جاقسى پارتيا ياچەيكاسىنىڭ ارقاسىندا، بۇقارا ناقتى تيىمدىلىككە كەنەلدى
− شەريا اۋدانى بوستان اۋىلى نازارباق قىستاعى پارتيا ياچەيكاسىنىڭ دالمە - ءدال شارا قولدانىپ كەدەيلىكتەن قۇتىلدىرۋدان قامال الۋدى ىلگەرىلەتكەندىگى جونىندە
ءتىلشىمىز شيا چيڭ
2018.07.03 14:40 كەلۋ قاينارى : شينجياڭ گازەتى
قىستاق تۇرعىندارىنىڭ بايي الۋ - الماۋىندا، باستىسى، پارتيا ياچەيكاسىنا قاراۋ كەرەك. شەريا اۋدانى بوستان اۋىلى نازارباق قىستاعى قۇمدى ءشولدىڭ ورتاسىنا ورنالاسقان، تۇتاس قىستاقتا 253 وتباسى بار، كەدەي جان سانىنىڭ سالىستىرماسى ％80كە جەتەتىندىكتەن، بۇل قىستاقتا كەدەيلىكتەن قۇتىلدىرۋ مىندەتى اسا جاپالى ەدى. نازارباق قىستاعى پارتيا ياچەيكاسى ۇيتقىلىق، جەتەكشىلىك رولىن بەلسەندىلىكپەن ساۋلەلەندىرىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرعان قىزمەت اترەتىمەن تىزە قوسا كۇش شىعارىپ، بايلىق قاينارىن بىرىكتىرىپ، «كەدەيلىكتەن قۇتىلدىرۋدىڭ ءۇش ءىرى نىسانىن» اتقارىپ، قىستاقتىڭ كوللەكتيۆ شارۋاشىلىعىن دامىتىپ زورايتۋمەن بىرگە، كەدەي وتباسىلاردىڭ كىرىسىن ارتتىرىپ، كەدەيلىكتەن قۇتىلۋىنا دا كومەكتەستى.
قىستاقتا سەلبەستىك كووپەراتيۆتەرى قۇرىلدى
6 - ايدىڭ 28 - كۇنى قىستاق تۇرعىندارىنىڭ ءۇيىن اشەكەيلەپ جۇرگەن ءمامتىمىن ءماتتۇرسىن ءبىر جاعىنان، قۇرىلىس كارتاسىنا قاراپ، ءبىر جاعىنان، ءجۇرىلىپ جاتقان جۇمىسقا ءجون كورسەتىپ قاربالاستاپ جاتتى.
ءمامتىمىن نازارباق قىستاعىنداعى حۇيحۋاڭ اعاششىلىق سەلبەستىك كووپەراتيۆىنىڭ باستاۋشىسى. «قازىر سەلبەستىك كووپەراتيۆى قۇرىلدى، بارلىعىمىز بىرگە ىستەپ، جۇمىستى تەز بىتىرەمىز، كىرىسىمىز ورنىقتى، مەن اي سايىن 2000 يۋان تابامىن، ىستەگەن سايىن سەنىمىم ارتىپ كەلەدى»، - دەدى ءمامتىمىن.
بيىل 2 - ايدا نازارباق قىستاعى پارتيا ياچەيكاسىنىڭ شۋجيى ۇسەنجان ابىلەكىم مەن اۆتونوميالى رايوندىق سۋ يگىلىگى مەڭگەرمەسىنىڭ نازارباق قىستاعىندا تۇرعان «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى ءمامتىمىننىڭ ۇيىنە كەلىپ جاعداي ۇعىسقاندا ونىڭ اعاشقا كومپيۋتەرمەن ناقىش سالۋ تەحنيكاسىنا جەتىك بولۋدان سىرت، ناقىش سالۋعا ىستەتىلەتىن ستانوك تا ساتىپ العانىن بىلەدى. قىستاق «ەكى كوميتەتى» قىزمەت اترەتىمەن اقىلداسىپ، ءمامتىمىندى باستاماشى ەتىپ ءبىر اعاششىلىق سەلبەستىك كووپەراتيۆىن قۇرىپ، اعاششىلىق ونەرى بار قىستاق تۇرعىندارىن كووپەراتيۆكە كىرۋگە جۇمىلدىرۋ شەشىمىن جاسايدى.
اعاششىلىق سەلبەستىك كووپەراتيۆىنىڭ تۇڭعىش زاكازى قىستاقتا تۇرعان قىزمەت اترەتى قارجى شىعارىپ قىستاقتاعى باستاۋىش مەكتەپكە ۇسىناتىن كىشكەنە پارتالار بولدى، 15 كۇنگە جەتپەيتىن ۋاقىتتىڭ ىشىندە سەلبەستىك كووپەراتيۆى 180 ادەمى پارتانى جاساپ شىعارا قويدى. كەلەسىدە قىستاق پارتيا ياچەيكاسىنىڭ كورشى قىستاقتاردى بەلسەندىلىكپەن سايكەستىرۋىندە سەلبەستىك كووپەراتيۆى كىشكەنە پارتا جاساۋ زاكازىنا تاعى قول جەتكىزەدى. سەلبەستىك كووپەراتيۆى العاشقى تابىسىن تاۋىپ قانا قالماستان، قىستاق تۇرعىندارىنىڭ دا جاپپاي تۇراقتاندىرۋىنا يە بولادى، قازىر سەلبەستىك كووپەرتيۆىنە زاكازدار توقتاۋسىز ءتۇسىپ، ساۋداسى كۇسەت بولا باستادى.
ۇسەنجان سول كەزدى ەسكە الىپ: بارلىعىمىز اقىلداسا كەلىپ سەلبەستىك كووپەراتيۆىمىزگە حۇيحۋاڭ دەگەن اتتى قويدىق، - دەدى.
2 جىلدىڭ الدىندا قىستاق پارتيا ياچەيكاسىنىڭ باستاماشىلىعىندا قىستاقتا حۇيحۋاڭ باعىمشىلىق سەلبەستىك كووپەراتيۆى قۇرىلدى. بىلتىر سەلبەستىك كووپەراتيۆى 200دەن استام كوپ قوزىلايتىن قوي جانە 10 اسىل تۇقىمدى قوي ساتىپ الدى، قازىر قوزىلاردىڭ سانى 300گە تايادى، قورا تاعانىنداعى قوي 600دەن استى. حۇيحۋاڭ باعىمشىلىق سەلبەستىك كووپەراتيۆى قىستاق پارتيا ياچەيكاسىن جەتەكشى ەتىپ، قىستاق پارتيا ياچەيكاسى + سەلبەستىك كووپەراتيۆ سىندى باسقارۋ ۇلگىسىن جولعا قويدى، قىستاقتاعى 209 كەدەي وتباسى كووپەراتيۆكە جارنا قوستى.
سىرتقا شىعىپ ءورىسىن كەڭەيتتى
نازارباق قىستاعىنىڭ ەگىستىك جەرى ادام باسىنا ارەڭ ءبىر مۋدان اينالادى، جالاڭ ەگىنشىلىكتىڭ كىرىسى ماردىمسىز، باعىمشىلىق كولەمى شەكتى، كەيبىر قىستاق تۇرعىندارىندا كۇتىپ وتىرۋ، يەك سۇيەۋ، الاقان جايۋ يدەياسى ءومىر ءسۇرىپ، سىرتقا شىعىپ جۇمىس ىستەگىسى كەلمەيتىن. وسى جاعدايعا مەڭزەس، قىستاق پارتيا ياچەيكاسى مەن قىستاقتا تۇرعان قىزمەت اترەتى ۇگىتتى جاقسى ىستەۋمەن بىرگە، دالمە - ءدال شارا قولدانىپ، قىستاق تۇرعىندارىنىڭ سىرتقا شىعىپ جۇمىس ىستەپ كىرىستەرىن ارتتىرۋىن ىلگەرىلەتتى.
«باسقا سالاعا ويىستىرىپ جۇمىسقا ورنالاستىرۋ − كەدەيلىكتەن قۇتىلدىرۋدان قامال الۋداعى ەڭ تىكە، ەڭ ءونىمدى ءادىس»، - دەدى نازارباق قىستاعىنداعى «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، قىستاقتىڭ ءبىرىنشى شۋجيى نيان زىلي.
بيىل جىل باسىندا قىستاق پارتيا ياچەيكاسى مەن قىستاقتا تۇراتىن قىزمەت اترەتىنىڭ بىرگە قۇلشىنۋىمەن قىستاقتا ەڭبەككۇشتەردى باسقا سالاعا ويىستىرۋعا قىزمەت كورسەتۋ ورتالىعى قۇرىلدى.
نيان زىلي: قىستاق تۇرعىندارىن كەدەيلىكتەن ەرتەرەك قۇتىلدىرۋ ءۇشىن، ءبىز پارتيا مۇشەلەرىمەن، قىستاق كادرلارىمەن بىرگە سىرتقا شىعىپ ەڭبەك ىستەۋدىڭ جاقسىلىعىن باستاماشىلدىقپەن ۇگىتتەدىك، سونىمەن قاتار، جەردى اينالىمعا سالۋ مەن مالدى اينالىمعا سالۋدى اماناتتاپ باسقارتۋ جاعىندا قىرۋار قىزمەت ىستەدىك، بۇكىل قىستاقتاعى ％50كە جۋىق جەر مەن مال ءىرى كاسىپتىك وتباسىلارىنىڭ اماناتتاپ باسقارۋىنا وتكىزىلىپ، ارتىق ەڭبەككۇشتەردىڭ سىرتقا شىعىپ جۇمىس ىستەپ، كەدەيلىكتەن ەرتەرەك قۇتىلۋىنا مۇمكىندىك جاسالدى، - دەدى.
قىستاقتىڭ ەڭبەككۇشتەردى باسقا سالاعا ويىستىرۋعا قىزمەت كورسەتۋ ورتالىعىنىڭ ىلگەرىلەتۋىمەن قازىر نازارباق قىستاعىندا ارتىق ەڭبەككۇشتەردەن 120 ادام باسقا سالاعا ويىسىپ جۇمىسقا ورنالاستى. كەدەي ءورنيساحان ءماتتوقتىنىڭ كۇيەۋى دە سولاردىڭ ءبىرى، 3 ايدىڭ الدىندا، ول قىزمەت كورسەتۋ ورتالىعىنىڭ سايكەستىرۋىمەن كورلا قالاسىنداعى ءبىر كاسىپورىنعا جۇمىسقا تۇرادى، ايلىق ەڭبەكاقىسى 3000 يۋان. قازىر ءورنيساحان دا كۇيەۋىمەن بىرگە جۇمىس ىستەۋگە بەل بايلاپ وتىر.
ءورنيساحان: كۇيەۋىممەن اقىلداستىم، ۇيدەگى 2 مۋ جەر مەن 10 تۇياق قويدى ءىرى كاسىپتىك وتباسىلارىنا اماناتتاپ، ونان كەيىن كاسىپورىنعا جۇمىسقا تۇرامىن، اي سايىن تۇراقتى كىرىسى بار، سوندا ءبىزدىڭ ءۇيىمىز، ءسوز جوق، كەدەيلىكتەن قۇتىلادى، - دەدى.
ۇسەنجان: قازىر پارتيا مۇشەلەرى مەن قىستاق كادرلارىنىڭ ءتۇرلى جاقتاعى قابىلەتى جوعارىلادى، اسىرەسە، پارتيا ياچەيكاسىنىڭ ۇيىمشىلدىعى مەن جاۋىنگەرلىك قابىلەتى كۇشەيدى، قىستاقتا تۇراتىن قىزمەت اترەتىنىڭ كومەكتەسۋىمەن ءبىز كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋگە نىق سەنىم بايلاپ وتىرمىز، - دەدى.
كەدەيلىكتەن قۇتىلىپ، اۋقاتتانۋدىڭ جولى كەڭ
بۇگىندە نازارباق قىستاعى تۇرعىندار كوميتەتىنىڭ قاقپاسىنىڭ الدىنان جوندەۋ دۇكەنى، ماگازين، اسحانا، تىگىنحانا، اجارلاندىرۋ دۇكەنى، شاشتارازحانا اشىلدى...
ۇسەنجان بىلاي دەدى: قىستاق تۇرعىندار كوميتەتىنىڭ قاقپاسىنىڭ ەكى جانىنداعى دۇكەندەر كەدەي وتباسىلارىنىڭ جاقىن ماڭنان جۇمىسقا ورنالاسۋىنا مۇمكىندىك تۋدىرۋمەن بىرگە، قىستاق تۇرعىندارىنىڭ كۇندەلىكتى تۇرمىسىنا دا قولايلىلىقتار جاسادى.
جوندەۋ دۇكەنىن ۇستايتىن قىستاق تۇرعىنى مۇحاببات مۋسا: قىستاق ماعان دۇكەن اشاتىن ورىن ازىرلەپ بەردى، ايەلىم ەكەۋىمىز بىرگە جۇمىس جۇرگىزەمىز، ەلەكتروسيكل مەن وتباسىلىق ەلەكتر جابدىقتارىنىڭ بارلىعىن جوندەي بەرەمىن، وتە رازىمىن، تاعى 3 شاكىرت الىپ، كوپشىلىكپەن بىرگە اقشا تاۋىپ وتىرمىن، - دەدى.
قىستاق تۇرعىندارىن ەرتەرەك اۋقاتتانۋ جولىنا ءتۇسىرۋ ءۇشىن، قىستاق پارتيا ياچەيكاسى نازارباق قىستاعىنىڭ اۋىل بازارىنا جاقىندىعىنان پايدالانىپ، قىستاق تۇرعىندار كوميتەتىنىڭ ەسىگى الدىنداعى بۇرىننان بار 11 دۇكەن نەگىزىندە، جاڭادان 7 دۇكەن سالدىردى ءارى دۇكەننىڭ الدىنا جاڭبىردان قورعايتىن قالتقى ورناتىپ، اۋىل - قىستاق كەشكى بازارىن اشتى ءارى 26 جىلجىمالى كولىك لاپكەسىن ساتىپ الىپ، ولاردى كەدەي وتباسىلارىنا اقىسىز جالعا بەرىپ، قىستاق تۇرعىندارىن كوزقاراسقا بۇرىلىس جاساپ، ءۇيدىڭ الدىندا جاقىن ماڭنان جۇمىسقا ورنالاسۋدى ىسكە اسىرۋعا جەتەكتەدى.
نازارباق قىستاعىنداعى كەدەي ريزۋانگۇل تۇرسۇن: ءبىزدىڭ ۇيدە ەڭبەككۇشتەن مەن عانامىن، ونىڭ ۇستىنە 2 بالام بار، سىرتقا شىعىپ جۇمىس ىستەۋگە امالسىزبىن. قازىر مەن ءبىر جىلجىمالى كولىك لاپكەسىن كوتەرمەگە الىپ، ۇيدە پىسىرىلگەن ناندى بازارعا شىعارىپ ساتىپ، ءار كۇنى 80 يۋان مولشەرىندە اقشا تاۋىپ وتىرمىن. ءۇيدىڭ الدىندا اقشا تاباتىن بولعانىما وتە قۋانىشتىمىن! - دەدى كوڭىلدەنىپ.
قىستاق تۇرعىنى مۇحاببات مۋسا اسەرلەنىپ: قىستاق پارتيا ياچەيكاسىنىڭ كەدەيلىكتەن قۇتىلۋ، اۋقاتتانۋداعى ءادىس - امالى كوپ، ويى تاماشا، شىنىمەن بۇقارانىڭ كوڭىلىنەن شىعادى، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
