ج ك پ ورتالىق كوميتەتىنىڭ جىڭ دىرۇڭ سياقتى 7 جولداستى «مەملەكەتتىك تاڭداۋلى كوممۋنيستىك پارتيا مۇشەسى» دەپ تانۋ جونىندەگى قارارى
2018.07.03 14:21 كەلۋ قاينارى : شينجياڭ گازەتى
بيىل − پارتيا 19 - قۇرىلتايىنىڭ رۋحى جاپپاي دايەكتىلەندىرىلەتىن العاشقى جىل، رەفورما جاساۋ، ەسىك اشۋدىڭ 40 جىلدىعى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە بۇكىل پارتياداعى جولداستار كوكىرەك كەرنەگەن اسقاق سەزىم، جالىنداعان ەرىك - جىگەرمەن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ جاڭا داستانىن قۇلشىنا جازۋدا. سەنىمگە بەرىك، پارتياعا ادال، جاۋاپكەرشىل دە ىسكەر، قارىمدى دا ءىزاشار جاڭا ءداۋىر تيپتەرىن بار كۇشپەن ماراپاتتاپ، ۇگىتتەپ، قالىڭ پارتيالى كادرلاردى يدەيا مەن ارەكەتتى شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىمەن بىرلىككە كەلتىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇزدىكتەرمەن تەڭەلىپ، ورشەلەنە العا باسىپ، ءداۋىر، حالىق، تاريح الدىندا جەرگە قاراتپايتىن ەڭبەكتەر جاساۋعا ىنتالاندىرۋ جانە جەتەكتەۋ ءۇشىن، پارتيا ورتالىق كوميتەتى جىڭ دىرۇڭ، جۇڭ ياڭ، لي چۋانشين، شۇي شۋاي، جياڭ شىكۇن، جاڭ جين، جاڭ چاۋ سياقتى 7 جولداستى «مەملەكەتتىك تاڭداۋلى كوممۋنيستىك پارتيا مۇشەسى» دەپ تانۋدى ۇيعاردى.
جىڭ دىرۇڭ، ەر، حانزۋ، جيليننىڭ يانجي دەگەن جەرىنەن، 1926 - جىلى 1 - ايدا تۋعان، 1952 - جىلى 11 - ايدا قىزمەتكە قاتىناسقان، 1953 - جىلى 11 - ايدا جۇڭگو كوممۋنيستىك پارتياسىنا مۇشە بولعان، شىعىس سولتۇستىك پەداگوگيكا داشۋەسىنىڭ بۇرىنعى ورىنباسار باستىعى، قۇرمەتتى پروفەسسورى، دوكتورانت جەتەكشىسى. 2018 - جىلى 5 - ايدىڭ 3 - كۇنى اۋرۋ سەبەبىنەن 92 جاسىندا قايتىس بولدى. جىڭ دىرۇڭ جولداس − جۇڭگو كوممۋنيستىك پارتياسى تاريحىنىڭ ەلىمىزگە ايگىلى مامانى، ماركسيزمنىڭ جۇڭگوشالانۋىن زەرتتەۋدىڭ ماڭىزدى تۇرەن سالۋشىسى جانە نەگىزىن قالاۋشىسى. ول مۇرات - سەنىمگە تاباندى بولدى، عۇمىر بويى ماركسيزمگە تالپىندى جانە سەندى، عۇمىر بويى ماركسيزمدى زەرتتەدى جانە ءناسيحاتتادى، 67 جىل بويى وقىتۋ، زەرتتەۋدىڭ ءبىرىنشى شەبىنەن تابان اۋدارماي، 50دەن استام مونوگرافيا جانە وقۋلىقتى باسپادان شىعاردى، ول قۇراستىرعان «ماۋ زىدۇڭ يدەياسى تاريحىنىڭ جەلىسى» ماۋ زىدۇڭ يدەياسى تاريحىنىڭ عىلمي جۇيەسىنە نەگىز قالادى، ول ايقىن ساياسي پوزيتسياسىمەن، كورنەكتى عىلمي تابىستارىمەن پارتيا ىستەرىنە دەگەن ادالدىعى مەن تاباندىلىعىن امالياتتا ايگىلەدى. ول مول ءبىلىم، اسىل ءمورال يەسى رەتىندە، ءوز باسىمەن ونەگە كورسەتىپ، پارتيا مەن حالىق ءۇشىن ءىلىم ىزدەۋ، نازاريا ورناتۋ ۇلى مۇراتىن بەكەم ورناتىپ، قىزىل گەندى تاراتۋدى ءمورالدى ادام تاربيەلەۋدىڭ تۇتاس بارىسىمەن ساباقتاستىرىپ، پارتيانىڭ جاسامپاز نازارياسىن ءىلىم زەرتتەۋدىڭ تۇتاس بارىسىمەن ساباقتاستىردى. ول سارايى تازا، ەرەكشە كىشى پەيىل جان ەدى، ەشقاشان بىلىكتى وقىمىستىلىعىمەن كوزگە ۇرىپ، ەشقاشان ءوزى جانە تۋىسقاندارى ءۇشىن ايرىقشا قامقورلىق كوزدەمەگەندىكتەن، قالىڭ وقىتۋشى - وقۋشىلار مەن عىلىم سالاسىنىڭ جاپپاي قۇرمەتتەۋىنە بولەنەدى.
