بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

مەملەكەتتىك كەڭەس كەڭسەسى «مەنشىك ۇقىعىن قورعاۋعا قاتىستى ەرەجەلەردى، نورماتيۆتىك حۇجاتتاردى اداقتاۋ قىزمەتىن ورىستەتۋ جونىندەگى حابارلاندىرۋدى» باسىپ تاراتتى

2018.05.16 16:08     كەلۋ قاينارى : شينجياڭ گازەتى

  شينحۋا اگەنتتىگىنىڭ 5 - ايدىڭ 14 - كۇنى بەيجيڭنەن بەرگەن حابارى. جۋىقتا مەملەكەتتىك كەڭەس كەڭسەسى «مەنشىك ۇقىعىن قورعاۋعا قاتىستى ەرەجەلەردى، نورماتيۆتىك حۇجاتتاردى اداقتاۋ قىزمەتىن ورىستەتۋ جونىندەگى حابارلاندىرۋدى» (قىسقاشا «حابارلاندىرۋ» دەلىنەدى) باسىپ تاراتتى.

  «حابارلاندىرۋدا» مىنالار اتاپ كورسەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ مەنشىك ۇقىعىن قورعاۋ ءتۇزىمىن كەمەلدەندىرىپ، مەنشىك ۇقىعىن زاڭ بويىنشا قورعاۋ جونىندەگى ورنالاستىرۋى بويىنشا، ءار ءتۇرلى مەنشىكتەگى ەكونوميكانىڭ مەنشىك ۇقىعى مەن زاڭدى ۇقىق - مۇددەلەرى تەڭ تۇرعىدا قورعالاتىن زاڭمەن جونگە سالۋ ورتاسىن قالىپتاستىرۋ ءۇشىن، مەملەكەتتىك كەڭەس مەنشىك ۇقىعىن قورعاۋعا قاتىستى ەرەجەلەردى، نورماتيۆتىك حۇجاتتاردى اداقتاۋ قىزمەتىن ورىستەتۋ جونىندە ۇيعارىم جاسادى.

  «حابارلاندىرۋدا» مىنالار ايقىندالدى: وسى رەتكى اداقتاۋدىڭ كولەمىنە مەملەكەتتىك كەڭەستىڭ تاراۋلارى مەن جەر - جەردەگى حالىق ۇكىمەتتەرى جانە ولارعا قاراستى تاراۋلار بەلگىلەگەن ەرەجەلەر، نورماتيۆتىك حۇجاتتار كىرەدى، ءار ءتۇرلى مەنشىكتەگى ەكونوميكالىق سۋبيەكتىلەردىڭ مۇلىكتى مەنشىكتەنۋ ۇقىعى، پايدالانۋ ۇقىعى، باسقارۋ ۇقىعى جانە پايدا الۋ ۇقىعى سياقتى ءتۇرلى مەنشىك ۇقىقتارىن تەڭ تۇرعىدا قورعاۋعا قايشى بەلگىلەمەلەر، كاسىپورىنداردىڭ ءوندىرىس - شارۋاشىلىق جۇرگىزۋى، كاسىپورىندار مەن تۇرعىنداردىڭ جىلجىمايتىن مۇلىكتى ايىرباسقا سالۋى سياقتى ازاماتتىق سۋبيەكتىلەردىڭ مۇلىك ۇقىعىن جۇرگىزۋىنە ۇيلەسىمسىز شەكتەۋ قويىلعان بەلگىلەمەلەر، سونداي - اق بازار رۇقساتىن بەرۋ، ءوندىرىس فاكتورلارىن پايدالانۋ، قازىنا، سالىق، فينانس، قارجىلاندىرۋ، باعا سياقتى ساياساتتار جاعىندا ءار ءتۇرلى مەنشىكتەگى ەكونوميكالىق سۋبيەكتىلەردى الالاعان، كەمسىتكەن بەلگىلەمەلەر ءتۇيىندى تۇردە اداقتالادى.

  «حابارلاندىرۋدا» مىنالار اتاپ كورسەتىلدى: اداقتاۋ قىزمەتى بيىلعى جىلدىڭ ىشىندە ورىندالۋى كەرەك، «كىم بەلگىلەسە، سول اداقتاۋ» پرينسيبىنە تاباندى بولىپ، «ج ك پ ورتالىق كوميتەتىنىڭ، مەملەكەتتىك كەڭەستىڭ مەنشىك ۇقىعىن قورعاۋ ءتۇزىمىن كەمەلدەندىرىپ، مەنشىك ۇقىعىن زاڭ بويىنشا قورعاۋ جونىندەگى پىكىرىندە» ورنالاستىرىلعان مىندەتتەر مەن قاتىستى جوعارى زاڭداردىڭ تۇزەتىلۋ، كۇشىن جويۋ جاعدايىنا سايكەس، ەرەجەلەردى، نورماتيۆتىك حۇجاتتاردى ءبىر باستان وي ەلەگىنەن وتكىزىپ جانە اداقتاپ، وزگەرتۋگە تيىستىلەرىن وزگەرتۋگە، كۇشىن جويۋعا تيىستىلەرىن جويۋعا كەپىلدىك ەتىپ، پارتيا ورتالىق كوميتەتى مەن مەملەكەتتىك كەڭەستىڭ مەنشىك ۇقىعىن قورعاۋ ءتۇزىمىن كەمەلدەندىرىپ، مەنشىك ۇقىعىن زاڭ بويىنشا قورعاۋ جونىندەگى ورنالاستىرۋلارىن قاز - قالپىندا تىڭعىلىقتى تياناقتاندىرۋ كەرەك.

  «حابارلاندىرۋدا» مىنالار باسا دارىپتەلدى: وڭىرلەر، تاراۋلار اداقتاۋ قىزمەتىنىڭ ماڭىزدىلىعىن جىعا تانىپ، ۇيىمدىق باسشىلىقتى نىعايتىپ، ناقتى جوبالار بەلگىلەپ، جاۋاپكەرشىلىك ءبولىسى مەن ۋاقىت شەگى تالاپتارىن ايقىنداپ، اداقتاۋ قىزمەتىن ءجىتى ورىستەتۋ كەرەك. باقىلاۋ - تەكسەرۋدى كۇشەيتىپ، مەنشىك ۇقىعىن قورعاۋعا قاتىستى ەرەجەلەردى، نورماتيۆتىك حۇجاتتاردى اداقتاۋ قىزمەتىنىڭ باياندى مەحانيزمىن ورناتىپ، مەنشىك ۇقىعىن قورعاۋ ءتۇزىمىن كەمەلدەندىرۋ قىزمەتىنىڭ ۇدەرىسى بويىنشا ديناميكالى تۇردە اداقتاپ وتىرۋ كەرەك. دەر كەزىندە اداقتاماي، مەنشىك ۇقىعىن قورعاۋ مىندەتتەرى مەن شارالارىنىڭ ءونىمدى تۇردە تياناقتاندىرىلۋىنا ىقپال ەتكەندەردى جاۋاپقا تارتۋ كەرەك. وڭىرلەر، تاراۋلار ۇگىتتەۋ، حابارلاۋدى كۇشەيتىپ، قوعام مەن جۇرتشىلىقتان كەڭ كولەمدە پىكىر الۋى ءارى اداقتاۋدىڭ ناتيجەسىن قوعامعا اشىق جاريالاۋى كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار