بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

سانجى وبلىسى وزەن شارلاۋ قىزمەتىن ينفورماتسيالاندىرىپ باسقارۋ دەڭگەيىن جوعارىلاتتى

2018.05.16 16:08     كەلۋ قاينارى : حالىق تورابى

 ءىرى دەرەكتەر وزەن باستىعى تۇزىمىنە قولعانات بولدى

  ەرىكتى تىلشىلەر تيان دۇڭ، ليۋ رۇڭ 5 - ايدىڭ 12 - كۇنى ۇرىمجىدەن حابارلايدى. ءبىر جىلدان استام ۋاقىت ىزدەنۋ، تاجىريبەدەن وتكىزۋ ءارى قۇتىبي اۋدانىندا كوپ رەت سىناۋ ارقىلى، سانجى حۇيزۋ اۆتونوميالى وبلىسى وزەن شارلاۋ قىزمەتىندە GIS (جاعراپيالىق ينفورماتسيا جۇيەسى) تەحنيكاسىن جاپپاي قولدانىسقا ەنگىزىپ، وزەن باستىعى ءتۇزىمىنىڭ ينفورماتسيالىق باسقارۋ دەڭگەيىنىڭ كوتەرىلۋى مەن جاڭارتىلۋىن دەمەدى.

  بىلتىر جىل باسىنان بەرى، سانجى وبلىستىق وزەن باستىعى ءتۇزىمى كەڭسەسى ءار دارەجەلى وزەن باستىقتارى، اسىرەسە، اۋىل - قالاشىق دارەجەلى وزەن باستىقتارى شارلاۋ جۇرگىزۋ ارقىلى، شارلاۋ ينفورماتسيالارىنىڭ تىرەگى جەتكىلىكسىز بولۋ، بايقالعان ماسەلەنىڭ جوعارىعا مالىمدەلۋى باياۋ بولۋ جانە شارلاۋ كەزىندە بايقالعان توسىن جاعدايلارعا بايلانىستى ءونىمدى تۇردە دەر كەزىندە كەڭەسۋ، سايكەسۋدىڭ قيىن بولۋى سياقتى ماسەلەلەر ورىن تەۋىپ وتىرعانىن انىقتادى. سوندىقتان، قاتىستى ماسەلەلەردى شەشۋ ءۇشىن سانجى وبلىسى قۇتىبي اۋدانىندا وزەن شارلاۋدىڭ GIS تەحنيكاسىن سىناق رەتىندە قولدانۋدى ۇيعاردى.

  قۇتىبي اۋداندىق وزەن باستىعى ءتۇزىمى كەڭسەسىنىڭ ارناۋلى مىندەتتەگى ورىنباسار مەڭگەرۋشىسى ليۋ جيەنىڭ تانىستىرۋىنشا، GIS تەحنيكاسى − جاعراپيا، كارتوگرافيا جانە الىستان زوندتاۋ مەن كومپيۋتەر عىلىمدارىن ۇشتاستىرىپ، جاعراپيالىق دەرەكتەردى ەنگىزۋگە، ساقتاۋعا، ىزدەۋگە، تالداۋعا جانە كورسەتۋگە ارنالعان كومپيۋتەرلىك جۇيە. سوڭعى جىلدارى GIS تەحنيكاسى سۋ يگىلىگى سالاسىندا كەڭ كولەمدە قولدانىلا باستاعان.