جۇڭ ياڭ، ەر، حانزۋ، حۋناننىڭ شاۋياڭ دەگەن جەرىنەن، 1964 - جىلى 5 - ايدا تۋعان، 1984 - جىلى 8 - ايدا قىزمەتكە قاتىناسقان، 1991 - جىلى 6 - ايدا جۇڭگو كوممۋنيستىك پارتياسىنا مۇشە بولعان، فۋدان داشۋەسى ماگيسترانتۋراسىنىڭ بۇرىنعى باستىعى، تىرشىلىك عىلىمى شۋەيۋانىنىڭ پروفەسسورى، دوكتورانت جەتەكشىسى، ورتالىق كوميتەت ۇيىمداستىرۋ ءبولىمى 6 -، 7 -، 8 - توپتا شيزاڭعا كومەكتەسۋگە تاڭداپ جىبەرگەن كادر. 2017 - جىلى 9 - ايدىڭ 25 - كۇنى ۇلتتىق كادرلارعا ساباق ءوتۋ ءۇشىن ىشكى موڭعۇلعا بارا جاتقان جولىندا كولىك شىرعالاڭىنا ۇشىراپ، نە ءبارى 53 جاسىندا قاپيادا قايتىس بولدى. جۇڭ ياڭ جولداس پارتياعا شەكسىز ادال بولدى، پارتيا ىستەرىنە شەكسىز سۇيىسپەنشىلىك بايلادى، حالىققا شەكسىز قالتقىسىز بولدى، ول ۇزاق مەرزىم بويى بوتانيكا، بيوينفورماتيكا سالاسىندا زەرتتەۋ، وقىتۋ جۇمىستارىمەن شۇعىلدانىپ، ءبىر قاتار ماڭىزدى زەرتتەۋ جەتىستىكتەرىنە قول جەتكىزدى. ول «مەملەكەت قاجەت ەتسە، ادامزات قاجەت ەتسە، قانداي جاپالى عىلمي زەرتتەۋ جۇمىستارىنا دا دايىنمىن» دەگەن ۇستانىممەن چيڭحاي - شيزاڭ ۇستىرتىندە نەشە ون مىڭ كيلومەتر جول باسىپ، وسىمدىكتىڭ مىڭداعان ءتۇرىنىڭ 10 مىڭداعان تۇقىمىن جيناپ، مەملەكەت پەن ادامزات ءۇشىن ۇرپاقتارعا مۇرا بولىپ قالار گەن قامباسىن جيناقتادى. ول «ۇيىمنىڭ قاجەتى بارىنەن ماڭىزدى» ەكەنىن ەسكە بەرىك ساقتاپ، 16 جىلدى ءبىر كۇنگىدەي وتكىزىپ، ءومىرىنىڭ ەڭ قىمباتتى شاقتارىن وتاننىڭ قارلى ۇستىرتىنە ارناپ، عىلمي زەرتتەۋ، وقىتۋ سالاسىنداعى از ۇلت تىرەكتىلەرىن تاربيەلەۋگە بار ىنتاسىن سالىپ، شيزاڭ داشۋەسىنىڭ تىرشىلىكتىڭ الۋان تۇرلىلىگىن زەرتتەۋ جەتىستىكتەرىن دۇنيە جۇزىنە تانىستىرۋىنا كومەكتەستى. ول «جۇمىس ىستەۋ اتاق - ابىرويدان ماڭىزدى» ەكەنىنە تاباندى بولىپ، قاجىرلى دا شىنشىل بولىپ، ءوزىن قاتاڭ تارتىپكە شاقىرىپ، قاراپايىم، جۇپىنى تۇرمىس كەشىپ، قىزمەت يگىلىگى، كىرىس شارتى تۋراسىندا ەشقانداي تالاپ قويماي، كومپارتيا مۇشەلەرىنىڭ وسكەلەڭ رۋحى مەن ادامگەرشىلىك قۋاتىن ايگىلەدى.
