ەكونوميكانى دامىتۋدىڭ قوزعاۋشى كۇشى ارتتى، كەدەيلەردى سۇيەمەلدەۋدەگى «تۋىستاسۋ» قيمىلى حالىققا تيىمدىلىك جاساپ، جۇرت جۇرەگىن جىلىتتى
− شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ، تياناقتاندىرۋ قىزمەتى جونىندە
شينحۋا اگەنتتىگىنىڭ تىلشىلەرى ليۋ بين، فۋ شياۋبو، دۋ گاڭ
2018.07.04 15:20 كەلۋ قاينارى : شينجياڭ گازەتى
شىلىڭگىر جاز كۇنى، جەمىستەردىڭ حوش ءيىسى اڭقىپ، شينجياڭ ساياحاتتىڭ قاۋىرت كەزەڭىنە ءوتتى. تەك «قياق كۇرىش» مەرەكەسى دەمالىسى كەزىندە شينجياڭ 3 ميلليون 540 مىڭ ادام (رەت) ساياحاتشى قابىلداپ، بىلتىرعى سول تۇستاعىدان ％95 ارتىپ، ساياحات تۇتىنۋى 3 ميلليارد 210 ميلليون يۋانعا جەتىپ، بىلتىرعى سول تۇستاعىدان 2 ەسەگە جۋىق ارتتى.
گۇلدەنىپ - كوركەيگەن، قارىشتاپ دامىعان ساياحات كاسىبى سوڭعى جىلدارداعى شينجياڭنىڭ قوعام ورنىقتىلىعىنىڭ، ەكونوميكاسىنىڭ دامىعاندىعىنىڭ ءبىر قىرىن ايگىلەپ بەردى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، اسىرەسە، پارتيا 19 - قۇرىلتايى اشىلعاننان بەرى، شينجياڭ پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى ساياسات، كەمەل باعىتىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، ەكونوميكانى دامىتۋ مەن حالىق تۇرمىسىن جاقسارتۋدى جەدەلدەتىپ، ۇلتتاردىڭ ىنتىماعى مەن قوعامنىڭ ورنىقتىلىعىن جەبەپ، تيانشاننىڭ تۇستىگى مەن تەرىستىگىندە حالقى الاڭسىز تىرشىلىك ەتكەن تاماشا بەينە جارىققا شىقتى.
كاسىپ قۇرىلىمىن رەتتەۋ پارمەندى قوزعاۋشى كۇش تۋىنداتتى
سوڭعى جىلدارى شينجياڭ «1 - كاسىپتىڭ دەڭگەيىن جوعارىلاتۋ، 2 - كاسىپتى ءتۇيىندى يگەرۋ، 3 - كاسىپتى قاۋىرت دامىتۋ» رەفورما وي جەلىسىن ارقاۋ ەتىپ، اۋىل شارۋاشىلىعى ونىمدەرىن جىنتىكتەي مانەرلەۋ، توقىماشىلىق، كيىم - كەشەك، جابدىق جاساۋ، بۇلتتىق ەسەپتەۋ، جاڭا ەنەرگيا، ساياحات سياقتى كاسىپتەردى بەلسەنە دامىتىپ، بايلىق باسىمدىعىن ەكونوميكالىق باسىمدىققا اينالدىرۋدى ىلگەرىلەتتى.
«12 - بەسجىلدىق» جوبا اتقارىلعاننان بەرى، شينجياڭ ەلىمىزدىڭ ەڭ ۇلكەن ماقتا ءوندىرۋ رايونى رەتىندە رۋ - ي، حۋافۋ، حۇڭدوۋ سياقتى كوپتەگەن توقىماشىلىق، كيىم - كەشەك كاسىپورىندارىن ىرگە تەبۋگە باۋرادى. تانىستىرۋعا قاراعاندا، بىلتىر جىل سوڭىنا دەيىن شينجياڭنىڭ توقىماشىلىق، كيىم - كەشەك بويىنشا تىزىمگە تۇسىرگەن كاسىپورنى 2703كە، تۇراقتى مۇلىككە قوسقان قارجىسى 4 ميلليارد 685 ميلليون يۋانعا جەتىپ، ونەركاسىپتىڭ ارتقان قۇنى 10 ميلليارد 801 ميلليون يۋانعا كوبەيىپ، الدىڭعى جىلداعىدان ％20.3 ارتقان. شينجياڭنىڭ توقىماشىلىق، كيىم - كەشەك كاسىبى 2014 - جىلدان بەرى جاڭادان 350 مىڭنان استام ادامدى جۇمىستاندىرعان.
بيىل ءبىرىنشى ماۋسىمدا شينجياڭ جوعارى، جاڭا تەحنيكا جاساۋ كاسىبىنىڭ ارتقان قۇنى بىلتىرعى سول تۇستاعىدان ％52.9، ونەركاسىپتىڭ ستراتەگيالىق جاڭادان گۇلدەنگەن كاسىبىنىڭ ارتقان قۇنى ％14 جوعارىلادى. اۆتونوميالى رايوندىق ساناق مەكەمەسىنىڭ ورىنباسار باستىعى ۋاڭ يۋە بىلاي دەدى: شينجياڭ ونەركاسىپ ەكونوميكاسىنىڭ كورنەكتى جارقىن ءتۇيىنىنىڭ ءبىرى، بولات - تەمىر، سەمەنت سياقتى مەشەۋ ءوندىرىس قۋاتىن بىرتىندەپ قاتاردان شەگىندىرۋ بولسا، ەندى ءبىرى، جابدىق جاساۋ، جاڭا ماتەريال سياقتى جاڭادان گۇلدەنگەن كاسىپتى جەدەل دامىتۋ بولدى.
تاياۋ جىلداردان بەرى شينجياڭنىڭ جوعارى قارقىندى تاس جول، تەمىر جول، اۆياتسيا سياقتى نەگىزدىك قاتىناسى، حابارلاسۋ قۇرىلعىلارى تيانشاننىڭ تۇستىگى مەن تەرىستىگىندە جيى شوعىرلانىپ، ساياحات، حالىقارالىق زات جەتكىزۋ، ينتەرنەتتە تۇتىنۋ سياقتى 3 - كاسىپ سالاسىنىڭ قاۋىرت دامۋىن قامتاماسىز ەتتى. بىلتىر جىل سوڭىنا دەيىن، شينجياڭنىڭ ساياحاتتا قابىلداعان ادام سانىنىڭ (رەت) ارتۋ قارقىنى ءۇرتىس 2 جىل ％30تەن اسىپ، مەملەكەت بويىنشا الدىڭعى قاتاردان ورىن الدى، 2017 - جىلى 100 ميلليون ادامنان (رەت) اسىپ، ساياحات جالپىلىق تۇتىنۋ 182 ميلليارد 200 ميلليون يۋانعا جەتىپ، بارلىعى ورتاشا ەسەپپەن ％30تەن استام ارتتى.
«جىبەك جولى ەكونوميكالىق بەلدەۋىندەگى» وزەكتى رايون قۇرىلىسى ىشكەرىلەي ىلگەرىلەتىلدى. بيىل الدىڭعى 5 ايدا شينجياڭنان قاتىناعان جۇڭگو - ەۆروپا كەزەكتى پويەزى، باتىسقا قاتىناعان جۇك تاسىمال كەزەكتى پويەزى 32 لەنيا بويىنشا 1289 پويەزگە جەتىپ، بىلتىرعى سول تۇستاعىدان ％82 ارتتى؛ جۇك تاسىمال مولشەرى 802 مىڭ 700 تونناعا جەتىپ، بىلتىرعى سول تۇستاعىدان 2 ەسە ارتتى، ەۆروپاداعى 13 مەملەكەتكە، 41 قالاعا قاتىنايتىن بولدى.
كەدەيلەردى سۇيەمەلدەۋ بويىنشا قيىنشىلىعى بارلارعا كومەكتەسىپ، بۇقارانىڭ «تابىس سەزىمىن» ارتتىردى
شينجياڭنىڭ كەدەيلىكتەن قۇتىلدىرۋدان قامال الۋ مىندەتى اسا اۋىر، وڭتۇستىك شينجياڭداعى 3 ايماق، ءبىر وبلىستىڭ وزىندە 22 اۋىر كەدەي اۋدان بار. بىلتىر ورتالىق پەن شينجياڭعا باعىتتامالى كومەكتەسەتىن ولكە، قالالاردىڭ قولداۋىندا شينجياڭ كەدەيلەردى سۇيەمەلدەۋ ارناۋلى قارجىسىنان 6 ميلليارد 177 ميلليون يۋان قارجى ورنالاستىردى، بۇل الدىڭعى جىلعى سول تۇستاعىدان ％37 ارتتى، مۇنداعى ％80 قارجى اۋىر كەدەي وڭىرلەرگە بەرىلدى؛ شاعىن سومالى سەنىمدى قارىز اقشادان 4 ميلليارد 523 ميلليون يۋاندى جاڭادان قوسىپ، جاڭادان قوسىلعان قارىز بەرىلەتىن كەدەي وتباسى 113 مىڭ 200گە جەتتى. شينجياڭداعى ءار دارەجەلى ۇكىمەت سايلاۋىت جاساقتاردى سۇرىپتاپ، كەدەيلەردى سۇيەمەلدەۋ ساياساتىنىڭ تياناقتانۋىن باقىلاپ قانا قالماستان، ەڭبەككۇشتەردى سىرتقا شىعارۋ، ساۋداگەر شاقىرىپ قارجى ەنگىزۋ سياقتى تاسىلدەر ارقىلى بۇقارانىڭ تابىس كوزىن كەڭەيتتى.
كاسىپورىندار دا بىرگە اتقا قوندى. بىلتىر، ورتالىقتىڭ 16 كاسىپورنى 27 كەدەي اۋداندى سۇيەمەلدەپ، 100 ميلليون يۋانعا جۋىق كەدەيلەردى سۇيەمەلدەۋ قارجىسىن ۇسىنىپ، 10 مىڭنان استام ادامدى كەدەيلىكتەن قۇتىلدىردى؛ حالىق باسقارۋىنداعى 1666 كاسىپورىن 830 كەدەي قىستاقتاعى 169 مىڭ 300 ادامدى سۇيەمەلدەپ، 634 ميلليون يۋان كەدەيلەردى سۇيەمەلدەۋ نىسان قارجىسىن ۇسىنىپ، الەۋمەتتىك يگىلىك سيپاتتى كومەكتەسۋ سوماسى 63 ميلليون يۋاننان استى.
تارىم ويپاتىنىڭ وڭتۇستىك جيەگىنە ورنالاسقان اقتاۋ اۋدانى پىلال اۋىلى سۋلىق قىستاعىنىڭ جان سانى كوپ، جەر از، مۋ باسىندىق ءونىمى تومەن بولاتىن. 2016 - جىلى، جەرگىلىكتى ورىنداعى كادرلار ەسەك باعۋ كاسىپورنىن كىرگىزىپ، قىستاقتاعى جانە ماڭايداعى 220دان استام شارۋانى ەسەك باعۋعا باستادى. قىستاق تۇرعىنى ابليميت اۋىت 5 ەسەكتى تەگىن باعىپ، ءبىر جىلدىق جەم - ءشوپتىڭ وزىنەن 8000 يۋان كىرىس كىرگىزدى، بۇل ءبىر ۇيدەگى 3 جاننىڭ كەدەيلىكتەن قۇتىلۋىنداعى باستى كىرىس كوزىنە اينالدى.
2017 - جىلى، شينجياڭعا باعىتتامالى كومەكتەسەتىن 19 ولكە، قالا 545 نىساندى اتقارىپ، 7 ميلليارد 515 ميلليون يۋان شينجياڭعا باعىتتامالى كومەكتەسۋ قارجىسىن ورنالاستىرىپ، كەدەي بۇقارانىڭ تۇرعىن ءۇي شارت - جاعدايىن ءتۇيىندى جاقسارتىپ، وقۋ - اعارتۋدى دامىتىپ، ەمدەۋ - دەنساۋلىق ساقتاۋ قىزمەت كورسەتۋىن كەمەلدەندىرىپ، كاسىپ سالاسى ارقىلى جۇمىستاندىرۋدى اتقارىپ، بۇقارانىڭ كەدەيلىكتەن قۇتىلۋىنا كومەكتەستى.
اۆتونوميالى رايوندىق كەدەيلەردى سۇيەمەلدەۋ، وركەندەتۋ كەڭسەسىنەن ۇعىسۋعا قاراعاندا، بىلتىر شينجياڭدا 317 مىڭ 400 ادام، 331 كەدەي قىستاق كەدەيلىكتەن قۇتىلىپ، كەدەيلىكتىڭ تۋىلۋ سالىستىرماسى 2016 - جىلىعى ％15.51تەن ％12.63كە تومەندەگەن.
ءبىر - ءبىرىن دەمەپ، ىنتىماقتى قول ۇستاسا بىرگە جەبەدى
2016 - جىلدان بەرى، شينجياڭ «ۇلتتار ىنتىماعىنىڭ بەرەكەلى شاڭىراعى» قيمىلىن ورىستەتىپ، ءبىر ميلليون 100 مىڭنان استام ءار دارەجەلى كادر، جۇمىسشى - قىزمەتكەر، شينجياڭعا باعىتتامالى كومەكتەسۋگە كەلگەن كادر نەگىزگى ساتىداعى ءبىر ميلليون 600 مىڭنان استام بۇقارامەن جۇپ قۇراپ، تۋىس بولىپ، ءوزارا ارالاسىپ، جاعداي ۇعىسىپ، كەدەيلەرگە شىنايى كومەكتەسىپ، كەدەيلەردى شىنايى سۇيەمەلدەپ، ۇلتتار ىنتىماعىنىڭ جان تەبىرەنتەرلىك تالاي اڭگىمەسىن جازدى.
شينجياڭ حالىقارالىق كورمە ىستەرى مەكەمەسىنىڭ كادرى گاۋ لۋجى ءار 2 اي سايىن قاشقار قالاسى قوعان اۋىلى كوكاڭ قىستاعىنداعى «ءىنىسى» ياسىنجان مامەتتىڭ ۇيىنە بارىپ بىرنەشە كۇن جاتىپ قايتادى. «اۋىلدىڭ تاماعىن جەپ، كاڭدا ۇيىقتايمىز، اۋىل شارۋاشىلىق ونىمدەرىن ىرىكتەيمىز، مەن ياسىنجان وتباسىنىڭ ادامىمىن، بيىل ونىڭ اۋىل شارۋاشىلىق ونىمدەرىن وڭدەۋ زاۆودىن كەڭەيتۋىنە كومەكتەسىپ، اناعۇرلىم كوپ كەدەي وتباسىنىڭ كەدەيلىكتەن قۇتىلدىرۋدى جوسپارلاپ وتىرمىن».
حۋناننان شينجياڭعا باعىتتامالى كومەكتەسۋگە كەلگەن كادر جوۋ باڭيۇي جارىم ايدىڭ ىشىندە توقسۇن اۋدانى شاھ اۋىلى توتەي قىستاعىنداعى كەدەي وتباسى يبىرايىم ابىلەزدىڭ 800 كيلوگرام مەيىزىن ساتىسىپ بەرەدى. يبىرايىم اسەرلەنگەنىنەن: مەن بۇرىندارى مەيىزدى جولدىڭ شەتىنە اپارىپ ساتاتىن ەدىم، ءۇش - ءتورت ايدا دا مۇنداي كوپ ساتا المايتىنمىن، حانزۋ اعام ينتەرنەتتە بىرنەشە كۇندە عانا ساتىپ ءبىتىردى، - دەدى.
نەگىزگى ساتىنىڭ نەگىزىن بەكەمدەپ، نەگىزگى ساتىداعى حالىقتىڭ تۇرمىسىن جاقسارتۋدىڭ باستى شاراسى بولعان شينجياڭنىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا قىستاقتا تۇرۋ قىزمەتى ورىستەتىلگەن 5 جىلدان بەرى، شامامەن 350 مىڭ ءار دارەجەلى كادر قىستاقتا باياندى تۇرىپ، تۇتاس شينجياڭنىڭ بارلىق اكىمشىلىك قىستاعىن جانە الەۋمەتتىك اۋماعىن قامتىدى.
اۆتونوميالى رايوندىق سىرتقى ىستەر كەڭسەسىنىڭ قىستاقتا تۇراتىن كادرى دۋان شياۋيان: ءبىز كۇندىز قىستاقتا جۇمىس جاسايمىز، تۇندە تۋىستىڭ ۇيىنە قونامىز، ءبىر داستارقاننان ءدام تاتىپ، ءبىر شاۋگىم شايدى بىرگە ىشەمىز، سەن - مەن دەپ بولىسپەيمىز، شىنايى سويلەسەمىز، سۇيىسپەنشىلىگىمىز دە تەرەڭدەي ءتۇستى، - دەدى.
(شينحۋا اگەنتتىگىنىڭ 7 - ايدىڭ 2 - كۇنى ۇرىمجىدەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
