باسقا سالاعا ويىستىرىپ كاسىپتەندىرۋ قىستاق تۇرعىندارىنىڭ كەدەيلىكتەن دالمە - ءدال قۇتىلۋىن جەبەدى كەدەي وتباسىلارى ەكولوگيالىق ورمان قورعاۋشىعا اينالدى
2018.04.25 15:16 كەلۋ قاينارى : شينجياڭ گازەتى
ەرىكتى تىلشىلەر دۇڭ چىڭجۇڭ، ۋاڭ تۇڭ 4 - ايدىڭ 23 - كۇنى اقسۋدان حابارلايدى. « سەندەر سىرتتا الاڭسىز جۇمىس ىستەڭدەر، ۇيلەرىڭە مەن قارايلاسامىن، وسى رەتكى جۇمىسقا ورنالاسۋ ورايىن قاستەرلەپ، قۇلشىنا جۇمىس ىستەپ، اۋقاتتانۋ جولىنا تۇسۋلەرىڭدى تىلەيمىن»، - دەدى 4 - ايدىڭ 17 - كۇنى اقسۋ قالاسى قۇمباس اۋىلى توپاقارال قىستاعىنىڭ سىرتتا شىعىپ جۇمىس ىستەيتىندەردى اتتاندىرۋ جينالىسىندا اۋىلدىق پارتكومنىڭ شۋجيى ۋ كى جۇمىسشىلارعا.
سول كۇنى، توپاقارال قىستاعىنان سىرتقا شىعىپ جۇمىس ىستەيتىن 56 جۇمسشى كەلپىن اۋدانى، ارال قالاسى سياقتى جەرلەردەگى تاس جول بولىمشەلەرىنىڭ ماۋسىمدىق تاس جول كۇتىمدەۋ جۇمىسىنا اتتاندى.
40 جاسقا شىققان ابدىرەيىم شۇكىر پارتيا مۇشەسى، بۇل ونىڭ بيىل 2 - رەت سىرتقا شىعىپ جۇمىس ىستەۋى. ول وتكەن جىلى كەلپىن اۋداندىق تاس جول بولىمشەسىندە جۇمىس ىستەگەن بولاتىن، ول كەزدە نەگىزىنەن سۋاعاردىڭ ناۋاسىن تازالاۋ، جول شەتىنىڭ ارام شوپتەرىن جانە قوقىر - قوقسىقتاردى تازالاۋ جۇمىسىمەن اينالىسقان. 5 اي جۇمىس ىستەپ 20 مىڭ يۋاننان ارتىق كىرىس كىرگىزدى. ول: وتكەن جىلى پارتيانىڭ كەدەيلەردى سۇيەمەلدەۋ ساياساتىنىڭ جەبەۋىندە، مەن باس بولىپ سىرتقا شىعىپ جۇمىس ىستەدىم، كىرىسىمىز دە توتەنشە جاقسى بولدى، بەيقۇت ءۇي سالىپ الدىم، كەدەيلىكتەن الدىمەن قۇتىلدىم. بيىل تاعى قىستاق تۇرعىندارىن سىرتقا شىعىپ جۇمىس ىستەۋگە قۋزاپ، كوپشىلىكتى بايۋ جولىنا باستايمىن، - دەدى.
قىستاق تۇرعىنى اقنياز توقنياز جۇمىس كيىمىن كيىپ، كەۋدەسىنە قىزىل گۇل تاقتى. ونىڭ وتباسىندا 4 جان بار، 5 − 6 مۋ جەرگە قاراپ وتىرعان ونىڭ وتباسى كىرىسى ماردىمسىز بولاتىن. قازىر ءبىر بالاسى تيانجيندەگى شينجياڭ ورتا مەكتەبىندە وقيدى، تاعى ءبىر بالاسى ىشكى ولكەدەگى شينجياڭ ورتا مەكتەبىنە سىناۋ بەرۋگە دايىندالىپ جاتىر. ابدىرەيىمنىڭ سىرتقا شىعىپ جۇمىس ىستەپ اقشا تاپقانىن ەستىگەن سوڭ، اقنياز دا سىرتقا شىعىپ جۇمىس ىستەپ اقشا تابۋعا بەل بايلاپ، بالاسىن جارامدى ادام ەتىپ تاربيەلەۋگە بەكىدى. اقنيازدىڭ جۇبايى ءماريام مامەت كۇيەۋىن جىگەرلەندىرىپ: سەن الاڭسىز جۇمىس ىستەپ اقشا تاپ، ۇيگە ءوزىم قارايمىن، - دەدى.
اقسۋ ايماقتىق تاس جول باسقارۋ مەكەمەسىنىڭ اقسۋ قالاسى قۇمباس اۋىلى توپاقارال قىستاعىندا «ۇعىسۋ، تيىمدىلىك جاساۋ، توعىستىرۋ» بويىنشا تۇراتىن قىزمەت اترەتىنىڭ باستىعى، قىستاق پارتيا ياچەيكاسىنىڭ ءبىرىنشى شۋجيى جاڭ جيان: قىستاقتاعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋ قىستاق «ەكى كوميتەتىنىڭ» كەدەيلىكتەن قۇتىلدىرۋدان قامال الۋ مىندەتىن تياناقتاندىرۋداعى ماڭىزدى شارالاردىڭ ءبىرى. كەدەيلىكتەن دالمە - ءدال قۇتىلدىرۋ قىزمەتى ورىستەتىلگەننەن بەرى، كوپشىلىك بەلسەنە ىزدەنىس جاساپ، ويلاۋ تاسىلىنە وزگەرىس ەنگىزىپ، وتكەن كەزدەگى اقشا بەرۋ، زات بەرۋ سىندى «قان قۇيۋ سيپاتىنداعى» كەدەيلەردى سۇيەمەلدەۋ ءتاسىلىن شارۋالاردىڭ قاجىرلى ەڭبەگى ارقىلى بايۋ جولىنا تۇسەتىن «قان جاساۋ سيپاتىنداعى» كەدەيلەردى سۇيەمەلدەۋ تاسىلىنە وزگەرتتىك. 2018 - جىلى ءبىز حالىققا تيىمدىلىك جاساۋ ساياساتىن ۇزبەي اتقارامىز. قازىرگە دەيىن توپاقارال قىستاعىندا سىرتقا شىعىپ جۇمىس ىستەۋگە وزدىكتەرىنەن تىزىمدەلگەن شارۋالاردىڭ سانى وتكەن جىلدان ءبىر ەسە ارتتى. وسىلاردىڭ ىشىنەن ساياسي ورەسى جوعارى، دەنساۋلىعى مىقتى، وتباسىندا قيىنشىلىعى بار ادامداردى الدىمەن تاڭداپ، تاس جول مەكەمەسىنىڭ جول كۇتىمدەۋ قوسىنىنا تىركەپ، ماۋسىمدىق جول كۇتىمدەۋ جۇمىسىنا جىبەردىك. وسى قىستاق تۇرعىندارىنىڭ ىشىندە، كەدەيلەر %90تى ۇستايدى، ولاردىڭ وسى جىل ىشىندە كەدەيلىكتەن قۇتىلۋىنا بار كۇشپەن كومەكتەسەمىز، - دەدى.
شينحۋا اگەنتتىگىنىڭ ۇرىمجىدەن بەرگەن حابارى (تىلشىلەر گۋان چياۋچياۋ، حۋ حۋحۋ). كوكتەم جاڭبىرىنان كەيىن، ىلە اڭعارىندا تۇرمىس كەشىرىپ جاتقان روزىمامەت تەلۋالدى ءبىرقانشا ورمان قورعاۋشىمەن بىرگە وسى ۇتىمدى ساتتەن پايدالانىپ، 2000 مۋ جەرگە ەكونوميكا ورمانىن ەكتى. ولاردىڭ بارلىعى ورمان قورعاۋشى بولاتىن.
جىل باسىنان بەرى، شينجياڭ جاڭا كەزەكتى مەملەكەتتىك ەكولوگيالىق الەۋمەتتىك يگىلىك ورمان ءوسىرۋ بويىنشا سۇيەمەلدەۋ ساياساتىن تياناقتاندىرىپ، 8000 كەدەي ادامدى ەكولوگيالىق ورمان قورعاۋشىعا اينالدىردى. روزىمامەت تەلۋالدى 2750 مۋ جەردەگى ورماننىڭ «جاڭا قوجايىنىنا» اينالدى، ول ءار كۇنى موتوتسيكلمەن شارلاۋ جۇرگىزىپ، ۇرلاپ اعاش كەسەتىن، تىڭ يگەرەتىن ارەكەتتەردىڭ الدىن الادى.
بۇرىنعى جىلدارى روزىمامەت تەلۋالدى وتباسىنداعى 6 جان 70 مۋ ءشول اتىز بەن ۇساق - تۇيەك جۇمىسقا سۇيەنىپ كۇن كورەتىن، اكە - شەشەسى ىركەس - تىركەس ناۋقاستانىپ، وتباسىنىڭ قيىنشىلىعىن ونان ارى اۋىرلاتتى.
«بۇرىنعى كەزدەردە ءۇي قۇرىلىستارىنىڭ ازىن - اۋلاق جۇمىستارىن ىستەۋشى ەدىك، سوڭعى جىلداردا ەلدىڭ ءبارى جاڭادان بەيقۇت ءۇي سالىپ، قوسىمشا قاراجاتتان يگىلىكتەنگەندىكتەن، ءۇي سالاتىندار كۇرت ازايىپ كەتتى»، - دەدى روزىمامەت. وتباسى كىرىسىن مولايتۋ ءۇشىن روزىمامەت تەلۋالدى ەگىستىك جەرىن جالعا بەرىپ، ءوزى جۇمىس ىزدەپ ىستەيتىن بولدى.
كەدەيلىكتەن قۇتىلدىرۋدان قامال الۋ شايقاسىن ىلگەرىلەتۋ ءۇشىن، شينجياڭداعى كوپتەگەن كەدەي اۋداندار ەكولوگيا قۇرىلىسىن كەدەي وتباسىلاردى جۇمىسقا ورنالاستىرۋدى جەبەۋمەن ۇشتاستىرىپ، «ەكولوگيا + كەدەيلەردى سۇيەمەلدەۋ» ءتاسىلىن قولدانىپ، ەكولوگيالىق، ەكونوميكالىق قوس ونىمدىلىككە قول جەتكىزدى.
شاپشال سىبە اۆتونوميالى اۋدانى ارحيۆكە الىنىپ، كارتچكا بەرىلگەن كەدەي وتباسىلاردان 40 ادامدى ورمان قورعاۋشىعا قابىلداعاندىقتان، ءاربىر ادام جىلىنا 10 مىڭ يۋان كومەك قاراجاتىنا يە بولدى. قىزمەت ورنىنا باراردىڭ الدىندا، ورمان قورعاۋشىلار ءبىر تۇتاس ورمان شارۋاشىلىق تەحنيكاسى بويىنشا كۋرسقا قاتىناستى؛ ەگىس جۇمىستارىنىڭ سايابىر كەزىندە، ولار ۇيىمدى تۇردە ىقتاسىن ورمان قۇرىلىسى، «قىستاقتاردى جاسىلداندىرۋ» ينجەنەرياسى، ەكولوگيالىق ورمان قورعاۋ سياقتى قىزمەتتەرگە ات سالىستى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
