بۇراتالا موڭعۇل اۆتونوميالى وبلىسى: ساياحاتتىڭ تىرەكتى كاسىپ سالاسىنا اينالۋىن پارمەندى جەبەدى
2018.07.12 15:37 كەلۋ قاينارى : شينجياڭ گازەتى
بۇراتالا وبلىسىنداعى تىلشىلەر پۋنكتىنەن جاڭ شينيان 7 - ايدىڭ 10 - كۇنى بۇراتالادان حابارلايدى. جاسىل جايلاۋ قارلى تاۋمەن قۇپ جاراسقان، اقشا بۇلتتار اققۋلارمەن بىرگە ىرعالا بيگە باسقان، كوگىلدىر سۋ كوك اسپانمەن تەڭ تۇسكە بولەنگەن... 7 - ايدىڭ 1 - كۇنى چيڭ پاتشالىعىنىڭ ايگىلى وقىمىستىسى حۇڭ لياڭجي «باتىس وڭىردەگى جەر جانناتى» دەپ اتاعان سايرام كولىندە شينجياڭنىڭ ءىشى - سىرتىنان كەلگەن ساياحاتشىلار كوركەم تابيعاتتان كوز الا الماي، قول تەلەفوندارىمەن، فوتو اپپاراتتارىمەن سۋرەتكە ءتۇسىپ ەستەلىك قالدىردى. «بۇراتالا ايتسا ايتقانداي كوركەم جەر ەكەن، بارعان جەرىڭنىڭ ءبارى بەينە سىزعان سۋرەت سياقتى سەزىلەدى»، - دەيدى بەيجيڭنەن كەلگەن ساياحاتشى تاۋ ي.
بۇراتالا موڭعۇل اۆتونوميالى وبلىسى «تۇنىق سۋ، جاسىل تاۋدىڭ ءوزى باعا جەتپەس بايلىق» دەيتىن جاسىل دامۋ ۇستانىمىندا تاباندى بولىپ، «جاسىل ءتۇستى نەگىز، ساياحاتشىلاردى وزەك، مادەنيەتتى تىرەك، ەرەكشەلىكتى ءتۇيىن ەتۋ، كورىنىس رايوندارى مەن قالادان تەڭ يگىلىكتەنۋدى» توڭىرەكتەي وتىرىپ، تۇتاس الاپتىق ساياحاتتى نەگىزگى جەلى، ساياحات كاسىبىنىڭ قامداۋ جاعىنداعى قۇرىلىمدىق رەفورماسىن ءتۇيىن ەتىپ، دامۋ تاسىلىنە بۇرىلىس جاساپ، ساياحات كاسىبىن قوعام ورنىقتىلىعىن قورعاۋ، ۇلتتار ىنتىماعىن جەبەۋ، حالىقتى اۋقاتتاندىرىپ، وبلىستى الۋەتتەندىرۋدەگى ستراتەگيالىق تىرەكتى كاسىپ سالاسىنا اينالدىرۋعا بارىنشا كۇش سالدى.
جوبا بويىنشا جەتەكشىلىك ەتۋگە تاباندى بولىپ، ساياحات ونىمدەرى ساپاسىنىڭ ۇزدىكسىز جوعارىلاۋىنا جانە دامۋىنا مۇمكىندىك جاراتتى. 2017 - جىلى بۇراتالا موڭعۇل اۆتونوميالى وبلىسى تۇڭجي داشۋەسىنىڭ جوسپارلاۋ - جوبالاۋ زەرتتەۋ ورنى شەكتى سەرىكتەستىگىمەن بىرگە «بۇراتالا موڭعۇل اۆتونوميالى وبلىسىنىڭ تۇتاس الاپتىق ساياحات جوباسىن» جاساپ، اراسان اۋدانى وتۇكسار مۇزدىق كورىنىس رايونى، اراشاتى، قارتولعا، مودىتى قۇمدىعى قاتارلى 4 ءىرى كورىنىس رايونىن جوبالاۋ قىزمەتىن باستادى. سايرام كولى كورىنىس رايونى مەن ءارقايسى اۋدان، قالالار «سايرام كولى ساياحات رايونىنىڭ جالپىلىق جوباسىن»، «بۇراتالا قالالىق ساياحاتشىلاردى جيناۋ - جونەلتۋ ورنىنىڭ قۇرىلىس جوباسىن»، «شىڭچۋان كورىنىس رايونىنىڭ جوندەۋ سيپاتىنداعى ناقتى جوباسىن، سونداي - اق سەيىل - سەرۋەن قالاشىعىنىڭ مەڭگەرۋ سيپاتىنداعى ناقتى جوباسىن»، «بايىنامىن ساياحات رايونىنىڭ جالپىلىق جوباسىن»، «شەكارا ساياحاتى تاجىريبە رايونىن دامىتۋ جوباسىن» ىركەس - تىركەس جاساپ شىقتى.
سايرام كولىنىڭ جانە اراسان اۋدانىنىڭ ساياحاتتاعى كوشباسشى جانە وزەكتى رولىن كورنەكتىلەندىرىپ، ۇلگى كورسەتىپ جەتەكتەۋ رولىن ساۋلەلەندىردى. «ولشەمدەندىرۋ، جۇيەلىلەندىرۋ، گۋمانيتارلاندىرۋ جانە حالىقارالاندىرۋ» تالابى بويىنشا، سايرام كولى مەن اراسان اۋدانىن مەملەكەت دارەجەلى ساياحات - دەمالىس رايونى ەتىپ قۇرىپ شىقتى. «جولداردى ۇلاستىرۋ، قىزمەت كورسەتۋدى بايلانىستىرۋ، كاسىپ سالالارىمەن ءوزارا تولىقتاۋ، ساتۋدا ىقپالداستىق تۋدىرۋ، ساياحاتشىلاردى ءوزارا تانىستىرۋ» سياقتى تاسىلدەر ارقىلى «اراسان اۋدانى مەن سايرام كولىن» ءبىر تۇلعالاندىرۋ اياق الىسىن جەدەلدەتىپ، قابىلدايتىن ساياحاتشى سانىنىڭ تۇتاس وبلىس قابىلدايتىن ساياحاتشى سانىنىڭ تەڭ جارتىسىنان اسۋىنا كەپىلدىك ەتتى. «كوشباسشى» كورىنىس رايوندارىنىڭ ۇلگى كورسەتىپ، جەتەكتەۋىنىڭ ارقاسىندا، ءارقايسى اۋدان، قالادا وزىندىك ەرەكشەلىكتەگى ءدامدى تاعامدار كوشەسى، قالانىڭ گۋمانيتارلىق كورىنىسى، كورىنىس رايوندارىنداعى مادەنيەت كورىنىسى قۇرىلىستارى تەبىندى ىلگەرىلەتىلىپ، جۇلدىزدى قوناق ۇيلەر، جۇلدىزدى شارۋالار شاتتىعى ساياجايلارى كۇننەن - كۇنگە كوبەيىپ، كىرىستەرى ۇزدىكسىز ارتتى.
ساياحات جاڭا ونىمدەرىن اشۋ ينجەنەرياسىن ىلگەرىلەتىپ، «ساياحات +» سىندى كاسىپ سالاسىنىڭ توعىسپالى دامۋ ستراتەگياسىن اتقارۋدى جەدەلدەتتى. تابيعاتتى تاماشالاۋ، اۋىل - قىستاق سەيىل - سەرۋەن ساياحاتى، ۇلتتىق سالت - سانا ساياحاتى سياقتى بۇقارالىق ساياحاتتاعى جاڭا كاسىپ تۇرلەرىنىڭ دامۋ ورەسىن جوعارىلاتۋعا باسا ءمان بەرىپ، قىس ماۋسىمىنداعى قار - مۇز ساياحاتى، ءشول - جازيرا ساياحاتى، تاۋلى ءوڭىر سپورتى، اراساندا كۇتىمدەلۋ ساياحاتى، سپورت، دەنە شىنىقتىرۋ ساياحاتى، شەكارادان زات ساتىپ الۋ ساياحاتى، قىزىل ءتۇستى ساياحات سياقتى جاڭا ونىمدەردى بەلسەنە جەتىلدىرىپ جانە دامىتىپ، كەرۋەنكولىك ساياحاتى، ءوز اۆتوكولىگىمەن ساياحاتتاۋ سياقتى جاڭا كاسىپ تۇرلەرىن شابىتتاندىرىپ جانە وعان قولداۋ كورسەتىپ، تاڭداۋلى ساياحات جەلىلەرىن بەلسەنە اشتى.
ىشكى ساياحاتتى جەبەۋ مەن سىرتقا تانىستىرۋعا تاباندى بولىپ، ساياحاتتىڭ تانىمالىلىعى مەن ىقپال كۇشىن ارتتىردى. سايرام كولى كورىنىس رايونىن وزەك ەتىپ، ىلگەرىندى - كەيىندى جۇڭگو شينجياڭ سايرام كولىن اينالۋ تاس جول ۆەلوسيپەد جارىسى، «سايرام كولى لوڭقاسىنا تالاسۋ» اتىنداعى مەملەكەتتىك فوتوسۋرەت جارىسى، حالىقارالىق لاگەر جينالىسى، جىبەك جولى حالىقارالىق سانگەرلەر جارىسى، مەملەكەتتىك مارافون جارىسى سياقتى قيمىلداردى ءساتتى وتكىزىپ، جەر - جەردەگى ساياحاتشىلاردى وزىنە باۋرادى؛ ساياحاتتىڭ سايابىر مەزگىلىندە «مەكەندى ءسۇيۋ. بۇراتالانى ساياحاتتاۋ» قيمىلىن ءۇرتىس ىلگەرىلەتىپ، بۇراتالا ەكولوگيالىق ورتاسىن ءوز اۆتوكولىگىمەن ساياحاتتاۋ، مىڭ ادامدىق جاياۋ ءجۇرىس، ساياحات تاۋارلارى كورمەسى سياقتى قيمىلداردى وتكىزىپ، بۇرتالانى ساياحاتتاۋدىڭ، بۇراتالانى ءتۇسىنۋدىڭ قىزۋ ورلەۋىن كوتەردى.
ۇعىسۋعا قاراعاندا، بيىل 1 - ايدان 6 - ايعا دەيىن بۇراتالا موڭعۇل اۆتونوميالى وبلىسى 2 ميلليون 470 مىڭ ادام - رەتكە جۋىق ساياحاتشى قابىلداپ، بىلتىرعى سول تۇستاعىدان ％30 ارتتى؛ جالپى ساياحاتتىق تۇتىنۋ سوماسى 2 ميلليارد 570 ميلليون يۋانعا جەتىپ، بىلتىرعى سول تۇستاعىدان ％28 ارتتى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
