بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

قۇشتارلىقتان شەبەرلىككە قۇلاش جايعان ورلامجاپ

2018.07.09 15:46     كەلۋ قاينارى : حالىق تورابى

  بيىل 4 - ايدىڭ 6 - كۇنى ورلامجاپ تاڭداۋلى كۋرسانت رەتىندە، جۇڭگو بەيزاتتىق مادەنيەت مۇرالارىنىڭ مۇراگەرلەرىن تاربيەلەۋدىڭ 2017 - جىلدىق جوسپارى بويىنشا، شينجياڭ داشۋەسىنىڭ نىسان تانىستىرۋىنىڭ ارقاسىندا، شىحىزى داشۋەسىندە مەملەكەتتىك كوركەمونەر قورىنىڭ سۇيەمەلىمەن اشىلعان كۋرسقا قاتىناستى. بيىل 45 جاستاعى ورلامجاپ حىجيڭ اۋدانى بالعۇنتاي قالاشىعى بالعۇنتاي قىستاعىنىڭ تۇرعىنى، ول وتباسىنداعىلاردىڭ ىقپالىمەن 7 جاسىنان باستاپ الدىمەن اجەسىنەن، كەيىن كەلە شەشەسى مەن اپايىنان موڭعۇل كەستەسىن ۇيرەنەدى. ول كەستەشىلىكتىڭ ءتۇرلى ادىستەرىنە ۇزدىكسىز جەتىلىپ، كەستە تىگۋ شەبەرلىگىنە توسەلە تۇسەدى. ۇزدىكسىز ۇيرەنۋ بارىسىندا ءوزىنىڭ كەستەگە بوياۋ بەرۋى ءالى دە ءداستۇرلى بوياۋ بەرۋ ادىسىمەن شەكتەلىپ قالعانىن، قازىرگى ءداۋىردىڭ ەستەتيكالىق تالعامىنا ساي كەلمەيتىندىگىن سەزەدى.

  2010 - جىلى ورلامجاپ ىشكى موڭعۇل ۇلتتار داشۋەسىنە وقۋعا بارىپ، ءوزىنىڭ كوركەمونەرلىك ورەسىن جوعارىلاتادى، كەستەگە بوياۋ بەرۋ قابىلەتى دە كورنەكتى جوعارىلايدى.

  2016 - جىلى جانە 2017 - جىلى ول ىلگەرىندى - كەيىندى شينجياڭ داشۋەسى بەيزاتتىق مادەنيەت مۇرالارى كەستەشىلىك كۋرسىنىڭ ادەتتەگى كۋرسى مەن قايتادان تاربيەلەپ دەڭگەيىن جوعارىلاتۋ كۋرسىنا قاتىناسىپ، ءوزىنىڭ بوياۋ بەرۋ جانە كەستە تىگۋ قابىلەتىن ۇزدىكسىز جوعارىلاتىپ، تاڭداۋلى كۋرسانت بولىپ باعالاندى. 2018 - جىلى ونى شينجياڭ داشۋەسى زەرتتەۋ - تاربيەلەۋ ساباقحاناسىنىڭ كەستەشىلىك كۋرس وقىتۋشىسى بولۋعا شاقىرادى. 2016 - جىلى 8 - ايدا ورلامجاپ ءۇرىن - ماندۋقا كەستەشىلىك شەبەرحاناسىن اشادى، ول ساتقان اشەكەيلى سۋرەت، حوش ءيىستى دوربا، اشەكەي بۇيىم سياقتى كەستەشىلىك بۇيىمدارى سىرتتان كەلگەن ساياحاتشىلاردىڭ قارسى الۋىنا بولەنىپ، جىلدىق تازا كىرىسى 20 مىڭ يۋانعا تايايدى. كەستە بۇيىمدارىن ءوزى تىگۋدەن سىرت، ورلامجاپ قىستاقتاعى اپەكە - سىڭلىلەرىنىڭ تىككەن كەستە بۇيىمدارىن دا ساتىپ الىپ، قىستاق تۇرعىندارىنىڭ كاسىپتەنۋىنە جەبەۋشى بولادى.

  2013 - جىلى ورلامجاپ «شينجياڭنىڭ تەحنولوگيا - اسەمونەر شەبەرى» اتاعىن الادى، «شۇعىنىق قوس كەپتەرى»، «چيڭ پاتشالىعى حانىشاسى»، «ايداعار ءۇنى» سياقتى كەستە تۋىندىلارى بايىنعولين وبلىسىنىڭ ساياحات بۇيىمدارىن جوبالاۋ جارىستارىندا تالاي رەت سيلىققا يە بولادى، مۇنىڭ ىشىندە «چيڭ پاتشالىعى حانىشاسى» مەملەكەت ىشىندە وتكىزىلگەن ءتۇرلى كورمەلەردە تالاي رەت سيلىق الادى.

  2015 - جىلى ورلامجاپ شينجياڭ بەيزاتتىق مادەنيەت مۇرالارى موڭعۇل ۇلتتىق ويۋ - ورنەگى كوركەمونەرىنىڭ وبلىس دارەجەلى مۇراگەرى بولىپ باعالاندى.

  ورلامجاپ: شەبەرحانا تيجاراتىن ويداعىداي جۇرگىزىپ، اپەكە - سىڭلىلەرىمدى ورتاق بايۋ جولىنا باستايمىن، - دەدى. ونىڭ ەڭ ۇلكەن ارمانى − شينجياڭ موڭعۇل ۇلتتىق كەستەشىلىك ويۋ - ورنەگىنە قاتىستى ءبىر كىتاپ شىعارىپ، كوپتەگەن ادامداردىڭ تاڭداۋلى ءداستۇرلى مادەنيەتتى تۇسىنۋىنە، ۇناتۋىنا مۇمكىندىك تۋدىرۋ ەكەن.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار