان كەلگەن ءادىل ابدوللا ەسىمدى جۇمىسشى توننالىق داعار ءوندىرۋ جۇمىسىمەن قاربالاستاپ جاتىر ەكەن. قاشقار، حوتان ايماقتارىنىڭ قالا، اۋىلدارىنداعى ارتىق ەڭبەككۇشتەردى ۇيىمدى تۇردە باسقا سالاعا ويىستىرىپ جۇمىسقا ورنالاستىرۋداي ابزال ساياساتتىڭ ارقاسىندا بىلتىر 10 - ايدىڭ سوڭىندا ءادىل مەن ايەلى فۋكاڭ قالاسىنا كەلىپ، كاسىپورىنعا جۇمىسقا ورنالاسىپ، شارۋادان جۇمىسشىعا اينالدى. «ايىنا كەم دەگەندە 4000 يۋان ەڭبەكاقى الامىن. وتكەن ايدا ايەلىم ەكەۋىمىزدىڭ ەڭبەكاقىمىزدى قوسقاندا 8500 يۋان بولدى»، - دەيدى ءادىل قۋانا.
«حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىزدان» «حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزبەي كۇشەيتۋگە، جالپى حالىقتىڭ بىرگە بايۋىن ۇزدىكسىز ىلگەرىلەتۋگە» دەيىن اۆتونوميالى رايوندىق پارتكوم مەن حالىق ۇكىمەتى باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءار ۇلت بۇقاراسىنىڭ مۇڭ - مۇقتاجىن قاشاندا كوكەيدە بەرىك ساقتاپ، 2017 - جىلى «حالىققا ءتيىمدى 9 ينجەنەريانى» ۇزدىكسىز ىلگەرىلەتىپ، حالىق تۇرمىسىنا قاتىستى ىستەردى جەدەل دامىتىپ، ءار ۇلت بۇقاراسىنا پارتيانىڭ قامقورلىعى مەن مەيىر - شاپاعاتىن شىنايى سەزىندىردى، حاۋىپسىزدىك پەن باقىت سەزىمىن كۇشەيتتى .
− رايونىمىزدىڭ قالا - قالاشىقتارىندا جاڭادان 470 مىڭ ادام جۇمىسقا ورنالاستى. اۋىل - قىستاقتارداعى ارتىق ەڭبەككۇشتەن 2 ميلليون 750 مىڭ ادام - رەت باسقا سالاعا ويىسىپ جۇمىسقا ورنالاستى. قاشقار، حوتان ايماقتارىندا 3 جىلدا 100 مىڭ ادامدى ۇيىمدى تۇردە باسقا سالاعا ويىستىرىپ جۇمىسقا ورنالاستىرۋ جوباسى اتقارىلدى. قالا، اۋىلدارداعى ارتىق ەڭبەككۇشتەن 47 مىڭ ادام باسقا سالاعا ويىسىپ جۇمىسقا ورنالاسىپ، جاڭا تۇرمىسىن باستادى؛
− كوپ ساتىلى، اناعۇرلىم ءادىل، اناعۇرلىم باياندى قوعامدىق قامتاماسىزداندىرۋ جۇيەسى ورناپ، قالا، اۋىل تۇرعىندارىنىڭ نەگىزگى ەمدەلۋىن قامسىزداندىرۋ ءتۇزىمىنىڭ بىرىكتىرىلۋىن جانە ولكەلەر ارا باسقا جەردە ەمدەلۋدى مەملەكەت بويىنشا بىرىككەن جەلىدە ەسەپتەسۋدى ىسكە اسىردى؛
− ءتۇرلى لاشىقتى اۋماقتارداعى 368 مىڭ ءۇي جاڭالانىپ، اۋىل - قىستاقتاردا 300 مىڭ بەيقۇت ءۇي سالىندى. اقتاۋ، قۇتىبي، تاشقورعان اۋداندارىنىڭ جەر سىلكىنىسى اپاتىنان كەيىنگى قايتا قۇرۋ جۇمىسى تابىسپەن ورىندالىپ، اپاتقا ۇشىراعان 17 مىڭ 355 وتباسى جاڭا ۇيگە كوشتى؛
− ساپالى، ورتاسى جاقسى، جابدىعى كەمەلدى اۋىل - قىستاق «قوس ءتىلدى» بالاباقشاسىنان 4408ى تىڭنان سالىنىپ جانە جاڭالانىپ، كەڭەيتىلىپ، سالىنۋعا تيىستىلەرى مۇمكىندىگىنشە سالىنىپ، ىسكە قوسىلدى. كوپ ءتۇرلى شارانىڭ قاتار قولدانىلۋى «قوس ءتىل» وقۋ - اعارتۋىنىڭ دامۋىن تىڭ ساتىعا كوتەردى.
− رايونىمىز جالپى حالىقتىڭ دەنساۋلىعىن تەكسەرۋگە ءبىر ميلليارد 585 ميلليون يۋان قارجى شىعارىپ، 18 ميلليون 840 مىڭنان استام ادامنىڭ دەنساۋلىعىن تەكسەرۋ قىزمەتىن ورىندادى؛
− اۋىل - قىستاقتاردا مىندەتتى ەڭبەك پەن «بەستى بىرلىككە كەلتىرۋ» جاپپاي كۇشىنەن قالدىرىلىپ، شارۋالاردىڭ اۋىرتپالىعىن قاۋىرت جەڭىلدەتتى. رايونىمىزداعى سان ميلليونداعان ەگىنشى - مالشى بۇعان شىن جۇرەكتەن، ىستىق ىقىلاسپەن القاۋ ايتتى...
حالىققا ءتيىمدى شارالار ىلگەرىندى - كەيىندى شىعارىلدى، حالىققا ءتيىمدى ينجەنەريالار ءبىر - بىرلەپ اتقارىلدى. اۆتونوميالى رايوندىق پارتكوم مەن حالىق ۇكىمەتى قازىنالىق شىعىستىڭ جانە شينجياڭعا باعىتتامالى كومەكتەسۋ قارجىسىنىڭ %70تەن استامىن حالىق تۇرمىسىن جاقسارتۋعا جۇمساۋعا تاباندى بولدى. 23 ميلليوننان استام ءار ۇلت بۇقاراسى قوماقتى قارجى ۇسىنىلىمىنىڭ يگىلىگىن كوردى.
حالىق تۇرمىسىنا جاسالعان قامقورلىق −
ءار ۇلت جۇرتشىلىعىنىڭ كوكەيىندەگى ماسەلەلەردى كوبىرەك شەشەيىك
شي جينپيڭ 2017 - جىلى 3 - ايدىڭ 10 - كۇنى مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا: «شينجياڭدى ورنىقتىرۋدىڭ، شينجياڭنىڭ ورنىقتىلىعىن ساقتاۋدىڭ ستراتەگيالىق تۇرعىسىن شىعار ءتۇيىن ەتىپ، ءار ۇلت جۇرتشىلىعىنىڭ تىنىش تىرشىلىك ەتۋىن مىقتاپ ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىققا تيىمدىلىك جاسايتىن ناقتى ىستەردى كوبىرەك تىندىرىپ، ءار ۇلت جۇرتشىلىعىنىڭ كوكەيىندەگى ماسەلەلەردى كوبىرەك ءبىر جايلى ەتىپ، ءار ۇلت جۇرتشىلىعىنا پارتيانىڭ قامقورلىعى مەن وتان ۇلى شاڭىراعىنىڭ مەيىر - شاپاعاتىن شىنايى سەزىندىرۋ كەرەك»، - دەپ باسا دارىپتەدى.
حالىقتىڭ بارلىق ىسىنە كوڭىل ءبولدى. باس شۋجيدىڭ شينجياڭداعى ءار ۇلت حالقىنىڭ تۇرمىسىنا، باقىتىنا ايرىقشا قامقورلىق جاساۋى، ىزگى نيەتتى تاپسىرماسى بۇكىل شينجياڭداعى ءار دارەجەلى پارتكومنىڭ، ۇكىمەتتىڭ حالىققا باقىت اكەلۋدەگى ءىس جۇزىندىك ارەكەتىنە اينالدى. رايونىمىزدىڭ حالىق تۇرمىسى قۇرىلىسى تومەنگى شەكتى ساقتاپ، ولقىلىقتاردى تولىقتاپ، ەڭ نەگىزگى، ەڭ كوكەي تەستى حالىق تۇرمىسى ماسەلەلەرىن شەشىپ، حالىققا تيىمدىلىك جاساۋ ساياساتىنان بارلىق ادامدى يگىلىكتەندىردى.
شىت جاڭا پارتا - ورىندىق، ءتۇرلى - ءتۇستى ويىنشىق، وقىتۋ قۇرالدارى، تەگىن بەرىلەتىن «ەكى ۋاققى تاماق پەن ءبىر ۋاققى بالكۇلشە» يلاكۋ قىستاعىنداعى مەكتەپكە دەيىنگى «قوس ءتىل» بالاباقشاسىنىڭ شارت - جاعدايىن قالاداعىدان قالىسپايتىنداي كۇيگە جەتكىزدى. پارتيانىڭ حالىققا تيىمدىلىك جاساۋ ساياساتىنا ايالداعاندا، ءرايلانىڭ شەشەسى رايھانگۇل تەبىرەنگەنىنەن: بالامنىڭ بالاباقشاداعى تاماعى ۇيدەگىدەن دە جاقسى، ەلىمىزدە ءبىر تۇتاس قولدانىلاتىن ءتىل - جازۋدى ۇيرەندى، ورتاق ءتىلدى دە جاقسى سويلەيدى، بولاشاقتا، ءسوزسىز، مەنەن مىقتى بولادى. باس شۋجي تالاي رەتكى سوزىندە «حالىقتى» اۋىزعا الدى، ءبىز بۇدان شىنىمەن يگىلىكتەنىپ وتىرمىز، - دەدى.
