بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

شي جينپيڭ اۋىل - قىستاقتاردى كوركەيتۋ ستراتەگياسىن اتقارۋ جونىندە ماڭىزدى نۇسقاۋ بەرىپ اۋىل - قىستاقتاردى كوركەيتۋ ستراتەگياسىن اتقارۋدى الدىڭعى ورىنعا قويىپ،

اۋىل - قىستاقتاردى كوركەيتۋدى بۇكىل پارتيانىڭ، بۇكىل قوعامنىڭ ورتاق ارەكەتىنە اينالدىرۋدى باسا دارىپتەدى

لي كىچياڭ بەكىتۋ جازدى

2018.07.06 14:11     كەلۋ قاينارى : شينجياڭ گازەتى

  شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا اۋىل - قىستاقتاردى كوركەيتۋ ستراتەگياسىن اتقارۋ جونىندە ماڭىزدى نۇسقاۋ بەرىپ مىنالاردى باسا دارىپتەدى: اۋىل - قىستاقتاردى كوركەيتۋ ستراتەگياسىن اتقارۋ − پارتيانىڭ 19 - قۇرىلتايى جاساعان ماڭىزدى شەشىم - ورنالاستىرۋ، جاڭا داۋىردەگى «اۋىل شارۋاشىلىعى، اۋىل - قىستاق، شارۋالار» قىزمەتىن ويداعىداي ىستەۋدىڭ باس تۇتقاسى. رايوندار، تاراۋلار اۋىل - قىستاقتاردى كوركەيتۋ ستراتەگياسىن اتقارۋدىڭ ماڭىزدى ءمانىن تولىق تانىپ، اۋىل - قىستاقتاردى كوركەيتۋ ستراتەگياسىن الدىڭعى ورىنعا قويىپ، بەس دارەجەلى شۋجيلەردىڭ اۋىل - قىستاقتى كوركەيتۋدى مىقتى ۇستاۋىنا تاباندى بولىپ، اۋىل - قىستاقتى كوركەيتۋدى بۇكىل پارتيانىڭ، بۇكىل قوعامنىڭ ورتاق ارەكەتىنە اينالدىرۋ كەرەك.

  شي جينپيڭ مىنالاردى اتاپ كورسەتتى: اۋىل - قىستاقتاردى جاپپاي كوركەيتۋگە تاباندى بولىپ، ماڭىزدى ءتۇيىندى مىقتى ۇستاپ، ولقىلىقتاردى تولىقتاپ، ءالسىز بۋىنداردى كۇشەيتىپ، اۋىل - قىستاق كاسىپ سالاسىنىڭ كوركەيۋىن، دارىندىلارىنىڭ كوركەيۋىن، مادەنيەتىنىڭ كوركەيۋىن، ەكولوگياسىنىڭ كوركەيۋىن، ۇيىمىنىڭ كوركەيۋىن جۇزەگە اسىرىپ، اۋىل شارۋاشىلىعىنىڭ جاپپاي جاڭارۋىن، اۋىل - قىستاقتىڭ جاپپاي العا باسۋىن، اۋىل - قىستاقتىڭ جاپپاي دامۋىن ىلگەرىلەتۋ كەرەك. قالىڭ شارۋالاردىڭ ەركىنە قۇرمەت ەتىپ، قالىڭ شارۋالاردىڭ بەلسەندىلىگىن، ىرىقتىلىعىن، جاسامپازدىعىن قاۋلاتىپ، اۋىل - قىستاقتى كوركەيتۋدىڭ ىشكى قوزعاۋشى كۇشىن جانداندىرىپ، قالىڭ شارۋالاردىڭ اۋىل - قىستاقتى كوركەيتۋ بارىسىندا اناعۇرلىم مول تابىس سەزىمگە، باقىت سەزىمگە، حاۋىپسىزدىك سەزىمگە بولەنۋىنە مۇمكىندىك جاساۋ كەرەك. ناقتى ىسكەرلىك ارقىلى كوركەيۋدى جەبەۋگە تاباندى بولىپ، اۋىل - قىستاقتاردىڭ دامۋ زاڭدىلىعىنا بويسۇنىپ، جوسپارلاۋدى الدىمەن جۇرگىزىپ، تۇرلەر بويىنشا ىلگەرىلەتىپ، ۇسىنىلىمدى ارتتىرىپ، تىڭعىلىقتى، ناقتى ءىس تىندىرىپ، اۋىل - قىستاقتاردى كوركەيتۋدىڭ ۇزدىكسىز تىڭ ناتيجەگە قول جەتكىزۋىن ىلگەرىلەتۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، مىنالاردى اتاپ كورسەتتى: اۋىل - قىستاقتاردى كوركەيتۋ ستراتەگياسىن اتقارۋ − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ جانە جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ جالپى جاعدايىنا سايادى. رايوندار، تاراۋلار پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن مۇقيات تياناقتاندىرىپ، اۋىل - قىستاقتاردى كوركەيتۋ ستراتەگيالىق جوسپارىن عىلىمي اتقارىپ، «اۋىل شارۋاشىلىعى، اۋىل - قىستاق، شارۋالار» جاعىنداعى ۇسىنىلىم سەرپىنىن ۇزدىكسىز ارتتىرىپ، شارۋالارعا تيىمدىلىك جاساۋ، شارۋالاردى بايىتۋ ساياساتتارىن ويداعىداي تياناقتاندىرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەي ىلگەرىلەتىپ، اۋىل شارۋاشىلىعى عىلىم - تەحنيكاسىنىڭ العا باسۋىن جەدەلدەتىپ، وسىزامانعى اۋىل شارۋاشىلىعى كاسىپ سالاسى جۇيەسىن، ءوندىرىس جۇيەسىن، تيجارات جۇيەسىن ورناتۋ كەرەك. قالا مەن اۋىلدىڭ توعىسپالى دامۋ ءتۇزىلىس - مەحانيزمىندە جاڭالىق اشىپ، اۋىل - قىستاق نەگىزگى قۇرىلعىلارى مەن الەۋمەتتىك قىزمەت كورسەتۋدى كۇش سالا جاقسارتىپ، اۋىل - قىستاق قونىس ورتاسىن رەتتەۋ - وڭاۋدىڭ 3 جىلدىق ارەكەتىن تىڭعىلىقتى ىلگەرىلەتۋ كەرەك. «ينتەرنەت +» عا سۇيەنىپ، اۋىل - قىستاقتاعى 1 - ، 2 - ، 3 - كاسىپتەردىڭ توعىسپالى دامۋىن جەبەپ، جاڭاشا تيجارات سۋبيەكتىلەرىن بار كۇشپەن جەتىلدىرىپ، شارۋالاردىڭ ورنىقتى جۇمىسقا ورنالاسۋ جانە كىرىستى تۇراقتى ارتتىرۋ ارناسىن كەڭەيتۋ كەرەك. بۇكىل قوعامنىڭ اۋىل - قىستاقتى كوركەيتۋدى ىلگەرىلەتەتىن بىرىككەن كۇشىن ونان ارى توپتاپ، ميلليونداعان شارۋالار باقىتتى ءومىر كەشەتىن كورىكتى مەكەن قۇرىپ شىعۋعا قۇلشىنۋ كەرەك.

