بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

10 - رەتكى «مەملەكەتتىك اپاتتان ساقتانۋ جانە اپات زيانىن ازايتۋ كۇنى» بايلانىسىمەن رايونىمىز اپاتتان ساقتانۋ جانە اپات زيانىن ازايتۋ كۇنى قيمىلىن وتكىزدى

2018.05.16 16:08     كەلۋ قاينارى : شينجياڭ گازەتى

 ءتىلشىمىز ليۋ جيڭ 5 - ايدىڭ 12 - كۇنى قۇتىبيدەن حابارلايدى. 5 - ايدىڭ 12 - كۇنى 10 - رەتكى «مەملەكەتتىك اپاتتان ساقتانۋ جانە اپات زيانىن ازايتۋ كۇنى»، سونداي - اق ۋىنچۋانداعى جەر سىلكىنىسىنە 10 جىل بولعاندىعىن ەسكە الۋ كۇنى. 5 - ايدىڭ 12 - كۇنى تۇستەن بۇرىن، اۆتونوميالى رايوندىق اپات زيانىن ازايتۋ كوميتەتى، سانجى حۇيزۋ اۆتونوميالى وبلىستىق اپات زيانىن ازايتۋ كوميتەتى، قۇتىبي اۋداندىق حالىق ۇكىمەتى قۇتىبي اۋداندىق مادەنيەت، دەنە تاربيە الاڭىندا «ارەكەتتەنىپ، توڭىرەگىمىزدەگى اپاتتىڭ قاتەرىن ازايتايىق» تاقىرىبىندا ۇگىت - تاربيە قيمىلىن جانە سىلكىنىستەن ساقتانۋ، اپات زيانىن ازايتۋ، شۇعىل جاعدايعا توتەپ بەرۋ جاتتىعۋىن وتكىزدى.

  قاتەردەن شۇعىل ساقتانۋ، ادامداردى بىتىراتۋ، شۇعىل جاعدايدا قولباسشىلىق ەتۋ، قۇتقارۋ قوسىندارىنىڭ جينالۋى، قاتەردەن قۇتقارىپ، اپاتتان اراشالاۋ سياقتى 5 تۇردەگى شۇعىل جاعدايعا توتەپ بەرۋ جاتتىعۋى وتكىزىلدى. بۇدان سىرت، قۇتقارۋ، كومەك كورسەتۋ جابدىقتارىن كورسەتۋ، اپاتتان ساقتانۋ، اپات زيانىن ازايتۋ سۋرەت كورمەسى سياقتى ۇگىت - تاربيە قيمىلدارى دا ورىستەتىلدى.

  قۇتىبي اۋداندىق وقۋ - اعارتۋ جانە عىلىم - تەحنيكا مەكەمەسىنىڭ كادرى شۇي ۋىنجۇن بىلاي دەدى: بۇگىن اپاتتان ساقتانۋ، اپات زيانىن ازايتۋ، شۇعىل جاعدايعا توتەپ بەرۋ جاتتىعۋىنا قاتىناسىپ، سىلكىنىستە قاتەردەن ساقتانۋعا جانە ءوزىمىزدى قۇتقارۋعا قاتىستى كوپتەگەن بىلىمدەرگە يە بولدىم، رايونىمىزدىڭ جەر سىلكىنىسى اپاتى تۋىلعانداعى مىعىم قۇتقارۋ، كومەك كورسەتۋ قابىلەتىنەن دە حابار تاپتىم.

ۇعىسۋعا قاراعاندا، بەرتىنگى جىلداردا رايونىمىزدىڭ اپاتتان ساقتانۋ، اپات زيانىن ازايتۋ ساياسات جۇيەسى ۇزدىكسىز كەمەلدەنىپ، اپاتتان الدىن الا ساقتاندىرۋ، مالىمەت بەرۋ مەحانيزمى اناعۇرلىم كەمەلدەنگەن، اپاتقا شۇعىل توتەپ بەرىپ، قۇتقارۋ، كومەك كورسەتۋ شارالارى بىرتىندەپ تياناقتاندىرىلعان، جالپى بەتتىك بىرلەسىپ قيمىلداۋ، شۇعىل جاعدايعا توتەپ بەرۋ قابىلەتى كورنەكتى جوعارىلاعان. بىلتىردان بەرى رايونىمىز تاشقورعان تاجىك اۆتونوميالى اۋدانىنداعى 5.5 بال جەر سىلكىنىسى، جىڭ اۋدانىنداعى 6.6 بال جەر سىلكىنىسى سياقتى ءتۇرلى اۋىر جاراتىلىستىق اپاتتارعا جوعارى ونىمدىلىكپەن، تارتىپپەن توتەپ بەرگەن. بىلتىر جىل سوڭىندا، رايونىمىزداعى اپاتتان قۇتقارۋ بۇيىمدارىن ساقتايتىن اۋدان دارەجەلى 6 قامبا نىسانعا الىنىپ، قۇرىلعان، 31 ميلليون يۋاندىق اپاتتان قۇتقارۋ بۇيىمدارى نەگىزىنەن ساتىپ الىنعان؛ 2016 - جىلى اپات سەبەپتى قۇلاعان، ويراندالعان تۇرعىن ۇيلەردى قايتا سالۋ جانە 2017 - جىلعى تاشقورعاندى جەر سىلكىنىسىنەن كەيىنگى قايتا قۇرۋ مىندەتى بۇكىلدەي ورىندالعان، جىڭ اۋدانىنداعى جەر سىلكىنىسىنەن كەيىنگى قايتا قۇرۋ قىزمەتى جاپپاي باستالعان، 14 الەۋمەتتىك اۋماق اپات زيانىن ازايتۋداعى مەملەكەتتىك جالپىلىق ۇلگىلى الەۋمەتتىك اۋماق بولىپ قۇرىلعان، اپاتتان ساقتانۋ، اپات زيانىن ازايتۋ ۇگىت - تاربيەسى جۇرت كوڭىلىنە تەرەڭ ۇيالاعان.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار