«تۇتاس جىلدا 1400 جۇڭگو - ەۆروپا كەزەكشى پويەزى قاتىنايدى، قۇرلىق پورت رايونىنىڭ بۇعان سەنىمى بار»
2018.05.16 16:05 كەلۋ قاينارى : شينجياڭ گازەتى
ءتىلشىمىز ياۋ تۇڭ 5 - ايدىڭ 13 - كۇنى ۇرىمجىدەن حابارلايدى. 5 - ايدىڭ 11 - كۇنى بيىلعى تولتىرا جۇك تيەگەن 332 - جۇڭگو - ەۆروپا كەزەكشى پويەزى ءۇرىمجى حالىقارالىق قۇرلىق پورت رايونىنان اتتاندى. «بيىل 1 - ايدان 4 - ايعا دەيىن جۇڭگو - ەۆروپا كەزەكشى پويەزدارىنىڭ قاتىناۋ جالپى سانى 2016 - جىلداعىنىڭ 5.1 ەسەسىندەي بولدى. جۇڭگو - ەۆروپا كەزەكشى پويەزدارىن جونەلتۋدى ماڭىزدى تىرەك ەتكەن ءۇرىمجى حالىقارالىق قۇرلىق پورت رايونى تۇتاس قالانىڭ، ءتىپتى، بۇكىل شينجياڭنىڭ سىرتقا باعىتتالعان شارۋاشىلىعىنىڭ تۇرلەنۋى مەن جاڭارۋىنا جەتەكشىلىك ەتەتىن ۇلگى رايونعا اينالۋدا»، - دەدى ءۇرىمجى قالاسى ەكونوميكالىق - تەحنيكالىق اشۋ رايوندىق (توۋتۇنحى رايونى) پارتكومىنىڭ تۇراقتى مۇشەسى ما چۇنلەي.
كەدەننىڭ كوپ ۇلگىدە بىرلەسىپ تاسىمالداۋدى باقىلاۋ - باسقارۋ ورتالىعى، تەمىر جول شەكارا وتكەلى جانە جينالۋ ورتالىعى، كەشەندى باجىسىز اۋماعى سياقتىلاردىڭ شوعىرلانىپ كۇش بىرىكتىرۋىمەن دامىعان ءۇرىمجى حالىقارالىق قۇرلىق پورت رايونى قاربالاستىققا شومعان. كەدەن شەكارا وتكەلىندە زاتتار تەكسەرىلۋدە. زات جەتكىزەتىن سەرىكتەستىكتەردىڭ اۆتوكولىكتەرى ارلى - بەرلى قايشالىسادى. ەلەكتروندىق ساۋدا سەرىكتەستىكتەرى تاپسىرىستى دەرەۋ قابىلداۋدا، جاڭادان ىرگە تەپكەن كاسىپورىندار قۇرىلىستى جەدەلدەتۋدە.
جۇمىس باستاعان وسى 3 جىلعا قايىرىلا قاراعاندا، قۇرلىق پورت رايونىندا زور وزگەرىستەر جارىققا شىققاندىعىن كورەمىز. جۇڭگو - ەۆروپا كەزەكشى پويەزدارى قاتىناعاننان بەرى كەزەگىنىڭ تۇراقسىز بولۋى، قايتقاندا ۆاگوندارىنىڭ بوس كەلۋى ەلىمىزدىڭ باتىسقا ەسىك اشقان وسى ماڭىزدى وتكەلىنىڭ ەڭ ۇلكەن قيىن ءتۇيىنى بولعان ەدى. «جۇڭگو - ەۆروپا كەزەكشى پويەزدارىنىڭ سىرتقا باعىتتالعان شارۋاشىلىققا جەتەكشىلىك ەتۋ رولىن اناعۇرلىم ويداعىداي ساۋلەلەندىرۋ ءۇشىن، قالالىق پارتكوم <زات توپتاۋ، باقشا قۇرۋ، نازاردى كاسىپ سالاسىنا شوعىرلاندىرۋ> سىندى دامۋ وي جەلىسىن ايقىندادى، ءۇرىمجى حالىقارالىق قۇرلىق پورت رايونىنىڭ جوباسى جاسالىپ، قۇرىلىسى باستالدى»، - دەدى ما چۇنلەي.
بىلتىر جۇڭگو - ەۆروپا كەزەكشى پويەزدارى 700 كەزەك قاتىنادى. بيىل 1400 كەزەكتەن اسىرۋ جوسپارلانۋدا. ەسەلەپ ارتۋ ارقىلى ءۇرىمجى حالىقارالىق قۇرلىق پورتى بۇكىل ەل بويىنشا الدىڭعى ۇشتىككە ءوتتى. «1400 كەزەك استە قۇر قيال ەمەس، قايتا جاڭا ىسكەرلىك»، - دەدى ءۇرىمجى حالىقارالىق قۇرلىق پورت رايونى دامۋدى جەبەۋ كەڭسەسىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى ليۋ شاۋحۋا.
جۇڭگو - ەۆروپا كەزەكشى پويەزدارىنىڭ جۇمىس جۇرگىزۋى بىرتىندەپ ارناعا ءتۇسىپ، ءونىمى جوعارىلاپ، كاسىپ شوعىرلاندىرۋ ونىمدىلىگى كورنەكتىلەنە باستادى. قازىر قۇرلىق پورت رايونىنا ساۋدا - زات جەتكىزەتىن، ازىق - تۇلىك، تۇتىنۋ بۇيىمدارىن مانەرلەيتىن، شەكارالىق ەلەكتروندى ساۋدامەن اينالىساتىن 40تان استام تانىمالى كاسىپورىن قونىس تەۋىپ، تىركەگەن كاپيتالى 2 ميلليارد يۋاننان استى؛ شەكارالىق ەلەكتروندىق ساۋدا سوماسى شامامەن 7 ميلليون دوللارعا جەتىپ، ءار ايداعى جەكە مولشەرى مەن ساۋدا سوماسىنىڭ ورتاشا ارتۋ سالىستىرماسى ％20تەن استى.
«قوعامدىق جالپى جاعداي باياندى جاراسىمدى، ورنىقتى بولۋداي تاماشا ورتادا، جىبەك جولى ەكونوميكالىق بەلدەۋى وزەكتى رايونىن قۇرۋدىڭ ماڭىزدى ورايىندا قۇرلىق پورت رايونىنىڭ كومەسكى كۇشى ساپالى دامۋدى ىلگەرىلەتەتىن جاڭا قوزعاۋشى كۇشكە اينالۋدا. قۇرلىق پورت رايونى ورنىقتىلىقتىڭ پايداسىنان بارىنشا يگىلىكتەنۋشى. ول شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن دايەكتىلەندىرەتىن ادال اتقارۋشى بولادى»، - دەدى ما چۇنلەي.ءتىلشى باعامى
جاراسىمدىلىق، ورنىقتىلىق دامۋدى جەبەيدى
3 جىلدىڭ الدىندا ءتىلشى ەندى عانا باستاپ سالىنعان ءۇرىمجى حالىقارالىق قۇرلىق پورت رايونىنا تىلشىلىك جاساعان ەدى. سول كەزدە قۇرلىق پورت رايونى ۇزاقتى كوزدەپ سالىندى، دەسەدە، ماسەلە دە از بولمادى؛ وراي كوپ بولعانىمەن، ساۋداگەر شاقىرۋ قيىن ەدى؛ كومەسكى كۇشى زور بولعانىمەن، ۇلەسى ماردىمسىز ەدى.
وتە - موتە، سىرتقا قاراتىلعان ەكونوميكادا بۇرىلىس جاساپ دامۋعا جەتەكشىلىك ەتۋ سىندى ماڭىزدى رولىن ساۋلەلەندىرە المادى.
3 جىل بويى جەدەل دامىعان قۇرلىق پورتى رايونىندا زور وزگەرىستەر تۋىلىپ، مەملەكەت بويىنشا 3A قاتارىنان ورىن الدى. قۇرلىق پورتى رايونىنىڭ ءساتتى امالياتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ شەكسىز دۇرىس ەكەنىن، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرۋدىڭ شەكسىز دۇرىس ەكەنىن، شينجياڭ ورنىقتى بولسا، دامۋعا بولاتىنىن تاعى ءبىر رەت دالەلدەدى.
قۇرلىق پورتى رايونى تۇتاس شينجياڭنىڭ ەكونوميكا، قوعام دامۋىنىڭ ىقشام كورىنىسى. بىلتىر رايونىمىزدىڭ وڭىرلىك ءوندىرىس جالپى ءونىم قۇنى ءبىر تريلليون يۋاننان، ەلىمىز ءىشى - سىرتىنان شينجياڭعا كەلگەن ساياحاتشىلاردىڭ سانى 100 ميلليوننان (رەت) استى، مۇنان جاراسىمدى دا ورنىقتى بولعان شينجياڭدا مول پايدانىڭ جاسىرىنىپ جاتقاندىعىن، ونىڭ زور باۋراۋ قۋاتىنا يە ەكەندىگىن كورۋگە بولادى.
جەلكەندى دۇرىستاپ، تاعى دا ساپارعا شىقتىق. جۇڭگوشا سوتسياليزم جاڭا داۋىرگە ءوتتى، جاڭا داۋىردە جاڭا بەينە تانىتۋ، ونان دا ماڭىزدىسى، تىڭ داستان جازۋ كەرەك. شينجياڭ قوعامىنىڭ جالپى جاعدايىنىڭ ۇزدىكسىز جاراسىمدىلىعى مەن ورنىقتىلىعى − جاڭا داۋىردەگى جاڭا بەينە، تىڭ داستان جازۋدىڭ بەرىك نەگىزى. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جانە پارتيا 19 - قۇرىلتايى رۋحىنىڭ جەتەكشىلىگىندە، اۆتونوميالى رايوندىق پارتكومنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باستان - اياق باتىل دايەكتىلەندىرسە، ءار ۇلت كادر - جۇرتشىلىعى قايراتتانا العا باسىپ، ءورىس اشا جاڭالىق اشىپ، جىگەرلەنە ىسكە كىرىسسە، شينجياڭنىڭ بولاشاعىنىڭ، ءسوز جوق، ءتىپتى دە نۇرلى بولاتىنىنا كامىل سەنەمىز.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