  اۋىل - قىستاقتى كوركەيتۋ ستراتەگياسىن اتقارۋ قىزمەتىن ىلگەرىلەتۋدىڭ مەملەكەتتىك ءماجىلىسى 7 - ايدىڭ 5 - كۇنى تۇستەن بۇرىن بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىقتىڭ اۋىل - قىستاق قىزمەتىنە باسشىلىق ەتۋ گرۋپپاسىنىڭ باستىعى حۋ چۇنحۋا ماجىلىسكە قاتىناستى ءارى ءسوز سويلەدى. ول بىلاي دەدى: شي جينپيڭنىڭ « اۋىل شارۋاشىلىعى، اۋىل - قىستاق، شارۋالار» قىزمەتىن ويداعىداي ىستەۋ جونىندەگى يدەياسىن ىشكەرىلەي ۇيرەنىپ، ءتۇسىنىپ، باس شۋجي شي جينپيڭنىڭ اۋىل - قىستاقتاردى كوركەيتۋ جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالابىن تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم - ورنالاستىرۋى بويىنشا، اۋىل - قىستاقتى كوركەيتۋ ستراتەگيالىق جوسپارىندا ورتاعا قويىلعان نىسانا - مىندەتتەردى مىقتى ۇستاپ، باسشىلىق ءتۇزىلىستى كەمەلدەندىرىپ، قىزمەت جاۋاپكەرشىلىگىن ناقتى تياناقتاندىرىپ، ۇزاق ۋاقىت ءونىمدى ۇسىنىلىم مەحانيزمىن ورناتىپ، ساياسات - ءتۇزىم كەپىلىن كۇشەيتىپ، شارۋالاردىڭ سۋبيەكتيۆ رولىن ساۋلەلەندىرىپ، تۇراقتىلىق پەن يكەمدىلىكتى ساقتاپ، ءتۇرلى شارالاردىڭ تياناقتانۋىن باياندى جالعاستىرا وتىرىپ مىقتى ۇستاپ، اۋىل - قىستاقتى كوركەيتۋدىڭ جاڭا جاعدايىن ۇزدىكسىز اشۋ كەرەك.

  ءماجىلىس پارتيا ورتالىق كوميتەتىنىڭ، مەملەكەتتىك كەڭەستىڭ جۋىقتا باسىپ تاراتقان «اۋىل - قىستاقتى كوركەيتۋ ستراتەگيالىق جوسپارىندا (2018 − 2022 - جىل)» ورتاعا قويىلعان ءتۇيىندى مىندەتتەردى ورنالاستىردى، تياناقتاندىردى، قاتىستى ولكە - رايوندار مەن تاراۋلاردىڭ جاۋاپتى جولداستارى ماجىلىستە سوزگە شىقتى.

  ورتالىقتىڭ اۋىل - قىستاق قىزمەتىنە باسشىلىق ەتۋ گرۋپپاسىنا مۇشە ورىنداردىڭ، ءار ولكە، رايون، قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ جاۋاپتى جولداستارى، ت.ب ماجىلىسكە قاتىناستى.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار