بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ءپاتيماحان: كىتاپ ءۇيىن اشىپ، ءبىلىم تاراتتى

2018.05.16 16:10     كەلۋ قاينارى : شينجياڭ گازەتى

  4 - ايدىڭ 29 - كۇنى قاراقاش اۋدانى جاڭاجەر اۋىلى كۇيىكەعىل قىستاعىندا تىلشىلىكتە جۇرگەندە ءبىر شارۋالار كىتاپ ءۇيىن بايقادىم. «جاڭا داۋىردە جۇڭگوشا سوتسياليزمنىڭ ۇلى جەڭىسىنە قول جەتكىزەيىك» دەگەن ۇران تاقتاسى كىتاپ ءۇيىنىڭ ەڭ كورنەكتى جەرىنە ءىلىنىپتى، باس شۋجي شي جينپيڭنىڭ شينجياڭنىڭ مەملەكەتتىك حالىق قۇرىلتايى ۋاكىلدەرىن ىقىلاسپەن قابىلداعان سۋرەتى ايرىقشا كوزگە تۇسەدى. ءتىلشى كىتاپ ءۇيىنىڭ قارسىسى مەكتەپ ەكەنىن، بالالاردىڭ مەكتەپتەن تاراعاننان كەيىن وسى اراعا كەلىپ كىتاپ، جۋرنال وقيتىندىعىن، قىستاق تۇرعىندارى دا وسى اراعا كەلىپ كىتاپ وقۋعا قۇشتار ەكەنىن ۇعىستى.

  مەيىرىمدى قارت شەشەي كىتاپ ۇيىندە كىتاپ وقۋعا كەلگەندەردى شاقىرىپ جاتىر، ول 81 جاستاعى ءپاتيماحان ياسىن ەدى.

  ءپاتيماحان قارت ارناۋلى ءبىر ءۇيىن كىتاپ ءۇيى ەتىپ اشىپتى، 2017 - جىلى 1 - ايدا اشىلعاننان قازىرگە دەيىن ءار كۇنى كەلىپ كىتاپ وقيتىن تۇرعىندار مەن بالالاردىڭ اياعى ۇزىلمەيدى ەكەن.

  قايراتى قايتقان شاعىندا ءپاتيماحان نە ءۇشىن كىتاپ ءۇيىن اشادى؟

  «مەن ميقىناتتى كۇندەردى باستان كەشىرگەن اداممىن، ول كەزدە مەن سوناۋ ءيت ارقاسى قياننان وتىن تاسىپ اكەلىپ ساتىپ، ءبىر ءۇيلى جاندى باقتىم: قازىر تۇرمىسىم كۇننەن - كۇنگە جاقساردى، بالالارىمنىڭ بارلىعىندا قىزمەت بار، پارتيا، ۇكىمەت كادرلارى ۇنەمى بىزگە كومىر، كۇرىش، ماي جەتكىزىپ بەرىپ تۇرادى. اسكەريلەردىڭ ءۇي - ىشىندەگىلەر رەتىندە، مەن پارتياعا بىرەر ءىس ىستەپ بەرۋدى ويلادىم، سونىمەن كىتاپ ءۇيىن اشىپ، قىستاق تۇرعىندارىنىڭ كوبىرەك كىتاپ وقىپ، تەحنيكانى كوبىرەك ۇيرەنىپ، زاڭدىق تانىمدارىن كۇشەيتۋدى ويلادىم»، - دەدى ءپاتيماحان قارت.

  ءپاتيماحان 300 نەشە يۋان جۇمساپ، مەملەكەتتە ءبىر تۇتاس قولدانىلاتىن ءتىل - جازۋداعى 10داعان كىتاپتار ساتىپ الدى، قالعان ءبىر ءبولىم كىتاپتاردى قىستاق تۇرعىندار كوميتەتى دايىنداپ بەردى. كىتاپ ءۇيى بولعاننان باستاپ، كورشىلەر ۇنەمى كەلىپ كىتاپ وقيدى، كىتاپ قارىزعا الادى، «اۆتونوميالى رايوننىڭ حالىققا تيىمدىلىك جەتكىزۋدەگى ساياساتىنان تۇسىندىرمە قولدانباسى»، «ازامات جاسىنا تولماعانداردىڭ قىلمىس وتكىزۋىنىڭ الدىن الۋ زاڭى بىلىمدەرىنەن سۇراۋ - جاۋاپ»، «پارتيانىڭ ۇلت، ءدىن ساياساتىنان سۇراۋ - جاۋاپ»، «زالالسىز جەمىس - جيدەك ەگىنشىلىگى»، «مال شارۋاشىلىعى باعىمشىلىعى تەحنيكاسى» سياقتىلاردىڭ بارلىعى قىستاق تۇرعىندارى ۇناتىپ وقيتىن كىتاپتار. اسىرەسە، جەمىس اعاشىن ەگۋ، سيىر، قوي باعۋ سياقتى ەگىن، مال شارۋاشىلىعى تەحنيكاسى جاقتارداعى كىتاپتاردى ەگىنشى - مالشىلار وتە جاقسى كورەدى ەكەن، كەيبىر قىستاق تۇرعىندارى وسى ارادا كەشكە دەيىن كىتاپ وقيدى.

