الەمگە جول سالىپ، بولاشاققا شەرۋ تارتايىق
2018.05.16 16:08 كەلۋ قاينارى : شينجياڭ گازەتى
− ءتوراعا شي جينپيڭنىڭ «<ءبىر بەلدەۋ، ءبىر جول> قۇرىلىسىن قول ۇستاسا وتىرىپ ىلگەرىلەتەيىك» دەگەن تاقىرىپتاعى ارقاۋ ءسوزىن جاريالاعاندىعىنىڭ ءبىر جىلدىعى بايلانىسىمەن
شينحۋا اگەنتتىگىنىڭ ءتىلشىسى دۋ جيڭ
بيىل 3 - ايدا اۆستراليانىڭ سيدنەي قالاسىندا اۆستراليانىڭ ساياسي، ساۋدا سالاسىنىڭ 300دەن استام قايراتكەرى ءبىر اراعا باس قوسىپ، تۇڭعىش كەزەكتى جۇڭگو حالىقارالىق يمپورت كورمەسى اكەلگەن ۇلكەن ساۋدا ورايىن قالاي يگەرۋ كەرەكتىگىن تالقىلادى. جەر جۇزىندەگى يمپورتتى نەگىزگى تاقىرىپ ەتكەن تۇڭعىش رەتكى وسى مەملەكەت دارەجەلى كورمە دۇنيەنىڭ نازارىن اۋدارۋدا.
وسى ۇلكەن نىسان − ءدال ءبىر جىلدىڭ الدىندا جۇڭگونىڭ مەملەكەت ءتوراعاسى شي جينپيڭنىڭ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنىڭ اشىلۋ سالتىنىڭ ارقاۋ سوزىندە جاريالاعان ءبىر قاتار شارالاردىڭ ءبىرى. ءبىر جىلدان بەرى «ءبىر بەلدەۋ، ءبىر جول» قۇرىلىسى سەلبەستىگىنىڭ «حالىقارالىق پويەزى» كينەتيكالىق ەنەرگيانى ونان ارى توپتاپ، قارقىندى ۇدەتە العا جىلجىپ، تاراپتارمەن قول ۇستاپ باقىتتى، تىنىش، جاراسىمدى كوركەم بولاشاققا قاراي زۋلادى.
عالامشاردىڭ ورتاق تانىمى ۇزدىكسىز توپتالدى
«جۇڭگوشا ەرەكشەلىككە يە سۋ بوياۋلى كارتينا» − ۇلى بريتانيا وكسفورد داشۋەسىنىڭ شاقىرىلعان عالىمى جياڭ شيحىڭ «ءبىر بەلدەۋ، ءبىر جولعا» ايالداعاندا وسىلاي سالىستىردى.
ول بىلاي دەدى: ماي بوياۋلى سۋرەتتى كورىپ ۇيرەنگەن باتىستىقتار باستابىندا جۇڭگونىڭ سۋ بوياۋلى سۋرەتتەرىندەگى سۋرەت سالۋ ءتاسىلىن ونشا تۇسىنبەيدى، كەيىن كەلە ونىڭ ۇلگىسى مەن ءمانىن بىلە باستايدى. كەي مەملەكەتتەر جۇڭگو العا قويعان «ءبىر بەلدەۋ، ءبىر جول» دارىپتەمەسىن تۇسىنبەي، كۇمان ارتتى، ءبىراق قۇرىلىستىڭ ىلگەرىلەۋىنە بايلانىستى، ورتاق تانىمدار كوبەيە ءتۇستى.
«تەرەڭ دۇنيە جۇزىلىك ىقپالعا يە» − ۇلى بريتانيانىڭ باس ءۋازىرى تەرەزا مەي بيىل 2 - ايدا جۇڭگوداعى ساپارى كەزىندە «ءبىر بەلدەۋ، ءبىر جولعا» وسىلاي قارادى.
«جۇڭگونىڭ رايوننىڭ گۇلدەنۋىنە قوسقان ماڭىزدى ۇلەسى» − سينگاپۋردىڭ زۇڭليى لي شيانلۇڭ بو - اۋ ازيا تالقى مىنبەرىنىڭ جىلدىق جينالىسىندا «ءبىر بەلدەۋ، ءبىر جولعا» وسىلاي باعا بەردى.
جۇڭگودان شىققان، دۇنيە جۇزىنە تاۋەلدى وسى دارىپتەمەنى مويىندايتىن جانە قابىلدايتىن مەملەكەتتەر بارعان سايىن كوبەيۋدە.