لي چۋانشين، ەر، حانزۋ، جياڭشيدىڭ فىڭچىڭ دەگەن جەرىنەن، 1958 - جىلى 2 - ايدا تۋعان، 1976 - جىلى 2 - ايدا قىزمەتكە قاتىناسقان، 1985 - جىلى 8 - ايدا جۇڭگو كوممۋنيستىك پارتياسىنا مۇشە بولعان، جياڭشي ولكەلىك پارتكوم 3 - شارلاۋ گرۋپپاسىنىڭ بۇرىنعى باستىعى. 2016 - جىلى 5 - ايدىڭ 31 - كۇنى اۋرۋ سەبەبىنەن نە ءبارى 58 جاسىندا قايتىس بولدى. لي چۋانشين جولداس سەنىمگە بەرىك، پارتياعا ادال بولدى، ءتارتىپ تەكسەرۋ، باقىلاۋ - تەكسەرۋ جانە شارلاۋ شەبىندە 27 جىل قىزمەت ەتكەندە، «اشۋعا بولمايتىن قالتارىس، تيۋگە بولمايتىن پالە جوق» دەگەن ۇستانىمنان جازباي، ءىرىپ - شىرىگەندەرمەن باتىل كۇرەس جۇرگىزە ءبىلدى. ول پرينسيپكە تاباندى بولىپ، ءتارتىپتى بۇلجىتپاي اتقاردى، ماسەلەنىڭ دەرەكتەرى بايقالسا تۇبىنە دەيىن تەكسەرىپ - تەكتەپ، حاۋىپ - قاتەر مەن قوقان - لوقىدان ەشقانداي قايمىقپاي، ءتارتىپ تەكسەرۋ، باقىلاۋ - تەكسەرۋ كادرلارى مەن شارلاۋ كادرلارىنىڭ قاسيەتتى بورىشىن ادالدىقپەن اتقاردى. ول قۇنتتىلىقپەن زەرتتەۋ جۇرگىزىپ، جۇمىستى ءساتتى باستاپ، تابىسپەن اياقتاتىپ، ءار شايقاس سايىن دەر كەزىندە قورىتىندى جاساپ، شارلاۋ قىزمەتىنىڭ ءادىسىن ۇزبەي جاقسارتىپ وتىردى. ول باقىلاۋ مەن ءتارتىپ اتقارۋدىڭ «ءتورت فورماتسياسىن» ۇلگىلى تۇردە قولدانىپ، ماسەلەنىڭ ۇشىعى، بەيىمى بايقالعان كادرلاردى دەر كەزىندە اڭگىمەگە شاقىرىپ ساقتاندىرىپ، كوپتەگەن پارتيالى باسشى كادرلارعا ماسەلەنى ايقىنداپ بەردى. ول كوڭىلگە قاراماي، ءىستى ءادىل جۇرگىزىپ، ءوز تازالىعىنىڭ ارەكەتتەگى تومەنگى شەگىن ساقتادى، ەشقاشان ەرەكشە ۇقىقتىڭ اۋىزدىعىن بوساتپاي، ءتارتىپ تەكسەرۋ، باقىلاۋ - تەكسەرۋ كادرلارى مەن شارلاۋ كادرلارىنىڭ جاقسى وبرازىن ساقتادى.
شۇي شۋاي، ەر، حانزۋ، حىبەيدىڭ سىشيان دەگەن جەرىنەن، 1979 - جىلى 11 - ايدا تۋعان، 2002 - جىلى 9 - ايدا قىزمەتكە قاتىناسقان، 2005 - جىلى 12 - ايدا جۇڭگو كوممۋنيستىك پارتياسىنا مۇشە بولعان، حىنان ولكەسى انياڭ قالالىق قۇتقارۋ - كومەكتەسۋدى باسقارۋ پۋنكتىنىڭ بۇرىنعى باستىعى. 2016 - جىلى 9 - ايدىڭ 1 - كۇنى اۋرۋ سەبەبىنەن نە ءبارى 36 جاسىندا قايتىس بولدى. شۇي شۋاي جولداس قاشاندا حالىققا قىزمەت ەتۋدى ءوزىنىڭ ومىرلىك تالپىنىسى سانادى، ءوزىنىڭ ورگانداعى تۇراقتى قىزمەتىنەن باس تارتىپ، ۇيىمنان ىرىقتى تۇردە سۇرانىپ، قۇتقارۋ - كومەكتەسۋدى باسقارۋ پۋنكتىنە قىزمەتكە باردى. ول كوممۋنيستەردىڭ ۇلى ماحابباتىن مۇقتاج جاندارعا قالتقىسىز ارنادى، كوشەدە تۇنەيتىن قاڭعىباستار مەن قايىرشىلاردى پۋنكتكە كەلىپ جاردەم قابىلداۋعا ءناسيحاتتادى، مەملەكەت بويىنشا الدىمەن ەمدەپ ورنالاستىرۋ رايونىن قۇرىپ، مىلقاۋ قاڭعىباس بالالارعا قامقورلىق جاساپ، ولاردىڭ مەكتەپكە قايتۋىنا كومەكتەستى، كومەك قابىلداۋشى ادامداردىڭ تۋىستارىن امالدىڭ بارىنشا ىزدەسىپ، 3 جىلدا جالپى 15 مىڭ ادامعا (رەت) جاردەم بەردى. ول كاسىپتى ومىرىنەن ارتىق كورىپ، ءوز مىندەتىن ءمىنسىز اتقارىپ، جۇمىسقا ىنتى - شىنتىسىمەن بەرىلدى، ءتىپتى راك اۋرۋىنا شالدىققاندا دا، جاي ادامنىڭ قيالى جەتپەيتىن قايراتپەن ءومىرىنىڭ سوڭعى ساتىنە دەيىن جان سالا قىزمەت ەتتى. ول ءوزى قايتىس بولعاننان كەيىن مۇردەسى مەن كوزىنىڭ مۇيىزگەك قابىعىن كومەككە اتاۋدى اماناتتاپ، «قۇتقارۋ - كومەكتەسۋدىڭ سوڭعى بەكەتىن» تامامداپ، «حالىقتىڭ قاجەتىنە وگىزدەي دايىن تۇرۋ» رۋحىن ومىرىمەن دالەلدەپ شىقتى.
جياڭ شىكۇن، ەر، مياۋزۋ، گۇيجوۋدىڭ سىحىڭ دەگەن جەرىنەن، 1969 - جىلى 12 - ايدا تۋعان، 1990 - جىلى 8 - ايدا قىزمەتكە قاتىناسقان، 1992 - جىلى 1 - ايدا جۇڭگو كوممۋنيستىك پارتياسىنا مۇشە بولعان، گۇيجوۋ ولكەسى چيڭلۇڭ اۋداندىق پارتكومنىڭ بۇرىنعى شۋجيى. 2016 - جىلى 4 - ايدىڭ 12 - كۇنى ءىسساپاردا جۇرگەندە جۇرەك اۋرۋى تۇتقيىل ۇستاپ، نە ءبارى 46 جاسىندا قاپيادا قايتىس بولدى. جياڭ شىكۇن جولداس ۇزاق مەرزىم بويى كەدەي، شالعاي تاۋلى وڭىردە قىزمەت ەتكەندە، قاشاندا كوممۋنيستەردىڭ پارمەندى پارتيالىلىعىن كەدەيلىكتەن قۇتىلدىرۋدان قامال الۋدىڭ بورىشى مەن جاۋاپكەرشىلىگىندە ايگىلەدى. چيڭلۇڭ اۋدانىندا قىزمەت ەتكەن 6 جىلدا ول قاجىماس - قايتپاس تەبىنمەن كەدەيلىكتەن دالمە - ءدال قۇتقارۋدىڭ ەكونوميكا، ەكولوگيا، كەدەيلەردى سۇيەمەلدەۋ قىزمەتتەرى تەڭ ىلگەرىلەگەن «چيڭلۇڭ ۇلگىسىن» ىزدەپ تاپتى. ول بۇقارانىڭ مۇڭ - مۇقتاجىن ەستەن شىعارمايدى، چيڭلۇڭ اۋدانىنىڭ بارلىق اۋىل - قالاشىعىندا، قىستاقتارى