بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى شينجياڭعا كەلىپ «جۇقپالى اۋرۋدان ساقتانۋ جانە ونى ەمدەۋ زاڭىنىڭ» اتقارىلۋ جاعدايىن تەكسەردى

2018.05.16 16:10     كەلۋ قاينارى : شينجياڭ گازەتى

 ءتىلشىمىز جاۋ جىيۇن 5 - ايدىڭ 14 - كۇنى ۇرىمجىدەن حابارلايدى. 5 - ايدىڭ 8 - كۇنىنەن 14 - كۇنىنە دەيىن مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى مەملەكەتتىك حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسىنداعىلاردى باستاپ شينجياڭعا كەلىپ، «جۇڭحۋا حالىق رەسپۋبليكاسىنىڭ جۇقپالى اۋرۋدان ساقتانۋ جانە ونى ەمدەۋ زاڭىنىڭ» اتقارىلۋ احۋالىن تەكسەردى. 5 - ايدىڭ 8 - كۇنى تۇستەن كەيىن زاڭنىڭ اتقارىلۋىن تەكسەرۋ گرۋپپاسىنداعىلار رايونىمىزدىڭ «جۇقپالى اۋرۋدان ساقتانۋ جانە ونى ەمدەۋ زاڭىنىڭ» اتقارىلۋ احۋالى جونىندە اۆتونوميالى رايوندىق حالىق ۇكىمەتىنىڭ جانە بيڭتۋاننىڭ قىزمەت مالىمەتىن تىڭدادى ءارى اڭگىمە ءماجىلىس وتكىزدى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن اڭگىمە ءماجىلىستى باسقاردى.

  ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ كوميتەتىنىڭ ورىنباسار مەڭگەرۋشى مۇشەسى ۋ حىڭ كوميتەت باستىعى لي جانشۋدىڭ «جۇقپالى اۋرۋدان ساقتانۋ جانە ونى ەمدەۋ زاڭىنىڭ» اتقارىلۋىن تەكسەرۋ جونىندەگى ماڭىزدى نۇسقاۋىنىڭ رۋحىن جەتكىزىپ، وسى جولعى زاڭنىڭ اتقارىلۋىن تەكسەرۋ قىزمەتىن قىسقاشا تانىستىردى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، شينجياڭ ءوندىرىس - قۇرىلىس بيڭتۋانى پارتكومىنىڭ تۇراقتى مۇشەسى، ورىنباسار سىليڭيۋان لي پيڭ جەكە - جەكە اۆتونوميالى رايون مەن بيڭتۋاننىڭ جۇقپالى اۋرۋدان ساقتانۋ جانە ونى ەمدەۋ قىزمەتىنىڭ جاعدايىن تانىستىردى.

  ەركىن يمىرباقى سوزىندە الدىمەن شينجياڭنىڭ «جۇقپالى اۋرۋدان ساقتانۋ جانە ونى ەمدەۋ زاڭىن» دايەكتىلەندىرۋ، اتقارۋ جولىنداعى قۇلشىنىستارى مەن قول جەتكىزگەن ناتيجەلەرىن تۇراقتاندىردى. ول بىلاي دەپ اتاپ كورسەتتى: جۇقپالى اۋرۋدان ساقتانۋ جانە ونى ەمدەۋ قىزمەتى حالىق بۇقاراسىنىڭ دەنساۋلىعى مەن باس اماندىعىنا قاتىستى. تاياۋ جىلداردان بەرى، اۆتونوميالى رايوندىق پارتكوم شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇقپالى اۋرۋدان ساقتانۋ جانە ونى ەمدەۋ قىزمەتىن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، قوعام ورنىقتىلىعى مەن باياندى تىنىشتىقتى قورعاۋدىڭ ماڭىزدى مىندەتى رەتىندە مىقتى يگەرگەندىكتەن، جۇقپالى اۋرۋدان ساقتانۋ جانە ونى ەمدەۋ جۇيەسى ۇزدىكسىز كەمەلدەنىپ، ساقتانۋ جانە ەمدەۋ قابىلەتى جاپپاي كۇشەيىپ، قىزمەت قابىلەتى بىرتىندەپ جوعارىلاپ، قامتاماسىز ەتۋ شارالارى ۇزدىكسىز كۇشەيىپ، ساقتانۋ جانە ەمدەۋ قىزمەتىندە كورنەكتى ناتيجەلەرگە قول جەتتى.

  ەركىن يمىرباقى بىلاي دەپ باسا دارىپتەدى: مەملەكەتتىك حالىق قۇرىلتايى تۇراقتى كوميتەتى بۇل رەتكى زاڭنىڭ اتقارىلۋىن تەكسەرۋ قىزمەتىن ۇكىمەتتىڭ قاتىستى تاراۋلارىنىڭ جۇقپالى اۋرۋدان ساقتانۋ جانە ونى ەمدەۋ جونىندەگى بەلگىلەمەلەردى بارىنشا ويداعىداي تياناقتاندىرۋىن قۋزاۋ، جەبەۋ ماقساتىندا ورىستەتىپ وتىر. اۆتونوميالى رايوندىق پارتكوم، ۇكىمەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ سالاماتتى جۇڭگو قۇرۋ ستراتەگياسى جونىندەگى شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، جۇقپالى اۋرۋدان ساقتانۋ جانە ونى ەمدەۋ قىزمەتىن تىڭعىلىقتى ورىستەتىپ، زاڭنىڭ اتقارىلۋىن كۇشەيتىپ، حالىق بۇقاراسىنىڭ دەنساۋلىعى مەن باس اماندىعىن قامتاماسىز ەتۋى كەرەك.
 تەكسەرۋ گرۋپپاسى شينجياڭداعى مەزگىلدە ءبىر ءبولىم ايماق، وبلىستارعا بارىپ «جۇقپالى اۋرۋدان ساقتانۋ جانە ونى ەمدەۋ زاڭىن» جالپىلاستىرۋ جونىندەگى ۇگىت - تاربيە، جۇقپالى اۋرۋدان ساقتانۋ جانە ونى ەمدەۋ جۇيەسى قۇرىلىسى مەن قىزمەت مەحانيزمى، جۇقپالى اۋرۋدان ساقتانۋ جانە ونى ەمدەۋ قابىلەتى، جۇقپالى اۋرۋدان ساقتانۋ جانە ونى ەمدەۋ قىزمەتىن قامتاماسىز ەتۋ، سالماقتى جۇقپالى اۋرۋدان ساقتانۋ جانە ونى ەمدەۋ قىزمەتى، ۆاكسينا ەگۋ جانە ۆاكسينانىڭ ساپاسىن باقىلاۋ - باسقارۋ سياقتى قىزمەتتەردىڭ جاعدايىنا ناقتى تەكسەرۋ جۇرگىزدى، سونداي - اق اڭگىمە ءماجىلىس وتكىزىپ، ءار جاقتىڭ پىكىرلەرى مەن ۇسىنىستارىن تىڭدادى.

  مەملەكەتتىك حالىق قۇرىلتايى تۇراقتى كوميتەتىنىڭ جۇقپالى اۋرۋدان ساقتانۋ جانە ونى ەمدەۋ زاڭىنىڭ اتقارىلۋىن تەكسەرۋ گرۋپپاسىنىڭ قۇرامىنداعىلار، اۆتونوميالى رايوننىڭ قاتىستى تاراۋلارىنداعى جاۋاپتى جولداستار اڭگىمە ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار