ج ك پ ورتالىق كوميتەتى «سوتسياليستىك وزەكتى قۇن كوزقاراسىن زاڭمەن جونگە سالۋ قۇرىلىسىنا،زاڭ شىعارۋعا، زاڭعا وزگەرىس ەنگىزۋگە ءسىڭىرۋ جوباسىن» باسىپ تاراتتى
2018.05.18 14:54 كەلۋ قاينارى : شينجياڭ گازەتى
شينحۋا اگەنتتىگىنىڭ 5 - ايدىڭ 7 - كۇنى بەيجيڭنەن بەرگەن حابارى. جۋىقتا ج ك پ ورتالىق كوميتەتى «سوتسياليستىك وزەكتى قۇن كوزقاراسىن زاڭمەن جونگە سالۋ قۇرىلىسىنا، زاڭ شىعارۋعا، زاڭعا وزگەرىس ەنگىزۋگە ءسىڭىرۋ جوباسىن» (تومەندە قىسقاشا «جوبا» دەلىنەدى) باسىپ تاراتتى، سونداي - اق حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن بىرلەستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«جوبادا» مىنالار باسا دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، مەملەكەتتى جاپپاي زاڭمەن جونگە سالۋعا تاباندى بولىپ، سوتسياليستىك وزەكتى قۇن كوزقاراسى جۇيەسىنەن جازباي، سوتسياليستىك وزەكتى قۇن كوزقاراسىن زاڭدار مەن ەرەجەلەردىڭ جاسالۋ، وزگەرىس ەنگىزىلۋ، كۇشىنەن قالدىرىلۋ، ءتۇسىندىرىلۋ جالپى بارىسىنا ءسڭىرىپ، ءار رەتكى زاڭ شىعارۋدا بەتالىستىڭ اناعۇرلىم ايقىن، تالاپتىڭ اناعۇرلىم انىق، شارالاردىڭ اناعۇرلىم پارمەندى بولۋىنا كەپىلدىك ەتىپ، 5 تە 10 جىل ۋاقىت ىشىندە سوتسياليستىك وزەكتى قۇن كوزقاراسىنىڭ جۇڭگوشا سوتسياليستىك زاڭدار جۇيەسىمەن جاپپاي توعىسۋىن ىلگەرىلەتىپ، بۇكىل ەلدەگى ءار ۇلت حالقى ىنتىماقتاسا كۇرەسەتىن ورتاق يدەيالىق - ءمورالدىق نەگىزدى بەكەمدەپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ ءۇشىن بەرىك تۇزىمدىك كەپىل ۇسىنۋ كەرەك.
«جوبادا» مىنالار اتاپ كورسەتىلدى: سوتسياليستىك وزەكتى قۇن كوزقاراسىن زاڭدارعا، ەرەجەلەرگە ءسىڭىرۋدى ىلگەرىلەتۋدە، ءسوز جوق، مىنا پرينسيپكە بويسۇنۋ كەرەك: پارتيانىڭ باسشىلىعىنا تاباندى بولۋ، قۇن جەتەكشىلىگىنە تاباندى بولۋ، حالىق ءۇشىن زاڭ شىعارۋعا تاباندى بولۋ، ماسەلەنى نىشان ەتۋگە تاباندى بولۋ، ءبىر تۇتاس ىلگەرىلەتۋگە تاباندى بولۋ.
«جوبادا» 6 جاقتاعى باستى مىندەت ايقىندالدى: ءبىرىنشى، مال - مۇلىك ۇقىعىن قورعاۋ، كەلىسىمدى قورعاۋ، بازاردى بىرلىككە كەلتىرۋ، تەڭ ايىرباس جاساسۋ، ءادىل باسەكەلەسۋ سياقتىلاردى نەگىزگى بەتالىس ەتىپ، سوتسياليستىك بازار شارۋاشىلىعىنىڭ زاڭ - تۇزىمدەرىن كەمەلدەندىرۋ. ادىلدىكتى وزەكتى پرينسيپ ەتكەن مال - مۇلىكتى قورعاۋ ءتۇزىمىن كەمەلدەندىرىپ، مال - مۇلىكتى قورعاۋدىڭ زاڭمەن جونگە سالۋ ارناسىنا ءتۇسۋىن ىلگەرىلەتۋ. ازاماتتىق زاڭ جيناعىنىڭ ءار بولىمدەرىن قۇراستىرۋ - جازۋ قىزمەتىن جەدەل ىلگەرىلەتىپ، سوتسياليستىك وزەكتى قۇن كوزقاراسى ارقىلى ازاماتتىق زاڭ جيناعىنىڭ رۋحىن سومداپ، ازاماتتىق ىستەر سۋبيەكتىنىڭ سوتسياليستىك وزەكتى قۇن كوزقاراسىن سانالى تۇردە جۇزەگە اسىرۋىن ىلگەرىلەتۋ. ەكىنشى، حالىقتىڭ نەگىزگى تۇلعالىق ورنىنا تاباندى بولىپ جانە كەمەلدەندىرىپ، سوتسياليستىك دەموكراتيالىق ساياسيدىڭ زاڭمەن جونگە سالۋ ارناسىنا ءتۇسۋىن ىلگەرىلەتۋ. نەگىزگى زاڭنىڭ جۇڭگوشا سوتسياليستىك زاڭدار جۇيەسىندەگى جەتەكشىلىك رولىن تولىق ساۋلەلەندىرىپ، نەگىزگى زاڭدا سوتسياليستىك وزەكتى قۇن كوزقاراسىنىڭ تالاپتارىن ايگىلەۋ. سوتسياليستىك وزەكتى قۇن كوزقاراسىن زاڭ شىعارۋ تۇزىلىسىنە ءسىڭىرىپ، ءتۇپ قاينارىنان ايقىن قۇندىق بەتالىسقا كەپىلدىك ەتۋ. ءادىليا جاۋاپكەرشىلىگى ءتۇزىمىن وزەك ەتكەن ءادىليا ءتۇزىلىسى رەفورماسىن جاپپاي ىلگەرىلەتىپ، ءادىليالىق باسقارۋ ءتۇزىلىسى مەن ءادىليالىق بيلىك جۇرگىزۋ مەحانيزمىن كەمەلدەندىرىپ، حالىق بۇقاراسىنىڭ ءار ءادىليالىق دەلودان ادىلدىك پەن تۋراشىلدىقتى سەزىنۋىنە مۇمكىندىك جاساۋعا قۇلشىنۋ. ءۇشىنشى، وزىق مادەنيەتتىڭ ادامدى تاربيەلەۋ، ادامدى وزگەرتۋ رولىن ساۋلەلەندىرىپ، مادەنيەت جونىندە زاڭ - ءتۇزىم ورناتۋ جانە كەمەلدەندىرۋ. الەۋمەتتىك مادەنيەتتەن قىزمەت كورسەتۋ جانە مادەنيەت كاسىبى جونىندەگى زاڭدار جۇيەسىن كەمەلدەندىرىپ، جۇڭحۋانىڭ تاڭداۋلى، ءداستۇرلى مادەنيەتىنىڭ جالعاستىرىلۋىنا، دامۋىنا پايدالى زاڭدىق ءتۇزىم ورناتىپ جانە كەمەلدەندىرىپ، ينتەرنەت ينفورماتسياسى سالاسىنداعى زاڭ شىعارۋ جۇمىستارىن كەمەلدەندىرۋ. ءتورتىنشى، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن كوزدەپ، حالىق تۇرمىسى جونىندەگى زاڭ - تۇزىمدەردى جەدەل كەمەلدەندىرۋ. حالىق تۇرمىسىن قامتاماسىز ەتۋدى جانە جاقسارتۋدى ءتۇيىن ەتىپ، قوعامدىق قۇرىلىس جاعىنداعى زاڭ - ءتۇزىمدى كەمەلدەندىرىپ، نەگىزگى الەۋمەتتىك قىزمەت كورسەتۋلەردىڭ ولشەمدەنۋىن، بىركەلكىلەنۋىن، زاڭمەن بەكىتىلۋىن ىلگەرىلەتۋ. نەگىزگى ەمدەۋ، دەنساۋلىق ساقتاۋ جاعىندا زاڭدار جاساپ، ءادىل، قولجەتىمدى، جوعارى ءونىمدى نەگىزگى ەمدەۋدەن، دەنساۋلىق ساقتاۋدان قىزمەت كورسەتۋ جۇيەسىن ورناتۋ. قوعامدىق ۇيىمدار جونىندەگى زاڭ شىعارۋ جۇمىستارىن كەمەلدەندىرىپ، ءتۇرلى قوعامدىق ۇيىمداردىڭ اقاۋسىز دامۋىن بەلسەنە ارناعا ءتۇسىرۋ جانە جەتەكتەۋ. بەسىنشى، ادام مەن تابيعاتتىڭ جاراسىمدى دامۋىن جەبەپ، ەكولوگيالىق وركەنيەتتىڭ قاتاڭ، بەرىك زاڭدىق ءتۇزىمىن ورناتۋ. جاسىل ءوندىرىس جانە تۇتىنۋ جونىندەگى زاڭ - تۇزىمدەردى جەدەل ورناتىپ، ەكولوگيالىق وركەنيەت قۇرىلىسىن تۇزىمدىك، زاڭمەن جونگە سالۋ ارناسىنا ءتۇسىرۋ. استىق حاۋىپسىزدىگى سياقتى جاقتاردا زاڭدار جانە ەرەجەلەر جاساپ، ۇقىپتى، ۇنەمشىل بولۋدى ىلگەرىلەتىپ، استىقتى قاستەرلەۋ، ۇنەمشىل تۇتىنۋ ۇستانىمىن دارىپتەۋ. التىنشى، ءمورال سالاسىنداعى كورنەكتى ماسەلەلەر جونىندەگى ارنايى زاڭ شىعارۋ جۇمىستارىن كۇشەيتىپ، كەيبىر نەگىزگى ءمورالدىق تالاپتاردى دەر كەزىندە زاڭدىق ولشەمگە اينالدىرۋ. قاھارمان ارداگەرلەردى قورعاۋ جاعىندا زاڭ جاساپ، قاھارمان ارداگەرلەردى ارداقتايتىن، قورعايتىن، ولاردان ۇيرەنەتىن، ولارعا قامقورلىق جاسايتىن تاماشا قوعامدىق سالت قالىپتاستىرۋ. قوعامدىق سەنىمدىلىك جۇيەسىنە قاتىستى زاڭدىق جۇيەنى كەمەلدەندىرۋ جونىندە ىزدەنىس جاساپ، سەنىمدىلىك جاعىنداعى زاڭداردى زەرتتەپ جاساپ، زاڭعا بويسۇنىپ، سەنىمدى اقتاعانداردى سيلاۋ - ماداقتاۋ مەحانيزمى مەن زاڭدى بۇزىپ، سەنىمنەن ايرىلعانداردى بىرلەسىپ جازالاۋ مەحانيزمىن كەمەلدەندىرۋ. ازاماتتاردىڭ مادەنيەتتى ارەكەتتەرىن جەبەۋ جاعىنداعى زاڭ - تۇزىمدەردى جاساۋ جونىندە ىزدەنىس جاساپ، جالپى حالىقتى وركەنيەتتى كوزقاراس ورناتۋعا جەتەكتەپ جانە ىلگەرىلەتىپ، كونە عۇرىپ - ادەتتەردى وزگەرتۋدى ىلگەرىلەتىپ، مادەنيەتتى جاڭا سالتتى دارىپتەۋ.
