جۋ حايلۇن ىلەدە قىزمەت تەكسەرگەندە
ورنىقتىلىقتى قورعاۋ قىزمەتى مەن بۇقارالىق قىزمەتتى قاتاڭ، مۇقيات، شىنايى ىستەۋدى باسا دارىپتەدى
2018.07.09 15:49 كەلۋ قاينارى : شينجياڭ گازەتى
ءتىلشىمىز لي شيڭ 7 - ايدىڭ 7 - كۇنى قۇلجادان حابارلايدى. اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن 7 - ايدىڭ 3 - كۇنىنەن 7 - كۇنىنە دەيىن ىلە قازاق اۆتونوميالى وبلىسىندا ورنىقتىلىقتى قورعاۋ قىزمەتى مەن بۇقارالىق قىزمەتكە تەكسەرۋ - زەرتتەۋ جۇرگىزدى. جۋ حايلۇن مىنالاردى تالاپ ەتتى: يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىل بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى كەشەندى شارالارىنىڭ ورنالاستىرۋى بويىنشا، اناعۇرلىم پارمەندى شارا، اناعۇرلىم تىڭعىلىقتى ستيل ارقىلى ورنىقتىلىقتى قورعاۋ قىزمەتى مەن بۇقارالىق قىزمەتتى قاتاڭ، مۇقيات، شىنايى ىستەپ، باس نىسانانى جۇزەگە اسىرۋعا اناعۇرلىم زور ۇلەس قوسۋ كەرەك.
تەكسەرۋ - زەرتتەۋ كەزىندە، جۋ حايلۇن ىلگەرىندى - كەيىندى ءىشىنارا اۋدان، قالالاردىڭ اۋىل - قالاشىقتارىنا، الەۋمەتتىك اۋماقتارىنا، نەگىزگى ساتى ساقشى بولىمشەلەرىنە بارىپ، نەگىزگى ساتىداعى كادرلاردان، بۇقارادان حال سۇراپ، نەگىزگى ساتىداعى كادرلاردان، بۇقارادان كەزەكتەگى قىزمەت جونىندە ۇسىنىس، پىكىر الىپ، نەگىزگى ساتىنىڭ ورنىقتىلىقتى قورعاۋ شارالارىن تياناقتاندىرۋ جاعدايىن تەكسەرىپ، ولاردىڭ قول جەتكىزگەن ناتيجەلەرىن تۇراقتاندىرىپ، ساقتالعان ولقىلىقتارىن كورسەتىپ بەردى، سونداي - اق ىلە وبلىسىنىڭ ورنىقتىلىقتى قورعاۋ قىزمەتى ءماجىلىسىن اشىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى ءتۇرلى ورنالاستىرۋلارىن اناعۇرلىم ويداعىداي دايەكتىلەندىرۋ، تياناقتاندىرۋ جونىندە ناقتى ورنالاستىرۋ جاسادى.
جۋ حايلۇن مىنالاردى تالاپ ەتتى: ءار دارەجەلى باسشى كادرلار نازاردى باس نىساناعا مىقتاپ شوعىرلاندىرىپ، حاۋىپ - قاتەر تانىمىن اناعۇرلىم كۇشەيتىپ، تومەنگى شەكتە ويلاپ، قاشاندا وسكەلەڭ قىراعىلىقتى ساقتاپ، بەيعامدىققا سالىنۋ، بوساڭسۋ، كوزسىزدىكپەن ۇمىتكە سالىنۋ، دۇشپانعا جەڭىل قاراپ، سوعىستان قاجۋ يدەياسىن باتىل جەڭىپ، باستاعان ءىستى ناتيجەلى تىندىرىپ، باستان - اياق اينىماي، دايەكتى اتقارىپ، قاتاڭ سوققى بەرۋدىڭ تەگەۋرىندى كۇيىن ساقتاپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى كەشەندى شارالارىن بارىنشا ىشكەرىلەي مۇقيات تياناقتاندىرىپ، زورلىقتى كۇش، لاڭكەستەرىنە استە وراي بەرمەي، قوعامدىق جالپى جاعدايدىڭ ۇزدىكسىز ورنىقتى بولۋىنا كەپىلدىك ەتۋ كەرەك.
جۋ حايلۇن مىنالاردى باسا دارىپتەدى: بۇقارالىق قىزمەتتى بار كۇشپەن ويداعىداي ىستەۋ كەرەك. بۇقارالىق قىزمەتتى ويداعىداي ىستەۋ − ورنىقتىلىقتىڭ نەگىزى، بىلتىردان قازىرگە دەيىن، «ۇعىسۋ، تيىمدىلىك جاساۋ، توعىستىرۋ»، «ۇلتتار ىنتىماعىنىڭ بەرەكەلى شاڭىراعى»، وتباسىلارىن ارالاۋ، وتباسىلارىندا قونۋ سياقتى قىزمەتتەردى ورىستەتۋدىڭ ارقاسىندا، كادرلار ستيلى كورنەكتى جاقسارىپ، پارتيا مەن حالىقتىڭ، كادرلار مەن بۇقارانىڭ قاتىناسى ونان ارى قويۋلاپ، بۇقارالىق قىزمەتكە تاماشا نەگىز قالادى. قازىر وتباسىلارىن ارالاۋ، وتباسىلارىندا قونۋ قىزمەتىنە تاباندى بولۋمەن بىرگە، ۇگىت - تاربيە جۇرگىزۋگە، ۇنامدى جاقتان جەتەكتەۋگە، دۇرىس جەتەكشىلىك ەتۋگە ونان ارى كۇش سالىپ، بۇقاراعا يدەيالىق تاربيە جۇرگىزۋ، رۋحاني جاقتان جەتەكشىلىك ەتۋ قىزمەتىن ىشكەرىلەي مۇقيات ويداعىداي ىستەۋمەن بىرگە، بۇقارانىڭ ءوندىرىس، تۇرمىس جاعىندا ءدوپ كەلگەن ناقتى قيىنشىلىقتارى مەن ۇيلەسىمدى تالاپ - تىلەكتەرىن دەر كەزىندە كومەكتەسىپ شەشىپ، بۇقارانىڭ قامىن كوبىرەك ويلاپ، بۇقارالىق قىزمەتتى دەن قويا مۇقيات ىستەۋ كەرەك. نەگىزگى ساتى ۇگىتشىلەرىن كوبىرەك باۋلىپ، تاڭداۋلى ۇگىتشىلەردىڭ تۇرمىسقا جاناسىمدى، بۇقارامەن ەتەنە بولۋداي باسىمدىعىن تولىق ساۋلەلەندىرۋ كەرەك. ماسەلەنى نىشان ەتۋدەن جازباي، قىزمەتتە ورىن تەپكەن ماسەلەلەردى دەر كەزىندە بايقاپ، تۇزەتىپ، ءتۇرلى شارالاردى ونان ارى دالمە - ءدال ەتىپ، اشالاپ، ناقتىلاندىرىپ، جاۋاپكەرشىلىكتى ادامعا تياناقتاندىرىپ، ءتۇرلى قىزمەتتەردىڭ تياناقتاندىرىلۋىن مىقتى يگەرىپ، ءونىم بەرۋىن جەبەۋ كەرەك. جازعى دەمالىستا اۋىلىنا قايتقان وقۋشىلارعا يدەيا جاقتان جەتەكشىلىك ەتۋ، تاربيە بەرۋ قىزمەتىن ويداعىداي ىستەپ، ۇگىت - لەكسيا جاساۋ، ويىن نومىرلەرىن قويۋ، ارالاۋ سياقتى قوعامدىق اماليات قيمىلدارىن ورىستەتىپ، اۋىلىنا قايتقان جوعارى مەكتەپ، ورتا مەكتەپ وقۋشىلارىنىڭ ارتىقشىلىقتارىن ساۋلەلەندىرىپ، نەگىزگى ساتى پارتيا ۇيىمدارىنىڭ ورنىقتىلىقتى قورعاۋ قىزمەتى مەن بۇقارالىق قىزمەتتى ويداعىداي ىستەۋىنە بەلسەنە سايكەسۋ كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
