شي جينپيڭ چاۋشيان ەڭبەك پارتياسىنىڭ دوستىق ەكسكۋرسيا ۇيىرمەسىندەگىلەرمەن كەزدەستى
2018.05.18 14:54 كەلۋ قاينارى : شينجياڭ گازەتى
شينحۋا اگەنتتىگىنىڭ 5 - ايدىڭ 16 - كۇنى بەيجيڭنەن بەرگەن حابارى (ءتىلشى لي جۇڭفا). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 5 - ايدىڭ 16 - كۇنى بەيجيڭدە چاۋشيان ەڭبەك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەتتىڭ ورىنباسار باستىعى پاك تەيسوڭ باستاعان چاۋشيان ەڭبەك پارتياسىنىڭ دوستىق ەكسكۋرسيا ۇيىرمەسىندەگىلەرمەن كەزدەستى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋىنىڭ شۋجيى ۋاڭ حۋنيڭ كەزدەسۋ سياقتى قاتىستى قيمىلدارعا قاتىناستى.
پاك تەيسوڭ، ەڭ اۋەلى، كيم جوڭ - ۇننىڭ باس شۋجي شي جينپيڭگە جولداعان شىنايى سالەمىن جەتكىزدى. شي جينپيڭ پاك تەيسوڭعا ءوزىنىڭ كوميتەت باستىعى كيم جوڭ - ۇنعا دەگەن ىقىلاستى سالەمىن جەتكىزۋدى تاپسىردى. شي جينپيڭ بىلاي دەدى: بيىل 3 - ايدا كوميتەت باستىعى كيم جوڭ - ۇن جۇڭگودا ءساتتى ساپار جاسادى، مەن ونىمەن تاريحي كەزدەسۋ وتكىزدىم، وتكەن اپتادا مەن تاعى دا كوميتەت باستىعى كيم جوڭ - ۇنمەن دالياندا ءساتتى كەڭەس وتكىزدىم، ەكى جاق بىرگە كوڭىل ءبولىپ وتىرعان كەلەلى ماسەلەلەر جونىندە ىشكەرىلەي اڭگىمەلەسىپ، جاڭا داۋىردەگى جۇڭگو - چاۋشيان قاتىناسىنىڭ دامۋىنا ايقىن باعىت نۇسقادىق. وسى رەت چاۋشياننىڭ بارلىق ولكەلىك، قالالىق كوميتەت باستىقتارىنىڭ ۇيىرمە ۇيىمداستىرىپ جۇڭگوعا ساپارلاۋى ءبىر جاعىنان كوميتەت باستىعى كيم جوڭ - ۇن ەكەۋىمىزدىڭ ەكى رەتكى كەزدەسۋىمىزدەگى ماڭىزدى ورتاق تانىمداردى تياناقتاندىرۋدىڭ ناقتى شاراسى ءارى ەكى پارتيانىڭ ءبىر رەتكى ماڭىزدى بارىس - كەلىسى بولدى، بۇل كوميتەت باستىعى كيم جوڭ - ۇن مەن چاۋشيان پارتيا ورتالىق كوميتەتىنىڭ ەكى پارتيانىڭ، ەكى ەلدىڭ اۋىس - كۇيىسىن، تاجىريبە الماستىرۋىن كۇشەيتۋگە، جۇڭگو مەن چاۋشياننىڭ دوستىق ىنتىماقتاستىعىن تەرەڭدەتۋگە وسكەلەڭ ءمان بەرەتىنىن ايگىلەدى. ەكى جاقتىڭ وسى رەتكى ساپاردى وراي ەتىپ، اۋىس - كۇيىستى، ىنتىماقتاستىقتى تەرەڭدەتىپ، جۇڭگو مەن چاۋشياننىڭ دوستىق ىنتىماقتاستىق قاتىناسىنىڭ ۇزدىكسىز العا ىلگەرىلەۋىن جەبەيتىندىگىنە سەنەمىن.
