بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>جوتكەمەلەر

ساياحات ارناۋلى پويەزى «الەۋمەتتىك قاتىناس ۇلگىسىندە» قاتىنادى

«تەمىر جول + ساياحات» وڭىرلىك ساياحاتتىڭ تىڭ پاراعىن اشتى

2018.07.10 15:55     كەلۋ قاينارى : شينجياڭ گازەتى

  ءتىلشىمىز لۋ فىڭباۋ 7 - ايدىڭ 8 - كۇنى ۇرىمجىدەن حابارلايدى. «شينجياڭنىڭ بارلىق جەرى كوركەم، بىرنەشە كۇننەن بەرى ىلەدەگى ساپارىم ەرەكشە كوڭىلدى ءوتتى، ەندى التايدى دا ارالاپ قايتپاقپىن». 7 - ايدىڭ 6 - كۇنى «سولتۇستىك شينجياڭدى اينالا ساياحاتتاۋ» پويەزىندە حاربيننەن كەلگەن ساياحاتشى ۋاڭ حۇيلان كوركەم كورىنىستەن ءلاززات الدى.

  تابيعاتى كوركەم، تاريحي مادەنيەتى سان الۋان شينجياڭ مول دا ەرەكشە ساياحات بايلىعىمەن جانە جاراسىمدى دا ورنىقتى قوعامدىق ورتاسىمەن ەل ءىشى - سىرتىنداعى ساياحاتشىلاردى وزىنە باۋرادى. ايتسە دە شينجياڭنىڭ جەرى كەڭ، كورىنىس رايوندارى كوپ، لەنياسى ۇزىن بولعاندىقتان، بۇرىن ساياحاتشىلاردىڭ باسىم كوپ ۋاقىتى جولدا كەتەتىن دە، «ساپار الىس، ساياحات قىسقا» بولاتىن.

  وسى قيىن جاعدايدى شەشۋ ءۇشىن، بەرتىنگى جىلداردا شينجياڭ تەمىر جول تاراۋى تەمىر جولدىڭ قاتىناس باسىمدىعى مەن شينجياڭنىڭ ساياحات بايلىعىن ءوزارا ۇشتاستىرىپ، «شينجياڭدى پويەزبەن ساياحاتتاۋ» تەمىر جول ساياحاتى ماركاسىن دەن قويا دايىنداپ، «ساياحات كورىنىس رايوندارى ءوزارا تۇتاسقان، ساياحاتشىلار الەۋمەتتىك كولىكپەن جولعا شىعاتىن، ساياحات پويەزدەرىنىڭ ءىرى اينالىمى» سىندى «تەمىر جول + ساياحات» توعىسپالى، بىرلەسكەن دامۋ ۇلگىسىن قالىپتاستىرىپ، «تەمىر جول + ساياحات» ارقىلى شينجياڭنىڭ ساياحات كاسىبىنىڭ توعىسپالى دامۋىنا جەتەكشىلىك ەتىپ، شينجياڭنىڭ ساياحات ىستەرىنىڭ جالاڭ كورىنىستەردى ساياحاتتاۋدان «وڭىرلىك ساياحات» باعىتىنا قاراي دامۋىن ىلگەرىلەتتى.

  جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى جولاۋشى تاسىمال باسقارماسىنىڭ ورىنباسار باستىعى سى شىنميننىڭ سوزىنە قاراعاندا، شينجياڭنىڭ تەمىر جول تاراۋى ساياحات ساپارىنىڭ ەرەكشەلىگىنە بايلانىستىرىپ، كەزەكشى پويەزدەردىڭ جولعا شىعۋ ۋاقىتىن ۇيلەسىمدى ورنالاستىرىپ، پويەزدەردىڭ قاتتى بولشەك قۇرىلعىلارىن جاڭالاپ، وزگەرتىپ، 2017 - جىلى «سولتۇستىك شينجياڭدى اينالا ساياحاتتاۋ»، «حيكىمەتتى وتتى القاپ»، «وڭتۇستىك شينجياڭدى ىركىلىسسىز تاماشالاۋ»، «دۇنحۋاڭدا كەزدەسۋگە ۋادەلەسۋ»، «ورتا ازياعا قادام تاستاۋ» سياقتى كوپ ءتۇرلى ساياحات ونىمدەرىن ىسكە قوستى.

