بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

پارتياعا كىرۋ سەرتىن قايتا ەسىنە الىپ، پارتياعا كىرۋدەگى اۋەلگى ماقساتىن جادىندا ساقتادى

اۆتونوميالى رايونىمىزداعى وزات نەگىزگى ساتى پارتيا ۇيىمدارىنىڭ جانە تاڭداۋلى كوممۋنيستىك پارتيا مۇشەلەرىنىڭ ۋاكىلدەرى تاقىرىپتىق  پارتيا كۇنى قيمىلىن ورىستەتتى

2018.07.03 14:41     كەلۋ قاينارى : شينجياڭ گازەتى

  ءتىلشىمىز يۋان لەي 7 - ايدىڭ 1 - كۇنى ۇرىمجىدەن حابارلايدى. 6 - ايدىڭ 30 - كۇنى اۆتونوميالى رايوندىق پارتكومنىڭ ۇيىمداستىرۋ ءبولىمى اۆتونوميالى رايوننىڭ جۇڭگو كوممۋنيستىك پارتياسى قۇرىلعاندىعىنىڭ 97 جىلدىعىن قۇتتىقتاۋ اڭگىمە ماجىلىسىنە قاتىناسقان وزات نەگىزگى ساتى پارتيا ۇيىمدارىنىڭ جانە تاڭداۋلى پارتيا مۇشەلەرىنىڭ ۋاكىلدەرىن ۇيىمداستىرىپ، ۇرىمجىدە «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق پارتيا كۇنى قيمىلىن ورىستەتتى.

  سول كۇنى تۇستەن بۇرىن ۋاكىلدەر ءۇرىمجى يان ىر - و قۇرباندار قابىرستاندىعىنا بارىپ، حالىق قاھارماندارى ەسكەرتكىشىنە گۇل شارباق قويدى، پارتيا تۋىنا قاراپ پارتياعا كىرۋ سەرتىن قايتا ەسىنە الىپ، پارتياعا كىرۋدەگى اۋەلگى ماقساتتارىن تەرەڭ سۇيىسپەنشىلىكپەن ەسكە الدى. سوڭىنان ۋاكىلدەر قۇرباندار قابىرىنىڭ الدىندا ءۇنسىز تۇرىپ، قايعىلى ازا ءبىلدىردى، ءۇرىمجى توڭكەرىستىك قۇربانداردىڭ ىزگى ىستەرى كورمە سارايىنا بارىپ، توڭكەرىستىك قۇربانداردىڭ قاجىرلىلىقپەن كۇرەس جاساپ، قۇرباندىق بەرىپ، ۇلەس قوسقان داڭقتى ىزگى ىستەرىن مۇقيات ۇيرەندى. كوپشىلىك ءبىر اۋىزدان بىلاي دەپ قارادى: توڭكەرىستىك قۇربانداردى ەسكە الۋ بارىسىندا سەنىم ۇلى كۇشىن ءتۇسىنىپ، اتويلاپ العا ۇمتىلۋدىڭ رۋحاني ءنارىن قابىلدادىق، ءوزىمىزدى پارتياعا، مەملەكەتكە ارناپ، پارتيا، مەملەكەت ءۇشىن قىزمەت ىستەپ، «ءۇش ءتۇرلى كۇشپەن» كۇرەس جاساۋدا اتويلاپ الدا ءجۇرىپ، اۆانگارد بولىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جولىندا جاڭا ۇلەس قوسامىز.