«ءبىر بەلدەۋ، ءبىر جولدى» بەيبىتشىلىك جولى، گۇلدەنۋ جولى، ەسىك اشۋ جولى، جاڭالىق اشۋ جولى، وركەنيەت جولى ەتىپ قۇرىپ شىعۋ − ءتوراعا شي جينپيڭنىڭ ءبىر جىلدىڭ الدىنداعى سوزىندە العا قويىلعان ايقىن نىسانا جانە جوبا.
«ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىنەن بريكس ەلدەرى باسشىلارىنىڭ شيامىن كەڭەسىنە، ازيا - تىنىق مۇحيت ەكونوميكالىق ىنتىماقتاستىق ۇيىمىنىڭ داناڭ ماجىلىسىنەن بو - اۋ ازيا تالقى مىنبەرىنىڭ جىلدىق جينالىسىنا دەيىن، ءبىر جىلدان بەرى، ءتوراعا شي جينپيڭ كوپتەگەن ماڭىزدى حالىقارالىق باس قوسۋلاردا «ءبىر بەلدەۋ، ءبىر جول» دارىپتەمەسىن قايتا - قايتا پايىمداپ، دۇنيە ءجۇزىنىڭ كوپتەگەن ەل حالىقتارىن باقىتقا كەنەلتەتىن وسى عاسىرلىق ينجەنەريانى ءتىپتى كوپ تۇسىنۋىنە جانە مويىنداۋىنا مۇمكىندىك جاسادى.
ءدال وسى نۇسقاۋدىڭ ارقاسىندا، جۇڭگو سىزعان قۇرلىقتاردى ەندەي وتەتىن «ءبىر بەلدەۋ، ءبىر جول» كارتيناسى بارعان سايىن ايقىندالىپ، جاندانىپ، بايي تۇسۋدە. «ءبىر بەلدەۋ، ءبىر جول» قۇرىلىسى جوباسى مەن نىساندارى ۇزدىكسىز تياناقتاندىرىلىپ، حالىقارالىق ىنتىماقتاستىق ۇزدىكسىز ءونىم بەرۋدە.
«<ءبىر بەلدەۋ، ءبىر جول> دارىپتەمەسى ادامزات تاريحىنداعى ەڭ كولەمدى، ەڭ ماڭىزدى ەكونوميكالىق دامۋ نىسانىنا اينالۋى مۇمكىن، ول ساۋدانى بۇرىن - سوڭدى بولماعان تاسىلمەن ىلگەرىلەتەدى ءارى ادامزاتتىڭ باقىتىنا ۇلەس قوسادى»، - دەيدى ۇلى بريتانيا ازيا شاڭىراعىنىڭ ءتوراعاسى گرين بولاشاققا بولجال جاساپ.
ۇندەستىك تاپتى − حالىقارالىق سەرىكتەربارعان سايىن مولايا ءتۇستى
ەجەلگى جىبەك جولى 10 مىڭ شاقىرىمعا سوزىلىپ جاتىر، ال «ءبىر بەلدەۋ، ءبىر جولدىڭ»، ءتىپتى، شەگى جوق. ازيا، ەۆروپا، افريكا قۇرلىقتارىن ءتۇيىندى تۇردە بەتكە العان وسى دارىپتەمە بۇكىل دۇنيە جۇزىنە قۇشاعىن اشۋدا.
ورتا امەريكاداعى پاناما بىلتىر 6 - ايدا جۇڭگومەن ديپلوماتيالىق قاتىناس ورناتقان سوڭ، «ءبىر بەلدەۋ، ءبىر جول» قۇرىلىسىنا جەدەل ات سالىسىپ، جۇڭگومەن «ءبىر بەلدەۋ، ءبىر جول» قۇرىلىسى ەسكەرتپە حاتىنا قول قويعان لاتىن امەريكاسىنداعى تۇڭعىش مەملەكەتكە اينالدى.
پانامانىڭ جۇڭگودا تۇراتىن باس ەلشىسى شى كىفاڭ تاياۋدا شينحۋا اگەنتتىگىنىڭ تىلشىسىنە بەرگەن سۇحباتىندا: «<ءبىر بەلدەۋ، ءبىر جول> دارىپتەمەسى بۇكىل جەر ءجۇزىن بىرگە ارەكەتتەندىردى، پاناما <ءبىر بەلدەۋ، ءبىر جول> دارىپتەمەسىندەگى شەشۋشى ءبىر تۇيىنگە اينالۋدى ءۇمىت ەتەدى»، - دەدى.