مەن ەلدى مەكەندەرىندە ونىڭ ءىزى قالدى، ول بۇقارامەن بىرگە تاپتىشتەي ەكونوميكالىق ەسەپ جاساپ، كەدەيلىكتەن قۇتىلۋدىڭ شارالارىن بىرگە قاراستىردى، بۇقارانى ءشوپ ەگىپ، قوي وسىرۋگە، تاۋلى ءوڭىردىڭ ەرەكشە شارۋاشىلىعىن دامىتۋعا جۇمىلدىردى، بۇقارا ونى «ديقان شۋجي»، «ەسەپشى شۋجي» اتاپ كەتتى. ول ءوزىن قاتاڭ تارتىپكە شاقىردى، تۇرمىستا قاراپايىم بولدى، قولىنداعى بيلىكتى ەشقاشان ءوزىنىڭ جانە تۋىس - تۋعاندارىنىڭ جەكە مۇددەسىن كوزدەۋگە پايدالانبادى، قۇرىلىس ينجەنەريالارىنا مەردىگەر شاقىرۋ سياقتى ەكونوميكالىق ارەكەتتەرگە ەشقاشان كيلىكپەدى، ءوزىنىڭ ۇكىمەت جۇمىسىنا شوگەلدىگىمەن جانە كىرشىكسىزدىگىمەن ماڭايىنداعى ادامدارعا اسەر ەتىپ وتىردى.
جاڭ جين، ەر، حانزۋ، چۇڭچيڭنىڭ بانان دەگەن جەرىنەن، 1965 - جىلى 4 - ايدا تۋعان، 1987 - جىلى 7 - ايدا قىزمەتكە قاتىناسقان، 1996 - جىلى 10 - ايدا جۇڭگو كوممۋنيستىك پارتياسىنا مۇشە بولعان، چۇڭچيڭ كەمە ونەركاسىپ سەرىكتەستىگىنىڭ بۇرىنعى ورىنباسار باس مەڭگەرۋشىسى، جۇڭگو كەمە اۋىر ونەركاسىپ توبى سەرىكتەستىگى (چۇڭچيڭ) تەڭىز جەل ەلەكتر جابدىقتارى شەكتى سەرىكتەستىگىنىڭ بۇرىنعى ورىنباسار باس مەڭگەرۋشىسى، چۇڭچيڭ چيانۋي عىلىم - تەحنيكا توبى شەكتى سەرىكتەستىگىنىڭ بۇرىنعى اتقارۋشى القاسى، باس مەڭگەرۋشىسى. 2016 - جىلى 6 - ايدىڭ 26 - كۇنى اۋرۋ سەبەبىنەن نە ءبارى 51 جاسىندا قايتىس بولدى. جاڭ جين جولداس پارتيا ىستەرىنە ادال بولدى، مەملەكەتتىڭ مۇددەسى بارىنەن جوعارى تۇراتىندىعىن ەسكە بەرىك ساقتاپ، ومىرلىك ىنتا - جىگەرىن ارميا مەن حالىقتىڭ توعىسپالى جاڭالىق اشۋ تۇرىندەگى كوشباسشى كاسىپورىن قۇرۋعا ارنادى. ول جۇرەكتىلىكپەن ىزدەنىس جاساپ، باتىلدىقپەن شايقاسىپ، كۇيرەۋدىڭ از - اق الدىندا تۇرعان اسكەري ونەركاسىپ كاسىپورنىنىڭ 12 جىلدىڭ ىشىندە 7 ۇلكەن كاسىپ شوعىرى بار عىلىم - تەحنيكا توبىنىڭ دامۋىنا جەتەكشىلىك ەتتى. ونىڭ ەركى بولاتتاي بەرىك بولدى، قات - قابات ءوندىرىس، جاتتىعۋ مىندەتتەرىنە سايكەس، 64 كۇن بويى سەحتا تاماقتانىپ، سەحقا تۇنەدى، ول اتاعى شىققان «قۇرىش ادام» ەدى. ول ەرلىكپەن رەفورما جۇرگىزىپ، كاسىپورىننىڭ جاڭا تەحنيكالار ەنگىزۋ، ءونىم جەلىسىن كەڭەيتۋ، حالىقارالىق ىنتىماقتاستىق جۇرگىزۋ سياقتى ءبىر قاتار مىندەتتەرىنە باستاماشى بولدى. ول ۇكىمەت جۇمىسىن تازا جۇرگىزدى، پارتكومعا جەكە باسىنىڭ پاكتىگى تۋرالى ىرىقتى تۇردە سەرت بەرىپ، سەرىكتەستىكتە «جاريا ءبولىستى» جولعا قويدى. ول كوممۋنيستەردىڭ جۇرەكتىلىكپەن جاۋاپكەرشىلىك ارقالاۋ، شىن پەيىلمەن ۇلەس قوسۋ رۋحىن مەملەكەتتىك كاسىپورىنداردىڭ جۇمىسشى - قىزمەتكەرلەرىنىڭ كوڭىلىندە ماڭگىگە قالدىردى.
جاڭ چاۋ، ەر، حانزۋ، حۋناننىڭ يۋەياڭ دەگەن جەرىنەن، 1986 - جىلى 8 - ايدا تۋعان، 2004 - جىلى 9 - ايدا اسكەر قاتارىنا قابىلدانعان، 2009 - جىلى 5 - ايدا جۇڭگو كوممۋنيستىك پارتياسىنا مۇشە بولعان، تەڭىز ارمياسى بەلگىلى پالۋبالىق اۆياتسيا اسكەري ءبولىمىنىڭ بۇرىنعى 1 - دارەجەلى ۇشقىشى. 2016 - جىلى 4 - ايدىڭ 27 - كۇنى جاڭ چاۋ جولداس جيان - 15 ۇشاعىمەن جەر ءۇستى ەلىكتەمەلى قونۋ جاتتىعۋىن جاساپ جۇرگەندە، توساتتان كىلتيپان شىعىپ، سوعىس ۇشاعىن بار كۇشپەن قۇتقارۋ جولىندا نە ءبارى 29 جاسىندا قاپيادا ەرلىكپەن قۇربان بولدى. جاڭ چاۋ جولداس سانالى تۇردە جەكە تالپىنىسىن ارميانى قۇدىرەتتەندىرۋ ۇلى ىسىمەن توعىستىرىپ، كۇشتى قارسىلاستى كوزدەپ، ۇشۋعا جاپالى جاتتىعۋ جاسادى، ىلگەرىندى - كەيىندى 8 ءتۇرلى سوعىس ۇشاعىمەن ۇشىپ، 3 رەت اۋىر اۋە قاتەرىن ءساتتى تۇردە ءبىر جاقتى ەتەدى، 20 نەشە رەت جاۋىنگەرلىك ۇشۋ مىندەتىن ورىنداپ، ونداعان رەت شۇعىل تۇردە بومبى الىپ ۇشىپ، بوتەن ارميانىڭ ۇشاعىن قۋىپ شىعىپ، جۇڭگو تەڭىز ارمياسىنىڭ سەنىمىن اسىرىپ، ۇلى وتاننىڭ نامىسىن ساقتادى. ول ادال دا مەيىرىمدى بولا ءبىلدى، جاقىندارىن، وتباسىن سۇيە ءبىلدى، جاۋىنگەر سەرىكتەرىنە ادالدىقپەن قۇشاق اشىپ، وسكەلەڭ مىنەز - قۇلقىمەن اينالاسىنداعى ءار ادامعا اسەر ەتىپ، جىلۋ شاشتى.
جىڭ دىرۇڭ قاتارلى 7 جولداس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇلگىلى ىسكە اسىرۋشىلار، جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى كۇرەس جۇرگىزۋىنىڭ جارقىن تيپتەرى، جاڭا داۋىردەگى پارتيالى كادرلاردىڭ سەنىمدە بەكەم تۇرۋىنىڭ، پارتياعا ءوزىن ارناپ، مەملەكەتتىڭ ءۇمىتىن اقتاۋىنىڭ، حالىقتى باقىتقا كەنەلتۋىنىڭ تاڭداۋلى ونەگەلەرى. پارتيا ورتالىق كوميتەتى مىناعان ۇندەدى: قالىڭ پارتيا مۇشەلەرى، كادرلار سولاردان ۇيرەنۋ كەرەك. «ءتورت سەنىمدى» سولارداي بەكەمدەپ، «توڭكەرىستىك مۇرات اسپاننان دا بيىك» بولۋعا ءارقاشان تاباندى بولىپ، سانالى تۇردە كوممۋنيستىك ۇلى مۇرات پەن سوتسياليستىك ورتاق مۇراتتىڭ كامىل سەنۋشىلەرىنەن جانە ونى ادال جۇزەگە اسىرۋشىلاردان بولۋ كەرەك. پارتياعا سولارداي ابسوليۋتتى ادال بولىپ، قاشاندا پارتيانى ءسۇيىپ، پارتياعا سەنىپ، پارتيانى قورعاپ، پارتيا ءۇشىن قىزمەت ەتىپ، «ءتورت تانىمدى» بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ كەرەك. سولارداي باتىل جاۋاپكەرشىلىك ارقالاپ جانە ءىس تىندىرىپ، امالياتقا، ناقتى ىسكەرلىككە، ناقتى ونىمدىلىككە ءار قاشان تاباندى بولىپ، جىگەرلەنە العا ۇمتىلىپ، قامال الىپ، قيىندىقتاردى جەڭىپ، جايشىلىقتا ءوزىن كورسەتۋ، شەشۋشى ساتتە اتويلاپ العا شىعۋ كەرەك. ءتۇبىرلى ماقساتتى امالياتتا سولارداي ايگىلەپ، ءارقاشان حالىقتىڭ مۇددەسىن بارىنەن جوعارى قويىپ، حالىققا تىعىز ارقا سۇيەپ، حالىقتىڭ باقىتىن كوزدەۋدى قىزمەتتىڭ شىعار ءتۇيىنى جانە تياناعى ەتىپ، بار ىنتا - پەيىلمەن بۇقارا ءۇشىن ناقتى ءىس ىستەپ، جاقسى ءىس ىستەپ، قيىن ىستەردى شەشۋ كەرەك. ءمورالدىق قۇلىقتى سولارداي باتىل ساقتاپ، ءارقاشان كوممۋنيستەردىڭ ساياسي قاسيەتىن ساقتاپ، تازا، كىرشىكسىز ادام بولىپ، تازا، كىرشىكسىز ءىس ىستەپ، پاك ستيلدى، دۇرىس سالتتى باستاماشىلدىقپەن اسقاقتاتىپ، كوممۋنيستەردىڭ قۇن كوزقاراسىن سانالى تۇردە جۇزەگە اسىرۋ كەرەك.
بورىش جاۋاپكەرشىلىك ارقالاۋعا شاقىرادى، ونەگە داۋىرگە جەتەكشى بولادى. ءار دارەجەلى پارتيا ۇيىمدارى جىڭ دىرۇڭ قاتارلى 7 جولداستىڭ ىزگى ىستەرىنەن ۇيرەنۋدى شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي ۇيرەنۋمەن، دايەكتىلەندىرۋمەن بىرلەستىرىپ، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن ۇدايىلاندىرۋدى، تۇزىمدەندىرۋدى ىلگەرىلەتۋدىڭ، «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىن ورىستەتۋدىڭ ماڭىزدى مازمۇنى ەتىپ، كوپ ءتۇرلى ءتاسىل قولدانىپ، كەڭىنەن ۇيرەنۋگە، ۇگىتتەۋگە ۇيىمداستىرۋ كەرەك. بيىل «1 - شىلدە» كەزىندە، نەگىزگى ساتى پارتيا ۇيىمدارى ۇزدىك تيپتەردەن ۇيرەنۋدى، اۆانگاردتاردىڭ ۇلگىلىك رولىن ساۋلەلەندىرۋدى ارقاۋ ەتىپ، ءبىر رەت تاقىرىپتىق پارتيا كۇنى قيمىلىن ورىستەتۋگە ۇيىمداستىرۋ كەرەك. پارتيا مۇشەلەرىن، كادرلاردى ۇزدىك تيپتەردى ونەگە ەتۋگە، ۇزدىكتەردەن ۇيرەنۋگە، ۇزدىكتەردى قۋىپ جەتۋگە، ۇزدىكتەردەن بولۋعا جەتەكتەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جىگەرلەنە ءىس تىندىرىپ، تىڭعىلىقتى قىزمەت ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