  تاقىرىپتىق پارتيا كۇنى قيمىلىندا، ۋاكىلدەر تاعى ماۋ زىمين ەسكى تۇراعى ەسكەرتكىش سارايىن ەكسكۋرسيالاپ، ماۋ زىمين جولداستىڭ شۇعىلالى ءومىرىن تەرەڭ سەزىممەن ەسكە الىپ، توڭكەرىستىك قۇربانداردىڭ پارتياعا دەگەن شەكسىز ادالدىعىن شىنايى سەزىندى؛ ءۇرىمجى ۆوكزالىنداعى (جاڭا جولاۋشىلار ۆوكزالى) ەلىمىزدە ماڭداي الدى سانالاتىن جولاۋشىلارعا زەردەلى قىزمەت كورسەتۋ، حاۋىپسىزدىك تەكسەرۋ، اماندىق ساقتاۋ جۇيەسىن، حالىقارادا وزىق دەڭگەيدەگى لاستاۋسىز ەلەكتر جىلۋى جۇيەسىن، جەل جىلۋىمەن قامداۋ (سالقىنداۋ) جۇيەسىن كوزدەن كەشىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭعا ەرەكشە قامقورلىعىن اناعۇرلىم شىنايى سەزىندى، اۆتونوميالى رايوندىق پارتكومنىڭ پارمەندى باسشىلىعىندا تيانشاننىڭ تۇستىگى مەن تەرىستىگىندە تۋىلعان تاريحي زور وزگەرىستى اناعۇرلىم شىنايى سەزىندى؛ ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) گۋاڭجوۋ كوشەسى الەۋمەتتىك اۋماعىنداعى پارتيا 19 - قۇرىلتايىنىڭ ۋاكىلى راۋشانگۇل توقتى جولداستىڭ اتىمەن اتالعان «راۋشان قىزمەت كەڭسەسىن» ەكسكۋرسيالاپ، بۇقارالىق قىزمەتتىڭ جاپپاي قامتۋىن ىلگەرىلەتۋگە قاتىستى تاجىريبە، اسەرلەر جونىندە پىكىر اۋىستىردى.

  ۋاكىلدەر ءبىر كۇنگى تاقىرىپتىق پارتيا كۇنى قيمىلىنان تەرەڭ پارتيالىق تاربيە الدى. اۋات اۋداندىق پارتكومنىڭ ورىنباسار شۋجيى، اكىم وبۇلقاسىم ءماتتۇرسۇن: ءبىر كۇن قيمىلعا قاتىناسقان ءبىز شينجياڭنىڭ زور وزگەرىستەرىن ءوز كوزىمىزبەن كوردىك، بۇل وزگەرىستەر پارتيا ورتالىق كوميتەتىنىڭ باسشىلىعىنان، باس شۋجيدىڭ قامقورلىعىنان كەلگەن. ءبىز نەگىزگى ساتىداعى قىزمەت ورنىمىزدا، ءسوزسىز، پارتيانىڭ ۇنىنە قۇلاق اسىپ، پارتياعا ىلەسىپ، جاڭا دا اناعۇرلىم زور ۇلەس قوسۋىمىز كەرەك، - دەدى.

  قاشقار كونەءشار اۋدانى توققۇزاق قالاشىعى پارتكومىنىڭ مۇشەسى سۇي جيۋشيۋ اسەرىن بىلاي دەپ باياندادى: «بۇگىنگى تاقىرىپتىق پارتيا كۇنى قيمىلى وتە ءماندى بولدى، ساقتالعان تاريحي مۇرا بۇيىمدارى الدىندا، مەن قۇرىشتاي جىگەردى كوردىم. ىشتەن قابىلدانعان قىزمەتكەر بولعان مەن توڭكەرىستىك قۇربانداردان ۇيرەنىپ، ولاردىڭ جۇرگەن جولىن بويلاي ۇزدىكسىز العا تارتامىن».

  ءۇشتۇرپان اۋدانى العا قالاشىعى باستاۋىش مەكتەبىنىڭ باستىعى قۇربان نياز: ءبىزدىڭ بۇگىنگى تاماشا تۇرمىسىمىز وڭاي - وسپاق قولعا كەلمەگەن، ءسوز جوق، جاقسى قاستەرلەۋىمىز كەرەك. توڭكەرىستىك قۇربانداردىڭ ىزگى ىستەرى ارقىلى ۇرپاقتاردى تاربيەلەپ، ولاردى سوتسياليزمنىڭ تولىمدى ءىزباسارلارى، ۇلتتار ىنتىماعىنىڭ قورعاۋشىلارى ەتىپ تاربيەلەپ شىعامىن، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار