اۋە لەنياسىن كوبەيتىپ، بەلەت باعاسىن ارزانداتتى
2018.05.23 16:13 كەلۋ قاينارى : شينجياڭ گازەتى
شينجياڭ «جول ۇزاق، ساياحات قىسقا» ماسەلەسىن شەشتى
اشىق اسپان اياسىنداعى قۇم توبەشىكتىڭ ۇستىندە قارت قوس قولىن كەرە جايىپ، ۇلى تابيعاتقا قۇشاق جايىپ تۇر. سەزىمگە باي وسى سۋرەتتى جياڭسۋ ولكەسى چاڭجوۋ قالاسى ليياڭ قالاسىنىڭ تۇرعىنى ياڭ شىچيڭ ءپىشان اۋدانى قۇمتاع شولىندە تۇسىرگەن. 5 - ايدىڭ باس شەنىندە ول ۇشاقپەن شينجياڭعا كەلىپ، قۇمدى ءشول كورۋ ارمانىن ورىندادى. «قازىر ىشكى ولكەلەردەن شينجياڭعا قاتىنايتىن ۇشاقتار بارعان سايىن كوبەيدى، جازدىق دەمالىس كەزىندە نەمەرەمدى ەرتىپ، نانجيڭنەن تىكە قۇلجاعا ۇشىپ، ىلە اڭعارىنىڭ كوركەم كورىنىسىن تاماشالاسام دەيمىن»، - دەدى ياڭ شىچيڭ.
تابيعي كورىنىسى كوز سۇرىندىرەتىن، الۋان ءتۇرلى تاريحي مادەنيەتكە يە شينجياڭنىڭ باي دا دارا ساياحات بايلىعى مەن جاراسىمدى قوعامدىق ورتاسى ەلىمىز ءىشى - سىرتىنداعى ساياحاتشىلاردى باۋرادى. جەر اۋدانى كەڭ، كورىنىس ءوڭىرى كوپ، جولى ۇزاق بولعاندىقتان، بۇرىندارى ساياحاتشىلار ۋاقىتىن جانە اقشاسىن جولعا جۇمساپ، «جول ۇزاق، ساياحات قىسقا» بولاتىن جاعداي قالىپتاسقان ەدى. جۇرت بۇل قيىن جاعدايدى «اسپاندا ۇشساڭ قىمباتقا ۇرىناسىڭ، جەردە جۇرسەڭ شارشايسىڭ» دەپ قالجىڭدايتىن.
وسىزاماندانعان جالپىلىق قاتىناس تورىنىڭ جيىلەۋىنە بايلانىستى اۆياتسيا، تەمىر جول جانە تاس جولمەن ساپارعا شىعۋ بارعان سايىن قولايلىلانا ءتۇستى. «جول ۇزاق، ساياحات قىسقا» بولۋ ماسەلەسىن شەشۋ ءۇشىن، اۋە ساياحات تورىن توقىپ، ساياحاتشىلاردىڭ ۇشاقپەن شينجياڭعا كەلىپ، شينجياڭدى ساياحاتتاۋىنا قولايلىلىق تۋدىرىپ، ساياحاتشىلاردىڭ ۋاقىتىن ۇنەمدەپ، ولارعا شىنايى تيىمدىلىك جاساۋ ءۇشىن، جۇڭگو ازاماتتىق اۆياتسيا مەكەمەسىنىڭ شينجياڭ باسقارۋ مەكەمەسى اۋە لەنيا تورىن ورنالاستىرۋدى ىشكەرىلەي ساپالىلاندىرىپ، كەمەلدەندىرىپ، اۆياتسيا ۇقىعى جانە ۋاقىت جاعىندا شينجياڭنىڭ ساياحات لەنياسىنا الدىمەن قولداۋ كورسەتتى؛ اۆتونوميالى رايوندىق پارتكوم شىعارعان اۆياتسيا تارماق جەلىلەرىنە قوسىمشا قاراجات بەرۋ ءتيىمدى ساياساتىن مۇقيات دايەكتىلەندىرىپ، تياناقتاندىرىپ، اۆياتسيا سەرىكتەستىكتەرىن اۋە لەنياسىن جاڭادان اشۋعا، كوبەيتۋگە شابىتتاندىردى جانە باۋرادى، سونىمەن قوسا، جۇڭگو ازاماتتىق اۆياتسيا مەكەمەسىنەن شينجياڭ رايونىنداعى تارماق لەنيالارعا بەرىلەتىن قوسىمشا قاراجاتتى %20 جوعارىلاتۋعا سايكەستىردى.