  قۇتىبي اۋداندىق وزەن شارلاۋ كەڭسەسى مەملەكەتتىك سۋ يگىلىگى تاراۋلارىمەن ۇشتاسىپ، وزەن ارنالارىن ۇياشىقتاندىرىپ باسقارۋ تاسىلىنە نەگىزدەلگەن وزەن باستىعى ينفورماتسيالىق باسقارۋ تۇعىرى ۇستىندە ىزدەنىس جاسادى جانە ونى تاجىريبەدەن وتكىزدى ءارى وزەن باستىعى ءتۇزىمى APPىن زەرتتەپ جاسادى. وسى APP، باستىسى، GIS تەحنيكاسىنا نەگىزدەلگەن، وعان بۇكىل وبلىستىڭ اۋدان، قالالارىنداعى وزەندەردىڭ ۇزىندىعى، ورنى جۇكتەلىپ، ءار قىستاقتىڭ وزەن شارلاۋ ورنى، ءۇش قىزمەتكەر بايلانىسشىلارى، لاس سۋدى ىعىستىرۋ اۋىزدارى، توڭىرەكتەگى كاسىپورىندار بەلگىمەن كورسەتىلىپ جانە ۇستەلىپ، وبلىس، اۋدان، اۋىل، قىستاق ءتورت دارەجەلى وزەن باستىقتارىنىڭ ينفورماتسيالانعان جۇيەسى ورناتىلعان. بۇدان سىرت، كۇندەلىكتى وزەن شارلاۋ، ماسەلەلەردى شەشۋگە قۋزاۋ، جاعدايدى حابارلاۋ، جاۋاپكەرشىلىكتى تياناقتاندىرۋ، باسقارۋ، ساناق جاساۋ، تالداۋ سياقتىلار ينفورماتسيالاندىرىپ، تۇعىرلاندىرىپ باسقارۋعا الىنىپ، وزەن - كولدەردى باسقارۋ، قورعاۋ ينفورماتسيالارى دەر كەزىندە جاريالانىپ، قوعامنىڭ باقىلاۋى قابىلدانىلىپ وتىرادى.

  سانجى وبلىستىق وزەن باستىعى ءتۇزىمى كەڭسەسىنىڭ مەڭگەرۋشىسى جاۋ شياندۇڭنىڭ تانىستىرۋىنشا، وسى ينفورماتسيالىق تۇعىردىڭ قولدانىسقا ەنگىزىلۋى وزەن باستىقتارىنىڭ وزەن شارلاۋ كەزىندە بايقالعان ماسەلەلەردى جوعارىعا جولداۋىنا قولايلىلىق تۋدىرىپ، جوعارىعا مالىمدەۋدىڭ ءتارتىبىن ىقشامداپ، جوعارىعا مالىمدەۋ ۋاقىتىن قىسقارتىپ، ماسەلەنىڭ تۇزەتىلۋىنە قىمباتتى ۋاقىتتى ۇتىپ، وزەن شارلاۋدىڭ دەرەگى بولۋىن، ماسەلەلەردىڭ دەر كەزىندە جوعارىعا مالىمدەلۋىن، ينفورماتسيالاردىڭ ىركىلىسسىز جولدانۋىن ىسكە اسىردى. سونىمەن بىرگە، GIS تەحنيكاسى سانجى وبلىسىنىڭ «ءبىر وزەنگە ءبىر ارحيۆ» ورناتۋىنا قاجەتتى ەلەكتروندىق ينفورماتسيالىق حۇجاتتاردى كەمەلدەندىردى، ءار وزەن اعارىنىڭ ەلەكتروندىق حۇجاتىن ورناتۋ ارقىلى، وزەن اعارىنىڭ قايدا جاتقانىن، وزەن اعارى باسىپ وتەتىن اكىمشىلىك اۋماقتار، وزەننىڭ توڭىرەگىندەگى كاسىپورىندار، سۋ يگىلىگى قۇرىلعىلارى، لاس سۋ ىعىستىرۋ كومەيلەرىنىڭ تارالۋى، اۋىل - قالاشىقتاردىڭ «ءۇش قىزمەتكەر» باسقارۋ ورنى مەن شەگى، وزەن شارلاۋدىڭ مەجەسى سياقتى ينفورماتسيالاردى بەس ساۋساقتاي قانىق ءبىلىپ، وزەن باستىعىنىڭ وزەندى جونگە سالۋدا «كارتا بويىنشا سوعىس جۇرگىزۋىن» ىسكە اسىرادى.

قازىر وسى تەحنيكا قۇتىبي اۋدانىندا جاپپاي قولدانىسقا ەندى، سانجى وبلىسى بويىنشا جالپىلاستىرۋ جۇمىسى دا باستالدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار