سۋدىڭ العاشقى ۇقىعى بەلگىلەنگەننەن كەيىن، ەگىس اتىزىنداعى سۋلارعا يە شىقتى
2018.07.03 14:40 كەلۋ قاينارى : شينجياڭ گازەتى
ءتىلشىمىز ليۋ دۇڭلاي 6 - ايدىڭ 30 - كۇنى ۇرىمجىدەن حابارلايدى. 6 - ايدىڭ 28 - كۇنى قۇتىبي اۋدانى ۋگۇڭتاي قالاشىعى داچۋان قىستاعىنىڭ تۇرعىنى ليۋ شۋەجۇن ەگىس اتىزىنداعى تامشىلاتقىش تۇتىكشەلەردى نۇسقاپ: بۇل جەردەگى ۇنەمدەلگەن سۋ مەنىڭ ارتىق كىرىسىمنىڭ ءبىر بولىگى. بۇل كۇندەرى قىستاعىمىز شياۋچۋان قىستاعىمەن سۋ باعاسى ساۋداسىن كەڭەسۋدە. تۇراقتانسا بولعانى، اسقان سۋدى شياۋچۋان قىستاعىنا ساتىپ بەرە الامىز، - دەدى. سۋدىڭ العاشقى ۇقىعى بەلگىلەنگەننەن كەيىن شينجياڭنىڭ كوپتەگەن ەگىس اتىزدارىنداعى سۋلارعا يە شىقتى. وسى نەگىزدە سۋ ۇقىعى ساۋداسى شينجياڭنىڭ ەگىن شارۋاشىلىعىنا پايدالانىلاتىن سۋدىڭ سۇرانىس قۇرىلىمىنىڭ ۇزبەي ساپالىلانۋىن ىلگەرىلەتتى.
«بۇرىن مۋ باسىنا قاراي سۋ اقىسى الىناتىن دا، مۋ باسىنا قاراي اقى تاپسىرسا بولعانى، سۋدى قالاعانىنشا پايدالانۋعا بولاتىن. سۋدىڭ العاشقى ۇقىعى بەلگىلەنگەننەن كەيىن، اتىزداعى وسى سۋلاردىڭ دا يەسى شىقتى. ءار ۇيگە سۋ نورمالاپ بەرىلەدى. نورمادان اسسا ساتىپ الۋعا بولادى، ىستەتىلىپ بولماعان سۋدى ساتۋعا دا بولادى»، - دەيدى 6 - ايدىڭ 29 - كۇنى اۆتونوميالى رايوندىق سۋ ىستەرىن باسقارۋ باس پۋنكتىنىڭ مەڭگەرۋشىسى شياۋ چۇڭحۋا.
2017 - جىلى اۆتونوميالى رايون جەر - جەردىڭ «3 قىزىل سىزىقتى» مەڭگەرۋ كورسەتكىشى مەن ەگىن شارۋاشىلىعىندا ەگىس اتىزدارىن سۋارۋعا پايدالانىلاتىن سۋدى نورمالاپ بەرۋ، توپىراق ساپاسىنا تەكسەرۋ جۇرگىزۋ نەگىزىندە، جەردى 2 - كەزەكتى كوتەرمەگە بەرۋدە ەگىنشىلەردىڭ سۋدان پايدالانۋ ۇقىعىن قامتاماسىز ەتۋ، جالپى مولشەردى مەڭگەرۋ مەن نورمالاپ باسقارۋدى ءوزارا ۇشتاستىرۋ پرينسيبىنە ساي، ەگىن شارۋاشىلىعىندا سۋدىڭ العاشقى ۇقىعىن ءبولۋ قىزمەتىن ورىستەتتى. قازىر قۇتىبي، ماناس، ءپىشان سياقتى جەرلەردىڭ ەگىن شارۋاشىلىعىنا پايدالانىلاتىن سۋدىڭ العاشقى ۇقىعى كۋالىگى ەگىنشىلەرگە تاراتىلدى.