«ورنىقتى پايدانى» كوزدەگەن اۆياتسيا سەرىكتەستىكتەرى شينجياڭ اۆياتسيا بازارىنداعى تاسىمال كۇشى ۇسىنىلىمى مەن اۋە لەنياسى كەزەگىن مولايتىپ، ساياحاتشىلاردىڭ جولعا كەتەتىن ۋاقىتى مەن سايكەستى شىعىندارىن ازايتىپ، ساياحات تۇتىنۋىنىڭ ساپا باعا سالىستىرماسىن كۇش سالا جوعارىلاتىپ، شينجياڭ ساياحاتىنىڭ ساياحاتشىلار قاينارى بازارىن تەز ارادا مولايتتى. بيىل 4 - ايدىڭ سوڭىنا دەيىن شينجياڭدا 240 اۋە لەنياسى اشىلدى، مۇنىڭ 15ى ءۇرىمجى مەن تارماق لەنيا اۋەجايلارى اراسىنداعى اۋە لەنياسى؛ تارماق لەنيا اۋەجايلارى اراسىندا 29 لەنيا اشىلىپ، 2016 - جىلداعىدان 17 لەنيا ارتىپ، وڭتۇستىك - سولتۇستىك شينجياڭ تارماق لەنيا اۋە - جايلارى اراسىنداعى ءوزارا قاتىناۋ نەگىزىنەن ىسكە استى؛ تارماق لەنيا اۋەجايلارىنان شينجياڭنان تىسقارى جەرگە ۇشاتىن اۋە لەنياسى 46عا جەتىپ، 2016 - جىلداعىدان 24 لەنيا ارتتى. 2018 - جىلى 1 - ايدان 4 - ايعا دەيىن تارماق لەنيا اۋەجايلارىنىڭ ساياحاتشى قابىلداۋ - جونەلتۋ جالپى سالىستىرماسى %31.4كە كوتەرىلىپ، تاريحتاعى ەڭ جوعارى ورەگە جەتتى.
وڭتۇستىك اۆياتسيا سەرىكتەستىگى شينجياڭ بولىمشەسى بازار جانە ساتۋ ءبولىمىنىڭ قىزمەتكەرى نيە يانيان تانىستىرا كەلىپ: سەرىكتەستىك بيىل 3 - ايدىڭ 25 - كۇنى ءۇرىمجى - شاۋەشەك - قۇلجا، قاشقار - قۇلجا - التاي سىندى شينجياڭنىڭ ىشىندەگى ءوزارا بايلانىسقان 2 اۋە لەنياسىن اشتى، قاناس، نارات، كوكتوعاي سياقتى ايگىلى كورىنىس رايوندارىنا تۇگەلدەي ءبىر ساعاتتا جەتۋگە بولادى، - دەدى.
«اۆياتسيا سەرىكتەستىكتەرى <ءبىردى كوبەيتىپ، ءبىردى ازايتتى>، ياعني اۋە لەنياسىن كوبەيتىپ، بەلەت باعاسىن ارزانداتتى»، - دەدى نيە يانيان. ول: سەرىكتەستىك بارلىق اۋە لەنيالارىندا ەرەكشە ارزان بەلەت باعاسىن شىعاردى، مىسالى، بيىل «1 - مامىر» كەزىندە شينجياڭنىڭ ىشكى اۋە لەنيالارىندا بەلەت باعاسى %80كە دەيىن ارزانداتىلدى. بۇدان تىس، نەگىزگى بەلەت باعاسى دا ارزانداتىلۋدا، 5 - ايدىڭ 2 - كۇنىنەن باستاپ بەيجيڭ، شاڭحاي، چىڭدۋ سياقتى جەرلەردەن ۇرىمجىگە قاتىنايتىن اۋە لەنيالارىندا بەلەت باعاسى ارزانداتىلعاننان كەيىن 1000 يۋاننان تومەن بەلەتتەر ساتىپ الۋعا بولاتىن بولدى، - دەدى.
جۋىقتان بەرى اۆتونوميالى رايوندىق ساياحاتتى دامىتۋ كوميتەتى مەن جۇڭگو ازاماتتىق اۆياتسيا مەكەمەسىنىڭ شينجياڭ باسقارۋ مەكەمەسى ىشكەرىلەي سەلبەستىك ورىستەتتى، بۇدان كەيىن، چاڭجياڭ اتىراۋى، جۋجياڭ اتىراۋى، بوحايدى وراپ جاتقان وڭىرلەر سىندى 3 ۇلكەن ساياحاتشى قاينارى بازارىنداعى اۋەجايلاردان شينجياڭداعى ساياحات قالالارىنا تىكە ۇشۋعا بولادى، رايون ىشىندەگى اۋە لەنيالارى ساياحات قالالارى اراسىندا تىكەلەي ۇشۋدى، اينالىپ ۇشۋدى، جالعاسىپ ۇشۋدى ىسكە اسىرادى، ءۇرىمجى اۋەجايىندا ايالداۋىنىڭ قاجەتى جوق.
شينجياڭ داشيبۋ حالىقارالىق ساياحات مەكەمەسىنىڭ باس ديرەكتورى يۋان شياۋگىڭ تىلشىگە بىلاي دەدى: شينجياڭدى اينالىپ ۇشاتىن اۋە لەنياسى كوبەيىپ، بەلەت باعاسى ارزانداپ، 90 - جىلداردىڭ تۇلەكتەرىن نەگىز ەتكەن جاس ساياحاتشىلاردىڭ «قىسقا ۋاقىتتا كوپ رەت بارۋ» قاجەتىن قاناعاتتاندىرىپ، شينجياڭعا كەلىپ، ءوزى ساياحاتتايتىن ساياحاتشىلار توبىنىڭ كوبەيۋىنە مۇمكىندىك جاساپ، اۆياتسيا سەرىكتەستىگى جانە كورىنىس وڭىرىندەگى ەكونوميكا - ساۋدا، اس - سۋ، كوڭىل اشۋ، جاتاقحانا سياقتى كاسىپ سالالارىنا ۇلكەن ساۋدا ورايىن الا كەلدى، ساياحات مەكەمەلەرى دە ساياحات بازارىن دەن قويا زەرتتەپ، دارالىق ساياحات قاجەتىنە ۇيلەسەتىن ونىمدەردى تالاسا - تارماسا ورتاعا سالدى.
2017 - جىلى شينجياڭنىڭ قابىلداعان ساياحاتشى سانى 100 ميلليوننان اسىپ، 100 ميلليون 700 مىڭعا، ساياحاتشىلاردىڭ جالپىلىق تۇتىنىسى 182 ميلليارد 200 ميلليون يۋانعا جەتتى. شينجياڭنىڭ قابىلداعان ساياحاتشىلار سانى ءۇرتىس 2 جىل جەدەل ارتۋ قارقىنىن ساقتاپ، 2017 - جىلى %32.4كە جەتىپ، وتكەن جىلداعىدان %8.1 جوعارىلادى.
«بيىل ءبىرىنشى توقساندا شينجياڭنىڭ 4A، 5A دارەجەلى كورىنىس رايوندارى ەلىمىز ءىشى - سىرتىنان كەلگەن 3 ميلليون 337 مىڭ 500 ساياحاتشىنى (رەت) قابىلداپ، بىلتىرعى سول مەزگىلدەگىدەن %75.8 ارتتى. ورنىقتى دا جاراسىمدى قوعامدىق ورتا شينجياڭ ساياحات كاسىبىنىڭ تاريحتاعى ەڭ جاقسى دامۋ ورايىنا يە بولۋىنا مۇمكىندىك تۋدىردى، ساياحات كاسىبى شينجياڭنىڭ ستراتەگيالىق تىرەكتى كاسىبىنە اينالىپ، شينجياڭ ەكونوميكاسىنىڭ جوعارى ساپالى دامۋىنىڭ ماڭىزدى قوزعاۋشى كۇشىنە اينالادى»، - دەدى اۆتونوميالى رايوندىق ساياحاتتى دامىتۋ كوميتەتى پارتيا باسشىلىق گرۋپپاسىنىڭ شۋجيى حوۋ حانمين.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