  شارۋالاردىڭ كەشكى مەكتەبى ساباق باستاعاندا، ءپاتيماحاننىڭ كىتاپ ءۇيى دۋمانعا بولەنەدى، قىستاق تۇرعىندارى كەشكى مەكتەپتەن ۇيرەنىپ، بالالارىن ءپاتيماحاننىڭ كىتاپ ۇيىندە كىتاپ وقىپ ۇيرەنۋگە قالدىرادى. ادەتتە ساباقتان تۇسكەننەن كەيىن وقۋشىلار مەن بالاباقشاداعى بالالار دا ونىڭ كىتاپ ۇيىنە كەلىپ كىتاپ وقىعاندى ۇناتادى. ءپاتيماحان تاعى ءوز جانىنان اقشا شىعارىپ 100 تاپسىرما داپتەرىن ساتىپ الىپ، قيىنشىلىعى بار وقۋشىلارعا تاراتىپ بەرىپتى. تىلشىلىك بارىسىندا ءپاتيماحاننىڭ جيەن قىزى ايسىما مامەتابىلا 4 جاستا عانا بولسا دا، كىتاپتاعى سۋرەتتىڭ قايسىسى ءتوراعا ماۋ زىدۇڭ، قايسىسى باس شۋجي شي جينپيڭ ەكەنىن ابدەن بىلەتىندىگىن بايقادىم.

  ءتىلشى ءپاتيماحاننىڭ كىتاپ قارىزعا بەرەتىن 2 داپتەرىندە قىستاق تۇرعىندارى مەن بالالاردىڭ اتى كوپ ەكەنىن كوردى.

  ءپاتيماحان تىلشىگە: مەن قىستاق تۇرعىندارىنا ءبىلىم تاراتامىن، بۇعان تۇرعىندار ايرىقشا ريزا، مەن دە قۋانىشتامىن، كەيبىر تۇرعىندار تاعى ماعان راقىمەتىن ايتىپ كۇرىش، ءبيداي اكەلىپ بەرەدى، ءدامدى تاعامدار ىستەگەندە دە مەنى قالدىرمايدى، - دەدى.

  5 جىلدىڭ الدىندا ءپاتيماحان قارت ەڭ تومەنگى تۇرمىسىن قامتاماسىزداندىرۋدان وزدىگىنەن شەگىنىپ شىقتى، ول قارتايىپ قالسا دا، ءوز ەڭبەگىنە سۇيەنىپ ءوز كۇنىن كورمەك. ول وتكەن جىلى 4 مۋ جەرگە ءجۇزىم ەگىپ، 12 مىڭ يۋان پايدا تاۋىپتى، بيىل ول عىلمي جولمەن ەگۋ ارقىلى ءجۇزىمنىڭ كىرىسىن 15 مىڭ يۋانعا جەتكىزۋدى جوسپارلاپ وتىر ەكەن. ول: مەن تەلەۆيزوردان مەملەكەتتىك ەكى ءماجىلىستىڭ اشىلعانىن كوردىم، اۋىل - قىستاقتى كوركەيتۋ ستراتەگياسىن دا ءبىلدىم، بارلىعىمىز قاتتى تەبىرەندىك، ءبىز شارۋالاردىڭ بۇدان كەيىنگى تۇرمىسى اناعۇرلىم جاقسارا تۇسەتىندىگىنە سەنىمىمىز كامىل، - دەدى.

  بيىلعى كوكتەم مەرەكەسى كەزىندە ءپاتيماحان 150 كيلوگرام ءجۇزىم، 10 جاشىك شىلان جانە 1000 يۋان اقشا الىپ، اسكەري بولىمدەردەگى كوماندير - جاۋىنگەرلەر مەن جەتىمحاناداعى بالالاردان حال سۇراپ قايتتى.

  ءپاتيماحان قارت تىلشىگە: بيىل ءجۇزىم پىسقاننان كەيىن، ەڭ جاقسى ءجۇزىمدى مەملەكەتتى قورعاپ جاتقان جاۋىنگەرلەرگە اپارامىن؛ مەنىڭ تاعى بەيجيڭگە بارىپ، ءوزىم ەككەن ءجۇزىم، جاڭعاقتارىمدى الىپ، باس شۋجي شي جينپيڭگە كەزىككىم كەلەدى، - دەدى.

  بۇل قارت انانىڭ حيكاياسى اناعۇرلىم كوپ قىستاق تۇرعىندارىن قۇلشىنا كۇرەس جاساۋعا، وزدەرىنىڭ قوس قولدارىمەن باقىتتى تۇرمىس جاراتۋعا اسەرلەندىردى جانە ولارعا ىقپال جاساۋدا.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار