اۆتونوميالى رايونىمىزدىڭ 3 - رەتكى جالپى حالىقتىق دەنساۋلىق تەكسەرۋ قىزمەتى باستالدى
2018.05.16 16:08 كەلۋ قاينارى : شينجياڭ گازەتى
تەكسەرۋ تۇرىنە وزگەشە دەنساۋلىق تەكسەرۋ نىسانى قوسىلدى
ءتىلشىمىز چاۋ جين 5 - ايدىڭ 13 - كۇنى ۇرىمجىدەن حابارلايدى. 5 - ايدىڭ 13 - كۇنى تاڭەرتەڭ قاشقار قالاسىنىڭ تۇرعىنى ياقۇپ تۇرسىن الەۋمەتتىك اۋماقتىڭ دەنساۋلىق تەكسەرتۋ جونىندەگى ۇقتىرۋىن تاپسىرىپ العاننان كەيىن، وتباسىنداعىلاردى ەرتىپ قاشقار قالالىق 2 - دەنساۋلىق تەكسەرۋ ورتالىعىنا كەلدى. «تەگىن دەنساۋلىق تەكسەرۋگە قاتىناسقانىما وسىمەن 3 جىل بولدى. پارتيا مەن ۇكىمەتتىڭ ءبىزدىڭ دەنساۋلىعىمىزدىڭ قامىن جەپ، ءوزىمىزدىڭ دەنساۋلىق جاعدايىمىزدى اناعۇرلىم جاقسى يەلەۋىمىزگە مۇمكىندىك جاراتقانىنا زور العىس ايتامىن»، - دەدى ول تىلشىگە.
ءتىلشىنىڭ اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنەن ۇعىسۋىنشا، تاياۋدا رايونىمىزدىڭ 3 - رەتكى جالپى حالىقتىق دەنساۋلىق تەكسەرۋ قىزمەتى جەر - جەردە ىركەس - تىركەس باستالعان. بيىلعى جالپى حالىقتىق دەنساۋلىق تەكسەرۋ قىزمەتى وتكەن جىلدارداعى نەگىزدە تەكسەرۋ تۇرىنە وزگەشە تەكسەرۋ نىسانى قوسىلدى، دەنساۋلىق تەكسەرۋ قۇرىلىمدارى تولىمدىلىعى بار شيپاگەرلەردى ورنالاستىرىپ، دەنساۋلىق تەكسەرتۋشىنى سۇراپ، تىڭداپ، ۇستاپ تەكسەرىپ، سونداي - اق وتباسىنىڭ اۋرۋ تاريحىمەن، گەنەتيكالىق تاريحىمەن، اۋرۋ تۋدىراتىن قاتەرلى فاكتورلارعا جاناسۋ تاريحىمەن، سونداي - اق جاقىننان بەرگى دەنساۋلىق احۋالى سياقتىلارمەن بىرلەستىرىپ، ۇقساماعان قاۋىم مەن ولاردىڭ دەنساۋلىق جاعدايىنا قاراي وزگەشە دەنساۋلىق تەكسەرۋ مازمۇنىن ورنالاستىرادى.
«وكپە تۋبەركۋلەزىن بايقاۋ مولشەرىن ارتتىرۋ ءۇشىن، بيىل 15 جاس جانە 15 جاستان اسقان قالا، اۋىل تۇرعىندارىنا باعىتتاي وتىرىپ كوكىرەك تۇسى رەنتكەن تەكسەرۋىن ورنالاستىردى. جەرگىلىكتى ورىنداعى بەلگىلەنگەن شيپاحانالار وكپە تۋبەركۋلەزىنە شالدىققاندىعى جونىندە كۇمان تاعىلعان ناۋقاستاردى تەكسەرىپ انىقتايدى، وكپە تۋبەركۋلەزىنە شالدىققانى انىقتالىپ تۇراقتاندىرىلعان ناۋقاستار ءبىر تۇتاس ولشەمدى ەمدەۋ باسقارۋ كولەمىنە ەنگىزىلەدى»، - دەدى اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى نەگىزگى ساتى دەنساۋلىق ساقتاۋ باسقارماسىنىڭ باستىعى گو ۋيجياڭ.
«دەنساۋلىق تەكسەرۋ، ءبىر جاعىنان، اۋرۋدىڭ الدىن الۋ بولسا، ەندى ءبىر جاقتان، اۋرۋدى ەمدەۋ بولىپ سانالادى. بيىل ءبىز دەنساۋلىق تەكسەرۋ بارىسىندا بايقالعان ءتۇيىندى ادامداردى جوتكەپ ەمدەيمىز»، - دەدى گو ۋيجياڭ. ول تاعى بىلاي دەپ تانىستىردى: دەنساۋلىق تەكسەرەتىن شيپاگەر دەنساۋلىق تەكسەرتۋگە كەلگەن ادامنىڭ تىڭداپ تەكسەرۋ، سۇراپ تەكسەرۋ، ۇستاپ تەكسەرۋ سياقتى تەكسەرۋلەرىنىڭ جاعدايىن تۋما كەمىستىك اۋرۋى، شەل باسۋ، ءتاج ارتەرياسىنىڭ قاتايۋىنان بولعان جۇرەك اۋرۋ سياقتىلارعا شالدىققان كۇماندى ناۋقاستاردى قاتىستى ەمدەۋ قۇرىلىمىنا مالىمدەيدى، سونداي - اق سوعان جوتكەيدى، دياگنوزى انىقتاپ تۇراقتاندىرىلعان ناۋقاستار الەۋمەتتىك يگىلىق قورى نىسانى، گۋاڭميڭ ارەكەتى سياقتى قۇتقارۋ - كومەك بەرۋ قۇرىلىمدارىنا الدىمەن جوتكەلىپ اقىسىز ەمدەلەدى.
بيىلعى دەنساۋلىق تەكسەرۋ قىزمەتى كەدەي قاۋىمنىڭ اۋرۋىنا نەگىزدەلە وتىرىپ، باعىتتامالى تۇردە تەكسەرۋ جۇرگىزەدى، جوتكەپ ەمدەۋ، شيپاحانادا جاتقىزىپ ەمدەۋ سياقتى جولدارمەن قاداعالاي باسقارىپ، «ارحيۆ تۇرعىزىپ، كارتچكا بەرىلگەن كەدەي قاۋىمنىڭ دەنساۋلىعىن سارالاۋ - تىزىمدەۋ كەستەسىن» جاڭالاپ كەمەلدەندىرەدى.
ۇعىسۋعا قاراعاندا، اۆتونوميالى رايون 2016 - جىلى 9 - ايدان باستاپ تۇتاس رايون كولەمىندە جالپى حالىقتىق دەنساۋلىق تەكسەرۋ ينجەنەرياسىن اتقارعان، شينجياڭ نوپوسىنداعى قالا، اۋىل تۇرعىندارى جىلىنا ءبىر رەت تەگىن دەنساۋلىق تەكسەرۋدەن يگىلىكتەنەدى. بىلتىر رايونىمىزدىڭ جەر - جەرى، تاراۋلار نەگىزگى ساتى دەنساۋلىق تەكسەرۋ قۇرىلىمىندا قىزمەتكەر تاپشى بولۋ، قۇرىلعى جەتىسپەۋ، يقۋات ءالسىز بولۋ سىندى «3 قيىن ماسەلەنى» شەشۋگە كۇش سالىپ، تۇتاس رايونىمىزدا 1700دەن استام دەنساۋلىق تەكسەرۋ پۋنكتىن قۇردى، بۇعان 42 مىڭ ەمدەۋ قىزمەتكەرى ات سالىسىپ، ءار ۇلتتان قۇرام تاپقان 18 ميلليون 844 مىڭ 800 ادامنىڭ دەنساۋلىعىن تەكسەرىپ، حالىقتىڭ دەنساۋلىعىنا قاتەر توندىرەتىن اۋرۋلاردى «ەرتە بايقاۋ، ەرتە دياگنوز قويۋ، ەرتە الدىن الۋ، ەرتە ەمدەۋدى» ورىندادى، سونىمەن بىرگە، ءار ۇلت حالقىنىڭ سالاماتتىلىق تانىمىن ءونىمدى جوعارىلاتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
