شوكىرات زاكىر جۇڭگو عىلىم اكادەمياسى شينجياڭ ەكولوگيا جانە گەوگرافيا زەرتتەۋ ورنىندا تەكسەرۋ - زەرتتەۋ جۇرگىزگەن كەزدە جاڭا دامۋ ۇستانىمدارىن دايەكتىلەندىرىپ، جاڭا كەزەڭدەگى ساياحاتتى دامىتۋ قىزمەتىن ويداعىداي ىستەۋدى باسا دارىپتەدى
2018.05.21 14:59 كەلۋ قاينارى : شينجياڭ گازەتى
ءتىلشىمىز سۇي يۇنيان 5 - ايدىڭ 18 - كۇنى ۇرىمجىدەن حابارلايدى. 5 - ايدىڭ 18 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جۇڭگو عىلىم اكادەمياسى شينجياڭ ەكولوگيا جانە گەوگرافيا زەرتتەۋ ورنىنا كەلىپ، اۆتونوميالى رايونىمىزدىڭ ساياحات كاسىبىنىڭ دامۋ جاعدايى جونىندە تەكسەرۋ - زەرتتەۋ جۇرگىزىپ، كەلەسى قادامداعى قىزمەتتەردى اقىلداسىپ، تالقىلاپ، ساياحات كاسىبىنىڭ قاۋىرت دامۋىن ىلگەرىلەتۋ جونىندەگى سەنىم مەن بەكىمدى نىعايتتى. شوكىرات زاكىر مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، تياناقتاندىرىپ، جاڭا كەزەڭدەگى ساياحاتتى دامىتۋ قىزمەتىن ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ۇلەس قوسۋ كەرەك.
جۇڭگو عىلىم اكادەمياسى شينجياڭ ەكولوگيا جانە گەوگرافيا زەرتتەۋ ورنىنىڭ ۇلگى سارايىندا تەكسەرۋ - زەرتتەۋ جۇرگىزىپ، سونداي - اق شينجياڭ ساياحات زەرتتەۋ مەكەمەسىندە جىبەك جولى مۇرالارى جانە ساياحات ءىرى ساندى مالىمەت ورتالىعىنىڭ قىزمەت جاعدايى جونىندە ىشكەرىلەي تەكسەرۋ - زەرتتەۋ جۇرگىزىپ، اۆتونوميالى رايوننىڭ ساياحات قىزمەتىنەن مالىمەت تىڭداعاننان كەيىن، شوكىرات زاكىر بىلاي دەدى: جۇڭگو عىلىم اكادەمياسى شينجياڭ ەكولوگيا جانە گەوگرافيا زەرتتەۋ ورنىنىڭ، سونداي - اق شينجياڭ ساياحات زەرتتەۋ مەكەمەسىنىڭ ساياحاتتى دامىتۋ ءۇشىن قالاعان عىلمي زەرتتەۋ نەگىزى، ينفورماتسيالاندىرۋ تاسىلىمەن ۇسىنعان ساياحاتتىق جان - جاقتى قىزمەت كورسەتۋى شينجياڭ ساياحات كاسىبىنىڭ قاۋىرت دامۋى ءۇشىن ۇلەس قوستى.
شوكىرات زاكىر مىنالاردى اتاپ كورسەتتى: ورنىقتى، ءتارتىپتى قوعامدىق ورتا دامۋعا تاماشا شارت - جاعداي جاساپ وتىر، قازىر اۆتونوميالى رايونىمىزدىڭ ساياحات كاسىبىنىڭ دامۋىندا تاماشا بەتالىس جارىققا شىقتى. اۆتونوميالى رايوندىق پارتكوم ساياحات كاسىبىن زور كۇشپەن دامىتۋ جونىندە ماڭىزدى شەشىم قابىلدادى، بۇل جاڭا دامۋ ۇستانىمدارىن دايەكتىلەندىرۋدىڭ، ەكونوميكانىڭ ساپالى دامۋىن ىلگەرىلەتۋدىڭ ماڭىزدى شاراسى، دامۋ تاسىلىنە بۇرىلىس جاساۋدىڭ، ەكونوميكالىق قۇرىلىمدى ساپالىلاندىرۋدىڭ، دامۋدىڭ قوزعاۋشى كۇشىن اۋىستىرۋدىڭ كوكەي تەستى قاجەتى. اۆتونوميالى رايوندىق پارتكومنىڭ ساياحات كاسىبىنە بەلگىلەگەن ستراتەگيالىق ورنى بويىنشا، ساياسي دەڭگەيدى جوعارىلاتىپ، يدەيالىق تانىمدى بىرلىككە كەلتىرىپ، اۆتونوميالى رايونىمىز ساياحات كاسىبىنىڭ قاۋىرت دامۋىن بىرگە ىلگەرىلەتۋىمىز كەرەك.