حالىق جۇرتشىلىعىنىڭ تابىس سەزىمى، باقىت سەزىمى، حاۋىپسىزدىك سەزىمى حالىق تۇرمىسى جاعىنداعى «كىشكەنە» كوورديناتالاردا بەينەلەنەدى، ناقتى ارەكەتتەر ارقىلى تياناقتاندىرىلادى. اۆتونوميالى رايوندىق پارتكوم مەن حالىق ۇكىمەتى پارتيا 19 - قۇرىلتايىنىڭ بايانداماسىندا العا قويىلعان «مەكتەپكە دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن، زارۋلەردى كومەكتەن يگىلىكتەندىرۋ» تالابىن باتىل دايەكتىلەندىرىپ، تياناقتاندىرىپ، حالىق جۇرتشىلىعى ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن مىقتاپ يگەرىپ، بۇقارانىڭ جوعىن جوقتاپ، بۇقارانىڭ قامىن جەپ، حالىق تۇرمىسىنداعى ولقىلىقتاردى دامۋ بارىسىندا تولىقتادى.
اۆتونوميالى رايوننىڭ كەدەيلىكتەن قۇتىلدىرۋدان قامال الۋدا باسقا كاسىپ سالاسىنا ويىستىرىپ، جۇمىسقا ورنالاستىرۋ ارناۋلى ارەكەتى جۇمىسقا ورنالاسۋى قيىن ادامداردى «بىرگە - ءبىر» سۇيەمەلدەپ، وتباسىندا بىردە - ءبىر ادام جۇمىسقا ورنالاسپاعان وتباسىلارىنان كەمىندە ءبىر ادامدى جۇمىسقا ورنالاستىردى.
اۆتونوميالى رايوننىڭ دەنساۋلىق ساقتاۋ بويىنشا كەدەيلەردى سۇيەمەلدەۋدەگى « <3 ءبىر توپ> ارەكەت جوسپارىن اتقارۋ جوباسى» سەبەپتى، سالماقتى ناۋقاسقا، سوزىلمالى ناۋقاسقا، اۋىر ناۋقاسقا شالدىققان كەدەيلەر يگىلىك كورىپ ەمدەلدى جانە تومەنگى شەكتى ساقتاپ قامتاماسىز ەتىلدى.
وتباسىندا ەكونوميكالىق قيىنشىلىق بار وقۋشىلارعا 6 ميلليون 920 مىڭ ادام - رەت قارجىلاي كومەك كورسەتىلدى. اۆتونوميالى رايوندىق پارتكوم مەن حالىق ۇكىمەتىنىڭ «بىردە - ءبىر بالانى وتباسىنىڭ ەكونوميكالىق قيىنشىلىعى سەبەپتى وقۋسىز قالدىرماۋداي» ايبىندى ۋادەسى ورىندالدى.
«ازىق - تۇلىك» مولايدى، «ولقىلىقتار» تولىقتاندى، «تومەنگى شەك» كوتەرىلدى... شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەرەكشە قامقورلىعى مەن قولداۋىندا، تيانشاننىڭ تۇستىگى مەن تەرىستىگىندە ءار ۇلت جۇرتشىلىعى تاماشا تۇرمىسقا تالپىنعان باقىتتى كورىنىس بەينەلەندى.
حالىق تۇرمىسى جونىندەگى تاماشا جوبا −
حالىق تۇرمىسىن جىلدان - جىلعا جاقسارتتى
جاڭا داۋىرگە قادام باسقاننان بەرى، اۆتونوميالى رايوندىق پارتكوم مەن حالىق ۇكىمەتى باس شۋجيدىڭ پارتيا 19 - قۇرىلتايىنداعى باياندامادا العا قويعان «ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى» دەگەن كەلەلى تۇجىرىمى حالىق بۇقاراسىنىڭ تاماشا تۇرمىسقا دەگەن تىڭ تىلەگىمەن قابىسىپ، حالىق تۇرمىسىن قامتاماسىزداندىرۋ مەن جاقسارتۋدىڭ جاڭا كەزەكتەگى ۇندەۋىن شىعانداتتى.
