بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ اسكەري ىستەر عىلىم اكادەمياسىندا قىزمەت تەكسەرگەن كەزدە جوعارى دەڭگەيدەگى اسكەري ىستەر عىلمي زەرتتەۋ قۇرىلىمىن قۇرۋعا قۇلشىنىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋعا پارمەندى تىرەك ۇسىنۋدى باسا دارىپتەدى

2018.05.18 14:54     كەلۋ قاينارى : شينجياڭ گازەتى

 شينحۋا اگەنتتىگىنىڭ 5 - ايدىڭ 16 - كۇنى بەيجيڭنەن بەرگەن حابارى (تىلشىلەر لي شيۋانلياڭ، ۋاڭ يتاۋ). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 16 - كۇنى تۇستەن بۇرىن اسكەري ىستەر عىلىم اكادەمياسىندا قىزمەت تەكسەرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان اسكەري ىستەر عىلىم اكادەمياسى 8 - رەتكى پارتيا قۇرىلتايىنىڭ اشىلۋىنا قىزۋ قۇتتىقتاۋ ءبىلدىرىپ، اسكەري ىستەر عىلىم اكادەمياسىنداعى بارلىق جولداستارعا شىن ىقىلاسپەن سالەم جولدادى. ول مىنالاردى باسا دارىپتەدى: اسكەري ىستەر عىلىمى − اسكەري ىستەر امالياتىنا جەتەكشىلىك ەتەتىن، اسكەري ىستەر وزگەرىسىن جەتەكتەيتىن ماڭىزدى كۇش. جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ساياسيدى باسشىلىققا الىپ ارميا قۇرۋعا، رەفورما ارقىلى ارميانى قۇدىرەتتەندىرۋگە، عىلىم - تەحنيكا ارقىلى ارميانى كوركەيتۋگە، ارميانى زاڭ بويىنشا جونگە سالۋعا تاباندى بولۋ، سوعىس مايدانىن بەتكە الۋعا، اسكەري قوسىندى بەتكە الۋعا، بولاشاقتى بەتكە الۋعا تاباندى بولۋ، نازاريا مەن تەحنيكانى توعىستىرۋعا، زەرتتەۋ مەن قولدانۋدى بىرلەستىرۋگە، ارميا مەن حالىقتى توعىستىرۋعا تاباندى بولۋ، وسىزاماندانعان اسكەري ىستەر عىلىمىن جەدەل دامىتىپ، جوعارى دەڭگەيدەگى اسكەري ىستەر عىلمي زەرتتەۋ قۇرىلىمىن قۇرۋعا قۇلشىنۋ كەرەك.

  اسكەري ىستەر عىلىم اكادەمياسى − جۇڭگو حالىق ازاتتىق ارمياسىنىڭ ماڭىزدى عىلمي زەرتتەۋ قۇرىلىمى، ول نەشە 10 جىلدان بەرى مەملەكەت قورعانىسى جانە اسكەري قوسىن قۇرىلىسى ءۇشىن ماڭىزدى ۇلەس قوستى. وسى رەتكى مەملەكەت قورعانىسى مەن اسكەري قوسىن رەفورماسىن تەرەڭدەتۋ بارىسىندا، اسكەري ىستەر عىلىم اكادەمياسى قايتا جاساقتالدى، شي جينپيڭ بىلتىر 7 - ايدا قايتا قۇرىلعان اسكەري ىستەر عىلىم اكادەمياسىنا اسكەري جالاۋ تابىستاپ، ءتالىم بەردى.

  ساعات 9دان 15 مينۋت وتكەندە، شي جينپيڭ اسكەري ىستەر عىلىم اكادەمياسىنىڭ اسكەري مەديتسينا زەرتتەۋ مەكەمەسىنە كەلىپ، قاتىستى عىلمي زەرتتەۋ ينجەنەريالارىنىڭ اياق الىس جاعدايىن تەكسەردى. ءبىر تالاي جەتىستىكتەردىڭ الەمنىڭ وزىق دەڭگەيىنە جەتكەنىن كورىپ، شي جينپيڭ ايرىقشا قۋانىپ، كوپشىلىكتى ونان ارى قۇلشىنىپ، تاعى دا تاماشا ناتيجەلەر جاراتۋعا ىنتالاندىردى.

  اسكەري مەديتسينا زەرتتەۋ مەكەمەسىنەن شىعىپ، شي جينپيڭ اسكەري ىستەر عىلىم اكادەمياسىنىڭ ورگانىنا كەلدى. شي جينپيڭ عىلمي زەرتتەۋ دارىندىلارىنا ايرىقشا ءمان بەردى، ول اسكەري ىستەر عىلىم اكادەمياسىندا قىزمەت ىستەيتىن «ەكى اكادەميا» اكادەميكتەرىنە ارنايى بارىپ امانداسىپ، ولاردىڭ قىزمەت جاعدايلارىمەن ىقىلاسپەن تانىستى. شي جينپيڭ مىنالاردى اتاپ كورسەتتى: سىزدەر − پارتيا مەن ارميامىزدىڭ باعالى بايلىعىسىزدار، مەن سىزدەردى ءار دايىم ويلاپ جۇرەمىن، سىزدەردىڭ كوبىرەك ناتيجە شىعارۋلارىڭىزدى، قوسىندى جاقسى باستاۋلارىڭىزدى، ارميانى قۇدىرەتتەندىرۋ، ارميانى كوركەيتۋ ءۇشىن اناعۇرلىم كەسەك ۇلەس قوسۋلارىڭىزدى ءۇمىت ەتەمىن. شي جينپيڭ قاتىستى تاراۋلارعا دارىندىلارعا تولىق قۇرمەت ەتۋدى، دارىندىلارعا قامقورلىق جاساۋدى، دارىندىلاردى باۋلۋ، دارىندىلاردى تارتۋ، دارىندىلاردى توپتاۋ، دارىندىلاردان پايدالانۋ قىزمەتىن تىڭعىلىقتى، ويداعىداي ىستەۋدى، دارىندىلاردان پايدالانۋدا قاساڭ قاعيدالاردى بۇزىپ، جوعارى ساپالى اسكەري ىستەر عىلمي زەرتتەۋ دارىندىلار سابىن قالىپتاستىرۋدى تاپسىردى.

  اسكەري ىستەر عىلىم اكادەمياسىنىڭ عىلمي زەرتتەۋ تابىستارى كورمە تاقتالاردا، ەكسپوناتتاردا شوعىرلى ايگىلەنگەن. شي جينپيڭ ولاردى دەن قويا كوزدەن كەشىرىپ، ارا كىدىك كىدىرىپ، سۇراستىرىپ، عىلمي زەرتتەۋ نىساندارىنىڭ اياق الىس جاعدايىمەن ەگجەي - تەگجەيلى تانىسىپ، قولعا كەلگەن ناتيجەلەردى تولىق تۇراقتاندىردى.

  دۋ قول شاپالاق ءۇنى ىشىندە شي جينپيڭ اسكەري ىستەر عىلىم اكادەمياسى 8 - رەتكى پارتيا قۇرىلتايىنىڭ ۋاكىلدەرىن ىقىلاسپەن قابىلداپ، ولارمەن بىرگە سۋرەتكە ءتۇسىپ، ەستەلىك قالدىردى.

  وسىدان كەيىن شي جينپيڭ اسكەري ىستەر عىلىم اكادەمياسىنىڭ قىزمەتىنەن بايانداما تىڭدادى ءارى ماڭىزدى ءسوز سويلەدى. ول مىنالاردى باسا دارىپتەدى: اسكەري ىستەر عىلمي زەتتەۋى ايرىقشا كۇشتى ىزدەنىستىك سيپاتقا يە، جاڭالىق اشۋدى اناعۇرلىم كورنەكتى ورىنعا قويىپ، ستراتەگيالىق جوسپارلاۋ مەن جوعارى دەڭگەيدە جوبالاۋدى تىڭعىلىقتى ىستەپ، اسكەري ىستەر نازاريالارىندا جاڭالىق اشۋدى، مەملەكەت قورعانىسى عىلىم - تەحنيكاسىندا جاڭالىق اشۋدى، اسكەري ىستەر عىلمي زەرتتەۋ قىزمەتىن ۇيىمداستىرۋ ۇلگىسىندە جاڭالىق اشۋدى كۇشەيتىپ، اسكەري ىستەر عىلمي زەرتتەۋلەرىنىڭ جاڭالىق اشۋ قوزعالتقىشىن تولىق ىسكە قوسۋ كەرەك.

  شي جينپيڭ مىنالاردى اتاپ كورسەتتى: سوعىس پەن شايقاس جۇرگىزۋ ماسەلەسىن مىقتى ۇستاي وتىرىپ، اسكەري ىستەر نازاريالارىندا جاڭالىق اشۋدى ىلگەرىلەتىپ، شايقاس جۇرگىزۋدىڭ ارميامىز ەرەكشەلىگىنە يە، وسى زامانعى سوعىس زاڭدىلىعىنا ۇيلەسەتىن وزىق نازاريالىق جۇيەسىن قالىپتاستىرىپ، قازىرگى زامان جۇڭگو ماركسيزمى اسكەري ىستەر نازارياسىن دامىتۋدىڭ تىڭ ءورىسىن ۇزدىكسىز اشۋ كەرەك. امالياتتان نازارياعا، نازاريادان قايتا امالياتقا وتەتىن تۇيىق اينالىمدى اشىپ، اسكەري ىستەر نازاريالىق زەرتتەۋلەرىنىڭ اماليات توپىراعىنا تامىر تارتۋىنا، امالياتتىڭ سىنىن قابىلداۋىنا مۇمكىندىك جاساپ، نازاريا مەن امالياتتىڭ ۇتىمدى ىقپالداستىعىن جۇزەگە اسىرۋ كەرەك.

  شي جينپيڭ مىنالاردى باسا دارىپتەدى: عىلىم - تەحنيكا ارقىلى ارميانى كوركەيتۋ ستراتەگياسىن جەدەل اتقارىپ، باسىم سالالاردى بەكەمدەپ جانە كۇشەيتىپ، جاڭا گۇلدەنگەن سالالاردا جاڭالىق اشۋ سەرپىنىن كۇشەيتىپ، ستراتەگيالىق، بولاشاقتىق، توڭكەرىستىك سيپاتتى تەحنيكالاردى جەتىلدىرۋدى كۇشەيتۋ كەرەك. دەربەس جاڭالىق اشۋدىڭ ستراتەگيالىق تياناعىنا تاباندى بولىپ، دەربەس جاڭالىق اشۋ اياق الىسىن بۇلجىتپاي جەدەلدەتىپ، وزەكتى تەحنولوگيالاردا بارىنشا ەرتە جاڭالىق اشۋ كەرەك. نازاردى ناقتى سوعىسقا شوعىرلاندىرۋعا تاباندى بولىپ، عىلىم - تەحنيكالىق جاڭالىق اشۋ جەتىستىكتەرىن كادەگە جاراتۋدى، پايدالانۋدى مىقتى ۇستاپ، عىلىم - تەحنيكادا جاڭالىق اشۋدىڭ جاۋىنگەرلىك قۋات قۇرىلىسىنا اناعۇرلىم ويداعىداي قىزمەت ەتۋىنە مۇمكىندىك جاساۋ كەرەك.

  شي جينپيڭ مىنالاردى اتاپ كورسەتتى: اسكەري ىستەر عىلمي زەرتتەۋ سالاسىنداعى ساياسات - ءتۇزىم رەفورماسىن ىلگەرىلەتىپ، ىركىلىسسىز، ۇتىمدى اينالىم مەحانيزمىن قالىپتاستىرىپ، جاڭالىق اشۋ ومىرشەڭدىك كۇشىن تولىق ىسكە قوسۋ كەرەك. نازاريا مەن عىلىم - تەحنيكانى توعىستىرۋدىڭ مازمۇندارىن، مەحانيزمدەرىن، ادىستەرىن ىشكەرىلەي زەرتتەپ، نازاريا مەن عىلىم - تەحنيكانى توعىستىرۋ جولىمەن تىڭعىلىقتى، ويداعىداي ءجۇرۋ كەرەك. ەسىك اشا وتىرىپ عىلمي زەرتتەۋمەن شۇعىلدانۋعا تاباندى بولىپ، سايكەسىپ جاڭالىق اشۋدى كۇشەيتىپ، ارميا مەن حالىقتىڭ توعىسۋىن كۇشەيتىپ، حالىقارالىق اۋىس - ءتۇيىس پەن ىنتىماقتاستىقتى نىعايتىپ، اسكەري ىستەر عىلمي زەرتتەۋ قىزمەتىندە جاپپاي بىرلەسەتىن، جاپپاي سايكەسەتىن جالىندى جاعداي قالىپتاستىرۋدى ىلگەرىلەتۋ كەرەك.

  شي جينپيڭ سوڭىندا مىنالاردى باسا دارىپتەدى: پارتيانىڭ ارمياعا ابسوليۋتتى باسشىلىعىنا مىزعىماي تاباندى بولىپ، پارتيانى جاپپاي قاتاڭ جونگە سالۋ تالاپتارىن مۇقيات تياناقتاندىرىپ، ءار دارەجەلى پارتيا ۇيىمدارىن بەكەم قۇرىپ شىعىپ، پارتيانىڭ باسشىلىعىن اسكەري ىستەر عىلمي زەرتتەۋ قىزمەتىنىڭ ءار جاعىنا جانە جالپى بارىسىنا ءسىڭىرۋ كەرەك. عىلمي زەرتتەۋدەگى ستيل قۇرىلىسىن نىعايتىپ، عىلمي زەرتتەۋ قارجىلارىن باسقارۋدى كۇشەيتىپ، تاماشا سالت قالىپتاستىرۋ كەرەك. ءار دارەجەلى ورىندار ىرىقتىلىقپەن ناقتى قيىنشىلىقتاردى شەشىپ، كوپشىلىكتى جۇدىرىقتاي جۇمىلدىرىپ، جاڭا داۋىردەگى اسكەري ىستەر عىلمي زەرتتەۋ قىزمەتىنىڭ جاڭا جاعدايىن اشۋعا قۇلشىنۋ كەرەك.

  شۇي چيلياڭ، جاڭ يوۋشيا، ۋي فىڭحى، لي زوچىڭ، مياۋ حۋا، جاڭ شىڭمين اتالعان قيمىلعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار