شارۋالارعا سەلبەسىپ، اۋىل شارۋاشىلىعىنا قىزمەت ەتتى
اۆتونوميالى رايونىمىزدىڭ قامداۋ - ساۋدا كووپەراتيۆتەرى جالپىلىق رەفورما جاساۋدا كەزەڭدىك ناتيجەگە قول جەتكىزدى
2018.07.11 14:16 كەلۋ قاينارى : شينجياڭ گازەتى
ءتىلشىمىز شى شين 7 - ايدىڭ 9 - كۇنى ۇرىمجىدەن حابارلايدى. اۆتونوميالى رايوندىق قامداۋ - ساۋدا سەلبەستىك كووپەراتيۆىنىڭ بىرلەسكەن كووپەراتيۆىنەن ۇعىسۋىمىزشا، اۆتونوميالى رايونىمىزدىڭ قامداۋ - ساۋدا سەلبەستىك كووپەراتيۆتەرى جالپىلىق رەفورما جاساۋدان كەزەڭدىك ناتيجەگە قول جەتكىزگەن، نەگىزگى ساتىنىڭ نەگىزى ۇزدىكسىز بەكەمدەلىپ، قىزمەت كورسەتۋ اياسى ۇزدىكسىز كەڭەيگەن. قازىر تۇتاس شينجياڭدا نەگىزگى ساتى كووپەراتيۆىنەن 673ى قۇرىلىپ، ％70تەن استام اۋىل - قالاشىقتى قامتىعان، جالپى باستاماشىلىقپەن قۇرىلعان شارۋالار كاسىپتىك سەلبەستىك كووپەراتيۆى 4276عا، شارۋالار كاسىپتىك سەلبەستىك كووپەراتيۆىنىڭ بىرلەسكەن كووپەراتيۆى 111گە جەتىپ، شارۋالارعا سەلبەسىپ، اۋىل شارۋاشىلىعىنا قىزمەت كورسەتۋ سىندى جاڭا تيپتەگى سەلبەستىك، ەكونوميكالىق ۇيىمداستىرۋ جۇيەسى قالىپتاسقان.
قامداۋ - ساۋدا سەلبەستىك كووپەراتيۆتەرىنىڭ جالپىلىق رەفورماسىن تەرەڭدەتۋدىڭ شىعار ءتۇيىنى اۋىل شارۋاشىلىعى، اۋىل - قىستاق جانە شارۋالار، تياناعى دا اۋىل شارۋاشىلىعى، اۋىل - قىستاق جانە شارۋالار. اۆتونوميالى رايونىمىزدىڭ جەر - جەرى جاڭا جاعدايدا قامداۋ - ساۋدا كووپەراتيۆىن دامىتۋدىڭ تىڭ جولىن ىزدەستىرۋگە قۇلشىنىپ، قامداۋ - ساۋدا سەلبەستىك كووپەراتيۆتەرى جالپىلىق رەفورماسىنىڭ ءتۇرلى قىزمەتتەرىن تىڭعىلىقتى ىستەدى.
شينجياڭ اۋىل شارۋاشىلىق ءوندىرىسى قۇرال - جابدىقتارى توبى مەن ىلە قازاق اۆتونوميالى وبلىسى، سانجى حۇيزۋ اۆتونوميالى وبلىسى، بايىنعولين موڭعۇل اۆتونوميالى وبلىسى، اقسۋ ايماعى سياقتى ايماق - وبلىستاردىڭ قامداۋ - ساۋدا كووپەراتيۆتەرى جەردى مىندەتتەمەلى باسقارۋ تاسىلىندە جاڭالىق اشىپ، اۋىل شارۋاشىلىق ءونىمىن ارتتىرۋ مەن شارۋالار كىرىسىن ارتتىرۋدى جەبەدى؛ شينجياڭ جەمىس - جيدەك توبىنا قاراستى داتاڭ جىبەك جولى ەلەكتروندىق ساۋدا سەرىكتەستىگى 12 اۋداننىڭ (قالا) «ينتەرنەت + اۋىل شارۋاشىلىعى مەن ساياحاتتى بىرلەستىرۋ + كەدەيلىكتەن دالمە - ءدال قۇتىلدىرۋ» سىندى اۋىل - قىستاق ەلەكتروندىق ساۋدا ۇلگىسىن زەرتتەپ اتقارۋىنا جەتەكشىلىك ەتتى؛ ىلە قازاق اۆتونوميالى وبلىستىق قامداۋ - ساۋدا كووپەراتيۆى مەن بيڭتۋاننىڭ 12 - شىسى بىرلەسىپ قۇرعان سانگىجۋاڭ زات اينالىمى باقشاسى «مەملەكەتتىك ءتۇرلى ۇلاسپالى جۇك تاسىمالىنداعى ۇلگىلى ينجەنەرياعا» اينالدى؛ بۇراتالا موڭعۇل اۆتونوميالى وبلىسى، تارباعاتاي ايماعى، قاشقار ايماعى، حوتان ايماعى، قىزىلسۋ قىرعىز اۆتونوميالى وبلىسى سياقتى ايماق - وبلىستاردىڭ قامداۋ - ساۋدا كووپەراتيۆتەرى اۋىل - قىستاق الەۋمەتتىك اۋماق جالپىلىق قىزمەت كورسەتۋ ورتالىعىن قۇرىپ، تۇتاس جۇيەدە تىزبەكتى جونەلتۋ توراپ ءتۇيىنىن 29 مىڭ 800گە جەتكىزىپ، بىرتىندەپ اۋىل - قىستاق اينالىمىنىڭ نەگىزگى ارناسىنا اينالدى؛ سانجى حۇيزۋ اۆتونوميالى وبلىستىق، تۇرپان قالالىق قامداۋ - ساۋدا كووپەراتيۆتەرى اۋىل - قىستاق شەبەرلەرىن باستاماشى ەتىپ، نەگىزگى ساتىداعى كووپەراتيۆتەردى قالپىنا كەلتىرۋدى جەدەلدەتىپ، امبەباپ قىزمەت كورسەتۋ كووپەراتيۆتەرىن دامىتىپ، شارۋالار كاسىپتىك سەلبەستىك كووپەراتيۆتەرىن جۇيەلىلەندىرىپ، شارۋالار كاسىپتىك سەلبەستىك كووپەراتيۆىنىڭ بىرلەسكەن كووپەراتيۆتەرىن قۇرىپ، اۋىل شارۋاشىلىعىن قوعامداندىرۋعا قىزمەت كورسەتۋ ورتالىعىن قۇرىپ، قامداۋ - ساۋدا كووپەراتيۆى مەن شارۋالار سەلبەستىك كووپەراتيۆىنىڭ، اۋىل شارۋاشىلىعى جاڭا تيپتەگى تيجارات تۇلعاسىنىڭ توعىسۋىن ىسكە اسىردى.
بيىل اۆتونوميالى رايوندىق قامداۋ - ساۋدا كووپەراتيۆى «نەگىزگى ساتىدا كووپەراتيۆ قۇرۋدى جەدەلدەتۋدىڭ 3 جىلدىق ارەكەت جوسپارىن» جاساپ، «نەگىزگى ساتىداعى كووپەراتيۆتەردىڭ اۋىل شارۋاشىلىعىنا قىزمەت كورسەتۋ فۋنكتسياسىن كەڭەيتۋ ينجەنەرياسى، نەگىزگى ساتىداعى كووپەراتيۆتەردىڭ سەلبەستىك شارۋاشىلىق ۇيىمىندىق سيپاتىن كۇشەيتۋ ينجەنەرياسى، نەگىزگى ساتىداعى كووپەراتيۆتەردىڭ دارىندى قوسىنى قۇرىلىسى ينجەنەرياسى» سياقتى قيمىلداردى مىقتى يگەرۋ ارقىلى 3 جىل ۋاقىت جۇمساپ، تۇتاس شينجياڭدا نەگىزگى ساتىداعى كووپەراتيۆتەردىڭ اۋىل - قالاشىقتاردى قامتۋ مولشەرىن قازىرگى ％70تەن ％90كە كوتەرۋگە قۇلشىندى.
جالپىلىق رەفورمانىڭ ورنىقتى قاداممەن ىلگەرىلەۋىنە ىلەسە، اۆتونوميالى رايوندىق قامداۋ - ساۋدا كووپەراتيۆى جۇيەسىنىڭ تۇتاس تۇلعالىق قۋاتى ورنىقتى قاداممەن جوعارىلادى. 2017 - جىلى تۇتاس جۇيەدەگى ساتىلىمنىڭ جالپى مولشەرى 65 ميلليارد 740 ميلليون يۋانعا جەتىپ، الدىڭعى جىلداعىدان ％15 ارتتى؛ پايدا جالپى سوماسى 984 ميلليون يۋانعا جەتىپ، الدىڭعى جىلداعىدان ％19.2 ارتتى؛ بيىل 1 - ايدان 5 - ايعا دەيىن تۇتاس جۇيەدەگى ساتىلىمنىڭ جالپى سوماسى 22 ميلليارد 170 ميلليون يۋانعا جەتىپ، بىلتىرعى سول تۇستاعىدان ％19.5 ارتتى؛ پايدا جالپى سوماسى 204 ميلليون يۋانعا جەتىپ ％62.8ارتتى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
