ورتالىق قالادا ساياحات بۇيىمدارى ساۋداسى بۇقارانىڭ اۋقاتتانۋ جولىنا اينالدى
2018.05.25 14:40
ءتىلشىمىز دۋ لەي حابارى. 5–ايدىڭ 19–كۇنى قۇلجا قالاسى قازانشى ۇلتتىق سالت–سانا كورىنىس رايونىنىڭ ەكى جاعىنداعى ۇلتتىق ەرەكشەلىككە يە قولونەر بۇيىمدارى دۇكەنىندە قايشالىسقان ساياحاتشىلاردى كوردىم. ۇعىسۋىمشا، بۇرىن وسى سالت–سانا ساياحات كورىنىس رايونى اشىلۋدان ىلگەرى بۇل جەردە نەگىزىنەن جەرگىلىكتى بۇقارا قاجەت ەتەتىن كۇندەلىكتى تۇرمىستىق بۇيىمدار عانا ساتىلادى ەكەن، ال قازىر ۇلتتىق قولونەر بۇيىمدارى توڭىرەكتىڭ ءتورت بۇرىشىنان كەلگەن ساياحاتشىلاردى باۋرايتىن ساياحات بۇيىمىنا اينالعان.
ۇعىسۋىمشا، 2008–جىلى 5–ايدا قازانشى ۇلتتىق سالت–سانا كورىنىس رايونى رەسمي تيجارات باستاپ، بايىرعى قالانىڭ اۋەلگى بەت–بەينەسىن ساقتاپ قالۋمەن بىرگە، سوڭعى جىلداردان بەرى كورىنىس رايونىنىڭ ساپاسى مەن ساياحات نەگىزگى قۇرىلعىلارىن ۇزدىكسىز جاقسارتقان. ساياحات، مادەنيەت، قالا قۇرىلىسى جانە ساۋدانىڭ ىشكەرىلەي توعىسۋىنا ىلەسە، بۇگىنگى كۇنى قازانشى ۇلتتىق سالت–سانا ساياحاتى كىرىستى ارتتىرىپ، شارۋالاردى اۋقاتتانۋعا باستايتىن ارناعا اينالىپتى.
وسى كورىنىس رايونىنا بارا قالساڭىز تەمىرشىلىك، قۇرىم جابدىقتار، ات ابزەلدەرى، كىلەم سياقتى ۇلتتىق ونىمدەر قايسى دۇكەنگە بارساڭىز دا كوزدىڭ جاۋىن الادى.
قالا تۇرعىنى ەرپان تۇرسىن بىرنەشە دوستارىمەن بىرگە قازانشى ۇلتتىق سالت–سانا كورىنىس رايونىندا دۇكەن اشادى. ول نەگىزىنەن جەرگە توسەيتىن جانە تامعا ىلەتىن كىلەم سياقتىلاردى ساتادى ەكەن. ول تىلشىگە: ساياحاتشىلاردىڭ كوبى ۇلتتىق ۇلگىدەگى تامعا ىلەتىن كىلەمدەردى الادى، ال الىپ جۇرە المايتىندارىنا مەكەن–جايى بويىنشا پوچتادان سالىپ جىبەرىپ، ولار ءۇشىن ساپالى قىزمەت وتەيمىز،–دەدى.
ەرپان: «ساياحاتشىلار نەگىزىنەن ءجۇن كىلەم، جىبەك جاۋلىق سياقتىلاردى جاقسى الادى، ال ۇلتتىق قولونەر بۇيىمدارى دا ولاردىڭ قىزىعا ساتىپ الاتىن نارسەلەرى بولىپ وتىر، ساياحاتشىلار كوبەيگەن كەزدە ساۋدامىز دا كۇسەت بولا تۇسەدى»–دەدى.
شي–اننان كەلگەن ساياحاتشى لي حۋا وسى ۇلتتىق سالت–سانا ساياحات تۇيىنىندەگى دۇكەننەن ءبىر جولدا 10 دانا كىشكەنە كىلەم ساتىپ الىپ، دوستارىنا ساۋعا رەتىندە سيلايتىنىن ايتتى.
