تولقىن اتقان وزەكتى رايون (1)
«ءبىر بەلدەۋ، ءبىر جول» قۇرىلىسىندا زاماننىڭ الدىڭعى لەگىندە ءجۇردى
2018.05.22 15:51 كەلۋ قاينارى : شينجياڭ گازەتى
2018 - جىلى جۇڭگونىڭ رەفورما جاساپ، ەسىك اشقانىنا 40 جىل تولدى. رەفورما جاساپ، ەسىك اشۋ − زامانىمىزداعى جۇڭگونىڭ تاعدىرىن بەلگىلەيتىن شەشۋشى تالعام، رەفورما جاساپ، ەسىك اشۋ جۇڭگوعا تەرەڭ وزگەرىس اكەلدى ءارى دۇنيە جۇزىنە تەرەڭ ىقپال جاسادى. بۇل − ۇدەرە العا تارتقان 40 جىل، تابىستىڭ تالعارىنا قۇلاش سەرمەگەن 40 جىل. جۇڭگو اۋقاتتانۋدان قۇدىرەتتەنۋگە دەيىنگى تاريحي سەكىرۋدى جۇزەگە اسىردى، وتانىمىز قۇشاعىنداعى شينجياڭ جۇڭگوشا سوتسياليزم جولىمەن ارىنداي العا باستى، شينجياڭدا جەر - الەمدى تامساندىرارلىقتاي زور وزگەرىستەر تۋىلدى.بۇگىننەن باستاپ، گازەتىمىز «شىعىستىڭ ايبىندى تولقىنى، ۇدەرە العا تارتقان جاڭا ءداۋىر − رەفورما جاساپ، ەسىك اشقان 40 جىلدى قۇتتىقتايمىز» ايدارىن اشىپ، رەفورما جاساپ، ەسىك اشقان 40 جىلدان بەرگى شينجياڭنىڭ قۇلاشىن كەڭ جايعان تالىقپاي تالپىنۋ بارىسىن جان - جاقتى ەسكە الىپ، تيانشان الابىندا تۋىلعان تەرەڭ وزگەرىستەردى، قول جەتكەن قوماقتى تابىستاردى، ءار ۇلت حالقىنىڭ تىنباي كۇشەيگەن باقىت سەزىمى مەن تابىس سەزىمىن ايگىلەپ، شينجياڭنىڭ رەفورما جاساپ، ەسىك اشۋدا قول جەتكىزگەن ماڭىزدى ىلگەرىلەۋشىلىكتەرىن، تيانشان ۇلاندارىنىڭ پارتياعا دەگەن العىسىن، پارتيانىڭ سوزىنە قۇلاق اسقانىن، پارتياعا ىلەسكەنىن، رەفورما جاساپ، ەسىك اشۋدى سوڭىنا دەيىن تاباندىلىقپەن جۇرگىزۋ سەنىمى مەن بەكىمىن كورنەكتى بەينەلەيدى. الدىمەن «تولقىن اتقان وزەكتى رايون» جەلىلەس حابارلارىن بەرىپ، گازەتىمىزدىڭ رەفورما جاساپ، ەسىك اشقان 40 جىلدى قۇتتىقتاۋ جونىندەگى حابارلاردىڭ شىمىلدىعىن اشتى.
2013 - جىلى ءتوراعا شي جينپيڭ دۇنيە جۇزىنە «جىبەك جولى ەكونوميكالىق بەلدەۋىن» جانە «21 - عاسىر تەڭىز ءۇستى جىبەك جولىن» بىرگە قۇرۋ ۇلى دارىپتەمەسىن ورتاعا قويدى. جۇڭگو ەسىك اشقان، سەنىمدى ءىرى ەل مىندەتىن باتىلدىقپەن ارقالاپ، رەفورما جاساپ، ەسىك اشۋ جەتىستىكتەرىنەن دۇنيە جۇزىمەن بىرگە يگىلىكتەنىپ، حالىقارالىق سەلبەستىك جانە كۇللى الەمدى جونگە سالۋ جاڭا ۇلگىسى جونىندە بەلسەندى ىزدەنىستەر جاساماق.
«ءبىر بەلدەۋ، ءبىر جول» جۇڭگودا رەفورما جاساپ، ەسىك اشۋدىڭ جاڭا جاعدايىن اشتى ءارى شينجياڭدى مەملەكەتتىڭ دامۋ جالپى جاعدايىمەن تەرەڭ توعىسۋ، دۇنيە ءجۇزى ساحناسىنا ارشىندى قادام تاستاۋ ماڭىزدى ورايىنا يە ەتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ جەتەكشىلىگىندە شينجياڭ جىبەك جولى ەكونوميكالىق بەلدەۋىندەگى وزەكتى رايوندىق تاريحي ورنىن تياناق ەتىپ، «ءبىر بەلدەۋ، ءبىر جول» قۇرىلىسىمەن بەلسەنە توعىسىپ، وزگەشە وڭىرلىك ابزالدىلىعى مەن باتىسقا ەسىك اشۋداعى ماڭىزدى تەرەزەلىك رولىن ساۋلەلەندىرىپ، گۋاڭدۇڭ، شاڭحاي، جىجياڭ سياقتى تەڭىز جاعالاۋىنداعى دامىعان ولكەلەرمەن، رايوندارمەن، قالالارمەن بىرگە «ءبىر بەلدەۋ، ءبىر جول» قۇرىلىسىنداعى ولكەلەردىڭ، اۆتونوميالى رايونداردىڭ، قالالاردىڭ جالپىلىق كورسەتكىشى جاعىندا الدىڭعى 10 - ورىندى يەلەپ، «ءبىر بەلدەۋ، ءبىر جول» قۇرىلىسىندا ءداۋىردىڭ الدىڭعى لەگىندە ءجۇردى.
ۇلى وي، تىڭ بورىش
«جىبەك جولى ەكونوميكالىق بەلدەۋى قۇرىلاتىن بولسا، شينجياڭ ەڭ دۋماندى ورتاعا اينالادى. باسقاسىن ايتپاعاندا، ءۇرىمجى قازىر كولەمى 1500 كيلومەتر كەلەتىن ەڭ ۇلكەن قالا، سوندا بولاشاقتاعى بەينەسى قانداي بولماق»؟ مىنە بۇل باس شۋجي شي جينپيڭنىڭ 2014 - جىلى شينجياڭدا قىزمەت تەكسەرگەن كەزدە كۇتكەن كوكەي تەستى ءۇمىتى.
دۇنيە ءجۇزى كارتاسىنا قاراساق، جۇڭگو شينجياڭ ازيا قۇرلىعىنىڭ جاعراپيالىق سەنترىنە ورنالاسقان، شىعىستا ازيا - تىنىق مۇحيت ەكونوميكالىق شەڭبەرىنە، باتىستا وركەندەگەن ەۆروپا ەكونوميكالىق شەڭبەرىنە تۇتاسادى، «بايىرعى جىبەك جولى» مەن «جىبەك جولى ەكونوميكالىق بەلدەۋىنىڭ» ءبىر - بىرىنە ىقپال ەتۋىندە، شينجياڭدى ەلىمىز جىبەك جولى ەكونوميكالىق بەلدەۋىندەگى وزەكتى رايون ەتىپ تۇراقتاندىردى. بۇل استە جاعراپيالىق جاقتاعى كەزدەيسوقتىق ەمەس، قايتا تاريحتىڭ تالعامى، ءداۋىردىڭ تالعامى، ورتالىقتىڭ شينجياڭنان كۇتكەن زور ءۇمىتى. «جىبەك جولى ەكونوميكالىق بەلدەۋىندەگى وزەكتى رايون قۇرىلىسى كەلەلى ىلگەرىلەۋشىلىككە قول جەتكىزدى»، ج ك پ اۆتونوميالى رايوندىق 9 - قۇرىلتايى شينجياڭنىڭ «ءبىر بەلدەۋ، ءبىر جول» قۇرىلىسىندا قول جەتكىزگەن جەتىستىكتەرگە وسىلاي باعا بەردى.
جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتىپ، توڭىرەكتەگى ەلدەرمەن، توڭىرەكتەگى ولكە، اۆتونوميالى رايوندارمەن اراداعى ءوزارا بايلانىستى ىلگەرىلەتىپ، حالىقارالىق جانە ورتا، شىعىس بولىكتەگى رايونداردىڭ كاسىپتىك جوتكەلۋىمەن ساباقتاسىپ، ورتا ازياعا باعىتتالعان ەركىن ساۋدا رايونىن قۇرۋدى ىلگەرىلەتىپ، مەملەكەتتىڭ باتىسقا ەسىك اشۋ مىنبەرىن اشتى؛
باعىتتامالى كومەكتەسۋ باسىمدىعىنان ۇتىمدى پايدالانىپ، باعىتتامالى كومەكتەسەتىن ولكە، قالالارمەن، ورتالىقتىڭ كاسىپورىندارىمەن اراداعى ەكونوميكالىق تەحنيكالىق سەلبەستىك اۋىس - كۇيىسىن كۇشەيتىپ، ءتىپتى دە كوپ كاسىپورىندى شينجياڭعا كەلىپ قارجى قوسىپ، كاسىپتى گۇلدەندىرۋگە شابىتتاندىرىپ، باسىمدىقتارىن ءوزارا تولىقتاۋدى، ءوزارا تيىمدىلىك جەتكىزىپ، تەڭ يگىلىكتەنۋدى ىسكە اسىردى؛ جۇڭگو مەن پاكيستان ەكونوميكالىق ءدالىزى، جۇڭگو - موڭعۇليا - رەسەي ەكونوميكالىق ءدالىزى قۇرىلىسىنا بەلسەنە قاتىستى؛
قاشقار، قورعاس ەكونوميكالىق اشۋ رايونى مەن جالپىلىق قورعامالى باجى رايونى قۇرىلىسىن جەدەلدەتىپ، جۇڭگو -− ازيا - ەۆروپا كورمەسى سياقتى كورمەلەردى ويداعىداي وتكىزدى؛
شينجياڭ پارتيا ورتالىق كوميتەتىنىڭ «ءبىر بەلدەۋ، ءبىر جول» قۇرىلىسىن ىشكەرىلەي اتقارۋدى، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن ىلگەرىلەتۋدى، ەكونوميكانىڭ، قوعامنىڭ دامۋىنا كەڭ كەڭىستىك ازىرلەۋدى رەفورما جاساۋدى تەرەڭدەتىپ، ەسىك اشۋدى كەڭەيتۋدىڭ، جوعارى ساپالى دامۋدى ىلگەرىلەتۋدىڭ ناقتى جەتىستىكتەرىنە اينالدىرۋدا.
جۇڭگوشا سوتسياليزم جاڭا داۋىرگە قادام تاستادى، جاڭا داۋىردە وزەكتى رايون قۇرىلىسىندا جاڭا ىسكەرلىك بولۋ كەرەك. پارتيا 19 - قۇرىلتايىنان بەرى، اۆتونوميالى رايوندىق پارتكوم جىبەك جولى ەكونوميكالىق بەلدەۋىندەگى وزەكتى رايون قۇرۋدى جوعارى ساپالى دامۋدى بار كۇشپەن ىلگەرىلەتۋدەگى، 3 ءتۇرلى ءتۇيىندى قىزمەتتى مىقتاپ يگەرۋدەگى ءبىرىنشى مىندەت ەتىپ تۇراقتاندىردى. «جىبەك جولى ەكونوميكالىق بەلدەۋىندەگى وزەكتى رايون قۇرۋ ورتالىق كوميتەتتىڭ شينجياڭعا تاپسىرعان جاڭا مىندەتى، جۇڭگوشا سوتسياليستىك شينجياڭ قۇرۋداعى قوزعاۋشى كۇش». شينجياڭ قازىنا - ەكونوميكا داشۋەسى ەكونوميكا شۋەيۋانىنىڭ پروفەسسورى مىڭ يۇڭشىڭ مەملەكەتتىك قوعامدىق عىلىمدار قورىنىڭ باتىس بولىك نىسانى − «بولاشاقتاعى 10 جىلداعى جۇڭگو مەن ورتا ازيانىڭ وڭىرلىك - ەكونوميكالىق ىنتىماقتاستىعى جانە شينجياڭنىڭ ورنى مەن رولى جونىندەگى زەرتتەۋىندە» وسىلاي دەگەن ەدى. ول بىلاي دەپ قارادى: رەفورما جاساپ، ەسىك اشۋدىڭ العاشقى مەزگىلىندە شينجياڭنىڭ ەكونوميكالىق، قوعامدىق دامۋىنىڭ وراسان زور كومەسكى كۇشى تاسقىندادى، باتىس بولىكتى اشۋدىڭ جاڭا كەزەكتى ستراتەگياسىنىڭ اتقارىلۋى شينجياڭنىڭ شىعىسپەن بىرلەسىپ باتىسقا شىعارۋ ارقىلى ەلىمىزدىڭ باتىسقا قاراي ەسىك اشۋىن جەبەۋدەگى ماڭىزدى رولىن نىعايتتى. شينجياڭ بىرتىندەپ شىعىس پەن باتىستاعى 2 ۇلكەن ەكونوميكالىق شەڭبەردەگى ماڭىزدى دانەكەرگە اينالدى، ەرەكشە وڭىرلىك، بايلىق جانە گۋمانيتارلىق باسىمدىعى بار، اقىرعى ەسەپتە جىبەك جولى ەكونوميكالىق بەلدەۋىندەگى وزەكتى رايوندىق ماڭىزدى ورنىن تۇراقتاندىردى.
جەتەكشى يدەيا، جاڭا قوزعاۋشى كۇش
«ءبىر بەلدەۋ، ءبىر جول» قۇرىلىسىنىڭ كۇش - قۋاتى ءتيىمدى جاعدايدان پايدالانىپ العا ىلگەرىلەۋدىڭ ىرىقتى جاۋاپكەرلىگى مەن بەلسەندى ىسكەرلىگىنەن كەلگەن. وزەكتى رايون قۇرىلىسىن ىلگەرىلەتۋدىڭ، ەل ىشىندەگى جانە حالىقاراداعى ەكى بىردەي ءبىر ميلليارد 300 ميلليون ادامدىق بازاردى تۇتاستىرۋدىڭ جەبەۋىندە، شينجياڭ قۇرلىقتاعى، اۋەدەگى، ينتەرنەتتەگى جىبەك جولى قۇرىلىسىن جاپپاي ىلگەرىلەتۋدەن جازبادى.
5 جىلدان بەرى قۇرلىقتاعى جىبەك جولى بارعان سايىن داڭعىلداندى. ىشپەن تۇتاسۋدا، شينجياڭنان شىعاتىن 2 - تارماق جوعارى جىلدامدىقتى جول تۇتاس لەنيا بويىنشا تۇتاستى، شينجياڭنان شىعاتىن 3 - تارماق تەمىر جول جەدەل سالىنۋدا، شينجياڭنىڭ ىشىندەگى جوعارى جىلدامدىقتى جولدىڭ ۇزىندىعى 4578 كيلومەتر ۇزاردى. سىرتپەن تۇتاسۋدا، شينجياڭنىڭ حالىقارالىق جول تاسىمال جەلىسى بۇكىل ەل بويىنشا اعالاپ العا شىعىپ، جولاۋشى، جۇك تاسىمال مولشەرى 3 ميلليون ادام - رەتتەن جانە 20 ميلليون توننادان اسىپ، جۇڭگو - ەۆروپا كەزەكتى پويەزدارى 17 مەملەكەتتىڭ 24 قالاسىنا قاتىنادى.
5 جىلدان بەرى اۋەدەگى جىبەك جولى بارعان سايىن كەڭەيدى. شينجياڭداعى اۋەجايدىڭ سانى 21گە جەتىپ، ەل ءىشى لەنياسىنان 237سى، حالىقارالىق (رايون) لەنيادان 24ى اشىلىپ، ءۇرىمجى اۋەجايلارىنىڭ جىلدىق جولاۋشى كىرىپ - شىعۋ مولشەرى 20 ميلليون ادام - رەتتەن اسىپ، ەلىمىزدەگى 5 ءىرى ءتۇيىندى اۋەجايدىڭ بىرىنە اينالدى.