سۋ ۇقىعى ساۋداسى بازارلانۋعا بەت العاننان كەيىن، ليۋ شۋەجۇن سياقتى ادامدار ەگىس اتىزىن تامشىلاتىپ سۋارۋدان قايتكەندە ءونىمدى پايدالانۋعا بولادى دەگەن جولدى قاراستىردى. «بۇرىن ماقتانى سۋدى قويا بەرىپ ءسىڭىرىپ سۋارساق، ال قازىر عىلمي تامشىلاتىپ سۋارىپ، سۋ بارىنشا ۇنەمدەلدى. بۇرىن 100 مۋ جەردەن 15 مىڭ يۋان مولشەرىندە سۋ اقىسى الىناتىن. ال قازىر 7000 نەشە يۋان بولسا جەتەدى. ۇنەمدەلگەن سۋدى باسقالارعا ساتۋىمىزعا بولادى. سۋ ۇقىعى ساۋداسى سۋدى ۇتىمدى ۇنەمدەۋىمىزگە قوزعاۋشى كۇش قوستى»، - دەدى ليۋ شۋەجۇن.
داچۋان قىستاعىنا جاقىن جۇڭچۇي قىستاعى 3 ميلليون 20 مىڭ تەكشەمەتر سۋدى ۇنەمدەپ، ساۋدا سوماسى 650 مىڭ يۋانعا جەتتى.
قىستاق اقىلداسۋ ارقىلى وسى اقشانى توعان جانە تامشىلاتىپ سۋارۋ قۇرىلعىلارىن جوندەۋگە جۇمساۋدى ۇيعاردى. قىستاق تۇرعىنى جاڭ جيانيۇن: قازىر توعان مەن تامشىلاتقىش تۇتىكشە بۇزىلىپ قالسا، قىستاققا ايتساق بولعانى دەر كەزىندە جوندەپ بەرەدى، - دەدى.
جۇڭچۇي قىستاعىنىڭ بۇل ءادىسى سۋدىڭ العاشقى ۇقىعىن بەلگىلەۋدىڭ قىستاق الەۋمەتتىك ىستەرىنە بەلسەندى ىقپالىن ايگىلەدى. وسى اۋداننىڭ سۋ ىستەرىن باسقارۋ پۋنكتىنىڭ باستىعى جاۋ يۋانجۇن: قازىر قۇتىبي اۋدانى 6 ساۋدا تۇعىرىن ورناتىپ، سۋارىلمالى رايوندار ارا، وتباسىلار ارا، قىستاقتار ارا سۋ ۇقىعى ساۋداسىن جۇزەگە اسىردى، تۇتاس اۋداننىڭ سۋ ساتىلىم مولشەرى 17 ميلليوننان استام تەكشەمەترگە، ساۋدا سوماسى 3 ميلليون 750 مىڭ يۋانعا جەتتى، - دەدى.
ادام باسىنا تۋرا كەلەتىن ەگىستىك جەر از، ەگىن شارۋاشىلىعىنىڭ دامۋ دەڭگەيى سالىستىرمالى كەنجە وڭتۇستىك شينجياڭدا سۋدىڭ العاشقى ۇقىعىن بەلگىلەۋ جۇمىسى جەرگىلىكتى جاعدايعا قاراي بىرتىندەپ ىلگەرىلەۋدە. شايار اۋدانى وگەن وزەنى سۋارىلمالى رايونىندا ەگىن شارۋاشىلىعىندا سۋدى ءونىمدى ۇنەمدەپ، كىرىستى ارتتىرۋ سىناق ءتۇيىنى قىزمەتى جۇرىلگەنىنە ءبىر جىل بولدى. سۋدىڭ العاشقى ۇقىعىن بەلگىلەۋ ەگىنشىلەرگە نەمەسە ەگىنشىلەردىڭ سۋدان پايدالانۋ سەلبەستىك ۇيىمىنا بەرىلدى.
«2025 - جىلى اۆتونوميالى رايون بۇكىل رايوننىڭ ەگىن شارۋاشىلىعىنا پايدالانىلاتىن سۋدىڭ العاشقى ۇقىعىن بەلگىلەۋ كۋالىگىن تاراتۋ قىزمەتىن نەگىزىنەن تامامداپ، اۆتونوميالى رايوننىڭ جاعدايىنا، سۋ جاعدايىنا ۇيلەسەتىن وزەن الاپتارىنىڭ، وڭىرلەردىڭ جانە سۋدان پايدالاناتىن وتباسىلارىنىڭ سۋ ۇقىعى جۇيەسى مەن سۋ بازارى جۇيەسىن العاشقى ادىمدا ورناتادى»، - دەدى شياۋ چۇڭحۋا.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
