ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «<ءبىر بەلدەۋ، ءبىر جولعا> قاتىستى حالىقارالىق ساۋدا تالاس - تارتىستارىن شەشۋ مەحانيزمى مەن قۇرىلىمىن قۇرۋ جونىندەگى پىكىردى» باسىپ تاراتتى
2018.07.03 14:27 كەلۋ قاينارى : شينجياڭ گازەتى
شينحۋا اگەنتتىگىنىڭ 6 - ايدىڭ 27 - كۇنى بەيجيڭنەن بەرگەن حابارى. 2018 - جىلى 1 - ايدىڭ 23 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ ءماجىلىسىن باسقارىپ اشتى، ءماجىلىس «<ءبىر بەلدەۋ، ءبىر جولعا> قاتىستى حالىقارالىق ساۋدا تالاس - تارتىستارىن شەشۋ مەحانيزمى مەن قۇرىلىمىن قۇرۋ جونىندەگى پىكىردى» (قىسقارتىلىپ «پىكىر» دەلىنەدى) قاراپ ماقۇلدادى. تاياۋدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «پىكىردى» باسىپ تاراتتى ءارى حابارلاندىرۋ شىعارىپ، رايونداردان، تاراۋلاردان ءىس جۇزىندىك جاعدايمەن ۇشتاستىرا وتىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالاردى تالاپ ەتىلدى: پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «ءبىر بەلدەۋ، ءبىر جول» حالىقارالىق ىنتىماقتاستىعىن بەلسەنە جەبەپ، «ءبىر بەلدەۋ، ءبىر جول» قۇرىلىسى بارىسىندا جارىققا شىققان ساۋدا تالاس - تارتىستارىن زاڭ بويىنشا ۇيلەسىمدى شەشىپ، ىسكە قاتىستى جۇڭگولىقتار مەن شەتەلدىكتەردىڭ زاڭدى ۇقىق - مۇددەسىن تەڭ دارەجەدە قورعاپ، ءادىل، ادىلەتتى ساۋدا ورتاسىن قۇلشىنا قالىپتاستىرىپ، «ءبىر بەلدەۋ، ءبىر جول» قۇرىلىسىن ىلگەرىلەتۋگە، جوعارى دەڭگەيلى ساۋدا جانە قارجى قوسۋدى ەركىندەستىرۋ جانە قولايلىلاندىرۋ ساياساتىن جولعا قويۋعا، اشىق دۇنيە ەكونوميكاسىنىڭ قۇرىلۋىن ىلگەرىلەتۋگە ءتىپتى پارمەندى ءادىليالىق قىزمەت ەتۋ جانە قامتاماسىزداندىرۋ كەرەك.
«پىكىردە» بىلاي دەپ اتاپ كورسەتىلدى: «ءبىر بەلدەۋ، ءبىر جولعا» قاتىستى حالىقارالىق ساۋدا تالاس - تارتىستارىن شەشۋ مەحانيزمى مەن قۇرىلىمىن قۇرۋدا مىنا پرينسيپتەرگە بويسۇنۋ كەرەك:
− بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولۋ. اشىق، سيىسىمدى پەيىلمەن، «ءبىر بەلدەۋ، ءبىر جول» قۇرىلىسىنا قاتىسۋشى ەلدەردەن حالىقارالىق زاڭدى قانىق بىلەتىن ءارى ءوز ەلدەرىنىڭ زاڭدارىن ابدەن يگەرگەن مامانداردىڭ بەلسەنە ات سالىسۋىن دارىپتەپ، ىسكە قاتىستى ادامنىڭ ەل ءىشى - سىرتىنداعى زاڭ ماماندارىن تاڭداپ داۋ - شاردى شەشۋ ۇقىعىنا قۇرمەت ەتىپ، «ءبىر بەلدەۋ، ءبىر جولعا» قاتىستى حالىقارالىق ساۋدا تالاس - تارتىستارىن شەشۋ مەحانيزمىنىڭ حالىقارالانۋ ەرەكشەلىگىن كورسەتىپ، بىرگە اقىلداسۋ، بىرگە قۇرۋ، بىرگە يگىلىكتەنۋ رۋحىن ايگىلەۋىنە مۇمكىندىك جاساۋ.
− ادىلەتتى، جوعارى ءونىمدى، قولايلى بولۋ پرينسيبىنە تاباندى بولۋ. حالىقارالىق تالاس - تارتىستاردى شەشۋ مەحانيزمىنىڭ قازىرگى ءتيىمدى ادىستەرىن زەرتتەپ، قابىلداپ، «ءبىر بەلدەۋ، ءبىر جول» قۇرىلىسىنا قاتىسۋشى ەلدەردىڭ مەملەكەت جاعدايىنىڭ ەرەكشەلىگىنە ۇيلەسەتىن ءارى جاپپاي قابىل الىنعان حالىقارالىق ساۋدا تالاس - تارتىستارىن شەشۋدىڭ جاڭا مەحانيزمى مەن قۇرىلىمىن قۇرىپ، «ءبىر بەلدەۋ، ءبىر جول» قۇرىلىسى بارىسىندا جارىققا شىققان شەكارا اتتاعان ساۋدا داۋ - شارلارىن ادىلەتتى، ءونىمدى، قولايلى تۇردە شەشۋ.
− ىسكە قاتىستى ادامنىڭ قالاۋى بويىنشا ءوز ءىسىن ءوزى باسقارۋىنا قۇرمەت ەتۋ پرينسيبىنە تاباندى بولۋ. «ءبىر بەلدەۋ، ءبىر جول» قۇرىلىسىنا قاتىسۋشى ەلدەردىڭ ىسكە قاتىستى ادامدارىنىڭ كەلىسىم بويىنشا داۋ - شاردى شەشۋ ءتاسىلىن تاڭداۋ، ءوزى قانىق بىلەتىن ءوز ەلىنىڭ زاڭىن نەمەسە ءۇشىنشى ەلدىڭ زاڭىن كەلىسىم بويىنشا تاڭداۋ ۇقىعىنا قۇرمەت ەتىپ، حالىقارالىق شارتتاردى، حالىقارالىق داعدىلاردى بەلسەنە قولدانىپ، ءار جاقتاعى ىسكە قاتىستى ادامداردىڭ زاڭدى ۇقىق - مۇددەسىن تەڭ تۇرعىدا قورعاۋ.
− داۋ - شاردى شەشۋ ءتاسىلىنىڭ كوپ نەگىزدەنۋى پرينسيبىنە تاباندى بولۋ. «ءبىر بەلدەۋ، ءبىر جول» قۇرىلىسىنا قاتىسۋشى سۋبيەكتتەردىڭ كوپ تۇرلىلىگىن، داۋ - شار تۇرلەرىنىڭ كۇردەلىلىگىن، سونداي - اق ءار ەلدىڭ زاڭ شىعارۋ، ءادىليا، زاڭمەن جونگە سالۋ مادەنيەتتەرىنىڭ پارىقتىلىعىن ەسكەرىپ، ارىز - شاعىم، تورەلىك ايتۋ، جاراستىرۋ ورگانيكالى تۇردە ۇشتاستىرىلعان تالاس - تارتىستاردى شەشۋگە قىزمەت ەتۋ، قامتاماسىزداندىرۋ مەحانيزمىن بەلسەنە جەتىلدىرىپ، ىسكە قاتىستى جۇڭگولىقتاردىڭ، شەتەلدىكتەردىڭ داۋ - شاردى شەشۋدەگى كوپ نەگىزدى سۇرانىستارىن شىن مانىندە قامتاماسىز ەتۋ. «ءبىر بەلدەۋ، ءبىر جولعا» قاتىستى حالىقارالىق ساۋدا تالاس - تارتىستارىن شەشۋ مەحانيزمى مەن قۇرىلىمىن قۇرۋ ارقىلى، ورنىقتى، ءادىل، جاريا، مەجەلەۋگە بولاتىن زاڭمەن باسقارىلاتىن ساۋدا ورتاسىن قالىپتاستىرۋ.
«پىكىردە» مىنالار العا قويىلدى: ەڭ جوعارى حالىق سوتى مەكەمەسى حالىقارالىق ساۋدا سوتىن قۇرىپ، حالىقارالىق ساۋدا ىستەرىنە قاتىستى ماماندار كوميسسياسىن باس بولىپ قۇرىپ، «ءبىر بەلدەۋ، ءبىر جولعا» قاتىستى حالىقارالىق ساۋدا داۋ - شارلارىن جاراستىرۋ، تورەلىك ايتۋ سياقتى تاسىلدەرمەن شەشۋدى قولدايدى، ارىز - شاعىم مەن جاراستىرۋ، تورەلىك ايتۋ ءونىمدى تۇردە ۇشتاستىرىلعان كوپ نەگىزدى داۋ - شاردى شەشۋ مەحانيزمىنىڭ قۇرىلۋىن ىلگەرىلەتىپ، قولايلى، يكەمدى، وزىندىك قۇنى تومەن «ءبىر بەكەتتىك» تالاس - تارتىس شەشۋ ورتالىعىن قالىپتاستىرىپ، «ءبىر بەلدەۋ، ءبىر جول» قۇرىلىسىنا قاتىسۋشى ەلدەردەگى ىسكە قاتىستى ادامدارعا ساپالى، جوعارى ءونىمدى زاڭدىق قىزمەت كورسەتەدى.
«پىكىردە» بىلاي دەپ اتاپ كورسەتىلدى: ەڭ جوعارى حالىق سوتى مەكەمەسى گۋاڭدۇڭ ولكەسىنىڭ شىنجىن قالاسىندا «ءبىرىنشى حالىقارالىق ساۋدا سوتىن»، شانشي ولكەسىنىڭ شي - ان قالاسىندا «ەكىنشى حالىقارالىق ساۋدا سوتىن» قۇرىپ، ىسكە قاتىستى ادامدار اراسىنداعى شەكارا اتتاعان ساۋدا داۋ - شارى دەلولارىن قابىلدايدى. ەڭ جوعارى حالىق سوتى مەكەمەسىنىڭ ازاماتتىق ىستەر 4 - سوتى 2 حالىقارالىق ساۋدا سوتىنىڭ قىزمەتىن سايكەستىرۋگە جاۋاپتى بولادى ءارى وعان جەتەكشىلىك ەتەدى.
حالىقارالىق زاڭدى، سونداي - اق ءوز ەلىنىڭ زاڭىن قانىق بىلەتىن مامانداردان حالىقارالىق ساۋدا ماماندارى كوميسسياسى قۇرىلىپ سايكەستى قىزمەت ەرەجەسىن بەلگىلەيدى. ىسكە قاتىستى ادامدار اراسىنداعى شەكارا اتتاعان ساۋدا داۋ - شارى جونىندە كوميسسيا ىسكە قاتىستى ادامنىڭ ەرىكتىلىگى پرينسيبى نەگىزىندە الدىمەن جاراستىرادى ءارى جاراستىرۋ قاۋلىسىن شىعارادى. ەلىمىزدىڭ سوت مەكەمەلەرى دەلونى قاراۋ بارىسىندا شەتەلدەردىڭ زاڭدارىن قولدانۋ قاجەت بولعاندا، كوميسسيا شەتەل زاڭدارىن قالاي قولدانۋ جونىندە مامانداردىڭ پىكىرىمەن قامدايدى.
شارت - جاعداي ازىرلەگەن، حالىقارادا تاماشا بەدەلى بار ەل ىشىندەگى تورەلىك ايتۋ قۇرىلىمدارىنىڭ «ءبىر بەلدەۋ، ءبىر جولعا» قاتىستى حالىقارالىق ساۋدا ىستەرى جونىندە تورەلىك ايتۋىن قولدايدى. ەل ىشىندەگى تورەلىك ايتۋ قۇرىلىمدارىن «ءبىر بەلدەۋ، ءبىر جول» قۇرىلىسىنا قاتىسۋشى ەلدەردىڭ تورەلىك ايتۋ قۇرىلىمدارىمەن سەلبەسىپ بىرلەسكەن تورەلىك ايتۋ مەحانيزمىن قۇرۋعا ىنتالاندىرادى. ەل ءىشى - سرتىنان ءتىپتى كوپ تاڭداۋلى تورەلىك ايتۋشىلاردى «ءبىر بەلدەۋ، ءبىر جول» قۇرىلىسىنا قاتىسۋشى ەلدەردەگى ىسكە قاتىستى ادامدارعا تورەلىك ايتۋ جاعىندا ساپالى زاڭدى قىزمەت كورسەتۋگە تارتادى. «ءبىر بەلدەۋ، ءبىر جولعا» قاتىستى حالىقارالىق ساۋداعا تورەلىك ايتۋشى قۇرىلىمدار «ءبىر بەلدەۋ، ءبىر جول» قۇرىلىسىنا ساياتىن شەكارا اتتاعان ساۋدا داۋ - شارلارىن شەشۋدە، ەلىمىزدىڭ سوت مەكەمەلەرى مال - مۇلىكتى قورعاۋ، دالەل - سىپاتتى قورعاۋ سياقتى جاقتاردا زاڭ بويىنشا ءادىليالىق قولداۋ كورسەتەدى ءارى قولايلى، يكەمدى ءادىليالىق تەكسەرۋ نەگىزىندە بەلسەندىلىكپەن تورەلىك ايتىپ، كەسىم جاسايدى.
شارت - جاعداي ازىرلەگەن، حالىقارادا تاماشا بەدەلى بار ەل ىشىندەگى جاراستىرۋ قۇرىلىمدارى «ءبىر بەلدەۋ، ءبىر جولعا» ساياتىن حالىقارالىق ساۋدا جاراستىرۋىن ورىستەتەدى. شارت - جاعدايى بار ادۆوكاتتار ءىسورىندارىنىڭ حالىقارالىق ساۋدا ىستەرىن جاراستىرۋىن قولداپ، ادۆوكاتتاردىڭ حالىقارالىق ساۋدا ىستەرىن جاراستىرۋداعى رولىن تولىق ساۋلەلەندىرىپ، جاراستىرۋعا قىزمەت كورسەتۋ ارنالارىن ىركىلىسسىزدەندىرەدى. «ءبىر بەلدەۋ، ءبىر جولعا» قاتىستى حالىقارالىق ساۋدا ىستەرىن جاراستىرۋ قۇرىلىمدارى «ءبىر بەلدەۋ، ءبىر جول» قۇرىلىسىنا قاتىسۋشى ەلدەردەگى ىسكە قاتىستى ادامدار اراسىنداعى شەكارا اتتاعان ساۋدا داۋ - شارلارىن شەشۋ ءۇشىن شىعارعان جاراستىرۋ قاۋلىسى جونىندە، باسقارۋ ۇقىعى بار حالىق سوتى مەكەمەسى ءادىليالىق تۇراقتاندىرۋ ارقىلى زورلىقتى اتقارتۋ يقۋاتىنا يە بولادى.
«پىكىردە» مىنالار تالاپ ەتىلدى: «ءبىر بەلدەۋ، ءبىر جولعا» قاتىستى حالىقارالىق ساۋدا تالاس - تارتىستارىن شەشۋ مەحانيزمى مەن قۇرىلىمىن قۇرۋدىڭ قاتىستى قىزمەتتەرىنە «ءبىر بەلدەۋ، ءبىر جول» قۇرىلىسى قىزمەتىن ىلگەرىلەتۋگە باسشىلىق ەتۋ گرۋپپاسى ءبىر تۇتاس جاۋاپتى بولادى جانە سايكەستىرەدى، ناقتى قىزمەت جوباسىن ەڭ جوعارى حالىق سوتى مەكەمەسى باس بولىپ جاسايدى ءارى ۇيىمداستىرىپ اتقارادى، مەملەكەتتىك حالىق قۇرىلتايىنىڭ باقىلاۋ - تەكسەرۋ جانە ءادىليا كوميتەتى، مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى، سىرتقى ىستەر مينيسترلىگى، ءادىليا مينيسترلىگى، ساۋدا مينيسترلىگى، جۇڭگو ساۋدانى ىلگەرىلەتۋ قوعامى قاتىستى قىزمەتتەرگە قاتىناسادى. زەردەلى سوت مەكەمەسى قۇرىلىسىنىڭ جەتىستىكتەرىنەن تولىق پايدالانىپ، «ءبىر بەلدەۋ، ءبىر جول» قۇرىلىسىنا قاتىسۋشى ەلدەردىڭ زاڭ ساندى مالىمەت قويماسىن، سونداي - اق شەتەل زاڭدارىن تەكسەرىپ انىقتاۋ ورتالىعىن جەدەل قۇرىپ، «ءبىر بەلدەۋ، ءبىر جول» قۇرىلىسىنا ساياتىن دەلولاردى ينفورماتسيالاندىرىپ باسقارۋدى جانە ءىرى ساندى مالىمەتتەرگە تالداۋ جاساۋدى كۇشەيتىپ، سۋديالارعا زەردەلى قىزمەت كورسەتىپ، زاڭداردىڭ دۇرىس قولدانىلۋىنا، تورەلىك ايتۋ ولشەمىنىڭ ءبىر تۇتاستىعىنا شىنايى كەپىلدىك ەتۋ كەرەك. قاتىستى ورىنداردىڭ «ءبىر بەلدەۋ، ءبىر جول» قۇرىلىسىنا قاتىسۋشى ەلدەردىڭ ساۋدا كەڭەس قوعامى، زاڭدىق قىزمەت وتەۋ قۇرىلىمى سياقتىلارمەن بىرلەسىپ ۇكىمەتتىك ەمەس ۇيىم سيپاتىن العان حالىقارالىق ساۋدا تالاس - تارتىستارىنان ساقتانۋ جانە ونى شەشۋ مەحانيزمىن ورناتۋىن قولداۋ كەرەك. حالىقارالانعان زاڭ دارىندىلارىن جەتىلدىرۋ مەن دايىنداۋعا ءمان بەرىپ، «ءبىر بەلدەۋ، ءبىر جول» قۇرىلىسىنا قاتىسۋشى ەلدەردىڭ زاڭ دارىندىلارى قامباسىن قۇرىپ، حالىقارالىق زاڭدى، حالىقارالىق ساۋدا ەرەجەسىن قانىق بىلەتىن، سونداي - اق شەتەل تىلدەرىن جەتىك قولدانا الاتىن ەل - ءىشى سىرتىنداعى زاڭ ماماندارىن تالاس - تارتىستاردى شەشۋگە ات سالىسۋعا ىنتالاندىرۋ كەرەك. ەل ىشىندەگى زاڭ ماماندارىن حالىقارالىق ساۋدا تالاس - تارتىستارىن شەشۋدەگى قاتىستى ماسەلەلەردى زەرتتەۋدى كۇشەيتۋگە جەتەكتەپ، قۇندى زەرتتەۋ جەتىستىكتەرىنەن ءبىر توبىن قالىپتاستىرۋ ءارى جەتىستىكتەردى يگىلىككە جاراتۋ قىزمەتىن شىن مانىندە جاقسى ىستەۋ كەرەك. ازاماتتىق ىستەر ارىز - شاعىم زاڭى، تورەلىك ايتۋ زاڭى سياقتى قاتىستى زاڭدار مەن زاڭ - ەرەجەلەرگە، ءادىليالىق تۇسىنىكتەمەلەرگە، سونداي - اق باسقا دا ولشەمدى حۇجاتتارعا سايكەستى وزگەرىس ەنگىزۋ قىزمەتىن ىلگەرىلەتۋ ۇستىندە ىزدەنىس جاساپ، «ءبىر بەلدەۋ، ءبىر جولعا» قاتىستى حالىقارالىق ساۋدا تالاس - تارتىستارىن شەشۋ مەحانيزمى مەن قۇرىلىمىنىڭ قۇرىلۋىنا جانە كەمەلدەنۋىنە تولىق زاڭدىق نەگىز جانە كەپىل ازىرلەۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