  «ساياحات ارناۋلى پويەزى جەلىسى تۇتاس شينجياڭدى نەگىزىنەن قامتىدى، ساياحاتشىلار ءبىر كەزەكتى پويەزگە وتىرىپ، كوپ ورىنداعى ساياحات تۇيىندەرىنە بارا الادى. سولتۇستىك شينجياڭدى، وڭتۇستىك شينجياڭدى اينالىپ ساياحاتتاۋ ارناۋلى پويەزى <جىلجىمالى وتباسىنىڭ> قۇرىلعى ورنالاستىرۋى بويىنشا جاسالعان، كەزەكشى پويەزدىڭ جابدىقتارى جاڭا، فۋنكتسياسى تولىق، جاتاق، كوڭىل اشۋ، اس - سۋ، ساياحات، مادەنيەت سەزىنۋدى ءبىر تۇلعالاندىرعان، بۇل ساياحاتشىلاردىڭ جايلى، كوڭىل تولارلىق ساياحات جاساۋىنا مۇمكىندىك تۋدىردى»، - دەدى ءۇرىمجى تەمىر جول حالىقارالىق ساياحات شەكتى سەرىكتەستىگىنىڭ ورىنباسار باس مەڭگەرۋشىسى حۋاڭ تيڭفىن.

  كەزەكتە، ساياحات ارناۋلى پويەزى گرافيك بويىنشا «الەۋمەتتىك قاتىناس ۇلگىسىندە» قاتىنادى. بيىل 4 - ايدان 6 - ايعا دەيىن، «شينجياڭدى پويەزبەن ساياحاتتاۋ» ارناۋلى ساياحات پويەزى جالپى 720 كەزەك جونەلتىلدى.

  بيىل 5 - ايدان باستاپ، شينجياڭنىڭ اۋا رايىنىڭ جىلىنۋىنا ىلەسە، شينجياڭعا باعىتتامالى كومەكتەسەتىن كوپتەگەن ساياحات ارناۋلى پويەزى شينجياڭعا كەلىپ، شينجياڭنىڭ ساياحات بازارىنا تىڭ ومىرشەڭدىك كۇش سيلادى. 6 - ايدىڭ وزىندە - اق 28 ارناۋلى كەزەكشى پويەز شينجياڭعا كىردى، 10 - ايعا دەيىن، شينجياڭعا باعىتتامالى كومەكتەسەتىن ولكە - قالالارداعى ساياحاتشىلار مەجە بويىنشا 200 كەزەككە جۋىق ارناۋلى پويەزبەن شينجياڭدى كوسىلە ساياحاتتايدى.

  التاي ايماقتىق ساياحات مەكەمەسىنىڭ ورىنباسار باستىعى ليۋ كىچۋان بىلاي دەدى: كوپ ءتۇرلى ساياحات ارناۋلى پويەزى التايعا اناعۇرلىم كوپ ساياحاتشىلاردى الا كەلىپ، التايدىڭ ساياحات كاسىبىنىڭ زور دامۋىنا سارقىلماس قوزعاۋشى كۇش ۇستەدى.

  «ءبىز كەلەشەكتە ساياحات ارناۋلى پويەزىنىڭ تىڭ جەلىسىن جانە ونىمدەرىن كۇش سالا اشىپ، شينجياڭنىڭ ساياحات كاسىبىنىڭ دامۋىنا دەم بەرەمىز»، - دەدى حۋاڭ تيڭفىن.
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار