گۇلسانام: اناعۇرلىم مول قولونەر بۇيىمدارىن شەتەلگە شىعارامىن
2018.05.18 15:47 كەلۋ قاينارى : شينجياڭ گازەتى
نەشە كۇننەن بەرى، گۇلسانام عوجامكەلدى قاربالاس بوپ كەتتى، ول بىرگە جۇمىس جاسايتىن اپەكە - سىڭلىلەرىن باستاپ ءار كۇنى كيىم - كەشەك، اشەكەي بۇيىمدارىن تىگىپ ۇستەمەلەي جۇمىس ىستەدى، ويتكەنى ساياحات ماۋسىمى كەلىپ جەتتى، داڭقىنا قۇمارتىپ تاشقورعان تاجىك اۆتونوميالى اۋدانىنا ساياحاتتاي كەلەتىن ەل ءىشى - سىرتىنىڭ ساياحاتشىلارى كورنەكتى مولايدى، تاجىكتەردىڭ ۇلتتىق كيىمىنە، اشەكەي بۇيىمدارىنا سۇرانىس تا ەسەلەپ ارتتى.
كەستەشىلىك تاجىكتەردىڭ ءداستۇرلى قولونەرى ءارى تاجىك قىز - كەلىنشەكتەرىنىڭ، ءسوزسىز، بىلۋگە ءتيىستى ونەرى. 4 - ايدىڭ 28 - كۇنى ءتىلشى تاشقورعان تاجىك اۆتونوميالى اۋدانىنىڭ فيليبا قولونەر بۇيىمدارى كاسىپتىك سەلبەستىك كووپەراتيۆىنە بارىپ، تاجىكتەردىڭ قولونەر بۇيىمدارىن تاماشالادى: كيىمدەرى قىزىلدى نەگىزگى ءتۇس ەتكەن، ءساندى دە قىمباتتى ەكەن؛ قولونەر بۇيىمدارى اق كۇمىستەن جاسالادى ەكەن، ادەمى ءارى وزگەشە كورىنەدى...
«كووپەراتيۆىمىزدىڭ ايلىق ساتىلىمى 30 مىڭ يۋان اينالاسىندا». وسى قولونەر بۇيىمدارى كاسىپتىك كووپەراتيۆىنىڭ القا باستىعى گۇلسانام عوجامكەلدىنىڭ ەڭ ۇلكەن ارمانى تاجىكتەردىڭ قولونەر بۇيىمدارىن شەتەلگە شىعارۋ ەكەن. «بيىل باس شۋجي شي جينپيڭ جاڭا جىلدى قۇتتىقتاۋ سوزىندە <باقىت كۇرەسكەرلىكتەن كەلەدى> دەپ، مەنىڭ كۇرەسۋ سەنىمىمدى بەكەمدەي ءتۇستى. مەن سەلبەستىك كووپەراتيۆىنىڭ كولەمىن ۇلعايتىپ، تاجىكتەردىڭ مۇنان دا مول ەرەكشە قولونەر بۇيىمدارىن شەتەلدەرگە شىعارسام دەيمىن».
سەلبەستىك كووپەراتيۆى قۇرىلۋدان ىلگەرى، گۇلسانام قاتارداعى وتباسى ايەلى بولاتىن، ءوزى ۇلتتىق كيىمدەر جانە كەستە تىگىپ ساتاتىن. كەيىن الارمانداردىڭ قاجەتى ارتىپ، ءوزى تىگىپ - ساتۋمەن الارمانداردىڭ قاجەتىن قامداي الماي قالدى، سونىمەن ول دۇكەن اشۋ ويىنا كەلەدى.
«تاجىكتەردىڭ ۇلتتىق كيىمدەرى، اشەكەي بۇيىمدارى ەرەكشە ءوتىمدى، ەندەشە، مەن اناعۇرلىم كوپ تاماشا نارسەلەردى الارماندارعا دايىنداۋىم كەرەك قوي»، - دەيدى گۇلسانام.
2015 - جىلى 5 - ايدا جەرگىلىكتى ۇكىمەتتىڭ زور كۇشپەن قولداۋىندا، گۇلسانام 12 وتباسى ايەلىمەن بىرلەسىپ فيليبا قولونەر بۇيىمدارى كاسىپتىك سەلبەستىك كووپەراتيۆىن قۇردى، ولاردىڭ 400 شارشى مەترلىك ءوندىرىس سەحى بولىپ عانا قالماستان، تاعى دا اۋدان ورتالىعىنان ءبىر دۇكەن اشىپ، ونىمدەرىن كورمەگە قويدى جانە ساتتى.
3 جىلدىق دامۋدى باستان كەشىرىپ، سەلبەستىك كووپەراتيۆىنىڭ مۇشەلەرى العاش قۇرىلعانداعى 13 ادامنان دامىپ قازىرگى 150 ادامعا كوبەيدى. ولار ۇلتتىق ەرەكشەلىككە يە كيىمدەردى جوبالاپ، تىگۋدەن سىرت، تاعى 30 تۇرلىدەن استام كەستەلى بۇيىم جانە ساياحات ەستەلىك بۇيىمىن جاڭادان بازارعا سالدى. ولاردىڭ شەبەر ساۋساقتارىنان شىققان تاجىكتەردىڭ ۇلتتىق كيىمدەرى، اشەكەي بۇيىمدارى قاشقارداعى جەرگىلىكتى تۇتىنۋشىلاردىڭ عانا ەمەس، تاجىكستاندىق، پاكيستاندىق ساۋداگەرلەردىڭ دە كوڭىلىنەن شىقتى.
«سەلبەستىك كووپەراتيۆىنىڭ ءساتتى اينالىمعا ءتۇسۋى ماعان تەك قۇلشىنعاندا عانا، تاماشا تۇرمىسقا قول جەتكىزۋگە بولاتىندىعىن ۇعىندىردى. قازىر بىرگە ىستەيتىن اپەكە - سىڭلىلەر وزدەرىنىڭ قۇلشىنسىنىڭ ارقاسىندا، ادەمى كيىمدەر كيىپ عانا قويماي، ەكونوميكالىق دەربەستىككە قول جەتكىزدى»، - دەيدى گۇلسانام ماقتانىشپەن.
2016 - جىلدان باستاپ، گۇلسانام تاجىكتەردىڭ قولونەر بۇيىمدارىن جاساۋعا تاربيەلەۋ كۋرسىن اشتى، قازىرگە دەيىن كاسىپتەنبەگەن كەدەي ايەلدەردەن 600دەن استام ادام - رەت تاربيەلەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