ءبىر جىلدىڭ الدىندا ءتوراعا شي جينپيڭ: «ازيادان، ەۆروپادان، الدە افريكادان، امەريكادان بولسىن، بارلىعى <ءبىر بەلدەۋ، ءبىر جول> قۇرىلىسى حالىقارالىق سەلبەستىگىنىڭ سەرىكتەستەرى: <ءبىر بەلدەۋ، ءبىر جول> قۇرىلىسىن كوپشىلىك بىرگە اقىلداسادى، <ءبىر بەلدەۋ، ءبىر جول> قۇرىلىسىنىڭ جەتىستىكتەرىن كوپشىلىك بىرگە بولىسەدى»، - دەپ ايبىندى ۋادە بەردى.
ءدال وسىنداي تەڭدىك، اشىقتىق، جالپىلىق يگىلىك قاسيەتى «ءبىر بەلدەۋ، ءبىر جولدىڭ» دوستار شەڭبەرىن ۇزدىكسىز كەڭەيتتى، «ءبىر بەلدەۋ، ءبىر جول» دارىپتەمەسىنە «سەنىم بەلەتى» مەن «قولداۋ بەلەتىن» تاستاۋشى مەملەكەتتەر، حالىقارالىق ۇيىمدار مەن كاسىپورىندار بارعان سايىن مولايا تۇسۋدە.
بۇگىنگە دەيىن 80نەن استام مەملەكەت پەن حالىقارالىق ۇيىم جۇڭگومەن «ءبىر بەلدەۋ، ءبىر جولدى» بىرگە قۇرۋ ىنتىماقتاستىق كەلىسىمىنە قول قويدى؛ ب م ۇ جينالىسى، ب م ۇ حاۋىپسىزدىك القالار كەڭەسى سياقتىلار ماڭىزدى قاۋلىلارىنا «ءبىر بەلدەۋ، ءبىر جول» قۇرىلىسىنىڭ مازمۇنىن ەنگىزدى؛ وزبەكستان «ءبىر بەلدەۋ، ءبىر جولدى» ديپلوماتيالىق زاڭ جارلىعىنا ەنگىزبەكشى...
جەر شارىنىڭ كاسىپورىن سالاسى دا «ءبىر بەلدەۋ، ءبىر جولدى» عانيبەت وراي ساناپ وتىر. بيىل 3 - ايدا گەرمانيا ونەركاسىبىنىڭ الپاۋىتى سيمەنس سەرىكتەستىگى بەيجيڭدە عالامدىق «ءبىر بەلدەۋ، ءبىر جول» كەڭسەسىن قۇرعاندىعىن ءارى 100دەن استام جۇڭگو كاسىپورنىمەن سەلبەستىك جاساپ، «ءبىر بەلدەۋ، ءبىر جول» بويىنداعى ەلدەردىڭ بازارىن اشاتىندىعىن جاريالادى.
ا ق ش جوعارى عىلىم - تەحنيكالى جاساۋ كاسىپورنى حونيۋەل سەرىكتەستىگى، ۇلى بريتانيانىڭ حۇيفىڭ بانكەسى، اۆستراليانىڭ كەن سالاسىنىڭ الپاۋىتى تينتو سەرىكتەستىگى... ا ق ش تۇتىنۋشىلار اقپاراتى مەن ساۋدا ارناسىنىڭ حابارىنا قاراعاندا، كوپتەگەن ەلارالىق سەرىكتەستىكتەردىڭ جوعارى دارەجەلى باسقارۋشىلارى «ءبىر بەلدەۋ، ءبىر جول» دارىپتەمەسىنىڭ تاپتىرماس وراي بەرەتىندىگىن، اسىرەسە، نەگىزدىك قۇرىلعى سياقتى سالالاردا قىرۋار جاڭا ساۋدا ورايىن تۋدىراتىندىعىن ايتقان.
بلۋبەرگ اقپارات اگەنتتىگىنىڭ ماقالاسىندا «ءبىر بەلدەۋ، ءبىر جولدىڭ» «ناعىز عالامدىق جوباعا» اينالعاندىعى جازىلدى.
تىڭعىلىقتى ىلگەرىلەتتى − ايبىندى جوباعا جاڭا كۇش قوسىلدى
سۇرعىلت ءتۇستى كومىر كەسەكتەرىنەن سالىنعان ءۇي، ءتورت جاعى جار، ءشول، تەڭىز، دۇنيەنىڭ ۇمىت قالعان ءبىر بۇرىشى سياقتى. پاكيستاننىڭ گۋادار قالاسى كەزىندە وڭتۇستىك ازياداعى شەت - شالعاي، جىم - جىلاس جاتقان شاعىن بالىقشىلىق پورتى بولاتىن، دۇنيە ەكونوميكاسىنىڭ تىنىسىن بۇل جەردەن تابۋ قيىن ەدى. بۇگىندە شىت جاڭا تيەۋىش قوراپتى كەمەجاي، سالىنىپ جاتقان قوناق ءۇي، سونداي - اق شالعايعا جالعاساتىن جوعارى جىلدامدىقتى تەمىر جول مەن تاس جول، جالىندى لەپ ەسكەن قالا قۇرىلىسىنىڭ كورىنىستەرى كوز الدىڭىزعا تارتىلادى.
بۇل − ا ق ش «اتلانت مۇحيت» ايلىق جۋرنالى ءتىلشىسىنىڭ گۋادار پورتىنان كورگەندەرى. مۇنداي وزگەرىس «ءبىر بەلدەۋ، ءبىر جول» قۇرىلىسىنىڭ ناتيجەسى. جۇڭگو مەن پاكيستاننىڭ «ءبىر بەلدەۋ، ءبىر جول» سەلبەستىگىنىڭ سيمۆولدىق نىسانى رەتىندە، گۋادار پورتىنىڭ جۇڭگو كاسىپورىندارى جاۋاپتى بولىپ قۇرىلىس پەن جۇمىس جۇرگىزگەننەن بەرگى دامۋ جىلدامدىعىنىڭ ارتۋى سول جەردەگى ادامداردىڭ ارمان الاۋىن تۇتاندىردى.
پاكيستاننىڭ ىشكى ىستەر مينيسترى احسان يحبال تاياۋدا شينحۋا اگەنتتىگىنىڭ تىلشىسىنە بەرگەن سۇحباتىندا: «<ءبىر بەلدەۋ، ءبىر جول> دارىپتەمەسىنىڭ جەبەۋىندەگى جۇڭگو مەن پاكيستاننىڭ ەكونوميكا - ساۋدا سەلبەستىگى پاكيستاننىڭ ميلليونداعان حالقىنىڭ تۇرمىسىنا بەلسەندى وزگەرىستەر اكەلدى»، - دەدى.
ۇلى ءىس ۇلى امالياتقا مۇقتاج. دوستىق ىنتىماقتاستىقتى دامىتۋدان ناقتى كەلىسىم جاساۋعا، قۇرىلىستى قارجىلىق قولداۋ سەرپىنىن ارتتىرۋدان جاڭالىق اشۋ سەلبەستىگىن كۇشەيتۋگە دەيىن، ءتوراعا شي جينپيڭنىڭ ارقاۋ سوزىندە العا قويىلعان ءبىر قىدىرۋ ناقتى شارالار دۇنيە جۇزىنە جۇڭگونىڭ «ءبىر بەلدەۋ، ءبىر جولدى» بىرگە قۇرۋدىڭ دارىپتەۋشىسى، اسىرەسە، جاۋاپكەرلىكتى ۇستىنە الاتىن ورىنداۋشىسى ەكەندىگىن اڭعارتتى.
ءبىر جىلدان بەرى، ورتالىق كاسىپورىندار ۇستىنە الىپ سالعان كەنيانىڭ مومباسا - نايروبي تەمىر جولىندا رەسمي پويەز قاتىناعاننان جۇڭگو مەن رەسەيدىڭ يامال سۇيىلتىلعان تابيعي گاز نىسانىنىڭ تۇڭعىش ءوندىرىس جەلىسى ىسكە قوسىلعانعا دەيىن، «مۇز ۇستىندەگى جىبەك جولىنان» «سيفرلى جىبەك جولىنا» جۇڭگو - لاوس ەكونوميكالىق دالىزىنە دەيىن... «ءبىر بەلدەۋ، ءبىر جول» قۇرىلىسىنداعى حالىقارالىق سەلبەستىك جاڭا ورلەۋگە كوتەرىلۋدە.
ا ق ش «فوربەس» جۋرنالىنىڭ شولۋىندا ايتىلعانىنداي: «دۇنيە جۇزىندەگى ەلدەردىڭ ۇكىمەتتەرى مەن كاسىپورىندارىنىڭ جيىن ۇيلەرىندە، زات تاسىمال تورابى الاڭىندا، ونداعان مەملەكەتتىڭ جاڭادان قۇرىلعان ەكونوميكالىق ەرەكشە رايوندارىندا <ءبىر بەلدەۋ، ءبىر جول قۇرىلىسى> ناقتاپ جارىققا شىعۋدا».
«ءبىر بەلدەۋ، ءبىر جول» قۇرىلىسى نىق قاداممەن ىلگەرىلەتىلىپ، تابىستارى ءبىر تامشى - ءبىر تامشىدان قۇرالۋدا. «ءبىر بەلدەۋ، ءبىر جول» ءار ەلدىڭ دامۋ مەن گۇلدەنۋ ارمانىن ارقالاپ، ءتىپتى جارقىن بولاشاققا جول الىپ بارادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
