اۆتونوميالى رايوندىق پارتكوم كادرلار ءماجىلىسىن اشىپ
نەگىزگى زاڭدى ىشكەرىلەي ۇيرەنۋ، ۇگىتتەۋ جانە دايەكتىلەندىرۋ، اتقارۋ جونىندە ورنالاستىرۋ جاسادى
2018.03.19 14:45 كەلۋ قاينارى : شينجياڭ گازەتى
ءتىلشىمىز سۇي يۇنيان 3 - ايدىڭ 16 - كۇنى ۇرىمجىدەن حابارلايدى. 3 - ايدىڭ 15 - كۇنى تۇستەن كەيىن اۆتونوميالى رايوندىق پارتكوم كادرلار جينالىسىن اشىپ، نەگىزگى زاڭدى ىشكەرىلەي ۇيرەنۋ، ۇگىتتەۋ جانە دايەكتىلەندىرۋ، اتقارۋ جونىندە ورنالاستىرۋ جاسادى. ءماجىلىس نەگىزگى زاڭعا وزگەرىس ەنگىزۋدىڭ كەلەلى ماڭىزىن جەتە تانىپ، نەگىزگى زاڭعا وزگەرىس ەنگىزۋ جوباسىنىڭ وزەكتى ءمانىن دۇرىس يگەرۋدى، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاۋدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋدى، يدەيا مەن ءىس - ارەكەتتى پارتيا ورتالىق كوميتەتىنىڭ كەلەلى شەشىمدەرىمەن، ورنالاستىرۋلارىمەن بىرلىككە كەلتىرىپ، نەگىزگى زاڭدى ىشكەرىلەي ۇيرەنىپ، ۇگىتتەپ جانە دايەكتىلەندىرىپ، اتقارىپ، نەگىزگى زاڭنىڭ بەدەلىن سانالىلىقپەن قورعاۋدى، نەگىزگى زاڭنىڭ اتقارىلۋىنا كەپىلدىك ەتىپ، جۇڭگوشا سوتسياليستىك زاڭمەن باسقارۋ جولىمەن جۇرۋگە تاباندى بولۋدى تالاپ ەتتى.
اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشين ءماجىلىستى باسقاردى، سونداي - اق قاتىستى حۇجاتتاردىڭ رۋحىن جەتكىزدى.
اۆتونوميالى رايوننىڭ باسشىلارىنان شۇي حايرۇڭ، تيان ۋىن، سارقىت اقان ۇلى، جاڭ چۇنلين قاتارلىلار ماجىلىسكە قاتىناستى.
ماجىلىسكە قاتىناسقاندار ءبىر اۋىزدان بىلاي دەپ قارادى: مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى نەگىزگى زاڭعا وزگەرىس ەنگىزۋ جوباسىن داۋىسقا سالىپ ماقۇلداپ، پارتيا 19 - قۇرىلتايى تۇراقتاندىرعان كەلەلى نازاريالىق كوزقاراستار مەن كەلەلى باعىت - ساياساتتاردى مەملەكەتتىڭ ءتۇبىرلى زاڭىنا ەنگىزىپ، پارتيا مەن حالىقتىڭ اماليات بارىسىندا قول جەتكىزگەن كەلەلى نازاريالىق جاسامپازدىق، امالياتتىق جاسامپازدىق، تۇزىمدىك جاسامپازدىق جەتىستىكتەرىن نەگىزگى زاڭ بەلگىلەمەسى دەڭگەيىنە كوتەردى. بۇل − پارتيا مەن مەملەكەتتىڭ باياندى تىنىشتىعىنا كەپىلدىك ەتۋدىڭ جوعارى دەڭگەيلى جوباسى جانە تۇزىمدىك ورنالاستىرۋى بولىپ، پارتيا مەن مەملەكەت ىستەرىنىڭ دامۋىنداعى تىڭ جەتىستىكتەردى، تىڭ تاجىريبەلەردى، تىڭ تالاپتاردى ايگىلەدى، مۇنىڭ جاڭا داۋىردە جۇڭگوشا سوتسياليزمگە تاباندى بولۋدى جانە ونى دامىتۋدى نەگىزگى زاڭمەن پارمەندى قامتاماسىزداندىراتىندىعى، ءسوزسىز.
اۆتونوميالى رايوندىق پارتكوم ساياسي - زاڭ كوميتەتىنىڭ ورىنباسار شۋجيى ۋاڭ لي - ۋىن بىلاي دەدى: نەگىزگى زاڭنىڭ ومىرشەڭدىگى ونىڭ اتقارىلۋىندا، نەگىزگى زاڭنىڭ بەدەلى دە ونىڭ اتقارىلۋىندا، ساياسي - زاڭ كوميتەتى نەگىزگى زاڭنىڭ وزگەرىس ەنگىزىلگەن مازمۇنىن ۇيرەنۋ كۋرسىن اشۋعا بارىنشا دەن قويىپ، باسشى كادرلاردىڭ نەگىزگى زاڭ تانىمىن جوعارىلاتادى، سونىمەن قاتار، فۋنكتسيالىق رولىن تولىق ساۋلەلەندىرىپ، ءار دارەجەلى ساياسي - زاڭ ورگاندارىنىڭ نەگىزگى زاڭدى اتقارۋىن باقىلاۋدى كۇشەيتىپ، قىزمەت ۇقىعىن نەگىزگى زاڭ بويىنشا قاتاڭ جۇرگىزىپ، نەگىزگى زاڭ جونىندە ۇگىت - تاربيە ورىستەتىپ، بۇقارانىڭ نەگىزگى زاڭ تانىمىن كۇشەيتەدى.
اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى زۇلپيا ابدىقادىر بىلاي دەدى: نەگىزگى زاڭدى ۇيرەنۋدى، دايەكتىلەندىرۋدى ماڭىزدى مىندەت ەتىپ، «4 تانىمدى» مىقتاپ ورناتىپ، «4 سەنىمگە» تاباندى بولىپ، نەگىزگى زاڭدى باستاماشىلدىقپەن ويداعىداي ۇيرەنىپ، ۇگىتتەپ، نەگىزگى زاڭنىڭ بەدەلىن قورعاپ، نەگىزگى زاڭنىڭ اتقارىلۋىن جەبەپ، نەگىزگى زاڭنىڭ ادال اتقارۋشىلارى، قولداۋشىلارى، قورعاۋشىلارى جانە امالياتتا ايگىلەۋشىلەرى بولۋىمىز كەرەك.
اۆتونوميالى رايوندىق پارتكوم ساياسات زەرتتەۋ كەڭسەسىنىڭ ورىنباسار مەڭگەرۋشىسى حى گوچيڭ بىلاي دەدى: نەگىزگى زاڭعا وزگەرىس ەنگىزۋ جوباسىن باتىل قولدايمىز، تولىق قۇپتايمىز، نەگىزگى زاڭدى مۇقيات ۇيرەنىپ، ۇگىتتەپ، دايەكتىلەندىرىپ، اتقارىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ بارىسىندا مۇنان دا زور رول اتقارۋعا قۇلشىنامىز.
ماجىلىسكە قاتىناسقاندار نەگىزگى زاڭ رۋحىن ساۋلەلەندىرىپ، نەگىزگى زاڭدى ۇيرەنۋدى كۇشەيتىپ، نەگىزگى زاڭ تانىمىن نىعايتىپ، نەگىزگى زاڭدى باستاماشىلدىقپەن قاستەرلەپ جانە اتقارىپ، شينجياڭدى زاڭمەن جونگە سالۋدى جاپپاي ىلگەرىلەتەتىندىكتەرىن ءبىلدىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
