ەكولوگيالىق وركەنيەت قۇرىلىسىن كۇشەيتۋدىڭ كەلەلى ماڭىزىن جەتە تانيىق
− باس شۋجي شي جينپيڭنىڭ ەكولوگيالىق ورتانى قورعاۋ جونىندەگى مەملەكەتتىك ماجىلىستەگى ماڭىزدى ءسوزىن ۇيرەنۋ، دايەكتىلەندىرۋ جونىندە (1)
حالىق گازەتىنىڭ شولۋشىسى
2018.05.21 16:23 كەلۋ قاينارى : شينجياڭ گازەتى
ەكولوگيالىق وركەنيەت ادام مەن تابيعاتتىڭ جاراسىمدى دامۋىن ىسكە اسىرۋداعى قاجەتتى تالاپ، ەكولوگيالىق وركەنيەت قۇرىلىسى − جۇڭحۋا ۇلتىنىڭ ماڭگى باياندى دامۋىنا ساياتىن ءتۇبىرلى ءىرى جوسپار.
ەكولوگيالىق ورتانى قورعاۋ جونىندەگى مەملەكەتتىك ماجىلىستە باس شۋجي شي جينپيڭ ماڭىزدى ءسوز سويلەپ، حالىقتىڭ باقىتى مەن ۇلتتىڭ بولاشاعىن كوزدەي وتىرىپ، پارتيا مەن مەملەكەت ىستەرىنىڭ دامۋ جالپى جاعدايىن ارقاۋ ەتىپ، پارتيا 18 - قۇرىلتايىنان بەرى ەلىمىزدىڭ ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ قىزمەتىندە قول جەتكىزگەن تاريحي جەتىستىكتەردى، تۋىلعان تاريحي وزگەرىستەردى جاپپاي قورىتىندىلاپ، ەكولوگيالىق وركەنيەت قۇرىلىسىن كۇشەيتۋدىڭ كەلەلى ماڭىزىن تەرەڭدەي بايىمدادى، ەكولوگيالىق وركەنيەت قۇرىلىسىن كۇشەيتۋدە، ءسوزسىز، تاباندى بولۋعا ءتيىستى ماڭىزدى پرينسيپتەردى ايقىن العا قويدى، ەكولوگيالىق ورتانى قورعاۋدى كۇشەيتۋ، لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي ورىستەتۋ جونىندە جالپى بەتتىك ورنالاستىرۋ جاسادى، بۇل ەكولوگيالىق وركەنيەت قۇرۋدىڭ، كورىكتى جۇڭگو قۇرۋدىڭ ءتۇبىرلى ولشەمى، بۇكىل پارتيانى، بۇكىل ەلدى، بۇكىل قوعامدى بىرگە اتتانىسقا كەلتىرىپ، ەلىمىزدىڭ ەكولوگيالىق وركەنيەت قۇرىلىسىنىڭ تىڭ ساتىعا قادام تاستاۋىن ىلگەرىلەتۋ جونىنەن كەلەلى رەال ماڭىزعا جانە تەرەڭ تاريحي ماڭىزعا يە.
ەكولوگيالىق وركەنيەت جونىندەگى جوعارى دەڭگەيدە جوبالاۋ مەن ءتۇزىم - جۇيە قۇرىلىسىن جەدەل ىلگەرىلەتتى، جاسىل دامۋدى بار كۇشپەن جەدەلدەتتى، اتموسفەرانىڭ، سۋدىڭ، توپىراقتىڭ لاستانۋىنان ساقتانۋ جانە ونى وڭاۋ جونىندەگى 3 ۇلكەن ارەكەت جوسپارىن ىشكەرىلەي اتقاردى... پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ەكولوگيالىق وركەنيەت قۇرىلىسىن «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتۋدىڭ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدىڭ ماڭىزدى مازمۇنى ەتىپ، ءبىر قىدىرۋ ءتۇبىرلى، جاسامپاز، ۇزاق بولاشاقتىق قىزمەتتەر ورىستەتىپ، ءبىر قىدىرۋ جاڭا ۇستانىمدى، جاڭا يدەيانى، جاڭا ستراتەگيانى العا قويىپ، شي جينپيڭنىڭ ەكولوگيالىق وركەنيەت يدەياسىن قالىپتاستىردى، ەكولوگيالىق وركەنيەت ۇستانىمى جۇرت كوڭىلىنە بارعان سايىن تەرەڭ ۇيالادى، لاستانۋدى وڭاۋ سەرپىنىنىڭ كۇشتىلىگى، تۇزىمدەردىڭ العا قويىلۋىنىڭ جيىلىگى، باقىلاۋ - باسقارۋ، زاڭ اتقارۋدىڭ قاتاڭدىعى، قورشاعان ورتا ساپاسىنىڭ جاقسارۋ قارقىنىنىڭ تەزدىگى بۇرىن - سوڭدى كەزىكپەگەن، ەكولوگيالىق ورتانى قورعاۋدى ىلگەرىلەتۋدە تاريحي، بۇرىلىستىق، جالپى جاعدايلىق وزگەرىستەر بولدى.
جالپىلاي الىپ قاراعاندا، ەلىمىزدىڭ ەكولوگيالىق ورتا ساپاسى ۇزدىكسىز جاقسارىپ، ورنىقتىلىق بارىسىندا جاقسارۋ بەتالىسى جارىققا شىقتى، ءبىراق ونىڭ ءونىمى ءالى تۇراقتى ەمەس، ءسال بوساڭسىساق بولعانى قايتالاۋ مۇمكىندىگى بار، اعىنعا قارسى جۇزگەندە، قارعا ادىم العا ىلگەرىلەۋدىڭ ءوزى مۇڭ بولادى. قازىر ەكولوگيالىق وركەنيەت قۇرىلىسى قىسىمدار قاباتتاسقان، اۋىر جۇك ارقالاپ العا جىلجىعان شەشۋشى كەزەڭدە تۇر، ول اناعۇرلىم ساپالى ەكولوگيالىق ونىمدەر ۇسىنۋ ارقىلى حالىقتىڭ كۇن سايىن ارتقان تاماشا ەكولوگيالىق ورتا قاجەتىن قاناعاتتاندىرۋدىڭ قامال الۋ كەزەڭىنە ءوتتى، سونداي - اق ەكولوگيالىق ورتاعا قاتىستى كورنەكتى ماسەلەلەردى شەشۋگە شارت - جاعداي دا، قابىلەت تە بار تەرەزەلىك ساتكە جەتتى. وسى شەشۋشى كەزەڭنەن، قامال الۋ كەزەڭىنەن، تەرەزەلىك ساتتەن ءوتۋ ءۇشىن ءالى دە تالاي وتكەلدەردەن ءوتۋىمىز، ءالى تالاي قيىن ماسەلەلەردى شەشۋىمىز ءارى تالاي ەسكى سىرقاتتاردى ەمدەۋىمىز كەرەكتىگىن، ءسوزسىز، تانۋىمىز كەرەك. ەگەر قازىر مىقتاپ يگەرمەسەك، بولاشاقتا شەشۋ ءتىپتى دە قيىن بولادى، ءتىپتى دە زور بوداۋ بەرەمىز، زاردابى ءتىپتى دە اۋىر بولادى. بەلدى بەكەم بۋىپ، العان بەتىمىزدەن قايتپاي، وسى قيىن وتكەلدەن ءوتۋ ءبىزدىڭ بۇلتارتپاس جاۋاپكەرلىگىمىز، بۇل مەنەن باسقا كىم بار دەيتىن جاۋاپكەرلىكتى تىپتەن قاجەت ەتەدى.
ەكولوگيا كوركەيسە، وركەنيەت كوركەيەدى، ەكولوگيا قۇلدىراسا، وركەنيەت تە قۇلدىرايدى. جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن ىسكە اسىرۋ ءۇشىن، ءسوزسىز، ەكولوگيالىق وركەنيەت قۇرۋ، كورىكتى جۇڭگو قۇرۋ كەرەك. پارتيا 19 - قۇرىلتايى جاپپاي دوڭگەلەك داۋلەتتى قوعام ورناتۋ نەگىزىندە، ەكى ساتىعا ءبولىپ ءجۇرىپ، ۇستىمىزدەگى ۇستەگى عاسىردىڭ ورتا شەنىندە ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ ۇلى نىساناسىن ايقىندادى. جاپپاي دوڭگەلەك داۋلەتتى قوعام قۇرۋدا شەشۋشى جەڭىسكە جەتۋ ءۇشىن، لاستانۋدان ساقتانۋ جانە ونى جونگە سالۋدان قامال الۋ شايقاسىن، ءسوزسىز، ويداعىداي ورىستەتۋ كەرەك. مەيلى قانشا قيىن بولسا دا ءارى - ءسارى بولۋىمىزعا، كەرى شەگىنۋىمىزگە استە بولمايدى. تاباندا كەسىم جاسايتىن سەنىممەن، اقتىق دەمگە دەيىن ارپالىساتىن جىگەرمەن، ويسىراتا سوققى بەرەتىن ارىنمەن، وسى قامال الۋ شايقاسىندا جەڭىسكە جەتكەندە عانا، جاپپاي دوڭگەلەك داۋلەتتى قوعام قۇرۋ حالىق جاعىنان مويىندالىپ، تاريحتىڭ سىنىنان ءوتىپ، سوتسياليستىك ەكولوگيالىق وركەنيەتتىڭ جاڭا ءداۋىرىن قايراتتانا اشا الامىز.
ەكولوگيالىق وركەنيەت قۇرىلىسىندا قازىرگىلەر ۇلەس قوسادى، ۇرپاقتار يگىلىگىن كورەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىندە تىعىز ىنتىماقتاسىپ، پارتيا باسشىلىعىنىڭ جانە ەلىمىز سوتسياليستىك ءتۇزىمىنىڭ كۇشتى شوعىرلاندىرىپ ۇلكەن ءىس تىندىراتىن ساياسي باسىمدىعىن تولىق ساۋلەلەندىرىپ، ەكولوگيالىق وركەنيەت قۇرىلىسىن ىلگەرىلەتۋ سەرپىنىن ارتتىرىپ، ەكولوگيالىق ورتا ماسەلەسىن شەشسەك بولعانى، ادام مەن تابيعاتتىڭ جاراسىمدى دامۋىن وسىزامانداندىرۋ قۇرىلىسىنىڭ جاڭا جاعدايىن قالىپتاستىرۋدى، ءسوزسىز، ىلگەرىلەتىپ، جۇڭحۋا جەرىنىڭ اسپانىن ءتىپتى دە اشىق، تاۋىن ءتىپتى دە جاسىل، سۋىن ءتىپتى دە تۇنىق، قورشاعان ورتاسىن ءتىپتى دە كوركەم ەتە الامىز.
(شينحۋا اگەنتتىگىنىڭ 5 - ايدىڭ 19 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
