بۇقارالىق قىزمەتتى جاقسى ىستەپ، جۇرت تىلەگىن توعىستىردى
2018.04.08 14:34
توعىزتاراۋ اۋداندىق ساياسي - زاڭ كوميتەتىنەن تاستوبە اۋىلىنىڭ جاڭاتام قىستاعىنا تۇسكەن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاق جولىن اسفالتتاندىرۋ، سۋ سىڭبەيتىن توعان جاساۋ، اۋىز سۋ قۇبىر جۇيەسىن جاڭالاۋ سىندى نىسانداردى بەلسەنە اتقارىپ، بۇقارانىڭ تۇرمىس شارت-جاعدايىن جاقسارتىپ، القاۋعا بولەندى.
وتكەن جىلى اۋداندىق ساياسي-زاڭ كوميتەتىنىڭ «ۇعىسۋ، تيىمدىلىك جاساۋ، توعىستىرۋ» قىزمەت اترەتى وتباسىلارىن ارالاپ جاعداي ۇعىسۋدى بۇقارامەن بايلانىس جاساۋدىڭ، بۇقارانى ۇيىمداستىرۋدىڭ، بۇقاراعا قىزمەت وتەۋدىڭ، بۇقارانى ىنتىماقتاستىرۋدىڭ پارمەندى شاراسى رەتىندە قاراپ، وتباسىلارىن جاپپاي ارالاپ، قىستاق تۇرعىندارىنىڭ جاعدايىن ۇعىستى. پاريدا جاپاردىڭ ءۇش بالاسى مەكتەپتە وقيتىن، جولداسى ناۋقاسشاڭ بولعاندىقتان، جۇمىس ىستەي المايتىن، وتباسىنىڭ بار اۋىرتپالىعى تەك پاريدانىڭ موينىندا بولاتىن، تۇرمىس قيىنشىلىعى اۋىر ەدى، «ۇعىسۋ، تيىمدىلىك جاساۋ، توعىستىرۋ» قىزمەت اترەتىندەگىلەر ونىڭ جاعدايىن ۇعىسقان سوڭ، بۇل وتباسىنىڭ ەڭ تومەنگى تۇرمىستى قامتاماسىزداندىرۋ قاراجاتىن ءوتىنىش ەتۋىنە كومەكتەستى ءارى ۇنەمى بارىپ جاعدايىن ۇعىسىپ، كوكتەمگى ەگىس جۇمىسى مەن كۇزگى جيىن-تەرىن جۇمىسىنا قارايلاسىپ، اۋىرتپالىعىن جەڭىلدەتتى.
پاريدا جاپار: قىزمەت گرۋپپاسى بىزگە كوپتەگەن يگى ءىس ىستەپ بەردى، تۇرمىسىمداعى قيىنشىلىقتى شەشۋىمە كومەكتەسىپ، مەنى قايسار، قاجىرلى بولۋعا جىگەرلەندىردى. كۇرىش، ۇن، ازىقتىق ماي، كومىر سىندى تۇرمىستىق بۇيىمداردى جەتكىزىپ بەردى، ەڭ تومەنگى تۇرمىستى قامتاماسىزداندىرۋ قاراجاتىن الۋىمادا كومەكتەستى، قىزمەت گرۋپپاسىنا شىنايى العىس ايتامىن،- دەدى.
«ۇعىسۋ، تيىمدىلىك جاساۋ، توعىستىرۋ» قىزمەت اترەتى دۇيسەنبى كۇنگى تۋ شىعارۋ سالتى، شارۋالار كەشكى مەكتەبى، مادەنيەت قيمىلدارى سىندى ورايلاردان ۇتىمدى پايدالانىپ، ۇلتتار ىنتىماعى تاربيەسى مەن وتانشىلدىق تاربيەنى ۇزدىكسىز كۇشەيتتى. ۇعىسۋعا قاراعاندا، 2017- جىلى قىزمەت اترەتى 22 رەت مادەني قيمىل وتكىزىپ، شارۋالار كەشكى مەكتەبىنەن پايدالانىپ 48 رەت ۇگىت-لەكسيا جاساعان، بۇعان 29 مىڭ ادام-رەت قاتىناسقان.
قىستاق تۇرعىنى ۇعىلقان «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ كومەگىندە، كەستەشىلىك سەلبەستىك كووپەراتيۆى مەن وتباسىلىق قىزمەت وتەۋ ورتالىعىن قۇرىپ، قىستاق تۇرعىندارىن اۋقاتتانۋعا باستادى.
ۇعىلقان بىلاي دەدى: «ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاعىمىزعا كەلگەننەن كەيىن، قىستاق تۇرعىندارىن مەملەكەت تۋىن شىعارۋ سالتىنا بەلسەنە قاتىناسۋعا ۇيىمداستىردى، كوپتەگەن قيمىلداردى دا وتكىزدى، ولار ءبىز ءۇشىن كوپتەگەن يگى جۇمىستاردى ىستەدى، الداعى جەردە شارۋاشىلىعىمدى شالقىتىپ، اۋىلداستارىمدى اۋقاتتانۋعا باستاپ، 2020- جىلى دوڭگەلەك داۋلەتتى ورەگە جەتۋگە قۇلشىنامىن.
بيىل اۋداندىق ساياسي-زاڭ كوميتەتى تاعى 6 تىرەكتى كادردى قىستاققا جىبەرىپ، «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ قۋاتىن كۇشەيتىپ، ءتۇرلى قىزمەتتەردى ورنىقتى ىلگەرىلەتۋگە كەپىلدىك ەتىپ، ورنىقتىلىقتى قورعاۋدى، بۇقارالىق قىزمەتتى، كەدەيلىكتەن ارىلتۋدان قامال الۋدى ءتۇيىندى تۇردە مىقتى يگەرىپ، نەگىزگى ساتىنىڭ نەگىزىن ۇزدىكسىز بەكەمدەپ، «ۇعىسۋ، تيىمدىلىك جاساۋ، توعىستىرۋ» قىزمەتىندە ناقتى ونىمدىلىككە قول جەتكىزۋگە كۇش سالدى.
اۋداندىق ساياسي-زاڭ كوميتەتىنىڭ جاڭاتام قىستاعىندا تۇراتىن قىزمەت اترەتىنىڭ باستىعى، قىستاقتىڭ ءبىرىنشى شۋجيى لي يۋان بىلاي دەدى: بيىل ءبىز نازاردى باس نىساناعا شوعىرلاندىرىپ، باس نىسانانى تياناقتاندىرىپ، قوعام ورنىقتىلىعى مەن باياندى تىنىشتىقتى جالعاستى مىقتى يگەرەمىز، حالىق تۇرمىسى نىساندارىنا بەلسەنە قول جەتكىزىپ، قىستاقتىڭ بەت-بەينەسىن جالعاستى جاقسارتامىز ءارى تۇرعىنداردى اۋلا شارۋاشىلىعىن دامىتۋعا جىگەرلەندىرىپ، ولاردى قىستاق پارتيا ۇيىمىنىڭ توڭىرەگىنە ۇيىستىرىپ، ۇلتتار ىنتىماعىن نىعايتىپ، جاڭاتام قىستاعىن جاراسىمدى، كوركەم، ىنتىماقتى، جاڭاشا قىستاق ەتىپ قۇرىپ شىعۋعا قۇلشىنامىز. زايرا ءابىلوقاس قىزى
كەلۋ قاينارى: ىلە گازەتى - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