حالىق وقۋ - اعارتۋدىڭ اناعۇرلىم جاقسارۋىن تىلەدى. اۆتونوميالى رايون وقۋ - اعارتۋ رەفورماسىن تەرەڭدەتىپ، 9 جىلدىق مىندەتتى وقۋ - اعارتۋ جەتىستىكتەرىن كۇش سالا بەكەمدەدى.
حالىق كىرىستىڭ اناعۇرلىم ورنىقتى بولۋىن تىلەدى. 2018 - جىلى اۆتونوميالى رايون جۇمىسقا ورنالاستىرۋ ارقىلى كەدەيلىكتەن سۇيەمەلدەۋدى بارىنشا ىلگەرىلەتىپ، وڭتۇستىك شينجياڭداعى 3 ايماق، ءبىر وبلىستاعى اۋىر كەدەي ايماقتاردا جۇمىسقا ورنالاستىرۋ ارقىلى كەدەيلىكتەن سۇيەمەلدەۋدىڭ 3 جىلدىق جوباسىن اتقارىپ، نازاردى اۋىر كەدەي اۋداندارداعى (قالا) ارحيۆ تۇرعىزىلىپ، كارتچكا بەرىلگەن كەدەي جان سانى اراسىنداعى ەڭبەك قابىلەتى بار جانە جۇمىسقا ورنالاسۋدى، شارۋاشىلىق قۇرۋدى ءۇمىت ەتكەن ەڭبەكشىلەرگە شوعىرلاندىردى، 2020 - جىلعا دەيىن 100 مىڭ ادامدى باسقا كاسىپ سالاسىنا ويىستىرىپ جۇمىسقا ورنالاستىرۋ جوسپارى بويىنشا، 2018 - جىلى 40 مىڭ ادام باسقا كاسىپ سالاسىنا ويىستىرىلىپ، جۇمىسقا ورنالاستىرىلادى.
حالىق قوعامدىق قامتاماسىزداندىرۋدىڭ مۇنان دا سەنىمدى بولۋىن تىلەدى. اۆتونوميالى رايون جالپى حالىق قامسىزداندىرۋعا ات سالىسۋ جوسپارىن جاپپاي اتقارىپ، ولكە اتتاپ وزگە جەردە شيپاحاناعا جاتىپ داۋالانۋ قاراجاتىن تىكە ەسەپتەۋ قىزمەتىن ىشكەرىلەي ىلگەرىلەتىپ، «قوعامدىق قامتاماسىزداندىرۋ+ينتەرنەت» قىزمەتىن بارىنشا ىلگەرىلەتىپ، قىزمەت ءتارتىبىن ساپالىلاندىرىپ، قىزمەت كورسەتۋ ۇلگىسىندە جاڭالىق اشىپ، «ينفورماتسيانى بۇقارانىڭ قولعاناتىنا» اينالدىردى.
حالىق ەمدەۋ - دەنساۋلىق ساقتاۋ بويىنشا قىزمەت كورسەتۋ دەڭگەيىنىڭ اناعۇرلىم جوعارى بولۋىن تىلەدى. اۆتونوميالى رايون حالىقتىڭ سالاماتتىعىن وزەك ەتىپ، سالامات شينجياڭ قۇرىلىسىن ونان ارى ىلگەرىلەتىپ، سالاماتتىق جاعىنان كەدەيلىكتەن سۇيەمەلدەۋ قىزمەتىن بەلسەنە اتقارىپ، نەگىزگى ساتى ەمدەۋ - دەنساۋلىق ساقتاۋ قۇرىلىمدارىنىڭ قىزمەت كورسەتۋ قابىلەتى مەن ساپاسىن جوعارىلاتىپ، بۇقارانىڭ كورىنە الۋىنا، داۋالانا الۋىنا، ساۋىعۋىنا مۇمكىندىك جاسادى.
شامانىڭ جەتىسىنە قاراي ىستەپ، جۇمىستى ىلگەرىندى - كەيىندى تىندىرىپ، جىلدان - جىلعا جالعاستىردى. حالىق تۇرمىسى شارالارىن ءبىر - بىرلەپ تىڭعىلىقتى ىلگەرىلەتىپ، بۇقارانىڭ تاماشا تىلەگىن بىرتىندەپ جۇزەگە اسىردى.
جاڭا ءداۋىر، تىڭ تەبىن؛ جاڭا جورىقتا قادامدى نىق باسۋ. تۇتاس شينجياڭداعى 23 ميلليوننان استام ءار ۇلت بۇقاراسىنىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، تۇرمىستارىنىڭ جىلدان - جىلعا جاقسارا تۇسەتىندىگىنە سەنىمى كامىل!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
