جۇڭحۋا ۇلتى ورتاق تۇلعا تانىمىن بەكەمدەيمىن
باي اۋداندىق پارتكومنىڭ ورىنباسار شۋجيى، بىرلىكساپ ءبولىمىنىڭ باستىعى احات سىمايىل
2018.07.10 15:54 كەلۋ قاينارى : شينجياڭ گازەتى
مەن توقسۋ اۋدانىنداعى قاراپايىم وتباسىندا دۇنيەگە كەلدىم. ورتا جاسقا كەلگەندە بالالىق شاعىمدى ەسكە السام بولعانى، بالا كەزىمدەگى بىرنەشە دوسىم كوز الدىمنان كەتپەيدى، ولار ىشكى ولكەلەردەن شەكارا وڭىرگە كومەككە كەلگەن زيالى جاستاردىڭ پەرزەنتتەرى بولاتىن، ءبىز ءبىر اۋلادا تۇراتىنبىز، بىرنەشە بالا جۇبىمىزدى جازبايتىن جاقسى دوستارعا اينالعانبىز، كۇنى بۇگىنگە دەيىن ارالاسىپ تۇرامىز. مەنىڭشە، مۇنى جاي سوزبەن ايتساق، اعا - باۋىرلىق سۇيىسپەنشىلىك، تەرەڭدەي ايتساق، ۇلتتار ىنتىماعىنا سايادى، ياعني شينجياڭداعى ءار ۇلت حالقىنىڭ قويۋ سۇيىسپەنشىلىگى دەۋگە بولادى.
جاڭا جۇڭگو قۇرىلعاننان بەرى، شينجياڭدا بۇرىن - سوڭدى بولىپ كورمەگەن ۇلى ىنتىماق، قاۋىرت دامىپ، گۇلدەنىپ - كوركەيگەن بەينە جارىققا شىقتى، تەرەزەسى تەڭ، ىنتىماقتى، قارايلاسىمدى، جاراسىمدى ۇلتتار قاتىناسى ۇزبەي بەكەمدەلە ءتۇستى، ءار ۇلت حالقى الاڭسىز، باقىتتى تۇرمىس كەشىردى. الايدا، «ءۇش ءتۇرلى كۇش»، «ەكىبەتكەيلەر» شينجياڭنىڭ كوركەيىپ، دامىعاندىعىن، حالىقتىڭ الاڭسىز ءومىر كەشىرگەندىگىن كورگىسى كەلمەدى، ولار شينجياڭ تاريحىن بۇرمالاپ، ۇشقارى يدەيا مەن ءپانىسلاميزم، پانتۇركيزم يدەياسىن تاراتىپ، زورلىقتى كۇش، لاڭكەستىك دەلولارىن تۋدىرىپ، شينجياڭنىڭ قوعام ورنىقتىلىعىنا جانە حالىق بۇقاراسىنىڭ ءومىرى مەن مال - مۇلىك حاۋىپسىزدىگىنە اۋىر زيان جەتكىزىپ، شينجياڭدى وتانىمىزدىڭ قۇشاعىنان ءبولىپ اكەتۋگە ۇرىندى، بۇل ولاردىڭ قۇر قيالى، ەسەك دامەسى، ولار بۇعان مۇلدە قول جەتكىزە المايدى.
شينجياڭ كوپ ۇلت ءجيى قونىستانعان ءوڭىر، بارلىق ۇلت، بارلىق ازامات، ءسوز جوق، مەملەكەت تانىمىن، ازامات تانىمىن، جۇڭحۋا ۇلتى ورتاق تۇلعا تانىمىن بەرىك ورناتۋى، ۇلتتار ىنتىماعىن ويداعىداي قورعاۋدىڭ ماڭىزدىلىعىن جەتە تانۋى، ۇلتتاردىڭ ۇلى ىنتىماعى تۋىن بيىك كوتەرىپ، «بەستى شىنايى مويىنداۋدى» ۇزدىكسىز كۇشەيتۋى كەرەك. ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت ەكەندىگىن ەستە بەرىك ساقتاپ، ءارقاشان ۇلتتار ىنتىماعىن ىسكەرلىك تانىتىپ، شارۋاشىلىق قۇرۋدىڭ العى شارتى جانە نەگىزى دەپ ءبىلىپ، ءار ۇلت حالقىنىڭ ءوزارا ءتۇسىنىسۋىن، ءوزارا قۇرمەت ەتۋىن، ءوزارا باۋىرمال بولۋىن، ءوزارا ۇيرەنۋىن، ءوزارا كومەكتەسۋىن جەبەپ، ءدىني ۇشقارى يدەيانىڭ سىنالاپ كىرۋى مەن ازدىرۋىن باتىل تەجەۋى كەرەك.
پارتيالى كادر رەتىندە، مەن ۇلتتار ىنتىماعىن جەبەۋدى ءوزىمنىڭ مىندەتىم دەپ ءبىلىپ، پارتيانىڭ ۇلت ساياساتىن جاپپاي دايەكتىلەندىرىپ، تياناقتاندىرىپ، ۇلتتار ىنتىماعى قىزمەتىن ويداعىداي ىستەۋ سانالىلىعىمدى ۇزدىكسىز كۇشەيتىپ، ءوز ارتىقشىلىقتارىمدى تولىق ساۋلەلەندىرىپ، ۇلتتار ىنتىماعى ۇگىت - تاربيەسىن جاپپاي ىلگەرىلەتىپ، ءار ۇلت بۇقاراسىن ماركسيزمدىك «بەس كوزقاراستى» بەرىك ورناتۋعا، «ءۇشتىڭ ءبىر - بىرىنەن ايرىلا الماۋى» يدەياسىن ورناتۋعا، «بەستى شىنايى مويىنداۋدى» كۇشەيتۋگە باستاپ، ۇلتتاردىڭ تاتۋ - ءتاتتى ءوتۋىن، ءبىر نيەتپەن كۇش بىرىكتىرۋىن، جاراسىمدى دامۋىن ىلگەرىلەتەمىن. «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن بار كۇشپەن ورىستەتىپ، ءار ۇلت كادرلارى مەن بۇقاراسىن كوپ ساتىلى، كوپ فورمالى قارىم - قاتىناس ورناتۋعا جەبەپ، ءوندىرىس پەن تۇرمىس بارىسىنداعى تۇسىنىستىكتى كۇشەيتىپ، سۇيىسپەنشىلىكتى قويۋلاتىپ، ارالاسۋدى، ىشتەسۋدى، توعىسۋدى تەرەڭدەتىپ، ءار ۇلت بۇقاراسىنىڭ بىرگە ۇيرەنۋىنە، بىرگە تۇرمىس كەشىرۋىنە، بىرگە قىزمەت ىستەۋىنە، توعىسۋىنا مۇمكىندىك تۋدىرىپ، ۇلتتار ىنتىماعى بەرەكەلى شاڭىراعىنىڭ بىتە قايناسقان قويۋ رايىن قالىپتاستىرامىن.
پارتيالى كادر رەتىندە، مەن ءار ۇلت بۇقاراسىنا شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن بەلسەنە ۇگىتتەپ، شينجياڭنىڭ ءتورت تاريحىن ۇيرەنۋ ۇگىتىن كۇشەيتىپ، قاتە يدەيانى تامىرىمەن قوپارىپ، توركىنىن تۇزەپ، قاينارىن اداقتاپ، ءار ۇلت كادرلارى مەن بۇقاراسىن پارتيانى، وتاندى، شينجياڭدى، وتباسىن قىزۋ ءسۇيىپ، بەرەكە - بىرلىكپەن جۇدىرىقتاي جۇمىلىپ، جاۋعا بىرگە كەكتەنىپ، «ءۇش ءتۇرلى كۇشپەن»، «ەكىبەتكەيلەرمەن» سوڭىنا دەيىن باتىل كۇرەس جۇرگىزۋگە باستايمىن.
تۇتاس شينجياڭداعى ءار ۇلت كادرلارى مەن بۇقاراسى جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىن كوز قاراشىعىنداي قورعاپ، ومىرىندەي قاستەرلەپ، ءار ۇلت باۋىرلاستارى اناردىڭ دانىندەي تىعىز ۇيىسىپ، ۇلى پارتيامىزدىڭ، ۇلى وتانىمىزدىڭ مەيىر - شاپاعاتىنا ءىس جۇزىندىك ارەكەتىمەن العىس ايتىپ، ءىس جۇزىندىك ارەكەتى ارقىلى شينجياڭنىڭ قوعام ورنىقتىلىعى مەن باياندى تىنىشتىعىن قورعاعاندا عانا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوزسىز، جۇزەگە اساتىن بولادى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