ول:«ءاسىلى ءبىر عانا كىلەم الايىن دەگەم، بايقاسام ۇيگە ءىلىپ قوياتىن بۇل كىلەم وتە ادەمى، ناعىز قولونەر بۇيىمى ەكەن، وتە ۇناتىپ قالدىم دا دوستارىما دا الدىم. بۇل ارانىڭ تاۋارلارى وزىندىك ەرەكشەلىككە يە ەكەن، ودان جەرگىلىكتى مادەنيەتتىڭ لەبى ەسەدى»–دەدى.
قۇلجا قالاسى كوشە بويىنداعى دۇكەندەردىڭ كورىنىسىن جاقسارتۋمەن بىرگە، ۇلتتىق قولونەر بازاسىن دا قۇردى (ەرەكشە ساياحات ونىمدەرى ورتالىعى) ءارى باجىنى كەشىرىم ەتۋ، قازىنادان قارجى شىعارىپ ءۇي مايعا الىپ بەرۋ سياقتى ءتيىمدى ساياساتتار شىعارىپ، بۇرىنعى بىتىراندى قولونەر بۇيىمدارى ساۋداسىن ءبىر جەرگە جيناقتاپ ساياحات ونىمدەرى، قولونەر بۇيىمدارى سياقتى كاسىپتەرمەن شۇعىلداناتىنداردان 100 دەن استام وتباسىن يگىلىكتەندىردى.
قازىر وسىندا 40 توپتاعى 200 تۇردەن اساتىن ساياحات بۇيىمدارى بار. مۇنىڭ ىشىندە، قۇم سۋرەت، اعاش بۇيىمدار، قاپاق سۋرەت، ءداستۇرلى مۋزىكا اسپاپتارى سياقتى 28 ساياحات بۇيىمى «شينجياڭ ساۋعاتى» جۇيەسىنە ەنگىزىلگەن.
ىلە نافيسا قۇم سۋرەت كوركەمونەر ورتالىعى مىنە وسىلاردىڭ ءبىرى. 2006–جىلى قۇرىلعاننان قازىرگە دەيىن، جىلدىق كىرىستەرى العاشقى 100 مىڭ يۋان شاماسىنان، قازىر 5 ميلليون يۋانعا كوتەرىلىپ، 30 نەشە ادامدى كاسىپتەندىرىپ، ونىمدەرى سوناۋ بەيجيڭ، شاڭحاي، نانجيڭ سياقتى قالالارعا جانە قازاقستان، قىرعىزىستان سياقتى ەلدەرگە دە ساتىلىپ جاتىپتى.
وسى ورتالىقتىڭ جاۋاپتىسى قاسىم اسىمجان بىلاي دەيدى:«ءار كۇنى كەم دەگەندە 2 دە 3 سۋرەت ساتامىن، 4–ايدان بەرى سۋرەت الاتىندار كوبەيە ءتۇستى، كۇنىنە 10 دا 20 مىڭ يۋاندىق ساۋدا جاساي الامىن».
2012–جىلى قۇلجا قالاسى جاڭادان 5 مىڭ شارشى مەترلىك ۇلتتىق ەرەكشەلىكتەگى ساياحات ەستەلىك بۇيىمدارى ورتالىعىن قۇرىپ، سول جىلدىڭ وزىندە اۆتونوميالى رايون جاعىنان حالىق تۇرمىسى ونەركاسىبى ۇلگى رايونى اتاعىن الدى. ونىڭ سىرتىندا باجى كەشىرىم ەتۋ ساياساتى 56 ۇلتتىق قولونەر كاسىپورنىن وسىندا ىرگە تەبەۋگە باۋرادى. قازىر قۇلجا قالاسى وسى ارقىلى بۇرىنعى بىتىراندى، قالايماقان، ساپاسى ناشار بولۋداي ماسەلەلەردى شەشىپ، 4 مىڭنان استام ادامدى كاسىپتەندىرگەن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