5 جىلدان بەرى ينتەرنەتتەگى جىبەك جولى بارعان سايىن قولايلى بولا ءتۇستى. جىبەك جولى ەكونوميكالىق بەلدەۋى ءىرى ساندى مالىمەت ورتالىعى سياقتى ءتۇيىندى نىساندار مەن جۇڭگو - رەسەي، جۇڭگو - قىرعىزستان، جۇڭگو - تاجىكستان، جۇڭگو - پاكيستان سياقتى شەكارا اتتاعان كابەل جۇيەلەرى جەدەل قۇرىلدى؛ ءۇرىمجى قالاسىنىڭ شەكارا اتتاعان ەلەكتروندىق ساۋدا تۇعىرى جۇمىس ىستەگەن ءبىر جىلدىڭ وزىندە ساۋدا سوماسى 7 ميلليون دوللارعا جەتىپ، ورتا ەسەپپەن ايىنا ％20تەن ارتتى.
«قۇرلىقتا، اۋەدە، ينتەرنەتتە بىردەي كۇش سالۋ سىرتقى ساۋدا دامۋىنىڭ تەبىنى مەن ناقتى كۇشىنەن ەڭ تىكە بەينەلەندى»، - دەدى اۆتونوميالى رايوندىق ساۋدا مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمە باستىعى رۇڭ جۇن، بىلتىر شينجياڭنىڭ سىرتقى ساۋدا يمپورت - ەكسپورت جالپى سوماسى 130 ميلليارد يۋاننان اسىپ، ％20كە جۋىق ارتتى.
جول ىركىلىسسىزدەنىپ، قوزعاۋشى كۇش جەتكىلىكتى بولىپ، حالىقارالىق اۋىس - كۇيىستىڭ، ىنتىماقتاستىقتىڭ تىعىز بولۋىن جەبەدى. بىلتىر شينجياڭ توڭىرەكتەگى مەملەكەتتەردىڭ 47 قالاسىمەن دوستىق ورناتىپ، 10 كۇڭزى شۋەيۋانىن قۇردى، جىبەك جولى ەكونوميكالىق بەلدەۋىندە دامۋعا جاڭالىق اشۋ ارقىلى دەم بەرۋ سىناق ءتۇيىنى بەكىتۋدەن ءوتىپ، شەكارا اتتاپ الىس ارالىقتى ەمدەۋ، قىزمەت كورسەتۋ تۇعىرى ەل ىشىندەگى 27 شيپاحانامەن جانە شەكارا سىرتىنداعى 3 مەملەكەتتىڭ 24 ءىرى شيپاحاناسىمەن تۇتاستى.
قويۋ ىنتىماقتاستىق اناعۇرلىم تەرەڭ ساتىداعى اۋىس - كۇيىستى جەبەدى. جۇڭگو - قازاقستان قورعاس حالىقارالىق شەكارالىق ىنتىماقتاستىق ورتالىعىنىڭ فينانستا جاڭالىق اشۋدى بەلگى ەتكەن شينجياڭنىڭ شەكارا اتتاعان حالىق اقشاسى جۇمىسىنىڭ سىناق ءتۇيىنىن قامتىعان مەملەكەت پەن رايوننىڭ سانى 86عا جەتىپ، جيىنى 250 ميلليارد يۋاندىق ەسەپتى جاپتى، ەسەلەپ ارتۋ فينانستان قىزمەت كورسەتۋدىڭ وزەكتى رايونى قۇرىلىسنىڭ ورەسىن ۇزدىكسىز جوعارىلاتتى ءارى جىبەك جولى ەكونوميكالىق بەلدەۋى بويىنداعى ەلدەردىڭ ەلىمىزبەن بولعان حالىقارالىق ءوزارا سەنىمدىلىگىن ۇزدىكسىز تەرەڭدەتتى. 6 - رەتكى جۇڭگو − ازيا - ەۆروپا كورمەسى وتكىزىلۋگە جاقىنداپ قالدى، جۇڭگونىڭ شينجياڭىمەن تاماشا اۋىس - كۇيىس، ىنتىماقتاستىقتى ساقتاعان حالىقارالىق سەرىكتەر ونى جاڭا ۇمىتپەن كۇتۋدە. وتكەن 5 رەتكى كورمەدە 5 قۇرلىقتان كەلگەن 10 مىڭعا جۋىق كاسىپورىن ىلگەرىندى - كەيىندى كورمەگە قاتىناسىپ، قول قويىلعان ىشكى بايلانىستىق نىسانداردىڭ جالپى سوماسى ءبىر تريلليون يۋاننان اسىپ، سىرتقى ساۋدا سوماسى جيىنى 34 ميلليارد دوللارعا جەتتى.
ءوزارا تيىمدىلىك جەتكىزۋ، تەڭ يگىلىككە كەنەلۋدىڭ جاڭا جاعدايى
جاڭا بورىشتى ىرىقتىلىقپەن ارقالاپ، جاڭا قوزعاۋشى كۇشتى تولىق تۋىنداتتى، شينجياڭ جىبەك جولى ەكونوميكالىق بەلدەۋىندەگى وزەكتى رايوندى قۇرۋ ارقىلى سىرتقا ەسىك اشۋدىڭ «ءبىر بەلدەۋ، ءبىر جول» ەرەكشەلىگىنە يە جاڭا جۇلگەسىن اشتى.
قۇرلىق جولىندىق ءبىر شەكارا وتكەلىنەن دۇنيە ءجۇزى بويىنشا بىردەن - ءبىر شەكارالىق ىنتىماقتاستىق ورتالىعىنا دەيىن قورعاس «ءبىر بەلدەۋ، ءبىر جول» قۇرىلىسىنىڭ پايداسىنا ەڭ كوپ قول جەتكىزدى. فۋجياننان كەلگەن لو تياننىڭ جۇڭگو - قازاقستان قورعاس حالىقارالىق شەكارالىق ىنتىماقتاستىق ورتالىعىندا باجىسىز تاۋارلاردى ساتۋمەن شۇعىلداعانىنا 10 نەشە جىل بولىپتى، ول حالىقارالىق اۋىس - ءتۇيىس، ىنتىماقتاستىق ارقىلى كاسىبىن كەڭەيتۋدى ءارقاشان ەستەن شىعارعان ەمەس. «ءبىر بەلدەۋ، ءبىر جول بۇل جەردى دۋمانداتىپ جىبەردى». 2013 - جىل لو تياننىڭ ىستەرىندە بۇرىلىس بولعان جىل ەدى، ول ورتا ازياداعى ءار ەلمەن حالىقارالىق ساۋدا جاساسقان كوپ جىلدىق بايلانىستارى مەن جيناعان بەدەلىن بەلسەنە ىسكە قوسىپ، قازاقستان ءۇي - قورا - جاي بازارىنان تياناق تابا ءبىلدى، «جىبەك جولى ەكونوميكالىق بەلدەۋى ماعان جاڭا ءورىس سيلادى، وزەكتى رايون قۇرىلىسى مەنىڭ ىستەرىم ءۇشىن تىڭ جاعداي اشتى».
اقىلداسۋ، بىرگە قۇرۋ، بىرگە يگىلىكتەنۋ سىندى ورتاق تانىم اياسىندا «ءبىر بەلدەۋ، ءبىر جول» قۇرىلىسى، ءسوز جوق، ءوزارا پايدا جەتكىزەتىن، تەڭ يگىلىككە كەنەلەتىن قۇرىلىس بولادى. الىستاعى حورمۇز بۇعازىندا بۇرىن قاڭىراپ بوس جاتقان گۆادار پورتى جۇڭگو - پاكيستان ەكونوميكالىق ءدالىزى ارقىلى دۇنيە جۇزىندەگى 2 - ءىرى ەكونوميكالىق تۇلعا − جۇڭگومەن تىعىز بايلانىستى، شىت جاڭالانعان كونتەينەرلىك كەمەتۇراقتار، سالىنۋ ۇستىندەگى قوناق ۇيلەر، شار تاراپپەن جالعاسىپ جاتقان تاس جول، تەمىر جول... گۆادار قالاسىندا قۇرىلىستار دۋماندى جۇرگىزىلۋدە. «مۇنداي وزگەرىس ءبىر بەلدەۋ، ءبىر جول قۇرىلىسىنان باستاۋ الدى. جۇڭگو - پاكيستان ەكونوميكالىق ءدالىزى ەكى ەلدىڭ ساۋدا - ەكونوميكا ىنتىماقتاستىعىن ونان ارى تەرەڭدەتىپ، ميلليونداعان پاكيستان حالقىنىڭ ومىرىنە بەلسەندى وزگەرىستەر سيلادى»، - دەيدى پاكيستاننىڭ ىشكى ىستەر مينيسترى اقسان يقبال.
«ءار ەلدىڭ ەكونوميكالىق، قوعامدىق دامۋىن جەبەۋ بارىسىندا ءبىر بەلدەۋ، ءبىر جول دارىپتەمەسى ءار ەل حالقىنا كوزبەن كورىپ، قولمەن ۇستاۋعا بولاتىن ناقتى باقىت سيلادى. وتكەن 5 جىلدا تاجىكستان مەن جۇڭگونىڭ ءار سالاداعى ىنتىماقتاستىقتا قول جەتكىزگەن ءتۇرلى جەمىستەرى حالىقتىڭ تۇرمىسىن ۇزدىكسىز وزگەرتۋدە»، - دەيدى تاجىكستان زۇڭتۇڭى ستراتەگيالىق زەرتتەۋ ورتالىعى ديرەكتورىنىڭ 1 - ورىنباسارى ساپاروۆ. جۇڭگو شينجياڭ ەرەكشە ترانسفورماتور سەرىكتەستىگى سالعان دۋشانبە 2 - ءنومىرلى جىلۋ ەلەكتر ستانسياسى 100 مىڭداعان بۇقارا اسىعا كۇتكەن حالىق تۇرمىسى ينجەنەرياسى بولدى، نىسان دۋشانبەنىڭ قىس مەزگىلىندە ەلەكتر پايدالانۋدى شەكتەۋ، جىلۋدى توقتاتۋ تاريحىنا تۇبەگەيلى نۇكتە قويدى. «مۇنداي نىسانداردىڭ كوبەيە بەرۋىن ءۇمىت ەتەمىز»، - دەيدى ساپاروۆ. ىنتىماقتاستىق اكەلگەن وزگەرىستەر ايتىپ تاۋىسقىسىز. جۇڭتاي توبىنىڭ تاجىكستاندا سالعان توقىما ونەركاسىپ باقشاسى اتالعان مەملەكەتتىڭ جۇمىسقا ورنالاسۋدا ەڭ ءوتىمدى جەرىنە اينالدى، جۇڭگو - قازاقستان تابيعي گاز قۇبىرى قازاقستاندا ءدۇيىم جۇرت كوز تىككەن حالىق تۇرمىسى ينجەنەرياسىنا اينالدى، وزبەكستاندا بەلسەندى جۇمىس ىستەپ جاتقان، جۇڭگو قارجىسىمەن قۇرىلعان 800دەن استام كاسىپورىن اتالعان مەملەكەتتىڭ ءىرى نىساندار قۇرىلىسىنىڭ تىرەك كۇشىنە اينالدى، شينجياڭ سانباۋ توبى مەن قازاقستان الماتى قالاسىنىڭ رەليسسىز ترامۆاي ىنتىماقتاستىق نىسانى قازاقستان حالقىنا جايلى، قورشاعان ورتاعا زالالسىز كولىك تاڭداۋىن ۇسىندى... شينجياڭنىڭ «ءبىر بەلدەۋ، ءبىر جول» قۇرىلىسىمەن توعىسۋ اياق الىسىنىڭ تەزدەۋىنە مەڭزەس، ءار سالاداعى حالىقارالىق ىنتىماقتاستىق ءوزارا پايدا جەتكىزىپ، تەڭ يگىلىككە كەنەلۋدى شىن مانىندە جۇزەگە اسىردى.
جارقىن بولاشاق − العا باسۋعا كۇش توپتايدى. وتكەن 5 جىلداعى شينجياڭنىڭ وزگەرىسىنە قايىرىلا قاراپ، بولاشاقتاعى شينجياڭ كوركىنە كوز سالساق، جىبەك جولى ەكونوميكالىق بەلدەۋىنىڭ وزەكتى رايونى − شينجياڭ، ءسوز جوق، رەفورما جاساپ، ەسىك اشقان 40 جىلدى قۇتتىقتاۋدىڭ ماڭىزدى ورايىندا «ءبىر بەلدەۋ، ءبىر جول» قۇرىلىسىنىڭ الدىڭعى لەگىندە ءجۇرىپ، اناعۇرلىم جارقىن بولاشاققا قاراي ادىمداي العا باسادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
