قىستاق تۇرعىندارى ەسىك الدىندا - اق «ۇلكەن شيپاحانانىڭ» قىزمەت كورسەتۋىنەن يگىلىكتەندى
− قاشقار قالاسى اۋات اۋىلى ساپالى ەمدەۋ بايلىقتارىن قىستاققا دەيىن جەتكىزدى
2018.07.12 15:37 كەلۋ قاينارى : شينجياڭ گازەتى
«بىلتىر دەنساۋلىق تەكسەرتكەنىمدە، بۇل ارادا مۇنداي كوپ جاقسى جابدىق جوق ەدى!». 7 - ايدىڭ 8 - كۇنى تۇستەن بۇرىن قاشقار قالاسى اۋات اۋىلى جىڭىشكە قىستاعىنىڭ 38 جاستاعى ديقانى ميھىربانگۇل يمىت دەنساۋلىعىن تەگىن تەكسەرتكەندە، اۋىلدىق ەمحاناداعى شىت جاڭا ەمدەۋ جابدىقتارىنا تاڭىرقاي قارادى، ونىڭ دەنساۋلىعىن تەكسەرگەن شيپاگەر ابىليكىم مامەت وعان: بۇدان بىلاي قىستاق تۇرعىندارى ەسىك الدىندا - اق «ۇلكەن شيپاحانانىڭ» ەمدەۋ قىزمەت كورسەتۋىنەن يگىلىكتەنە الادى، - دەدى.
بىلتىر 7 - ايدا شىنجىننىڭ شينجياڭعا كومەكتەسۋ الدىڭعى شەپ قولباسشىلىق شتابى ءبىر ميلليون 500 مىڭ يۋان كومەك قاراجات ءبولىپ، اۋات اۋىلدىق ەمحانانىڭ 800 شارشى مەترلىك، 2 قاباتتى دەنساۋلىق تەكسەرۋ عيماراتىن سالىپ، وعان رەنتكەن، B تيپتى ءتۇستى ۋلترا كۇلگىن تەكسەرۋ اسپابى، جۇرەك سۋرەتتەۋىش اسپابى، بۇكىلدەي اۆتوماتتى بيوحيميالىق تەكسەرۋ اسپابى جانە سيفرلى كەسكىندەۋ جۇيەسى سياقتى ەمدەۋ جابدىقتارىن كىرگىزۋگە قولداۋ كورسەتتى. شىنجىن قالالىق دەنساۋلىق ساقتاۋ جانە جوسپارلى تۋىت كوميتەتىنە قاراستى ۇلكەن شيپاحانالاردىڭ ماماندارى اۋات اۋىلدىق ەمحاناعا ءار جىلى ۇزبەي كەلىپ، ەمدەۋ قىزمەتكەرلەرىن ءتۇيىندى تاربيەلەپ، وسى ەمحاناداعى ەمدەۋ قىزمەتكەرلەرىن جاڭادان ەنگىزىلگەن ەمدەۋ جابدىقتارىن دەربەس مەڭگەرە الاتىن دارەجەگە جەتكىزدى.
ەمدەۋ جۇمساق، قاتتى بولشەكتەرىنىڭ ورەسىن وسىرۋمەن بىرگە، اۋات اۋىلى «دەنساۋلىق ساقتاۋدان بارلىق ادامدى يگىلىكتەندىرۋدى» قىستاق تۇرعىندارىنا قامقورلىق جاساۋ جانە قىزمەت كورسەتۋ نىساناسى ەتىپ، نەگىزگى الەۋمەتتىك دەنساۋلىق ساقتاۋ قىزمەت جۇيەسىن قۇرۋدى ءتۇيىن ەتىپ، تۇتاس اۋىلداعى 19 قىستاقتا نەگىزگى الەۋمەتتىك دەنساۋلىق ساقتاۋدان قىزمەت كورسەتۋدى جالپىلاستىرىپ، 34 مىڭ قىستاق تۇرعىنىن دەنساۋلىق ساقتاۋدىڭ جالپى بارىسىنداعى قامقورلىقتان يگىلىكتەندىردى.
اۋىل شيپاگەرلەر مەن سەسترالار «1+1» بويىنشا قىستاقتا تۇرىپ، جۇپ قۇراپ سۇيەمەلدەۋ، ۇيىرمە ۇيىمداستىرىپ قىستاققا ءتۇسىپ تەگىن ەمدەۋ جانە قىستاق شيپاگەرلەرىن تاربيەلەۋ سىندى 3 ءتۇرلى ارنا ارقىلى ساپالى ەمدەۋ بايلىقتارىن قىستاقتارعا جەتكىزدى ءارى قوسىمشا قاراجات بەرۋ، باقىلاۋ - تەكسەرۋ مەحانيزمىن ورناتىپ جانە اقاۋسىزداندىرىپ، شيپاگەرلەردىڭ شارۋالاردىڭ ۇيىنە بارۋىن داعدىعا اينالدىرىپ، قىستاق تۇرعىندارى دەنساۋلىق ساقتاۋدان يگىلىكتەنگەن، قىستاق شيپاگەرلەرىنىڭ تەحنيكالىق قابىلەتى جوعارىلاعان، شيپاگەرلەر القاۋعا يە بولعان تاماشا جاعدايدى ىسكە اسىردى.
قازىر بۇل اۋىلداعى شارۋالار ەسىك الدىندا - اق ساپالى ەمدەۋ بويىنشا قىزمەت كورسەتۋدەن يگىلىكتەنىپ، نەگىزگى الەۋمەتتىك دەنساۋلىق ساقتاۋ بويىنشا قىزمەت كورسەتۋدىڭ بىركەلكىلەنۋى جۇزەگە استى.
ميھىربانگۇلمەن بىرگە 354 قىستاق تۇرعىنى دەنساۋلىق تەكسەرتۋگە كەلدى. ءتىلشى ەمدەۋ قىزمەتكەرلەرىنىڭ قىستاق تۇرعىندارىنىڭ دەنساۋلىعىن تەكسەرگەندە، قاتىستى جاعدايلاردى قايتا - قايتا سۇراپ، دەنساۋلىق تەكسەرۋدىڭ نەگىزگى ساندى مالىمەتتەرى مەن ماتەريالدارىن قىستاق تۇرعىندارىنىڭ جەكە دەنساۋلىق ساقتاۋ ەلەكتروندى ارحيۆىنە كىرگىزگەندىگىن ءارى وتباسىلارىن بىرلىك ەتىپ، ءبىر تۇتاس كىتاپشا جاساعاندىعىن كوردى. شارۋالاردىڭ دەنساۋلىق ساقتاۋ ەلەكتروندى ارحيۆى، باستىسى، وتباسى مۇشەلەرىنىڭ دەنساۋلىق جاعدايى، اۋرۋدىڭ تۇقىم قۋالاۋ تاريحى، بالالاردى جوسپارلى يممۋنيتەتتەۋ سياقتى مازمۇنداردى قامتيدى. ارحيۆتىڭ الدىڭعى جاعىنا شارۋالاردىڭ نەگىزگى ينفورماتسياسى مەن دەنساۋلىق جاعدايى، سونداي - اق ەمدەۋ قىزمەتكەرلەرىنىڭ بايلانىس تەلەفون ءنومىرى سياقتىلار جازىلعان، الدا - جالدا ەرەكشە جاعداي بولعاندا، تەلەفون ارقىلى تىكەلەي جاعداي ۇعىسۋعا بولادى. ەمدەۋ قىزمەتكەرلەرى اۋىلدىق شيپاحانا مەن قىستاق ەمحاناسىندا دياگنوز قويعاندا، شارۋالاردىڭ دەنساۋلىق ساقتاۋ ەلەكتروندى ارحيۆىنە قاتىستى ينفورماتسيالارىن كورىپ، دۇرىس دياگنوز قويۋىنا بولادى.
اۋىلدىق ەمحانانىڭ شيپاگەرى اجارگۇل مامەت: شارۋالار دەنساۋلىق تەكسەرتۋگە نەمەسە اۋرۋ كورسەتۋگە كەلگەندە، ءبىز ولاردىڭ دەنساۋلىق ساقتاۋ ەلەكتروندى ارحيۆىنە قاراپ اۋرۋ تاريحى مەن دەنساۋلىق جاعدايىن دەرەۋ بىلە الاتىن بولدىق، - دەدى.
اۋات اۋىلدىق ەمحانانىڭ باستىعى جاڭ جۇنچاڭ: دارىندىلار مەن جابدىق تولىقتاندى، ءبىز جالپى حالىقتىڭ دەنساۋلىعىن ءتىپتى دە كۇش سالا تەكسەرىپ، اۋرۋدى نەگىزىنەن ەرتە بايقاپ، ەرتە دياگنوز قويىپ، ەرتە ەمدەپ، بۇقارانىڭ دەنساۋلىعىن بارىنشا قامتاماسىز ەتتىك، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