«جوبادا» مىنالار باسا دارىپتەلدى: سوتسياليستىك وزەكتى قۇن كوزقاراسىن زاڭدارعا، ەرەجەلەرگە ءسىڭىرۋ − اسا ماشاقاتتى، كۇردەلى مىندەت، ءونىمدى شارالار قولدانىپ، مۇقيات جوسپارلاپ اتقارىپ، زاڭدار مەن ەرەجەلەردىڭ مەملەكەتتىڭ قۇندىق نىساناسىن، قوعامنىڭ قۇندىق بەتالىسىن، ازاماتتاردىڭ قۇندىق ولشەمىن اناعۇرلىم ويداعىداي ايگىلەۋىنە مۇمكىندىك جاساۋ كەرەك. ءار دارەجەلى پارتكومدار سوتسياليستىك وزەكتى قۇن كوزقاراسىن زاڭمەن جونگە سالۋ قۇرىلىسى قىزمەتىنە سىڭىرۋگە ايرىقشا ءمان بەرىپ، زاڭ شىعارۋ ورگاندارىنىڭ سوتسياليستىك وزەكتى قۇن كوزقاراسىن زاڭدار مەن ەرەجەلەرگە سىڭىرۋىنە قولداۋ كورسەتۋ كەرەك. ورتالىق كوميتەت ۇگىت ءبولىمى، ورتالىق كوميتەت ساياسي - زاڭ كوميتەتى ءار جاقتىڭ كۇشىن ءبىر تۇتاس ورنالاستىرىپ، باقىلاۋدى، قۋزاۋدى، تەكسەرۋدى كۇشەيتىپ، جوبانىڭ دايەكتىلەنۋىن، تياناقتانۋىن ىلگەرىلەتۋ كەرەك. مەملەكەتتىك حالىق قۇرىلتايىنىڭ تۇراقتى كوميتەتى مەن مەملەكەتتىك كەڭەس قىزمەت مەحانيزمدەرىن كەمەلدەندىرىپ، سوتسياليستىك وزەكتى قۇن كوزقاراسىنىڭ زاڭ شىعارۋ جونىندەگى قاجەتىنە تەرەڭدەي تالداۋ جاساپ، زاڭ شىعارۋ نىساندارىن جيناۋ جانە دالەدەۋ ءتۇزىمىن كەمەلدەندىرىپ، زاڭ شىعارۋ جونىندەگى جوسپار - جوبالاردى ويداعىداي جاساپ، ءتۇيىندى سالالارداعى زاڭ شىعارۋ، زاڭعا وزگەرىس ەنگىزۋ اياق الىسىن تەزدەتۋ كەرەك. سوتسياليستىك وزەكتى قۇن كوزقاراسىن زاڭمەن جونگە سالۋ قۇرىلىسىنا، زاڭ شىعارۋعا، زاڭعا وزگەرىس ەنگىزۋگە ءسىڭىرۋ قىزمەتىنىڭ اياق الىسى جونىندەگى ۇگىتتەردى كۇشەيتىپ، شىعارىلعان زاڭدار مەن ەرەجەلەر جونىندە دەر كەزىندە ۇگىتتەۋ، ءتۇسىندىرۋ جۇمىستارىن جۇرگىزۋ كەرەك. قوعامدىق پىكىرگە جەتەكشىلىك ەتۋدى كۇشەيتىپ، تيپتىك مىسالداردى حابارلاپ، زاڭمەن جونگە سالۋ رۋحىن اسقاقتاتىپ، قوعامدىق دۇرىس سالت ورناتىپ، جيىركەنىشتى، سۇرقيا ارەكەتتەردى قانداۋىرلاپ، ادامداردى سوتسياليستىك وزەكتى قۇن كوزقاراسىن ناقتى ارەكەتتەرىندە ايگىلەۋگە جەتەكتەۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
