ەڭبەكپەن قامتاماسىزداندىرۋ، ۇقىقتى قورعاۋ قىزمەت وتەۋ پۋنكتى ەسىگىمىزدىڭ الدىندا قۇرىلدى
2018.05.18 14:48 كەلۋ قاينارى : شينجياڭ گازەتى
ءتىلشىمىز سۋ لۋپيڭ
5 - ايدىڭ 8 - كۇنى ساعات 11دە ءۇرىمجى قالاسى حۇيجيايۋان تۇرعىندار رايونى وڭتۇستىك رايونىنداعى الاڭ قىزۋ دۋمانعا بولەندى، قىزمەتكەر قابىلدايتىن 18 ورىن قىزمەتكەر قابىلداپ قاربالاس بولىپ جاتسا، قىزمەت ىزدەگەن 100 نەشە ادام كەڭەس سۇراۋدا. سول كۇنى ءۇرىمجى قالاسى سايباق رايونى پيڭديڭشان شاعىن رايونى ەڭبەكپەن قامتاماسىزداندىرۋ، ۇقىقتى قورعاۋ قىزمەت وتەۋ پۋنكتى قۇرىلدى، سونداي - اق الەۋمەتتىك اۋماقتىڭ تۇڭعىش رەتكى قىزمەتكەر قابىلداۋ جينالىسى وسىندا اشىلدى.
«ءبىز ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنەن كەلدىك، بۇدان كەيىن ەڭبەك داۋ - شارى، قوعامدىق قامتاماسىزداندىرۋ ماسەلەلەرىنە جولىقساڭدار كەز كەلگەن ۋاقىتتا ءبىزدى ىزدەۋلەرىڭە بولادى». ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا سايباق رايونى پيڭديڭشان شاعىن رايونى باسقارۋ كوميتەتىنىڭ حۇيجيايۋان الەۋمەتتىك اۋماعىندا تۇراتىن قىزمەت اترەتىنىڭ مۇشەسى جيا جيا تۇرعىندارعا وسىلاي تانىستىردى. قىسقا عانا اشىلعان باستالۋ راسىمىنەن كەيىن، ءبىر تۇرعىن الدىعا شىعىپ، سۇراۋ قويدى: «مەنىڭ ۇرىمجىدەگى نوپوسىم كۇشىن جويعان ەدى، ءبىراق 10 نەشە جىلدان بەرى قوعامدىق قامتاماسىزداندىرۋ قاراجاتىمدى ۇرىمجىدە تاپسىرىپ كەلدىم، نوپوسىم كۇشىن جويعان كەزدە، قاراجات تاپسىرعان ەستەلىكتەرىم تۇگەل جوق بولدى، بۇنى قايتسەم بولار؟». «نوپوستىڭ كۇشىن جويعانى تۋرالى انىقتاما الىپ، ادام كۇشى بايلىعى جانە قوعامدىق قامتاماسىزداندىرۋ مەكەمەسىنە بارىپ اۋىستىرۋ راسمياتىن بىتىرسەڭىز بولعانى»، - دەپ جاۋاپ بەردى جيا جيا.
«پيڭديڭشان شاعىن رايونىندا ساۋدالىق تۇرعىندار رايونى كوپ، جىلجىمالى ادام سانى مول، كوپتەگەن تۇرعىننىڭ زاڭدىق ءبىلىمى تاياز، زاڭدىق ۇقىعىنا بىرەۋ قول سۇقسا، زاڭ قارۋىنان پايدالانىپ، ۇقىعىن قورعاۋدى بىلە بەرمەيدى. سىرتتان وسىندا كەلىپ جۇمىس ىستەۋشىلەردىڭ كەيبىرەۋى قىزمەت ىستەتۋشى ورىندارمەن قاعاز جۇزىندە توقتام جاساۋعا ءمان بەرمەيدى، تەك عانا اۋىزدا كەلىسە سالاتىندىقتان، الدا - جالدا داۋ - شار تۋىلا قالسا، سىپات كورسەتە المايدى»، - دەدى ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا سايباق رايونى پيڭديڭشان شاعىن رايونى باسقارۋ كوميتەتى حۇيجيايۋان الەۋمەتتىك اۋماعىندا تۇراتىن قىزمەت اترەتىنىڭ باستىعى، ءبىرىنشى شۋجيى چي شۋشۋان. ءۇي - ءۇيدى ارالاپ جاعداي ۇعىسۋ بارىسىندا ولار كوپتەگەن تۇرعىندار جۇمىس ىستەۋ بارىسىندا قىزمەتكەر ىستەتۋشى ورىنداردىڭ ەڭبەك توقتامىن جاساماۋى، قوعامدىق قامتاماسىزداندىرۋ قاراجاتىن تاپسىرماۋى، جۇمىس ۋاقىتىن ۇزارتۋى، ەڭبەكاقىنى كەشەۋىلدەتۋى سياقتى احۋالدارعا جولىققانىن، ەڭبەك بارىسىندا ۇقىعىنا زيان جەتكەندەردىڭ ارىزدانۋى، ەڭبەك تالاس - تارتىسىن سايكەستىرۋ، ەڭبەكپەن قامتاماسىزداندىرۋ جونىندەگى زاڭ - بەلگىلەمەلەردەن كەڭەس الۋعا، سونداي - اق جۇمىستانۋ، كاسىپ اشۋعا قاتىستى ساياساتتارعا، ينفورماتسيالارعا تۇرعىندار قاتتى ءزارۋ ەكەندىگىن بايقادى. تۇرعىنداردىڭ قاجەتىن قاناعاتتاندىرۋ ءۇشىن، ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ارنايى پيڭديڭشان شاعىن رايونىندا ەڭبەكپەن قامتاماسىزداندىرۋ، ۇقىقتى قورعاۋ جىلجىمالى قىزمەت وتەۋ پۋنكتىن قۇردى، پۋنكت حۇيجيايۋان الەۋمەتتىك اۋماعىنىڭ ىشىنەن قۇرىلىپ، پيڭديڭشان شاعىن رايونىنداعى 13 الەۋمەتتىك اۋماققا قىزمەت وتەيدى.
تۇرعىندارعا اناعۇرلىم جاقسى قىزمەت وتەۋ ءۇشىن، ءۇرىمجى قالاسى سايباق رايونى پيڭديڭشان شاعىن رايونى باسقارۋ كوميتەتى وسىعان قوسا ەڭبەكپەن قامتاماسىزداندىرۋ ەرىكتى قىزمەت وتەۋ اترەتىنەن 15ىن قۇردى، ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا حۇيجيايۋان الەۋمەتتىك اۋماعىندا تۇراتىن قىزمەت اترەتى باس بولىپ، باسقارۋ كوميتەتىندەگى، سونداي - اق الەۋمەتتىك اۋماقتىڭ قوعامدىق قامتاماسىزداندىرۋ پۋنكتىندەگى قىزمەتكەرلەرگە قاتىستى زاڭ - بەلگىلەمەلەردەن، كاسىپتىك بىلىمدەردەن كۋرس اشىپ، قاراستى الەۋمەتتىك اۋماقتاعى ەڭبەك ۇقىعىن قورعاۋ، ەڭبەكپەن قامتاماسىزداندىرۋ قاجەتى بار تۇرعىنداردىڭ جۇمىستانۋ، جۇمىس ىستەۋ جاعىنداعى قاجەتىن شەشىپ بەردى. «ءبىز ءاربىر الەۋمەتتىك اۋماققا ەڭبەكپەن قامتاماسىزداندىرۋ، ۇقىعىن قورعاۋ جىلجىمالى قىزمەت وتەۋ پۋنكتىنىڭ حابارلاسۋ تاسىلدەرىن تۇگەلدەي باسىپ تاراتتىق، سونىمەن بىرگە ءۇي - ءۇيدى ارالاپ، جاعداي ۇعىسۋ بارىسىندا ۇگىت جۇرگىزدىك. قىزمەت وتەۋ پۋنكتىنەن بىتىرۋگە بولاتىن ىستەردى سوندا بىتىرەمىز، پۋنكتتە بىتىرۋگە كەلمەيتىن ىستەردى قاتىستى ورىنداردىڭ، تاراۋلاردىڭ بىتىرۋىنە سايكەستىرىپ بەرەمىز»، - دەدى چي شۋشۋان.
«وسىدان بۇرىن ءبىر سەرىكتەستىكتە 4 اي جۇمىس ىستەدىم، قارسى جاق توقتام جاساماي ۋاقىتتى سوزا بەردى، جۇمىستان شىعىپ كەتكەن كەزىمدە، جارتى ايلىق ەڭبەكاقىمدى تاعى تارتىپ قالدى، قازىر ەڭبەكپەن قامتاماسىزداندىرۋ، ۇقىقتى قورعاۋ جىلجىمالى قىزمەت وتەۋ پۋنكتى ەسىك الدىمىزدا قۇرىلدى، ءبىزدىڭ ۇقىعىمىزدى قورعاۋىمىز وڭايلاساتىن بولدى». سول كۇنى حۇيجيايۋان الەۋمەتتىك اۋماعىنىڭ تۇرعىنى جاڭ لانگاۋ قۋانا وسىلاي دەدى، ول الەۋمەتتىك اۋماقتاعى قىزمەتكەر قابىلداۋ جينالىسىنان ويلاعانداي قىزمەت تە تاۋىپ الدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
