«قۇستاردى قورعاپ، تۇنىق سۋ، جاسىل تاۋدى كۇزەتەيىك» تاقىرىبىنداعى ۇگىت قيمىلى ورىستەتىلدى
2018.05.24 14:47
ەكولوگيالىق ورتانى قورعاۋعا بولعان ۇگىتتى كۇشەيتىپ، ادامداردىڭ قۇس تۇرلەرىن قورعاۋ تانىمىن جوعارىلاتۋ ءۇشىن، 37-رەتكى «قۇستاردى قورعاۋ اپتالىعى» قيمىلىندا التاي تاۋ ورمان مەكەمەسىنىڭ كوكتوعاي اۋداندىق بولىمشە مەكەمەسى، اۋداندىق ورمان شارۋاشىلىق مەكەمەسى مەكتەپتەرگە بارىپ، وقىتۋشى-وقۋشىلارعا ۇلى تابيعاتتى ايالاپ، قۇستاردى قورعاۋ جونىندە ۇگىت جۇرگىزىپ، جابايى حايۋاناتتار مەن وسىمدىكتەردى قورعاۋدىڭ ماڭىزدىلىعىن ۇعىندىردى.
كوكتوعاي قالاشىعى ءسورتى وقىتۋ تۇيىنىندە ورىستەتىلگەن «قۇس بايلىعىن قورعاپ، تۇنىق سۋ، جاسىل تاۋدى كۇزەتەيىك» تاقىرىبىنداعى قۇستاردى قورعاۋ اپتالىعى قيمىلى وقىتۋشى-وقۋشىلاردىڭ قىزۋ قارسى الۋىنا بولەندى. ءتۇسىندىرۋشى قۇستاردىڭ سۋرەتى ارقىلى بالالارعا قۇس تۇرلەرىن تانىستىرىپ، وقۋشىلاردىڭ قۇستى قورعاۋدىڭ ماڭىزدىلىعىنا بولعان تانىمىن كۇشەيتتى.
التاي تاۋ ورمان مەكەمەسى اۋداندىق بولىمشە مەكەمەسىنىڭ ءتۇسىندىرۋشىسى ليۋ چىنيان: قۇس ادامزاتتىڭ جاقىن دوسى، قۇس ادامزاتتىڭ قورعاۋىنا مۇقتاج،-دەدى.
قۇستاردى ايالاۋ، قۇستاردى قورعاۋ جونىندەگى سۋرەت جارىسىندا 3-جىلدىق وقۋشىسى مەيىربان مەن ونىڭ 10 نەشە ساباقتاسى سۋرەت ارقىلى قورشاعان ورتانى، ادامزات پەن قۇستىڭ جاراسىمدى تىرشىلىك ورتاسىن قورعاۋ جاعىنداعى ارمان-تىلەكتەرىن بەينەلەدى.
وقىتۋ ءتۇيىنىنىڭ وقۋشىسى مەيىربان: قۇستاردى قورعاۋىمىز، قۇستاردىڭ ۇياسىن بەتالدى بۇزباۋىمىز كەرەك،-دەدى.
وقۋشىلارعا قۇستاردىڭ تىرشىلىك ادەتىن تانىستىرۋ ءۇشىن، ۇگىت ۇيىرمەسى وقىتۋشى-وقۋشىلاردى بىرلىكتە بالاپان قۇستى ۇشىرۋ، كوكتوعاي كولىنە بارىپ، كولدەگى قۇستاردى تاماشالاۋ سياقتى قيمىلداردى ورىستەتىپ، وقىتۋشى-وقۋشىلاردى قۇستاردى ايالاۋ، قۇستاردى قورعاۋ قوسىنىنا قاتىناسۋعا باستادى.
وسى مەكتەپتىڭ وقۋشىسى ءىنجۋ بەيسەنبەك قىزى: قۇستاردى قورعاۋدىڭ ماڭىزدىلىعىن ۇعىندىم، قۇستاردىڭ ۇياسىن بۇزباۋىمىز كەرەك، قۇستار ءبىزدىڭ جاقىن دوسىمىز،-دەدى.
التاي تاۋ ورمان مەكەمەسىنىڭ كوكتوعاي اۋداندىق بولىمشە مەكەمەسى، اۋداندىق ورمان شارۋاشىلىق مەكەمەسى قوعامدىق كۇشتەردى بىرىكتىرىپ، ءتۇرلى فورماداعى ۇگىت قيمىلىن ورىستەتۋ ارقىلى ادامداردى ۇلى تابيعاتتى ايالاپ، جابايى حايۋاناتتار مەن وسىمدىكتەردى قورعاۋعا باستاپ، جابايى وسىمدىك بايلىعىن بۇلدىرەتىن زاڭسىز ارەكەتتەردىڭ الدىن الدى.
التاي تاۋ ورمان مەكەمەسى كوكتوعاي اۋداندىق بولىمشە مەكەمەسىنىڭ باستىعى مۇرامان مۇناۋار ۇلى: وقۋشىلاردا كىشكەنتايىنان باستاپ قۇستاردى قورعاۋ ادەتىن قالىپتاستىرۋىمىز كەرەك. بۇدان كەيىندە قۇستاردى قورعاۋ اپتالىعى قيمىلىن مەكتەپ، قىستاق، ءارقايسى اۋىل ـ قالاشىقتاردا جاپپاي ورىستەتىپ، ىشكەرىلەي ۇگىت جۇرگىزىپ، بارلىق ادام قۇستاردى ايالايتىن، قۇستاردى قورعايتىن قوعامدىق ورتا قالىپتاستىرامىز،-دەدى. مۇقامادي ءشارىپ ۇلى، شالقار قاسىم ۇلى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