شوكىرات زاكىر مىنالاردى باسا دارىپتەدى: باس شۋجي شي جينپيڭنىڭ «دامىتۋ بارىسىندا قورعاۋ، قورعاۋ بارىسىندا دامىتۋ» ماڭىزدى نۇسقاۋىنىڭ رۋحىن بەرىك، باتىل تۇردە ناقتى تياناقتاندىرىپ، «تۇنىق سۋ، جاسىل تاۋ − قىمباتتى بايلىق»، «مۇزدى القاپ پەن قارلى دالا دا باعالى بايلىق» دەيتىن دامۋ ۇستانىمدارىن ساياحاتتى جوسپارلاۋدىڭ، اشۋدىڭ، باسقارۋدىڭ، قىزمەت كورسەتۋدىڭ تۇتاس بارىسىمەن ساباقتاستىرىپ، ساياحات كاسىبىن زور كۇشپەن دامىتىپ، ساياحات كاسىبىن شىن مانىندە شينجياڭنىڭ تىرەكتى كاسىبىنە، شينجياڭ ەكونوميكاسىنىڭ جوعارى ساپالى دامۋىنىڭ ماڭىزدى قوزعالتقىشىنا اينالدىرۋ كەرەك.
شوكىرات زاكىر مىنالاردى تالاپ ەتتى: ساياحاتتى دامىتۋدا جوسپار ارقىلى جەتەكشىلىك ەتۋدەن جازباي، ساياحات كاسىبىن دامىتۋدى شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايون قۇرىلىسىمەن، اۋىل - قىستاقتاردى وركەندەتۋ ستراتەگياسىن اتقارۋمەن، اۋىر كەدەي وڭىرلەردە كەدەيلىكتەن قۇتىلدىرۋدان قامال الۋمەن ۇشتاستىرىپ، ساياحات كاسىبىنىڭ جالپىلىق جەبەۋشىلىك رولىن شىن مانىندە ساۋلەلەندىرۋ كەرەك؛ ساياحات بازارىن اشۋدى جەدەلدەتىپ، رايون ءىشى - سىرتىنداعى كاپيتال، بايلىق، دارىندى، تەحنيكا سياقتى فاكتورلاردى رايونىمىزداعى ساياحات باسىمدىعىنا يە وڭىرلەرگە، باسىمدىققا يە كورىنىس رايوندارىنا، باسىمدىققا يە كورىنىس تۇيىندەرىنە رەفورما وي جەلىسىمەن، اشىق يدەيامەن شوعىرلاندىرىپ، تۇتاس تۇلعالى باسىمدىق قالىپتاستىرۋ كەرەك؛ ساياساتتىق جەتەكتەۋدى كۇشەيتىپ، دامۋدىڭ ءارقايسى باسقىشىنا باعىتتاپ جوعارى دەڭگەيلى، دالمە - ءدال كۇش سالاتىن ساياساتتار شىعارىپ، قوعامدىق كاپيتالدى ساياحاتتى اشۋعا قارجى قوسۋعا تولىق ىنتالاندىرىپ، ساياحات كاسىبىن دامىتۋدىڭ زور بىرىككەن كۇشىن قالىپتاستىرۋ كەرەك؛ باسقارۋدى زاڭ بويىنشا ارناعا ءتۇسىرىپ، ساياحات پەن قورشاعان ورتانىڭ قاتىناسىن جاقسى ءبىر جاقتى ەتىپ، ەكولوگيانىڭ تومەنگى شەگىن، قىزىل سىزىعىن قاتاڭ ساقتاپ، ساياحات بايلىعىن جاسىل اشۋدى جەبەۋ كەرەك؛ ساياحات فاكتورلارىن زور كۇشپەن رەتتەپ، تاس جول، تەمىر جول، ازاماتتىق اۆياتسيا قۇرىلىسىن جەدەلدەتىپ، ساياحاتتاعى كاسىپتىك دارىندىلاردى جەتىلدىرىپ، ەنگىزىپ، جانداندىرىپ، ساياحات ۇگىتىن، ساۋداسىن كۇشەيتىپ، ساياحاتتى شينجياڭ وبرازىن ايگىلەۋدىڭ ماڭىزدى تەرەزەسىنە اينالدىرۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز تەكسەرۋ - زەرتتەۋگە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
