تاپسىرىسپەن تاربيەلەدى، تىزىمدەپ وقىتتى، ىلەسىپ قىزمەت كورسەتتى
2018.05.16 16:07 كەلۋ قاينارى : شينجياڭ گازەتى
قۇمىل قالاسى اۋىل - قىستاقتارداعى ارتىق ەڭبەككۇشتەردىڭ سىرتقا شىعۋىنا، تۇراقتاپ قالۋىنا شىنايى كەپىلدىك ەتتى
تىلشىلەرىمىز شيا چيڭ، ۋاڭ لەي 5 - ايدىڭ 9 - كۇنى قۇمىلدان حابارلايدى. 5 - ايدىڭ 8 - كۇنى قۇمىل قالاسى ەۋىرعۇل گۇلى ۇلتتىق كەستەشىلىك كاسىپتىك كووپەراتيۆىندەگى قىزمەتشىلەر قاريدارلارىنا قۇنى 40 نەشە مىڭ يۋاندىق كيىم - كەشەك تىگۋمەن ابىگەرلەنىپ جاتتى. ءوندىرىس شەبىندە قاۋىرت جۇمىس ىستەپ جاتقان ەۋىرعۇل رايونى پالۋانتۇر قالاشىعى قاراسۋ قىستاعىنىڭ تۇرعىنى ىرسالات تۇرسىن قۋانىشتى بەينەدە: مەن رەسمي جۇمىسشى بولدىم، ايىنا 3000 يۋان ەڭبەكاقى الامىن، پارتيانىڭ جاقسى ساياساتىنا راقىمەت، - دەدى.
ىرسالات وتباسىنىڭ ادامى كوپ، جەرى از بولعاندىقتان، كۇن كورىسى تىم شىركىن - اي ەمەس ەدى. بىلتىر جىل باسىندا قۇمىل قالاسىنىڭ شەبەرلىككە تەگىن تاربيەلەۋ كۋرسىن ۇيىمداستىراتىندىعىنان جانە جۇمىسقا ورنالاستىراتىندىعىنان حابار تاپقان ول قۋانعانىنان دەرەۋ بارىپ تىزىمدەلىپ، كۋرسقا قاتىناستى. قازىر ىرسالات قۇمىل قالاسى ەۋىرعۇل گۇلى ۇلتتىق كەستەشىلىك كاسىپتىك كووپەراتيۆىنىڭ ىسىلعان جۇمىسشىسىنا اينالدى.
ىرسالات تۇرعان ەۋىرعۇل گۇلى ۇلتتىق كەستەشىلىك كاسىپتىك كووپەراتيۆى − قۇمىل قالاسىنداعى شەبەرلىككە ارناۋلى تاربيەلەيتىن، ۇلتتىق كيىم - كەشەكتەردى جانە كەستەلى قولونەر بۇيىمداردى جوبالايتىن، وندىرەتىن، ساتاتىن ورىن. 2017 - جىلى كووپەراتيۆتىڭ ءوندىرىس قۇنى 6 ميلليون يۋاننان اسىپ، توڭىرەكتەگى اۋىل - قىستاقتاردان 150دەن استام ارتىق ەڭبەككۇشتىڭ جۇمىستانۋىن جەبەدى.
ەۋىرعۇل گۇلى ۇلتتىق كەستەشىلىك كاسىپتىك كووپەراتيۆىنىڭ جاۋاپتىسى بۇرحان ابىلەز: وتكەن جىلى كووپەراتيۆىمىز ەگىنشى - مالشىلاردان 600دەن استام ادامدى تاربيەلەدى، ولاردىڭ كەيبىرەۋى كووپەراتيۆتە تۇراقتاپ قالدى، كەيبىرەۋى باسقا كاسىپورىندارعا باردى، بيىل ءبىز 300گە جۋىق ادام تاربيەلەپ، كووپەراتيۆىمىزدىڭ الداعى دامۋىنا، الۋەتتەنۋىنە بەرىك نەگىز قالادىق، - دەدى.
ىرسالات قۇمىل قالاسىنداعى شەبەرلىككە تاربيەلەۋدەن ءوتىپ تۇراقتى جۇمىسقا ورنالاسقان ارتىق ەڭبەككۇشتىڭ ءبىرى. اۋىل - قىستاقتارداعى ارتىق ەڭبەككۇشتەردىڭ جۇمىستانۋ قابىلەتىن ۇزدىكسىز جوعارىلاتۋ ءۇشىن، قۇمىل قالاسى ادام كۇشى بايلىعى بازارىنىڭ قامداۋ - قاجەتسىنۋ جاعدايىنا جانە حالىققا ءتيىمدى نىسان قۇرىلىستاردىڭ جۇمىسشى ىستەتۋ قاجەتىنە بىرلەستىرىپ، جۇمىس ورنى تۇرىنە قاراي «تاپسىرىسپەن تاربيەلەۋ، تىزىمدەپ وقىتۋ» بويىنشا كۋرس اشىپ، اۋىل - قىستاقتارداعى ارتىق ەڭبەككۇشتەردى، اسىرەسە، ءتۇيىندى اۋىل - قالاشىقتارداعى جانە شالعاي تاۋلى (مال شارۋاشىلىق) رايونداردىڭ اۋىل - قىستاقتارىنداعى ارتىق ەڭبەككۇشتەردى ساتىعا، تۇرگە ءبولىپ، مەملەكەتتە ءبىر تۇتاس قولدانىلاتىن ءتىل - جازۋ جانە كاسىپتىك شەبەرلىك جاعىنان تاربيەلەپ، ولاردىڭ باسقا سالاعا ويىسىپ جۇمىستانۋ قابىلەتىن بارىنشا جوعارىلاتتى.
تاپسىرىس فورماسىندا تاربيەلەۋدەن كەيىن، قۇمىل قالاسى اۋىل - قىستاقتارداعى تاربيەلەنىپ شىققان ارتىق ەڭبەككۇشتەرگە ىلەسە ءجۇرىپ قىزمەت كورسەتىپ، جۇمىسقا قابىلداۋ ارناۋلى جينالىسىن اشۋ، «كوكتەم سامالى قيمىلىن» اۋىلدارعا (قالاشىقتارعا) جەتكىزۋ سياقتى جۇمسقا ورنالاسۋعا ارناۋلى قىزمەت وتەۋ قيمىلدارىن ۇيىمداستىردى. بيىل جىل باسىنان بەرى ىلگەرىندى - كەيىندى 20 رەت جۇمىسقا قابىلداۋ جينالىسىن ۇيىمداستىرىپ، 8000نان استام جۇمىس ورنىن ازىرلەپ، اۋىل - قىستاقتارداعى ارتىق ەڭبەككۇشتەردىڭ باسقا سالادا جۇمىسقا ورنالاسۋىن ۇتىمدى جەبەدى.
سونىمەن قوسا، قۇمىل قالاسىنداعى اۋىلدار (قالاشىق) تاعى جۇمىستانۋعا قىزمەت كورسەتۋ ەسەپ داپتەرىن جاساپ، اۋىل - قىستاقتارداعى جۇمىسقا ورنالاسىپ بولعان ارتىق ەڭبەككۇشتەردەن تۇراقتى مەرزىمدە جاعداي ۇعىسىپ، ولارعا ىلەسە ءجۇرىپ قىزمەت كورسەتتى.
قۇمىل قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ورىنباسار باستىعى لو جيشياڭ بىلاي دەدى: بيىل قۇمىل قالاسى «باسقا سالاعا ويىستىرىپ جۇمىستاندىرۋدىڭ دەڭگەيىن جوعارىلاتۋ، كەمەلدەندىرۋ ينجەنەرياسىن» ۇزبەي اتقارىپ، اۋىل - قىستاقتاردا تىڭنان 7000نان استام ارتىق ەڭبەككۇشتى باسقا سالاعا ويىستىرىپ جۇمىستاندىرۋدى، 4000 ادامدى تۇراقتى جۇمىستاندىرۋدى جوسپارلاپ، ءار ەگىنشى - مالشى وتباسىنان، كەم دەگەندە، ءبىر ادامنىڭ جۇمىستانۋىنا كەپىلدىك ەتەدى.
بىلتىردان بەرى اۋىل - قىستاقتارداعى ارتىق ەڭبەككۇشتەردىڭ سىرتقا شىعۋىنا، تۇراقتاپ قالۋىنا، كىرىس كىرگىزە الۋىنا كەپىلدىك ەتۋ ءۇشىن، قۇمىل قالاسى اۋىل - قىستاقتارداعى ارتىق ەڭبەككۇشتەردى تاپسىرىسپەن تاربيەلەۋ، تىزىمدەپ وقىتۋ، ىلەسىپ قىزمەت كورسەتۋ ءادىسىن اتقاردى. 2017 - جىلى قۇمىل قالاسىنداعى اۋىل - قىستاقتاردا 42 مىڭ ارتىق ەڭبەككۇش باسقا سالاعا ويىسىپ جۇمىستانىپ، ەگىنشى - مالشىلاردىڭ جۇمىس ىستەپ، كىرىستەرىن ارتتىرۋىن، كەدەيلىكتەن قۇتىلىپ اۋقاتتانۋىن ءونىمدى جەبەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
