شينجياڭنىڭ «ساياحات + » نىسانى بايلىقتى بىرىكتىرىپ
الىستاعى مەكەندى كوركەم كورىنىس پەن اسەم اۋەنگە بولەدى
2018.07.12 15:53 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 9 - كۇنى ۇرىمجىدەن بەرگەن حابارى (ءتىلشى جوۋ يە). شينجياڭنىڭ تابيعي كورىنىسى ەرەكشە كوركەم، مادەنيەت بايلىعى مول، بۇرىن «تاماشا كورىنىستى قۇزار شىڭنان عانا كورۋگە بولادى» دەپ قاراعان ساياحاتشىلار تاۋ اسىپ، سۋ كەشەتىن، گۋمانيتارلىق مادەنيەتتى سەزىنۋ ءۇشىن «باسقا جول تاباتىن». شينجياڭ بيىلدان باستاپ ساياحات بايلىعىن «ساياحات +» مەن تاس جول، تەمىر جول، اۆياتسيا، ەگىن - ورمان، سپورت، مادەنيەت سياقتى تاراۋلارمەن «قول ۇستاسىپ» رەتتەپ، شينجياڭ ساياحاتىنداعى «ساياحاتتاۋ ءۇشىن سارپالداڭعا ءتۇسۋ، تۇيىندەر بىتىراڭقى ورنالاسۋ» سىندى جاعدايدى وزگەرتكەندىكتەن، الىستاعى مەكەندى كوركەم كورىنىس پەن اسەم اۋەنگە بولەدى.
التايدىڭ «مىڭ شاقىرىمدىق اشەكەيلى كاريدور» دەگەن اتى بار. 1000 نەشە كيلومەترلىك التاي تاۋى سىلەمىندە مۇزدىق، وزەن، ورمان، جايلاۋ، كول، شۇرات، گەولوگيالىق عاجايىپ كورىنىس، ءشول دالا، قۇبا ءتۇز سىندى ساپالى ساياحات بايلىعىنان 200دەن استامى بار. مۇنىڭ ىشىندە A دارەجەلى كورىنىستىك اۋماعىنان 24ى، 5A دارەجەلى كورىنىستىك اۋماعىنان ۇشەۋى، دۇنيە جۇزىلىك گەولوگيا باقشاسىنان بىرەۋى بار. الايدا، ساياحات كورىنىس تۇيىندەرىنىڭ بىتىراندىلىعى، ونىمدەرىنىڭ جالاڭدىعى، نەگىزدىك قۇرىلعىلارىنىڭ السىزدىگى ساياحات كاسىبىنىڭ دامۋىنا تۇساۋ بولىپ كەلگەن ەدى.
جۋىقتا ساياحاتشى سى شياۋچي 6 ساياحاتشىمەن بىرگە «قوڭىر ايۋ 100» ۇشاعىنا وتىرىپ، التايدىڭ كوكتوعاي كورىنىستىك اۋماعىنان قاناس كورىنىستىك اۋماعىنا تومەن كەڭىستىكپەن ۇشىپ بارۋدى تۇڭعىش جۇزەگە اسىردى. «كەڭىستىك ءدالىزىنىڭ» قالىپتاسۋى 5A دارەجەلى 2 كورىنىستىك اۋماق ارالىعىنداعى قاتىناۋ ۋاقىتىن بۇرىنعى 6 ساعاتتان ءبىر ساعاتقا قىسقارتتى. قازىر شينجياڭدا اشىلعان اۆياتسيا كاسىپورىندارىنىڭ شينجياڭدا تومەن كەڭىستىكپەن ۇشىپ ساياحاتتاۋ كاسىبىنىڭ 40 كيلومەترلىك شەكتەمەسى بۇزىلىپ، ۇشۋ اۋماعى 300 كيلومەترگە جەتتى، ساياحاتشىلار تاۋ - وزەندەردىڭ كوركەم كورىنىسىن كەڭىستىكتەن تاماشالاي الاتىن بولدى.
التاي ايماعىنا باعىتتامالى كومەكتەسەتىن جيلين، حيلۇڭجياڭ ولكەسى بيىل جەكە - جەكە 10 ارناۋلى ساياحات پويەزىن جۇرگىزىپ، 20 مىڭ ساياحاتشى اكەلۋدى جوسپارلادى. بيىل جىل سوڭىندا شينجياڭعا ساياحاتتاۋ ارقىلى كومەكتەسۋ ءۇشىن كوتەرمەلەپ العان ۇشاق، ارناۋلى پويەز جەكە - جەكە 40قا جانە 450گە جەتىپ، ساياحاتتاۋ ارالىعىن قىسقارتۋمەن بىرگە، ەل ىشىندەگى ساياحاتشىلاردى اناعۇرلىم جايلى سەزىندىرەدى.
قاناس − شينجياڭداعى كورىنىستىك اۋماقتاردىڭ «شولپانى»، ونى جەتەكشى ەتىپ قالىپتاستىرعان شىعىس، ورتا، باتىس سىندى 3 سارا اينالما جەلى شينجياڭنىڭ وڭىرلىك ساياحاتىنىڭ دامۋىنا تۇرتكى بولدى. شىعىس جەلى شىعىس جوڭعاردان باستالىپ، قارامايلى تاۋى تۇياقتى جابايى حايۋاناتتار جاراتىلىستىق قورىعىن باسىپ ءوتىپ، التاي تاۋى «مىڭ شاقىرىمدىق اشەكەيلى كاريدورىنا» كىرەدى؛ ورتا جەلى ۋجياچۇيدەن باستالىپ، ءشول دالا تاس جولىمەن قۇربانتۇڭعۇت ءشولىنىڭ كورىنىسىن تاماشالاي وتىرىپ، بۋرىلتوعاي وڭىرىنە كىرەدى؛ باتىس جەلى تيانشاننىڭ سولتۇستىك جوتاسى − قارامايلى − قوبىقسارى ارقىلى التاي تاۋى «مىڭ شاقىرىمدىق اشەكەيلى كاريدورىنا» كىرەدى. 3 جەلىدە ءوز اۆتوكولىگىمەن ساياحاتتاۋ، ۇشاقپەن تۇيىننەن - تۇيىنگە جالعاپ ۇشۋ فورماسى قالىپتاستى، مىڭ شاقىرىمدىق دارا كورىنىستىك اۋماعىنىڭ، كورىنىستىك ءتۇيىنىنىڭ بىرىگۋى جۇزەگە اسىپ، ساياحاتشىلار جۇرە ءجۇرىپ ساياحاتتاپ، ءبىر - بىرىنە مۇلدە ۇقسامايتىن كورىنىستەردى تاماشالايدى.
شينجياڭ ءبىر تۇتاس جەلىدە ساياحاتتاۋدى جوسپارلاۋدان تىس، تاعى مادەنيەت، سپورتتان پايدالانىپ ساياحاتتىڭ پارىقتى فورمادا دامۋىن جەدەلدەتىپ، كورىنىستىك اۋماقتارىن تاماشالاۋ مەن سەيىل - سەرۋەنگە تەڭ ءمان بەرىپ، ساياحات ونىمدەرىن مولايتتى. التاي ايماعىنىڭ قابا اۋدانى ەلىمىزدەگى ەڭ ءىرى اق قايىڭ بايلىعىن ارقاۋ ەتىپ، «اق قايىڭمەن كومكەرىلگەن قالاشىق» قۇرۋدى ءتۇيىندى جۇرگىزدى؛ جەمەنەي اۋدانى قويتاس، تۇڭتياندۇڭ ارحەولوگيالىق بايىرعى جۇرتى قاتارلىلار ارقىلى گۋمانيتارلىق مادەنيەت تاريحي بايلىق قامباسىن اشتى؛ قاشقار ەجەلگى قالاسى عاسىرلىق تۇرعىندار رايونىنداعى قىش ىدىستار جاساۋ، نان جابۋ، شاي ءىشۋ سياقتىلار ارقىلى سەزىنۋ ساياحاتىن قالىپتاستىردى؛ ىلەنىڭ كۇنەس اۋدانى نارات جايلاۋىن، سونداي - اق قازاق ۇلتىنىڭ سالت - ءداستۇرىن ارقاۋ ەتىپ، ساحارا كوشپەندى مادەنيەتىن كورنەكتىلەندىردى...
قازىر شينجياڭ تاعى بۋىرشىن، بۋرىلتوعاي سياقتى جالپىلىق اۋەجاي قۇرىلىسىن باستادى، جەر - جەردەگى ءوز اۆتوكولىگىمەن ساياحاتتاعاندار لاگەرىنىڭ قۇرىلعىلارىن كەمەلدەندىردى، سونداي - اق كوپتەگەن جەردە وزىندىك ەرەكشەلىككە يە تۇرعىندار ۇيىنە قوناتىن قونىس شوعىرىن قالىپتاستىرىپ، ساپالى قىزمەت كورسەتۋ جۇيەسىن كەمەلدەندىرىپ، شينجياڭ ساياحاتىنىڭ تىڭ كاسىپتىك قالىبىنىڭ دامۋىنا نەگىز قالادى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