شي جينپيڭ مىنالاردى اتاپ كورسەتتى: قازىر جۇڭگوشا سوتسياليزم جاڭا داۋىرگە ءوتتى، چاۋشياننىڭ سوتسياليستىك دامۋى جاڭا تاريحي كەزەڭگە ءوتتى. ءبىز وڭتۇستىك - سولتۇستىك قاتىناسىن جاقسارتۋدى، چاۋشيان - ا ق ش كەڭەسىن ىلگەرىلەتۋدى، تۇبەكتى يادرولىق قارۋسىزداندىرۋدى ىسكە اسىرۋدى قولدايمىز، چاۋشياننىڭ ەكونوميكانى دامىتۋىن، حالىق تۇرمىسىن جاقسارتۋىن قولدايمىز، كوميتەت باستىعى كيم جوڭ - ۇن باستاعان چاۋشيان پارتياسى مەن حالقىنىڭ ءوز ەلىنىڭ جاعدايىنا ۇيلەسەتىن دامۋ جولىمەن ءجۇرۋىن قولدايمىز، چاۋشيانمەن پارتيانى، مەملەكەتتى جونگە سالۋ جاعىنداعى تاجىريبەلەردە اۋىس - كۇيىستى تەرەڭدەتىپ، ەكى ەلدىڭ سوتسياليستىك قۇرىلىس ىستەرىندە تىڭ دا اناعۇرلىم زور جەتىستىكتەرگە قول جەتكىزۋىن ىلگەرىلەتۋدى قالايمىز. وسىندا وتىرعان ولكەلىك، قالالىق كوميتەت باستىقتارى جولداستار − چاۋشياننىڭ سوتسياليزم ىستەرىن دامىتۋداعى تىرەكتى كۇشتەر، سىزدەردىڭ كوميتەت باستىعى كيم جوڭ - ۇننىڭ باسشىلىعىندا چاۋشياننىڭ ەكونوميكاسىنىڭ، قوعامىنىڭ دامۋىن ىلگەرىلەتۋدە تىڭ دا اناعۇرلىم زور تابىستارعا قول جەتكىزۋلەرىڭىزدى تىلەيمىن.
پاك تەيسوڭ بىلاي دەدى: چاۋشيان - جۇڭگو ەكى ەل پارتياسىنىڭ ەڭ جوعارى باسشىلارى چاۋشيان مەن جۇڭگونىڭ ءداستۇرلى دوستىعىن ساۋلەلەندىرىپ، ەتەنە جولداستارداي ىركەس - تىركەس تاريحي كەزدەسۋ وتكىزىپ، چاۋشيان مەن جۇڭگو قاتىناسىنىڭ جاڭا باسقىشقا ءوتۋىن ىلگەرىلەتتى. وسى رەت چاۋشياننىڭ بارلىق ولكەلىك، قالالىق كوميتەت باستىقتارىنان قۇرالعان دوستىق ەكسكۋرسيا ۇيىرمەسىنىڭ كوميتەت باستىعى كيم جوڭ - ۇننىڭ ارنايى جىبەرۋىمەن جۇڭگودا ساپاردا بولۋىنىڭ ماقساتى − ەكى پارتيانىڭ ەڭ جوعارى باسشىلارىنىڭ ماڭىزدى ورتاق تانىمىن تياناقتاندىرىپ، جۇڭگونىڭ ەكونوميكالىق قۇرىلىسىنىڭ جانە رەفورما جاساپ، ەسىك اشۋىنىڭ تاجىريبەلەرىن ۇيرەنىپ، چاۋشيان پارتياسىنىڭ كۇشتى شوعىرلاندىرىپ ەكونوميكانى الدىمەن دامىتۋ سىندى جاڭا ستراتەگيالىق لۋشيانىن دايەكتىلەندىرۋگە، تياناقتاندىرۋعا بەلسەندى رول اتقارىپ، ەكى پارتيا باسشىلارى كۇشەيتكەن چاۋشيان مەن جۇڭگونىڭ دوستىعىن بەكەمدەۋگە تىڭ ۇلەستەر قوسۋ.
كەزدەسۋدەن بۇرىن شي جينپيڭ چاۋشيان ەڭبەك پارتياسىنىڭ دوستىق ەكسكۋرسيا ۇيىرمەسىندەگىلەرمەن بىرگە سۋرەتكە ءتۇسىپ ەستەلىك قالدىردى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ جوعارىداعى قيمىلدارعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
