شي جينپيڭ رەسەي فەدەراتسيالىق كوميتەتىنىڭ توراعاسىمەن كەزدەستى
2018.07.06 14:16 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 4 - كۇنى بەيجيڭنەن بەرگەن حابارى (ءتىلشى حوۋ ليجۇن). مەملەكەت ءتوراعاسى شي جينپيڭ 7 - ايدىڭ 4 - كۇنى حالىق سارايىندا رەسەي فەدەراتسيالىق كوميتەتىنىڭ ءتوراعاسى ماتۆيەنكومەن كەزدەستى.
شي جينپيڭ ماتۆيەنكوعا پۋتين زۇڭتۇڭعا ىقىلاستى سالەمىن جەتكىزىپ قويۋدى تاپسىردى. ول بىلاي دەدى: وتكەن ايدا، پۋتين زۇڭتۇڭ مەملەكەت ىستەرى بابىمەن جۇڭگودا ءساتتى ساپاردا بولدى ءارى شاڭحاي سەلبەستىك ۇيىمىنىڭ چيڭداۋ باسشىلار باس قوسۋىنا قاتىناستى، ءبىز ءبىر قىدىرۋ كەلەلى ماسەلەلەر جونىندە ىشكەرىلەي پىكىر اۋىستىرىپ، ماڭىزدى ورتاق تانىمعا كەلدىك. مەن پۋتين زۇڭتۇڭعا جۇڭگونىڭ تۇڭعىش «دوستىق وردەنىن» تابىس ەتتىم، بۇل دا جۇڭگو - رەسەي قارىم - قاتىناسىنىڭ ماڭىزدىلىعى مەن ەرەكشەلىگىن كورنەكتىلەندىردى. وسى ايدا وڭتۇستىك افريكاداعى بريكىس ەلدەرى باسشىلارىنىڭ كەزدەسۋىندە تاعى دا كەزدەسۋدى كۇتۋدەمىن.
شي جينپيڭ مىنانى اتاپ كورسەتتى: قازىر جۇڭگو - رەسەي قارىم - قاتىناسى تاريحتان بەرگى ەڭ جاقسى مەزگىلدە تۇر، ءىرى ەلدەردىڭ، كورشى ەلدەردىڭ قارىم - قاتىناسىنىڭ ونەگەسى بولدى. بيىل ەكى ەل دە ءوز ەلىندەگى ماڭىزدى ساياسي كۇن تارتىپتەردى ءساتتى ورىنداپ، مەملەكەت پەن ۇلتتىڭ بايۋى، قۇدىرەتتەنۋى، گۇلدەنۋى جولىندا بەرىك قادام تاستادى، جۇڭگو - رەسەي قارىم - قاتىناسىنىڭ باياندى، اقاۋسىز، ورنىقتى دامۋى ءۇشىن بەرىك نەگىز قالادى. ەكى جاقتىڭ كەمەلىنە كەلگەن، مىزعىماس ستراتەگيالىق سەرىكتەستىك قاتىناسىن ايرىقشا قاستەرلەپ جانە قورعاپ، جالپى بەتتىك ستراتەگيالىق سەلبەستىكتى تيتتەي دە مىزعىماستان تەرەڭدەتىپ، ەكىنشى جاقتىڭ ءوزىنىڭ وزەكتى مۇددەسىن قورعاۋىن بۇرىنعىداي تاباندىلىقپەن قولداپ، حالىقارالىق ىستەرگە جانە الەمدىك جونگە سالۋعا بەلسەنە قاتىناسىپ، دۇنيە ءجۇزىنىڭ بەيبىتشىلىگى، ورنىقتىلىعى ءۇشىن ماڭىزدى ۇلەس قوسۋىمىز كەرەك. ەكى جاقتىڭ پۋتين زۇڭتۇڭ ەكەۋىمىز كەلىسكەن سەلبەستىك ورتاق تانىمدارىن دەن قويا تياناقتاندىرىپ، سەلبەستىك ۇستانىمدارىن ۇزدىكسىز جاڭالاپ، سەلبەستىك ۇلگىسىندە جاڭالىق جاساپ، ءتۇرلى سالاداعى سەلبەستىكتىڭ جاڭا جەتىستىكتەرگە قول جەتكىزۋىن ىلگەرىلەتىپ، ەكى ەل جانە ەكى ەل حالقى ءۇشىن اناعۇرلىم ويداعىداي يگىلىك اكەلۋىن ءۇمىت ەتەمىن.
شي جينپيڭ مىنانى ءبىلدىردى: زاڭ شىعارۋ قۇرىلىمدارىنىڭ سەلبەستىگى ەكى جاق قارىم - قاتىناسىنىڭ ماڭىزدى قۇرامداس بولىگى. بەرتىنگى جىلداردا، جۇڭگو مەملەكەتتىك حالىق قۇرىلتايى مەن رەسەي فەدەراتسيالىق كەڭەسىنىڭ اۋىس - كۇيىس مەحانيزمى كۇننەن - كۇنگە كەمەلدەنىپ، ەكى ەلدىڭ جان - جاقتى سەلبەستىك جاساسۋىنا زاڭ جاعىنان ءونىمدى قولداۋ كورسەتتى، كوپ ارنالى اۋىس - كۇيىس جاساسۋ تۇعىرىن ورناتتى. ەكى ەلدىڭ زاڭ شىعارۋ قۇرىلىمدارىنىڭ ءوز ەرەكشەلىكتەرىن تولىق ساۋلەلەندىرىپ، ەكى ەلدىڭ ءتۇرلى سالاداعى سەلبەستىگىن ساياسات جانە زاڭ جاعىنان قولداۋىن، ەل باسقارۋ، باقىلاۋ، قامتاماسىز ەتۋ سياقتى جاقتاردا ءبىر - بىرىنەن ۇيرەنۋدى، ءبىر - ءبىرىنەن ۇلگى الۋدى كۇشەيتىپ، جۇڭگو مەن رەسەيدىڭ ۇرپاقتان - ۇرپاققا جالعاسقان دوستىق ۇستانىمىن ساۋلەلەندىرىپ، ەكى جاقتى قارىم - قاتىناستىڭ دامۋى ءۇشىن ءتىپتى دە بەرىك قوعامدىق جانە حالىق رايى نەگىزىن قالاۋىن ءۇمىت ەتەمىن.
ماتۆيەنكو ءتوراعا شي جينپيڭگە پۋتين زۇڭتۇڭنىڭ سالەمىن جانە ىزگى تىلەگىن جەتكىزدى. ول بىلاي دەدى: ەكى ەل باسشىلارىنىڭ جەتەكشىلىگىندە، رەسەي - جۇڭگو قارىم - قاتىناسى جوعارى دەڭگەيدە دامىدى. قازىر ەكى جاقتىڭ ماڭىزدى مىندەتى ەكى ەل باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرۋ بولىپ تابىلادى. ەكى ەلدىڭ زاڭ شىعارۋ قۇرىلىمدارى مۇندا ماڭىزدى رول اتقارادى. رەسەي فەدەراتسيالىق كەڭەسى جۇڭگو مەملەكەتتىك حالىق قۇرىلتايىمەن اراداعى سەلبەستىكتى تەرەڭدەتىپ، زاڭ شىعارۋ سياقتى جاقتارداعى تاجىريبەلەردى اۋىستىرۋدى كۇشەيتىپ، ءتۇرلى سالاداعى ورەلى سەلبەستىكتى ىلگەرىلەتىپ، كوپ جاقتى پارلامەنت ۇيىمىنداعى سايكەستىكتى، سەلبەستىكتى نىعايتىپ، رەسەي - جۇڭگو قارىم - قاتىناسىنىڭ دامۋ جالپى جاعدايىنا اناعۇرلىم جاقسى قىزمەت كورسەتۋدى قالايدى.
ۋاڭ چىن كەزدەسۋگە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
