ۋاڭ چيڭشى: توڭكەرىس، ءسوز جوق، جەڭىسكە جەتەدى
2018.07.17 16:32 كەلۋ قاينارى : شينجياڭ گازەتى
شينحۋا اگەنتتىگىنىڭ 7 - ايدىڭ 15 - كۇنى شىنياڭنان بەرگەن حابارى. شىلدەنىڭ شىلىڭگىر ىستىعى، شاڭحايداعى لۇڭحۋا قۇرباندار ەسكەرتكىش سارايى جاسىل جەلەك جامىلعان. ۋاڭ چيڭشى قۇرباننىڭ نەمەرەسى ۋاڭ چي كورمە ورنىنداعى قۇرباننىڭ فوتوسۋرەتىن نۇسقاپ بىلاي دەدى: «ۋاڭ چيڭشى توڭكەرىس جولىندا ەشنارسەگە مويىن بۇرماي، ءومىر ەسىگىن ەندى اشقان بالاسىنا ءوزىنىڭ وسى فوتوسۋرەتىن عانا جولداپ، <اكەڭدى تانىپ ال> دەپ جازىپتى، قۇربان بولعانعا دەيىن بالاسىن ءبىر كورە الماپتى...»
ۋاڭ چيڭشى، 1907 - جىلى لياۋنيڭنىڭ شىنياڭ قالاسىندا تۋعان، انحۇيدىڭ حوچيۋ دەگەن جەرىنەن. 1923 - جىلى بەيجيڭ ورىس ءتىلى ساياسي - زاڭ داشۋەسىندە وقىپ، سول كەزدە ساياسي - زاڭ داشۋەسىندە ساباق بەرەتىن چۇي چيۋبايمەن تانىسىپ، بىرتىندەپ توڭكەرىس جولىنا تۇسەدى.
1924 - جىلى ۋاڭ چيڭشى وزگەرتىلىپ ۇيىمداستىرىلعاننان كەيىنگى گومينداڭعا كىرەدى، ونىڭ توڭكەرىستىك قيمىلىن كەرتارتپا بيلەۋشىلەر سەزىپ قالىپ، كەرتارتپا ارميا - ساقشىنىڭ بارلاۋشى - قۋعىنداۋشىلار اترەتى جاعىنان باقىلانادى، بەيجيڭدە تۇرا بەرۋگە امالسىز قالىپ، 1926 - جىلدىڭ سوڭعى جارتىسىندا اۋىلى انحۇيدىڭ حوچيۋ دەگەن جەرىنە بارىپ ۋاقىتشا تاسالانادى ءارى سول جەردە ماركسيزمدى تاراتادى. 1927 - جىلدىڭ اياعىندا جۇڭگو كوممۋنيستىك پارتياسىنا مۇشە بولادى، حوچيۋدا پارتيا مۇشەلەرىن جاسىرىن كوبەيتىپ، پارتيا ۇيىمىن قۇرادى. ول شارۋالار قاۋىمىن اتتانىسقا كەلتىرىپ، شارۋالار قوعامىن قۇرادى ءارى 1928 - جىلى 7 - ايدا حوچيۋدا تۋىلعان 27 - شىلدە كوتەرىلىسىن ۇيىمداستىرۋعا جانە وعان باسشىلىق ەتۋگە قاتىناسادى.
كوتەرىلىس جەڭىلىسكە ۇشىراعان سوڭ، ۋاڭ چيڭشى كەرتارتپا بيلەۋشىلەر جاعىنان قۋعىنعا ۇشىراپ، تاعى دا بەيجيڭگە قايتىپ كەلەدى. ىلگەرىندى - كەيىندى جاستار وداعى بەيپيڭ قالالىق كوميتەتىنىڭ شۋجيى، ج ك پ بەيپيڭ قالالىق پارتكومنىڭ شۋجيى بولىپ تاعايىندالادى. 1930 - جىلدىڭ جازىندا پارتيا جاعىنان سانشيگە جىبەرىلىپ، ج ك پ تاييۋان ەرەكشە كوميتەتىنىڭ شۋجيى بولىپ تاعايىندالادى، كەيىن ج ك پ سانشي ەرەكشە كوميتەتىنىڭ مۇشەسى، قوسىمشا ۇيىمداستىرۋ ءبولىمىنىڭ باستىعى بولىپ تاعايىندالىپ، اۋىر دارەجەدە بۇلىنگەن سانشي پارتيا ۇيىمىن رەتتەۋ جانە قالپىنا كەلتىرۋ جولىندا قىرۋار جۇمىس ىستەيدى.
1930 - جىلى 12 - ايدا ۋاڭ چيڭشى پارتيا جاعىنان چيڭداۋعا جىبەرىلىپ، پارتيا 6 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جەتكىزىپ، ماۋ زىدۇڭ العا قويعان «جۇمىسشى - شارۋا قارۋلى كۇشتەرىمەن بازا قۇرۋ» يدەياسىن ۇگىتتەپ، ج ك پ شاندۇڭ ولكەلىك پارتكومدى قايتا قۇرۋ قىزمەتىنە جاۋاپتى بولادى. ج ك پ شاندۇڭ ولكەلىك ۋاقىتشا كوميتەتى قايتا قۇرىلعان سوڭ، ۋاڭ چيڭشى ۇيىمداستىرۋ ءبولىمىنىڭ باستىعى، قوسىمشا چيڭداۋ قالالىق پارتكومنىڭ شۋجيى بولادى.
1931 - جىلى 1 - ايدا ۋاڭ چيڭشى شاندۇڭ پارتيا ۇيىمى اتىنان شاڭحايعا بارىپ، پارتيا 6 - كەزەكتى كوميتەتىنىڭ ءتورتىنشى جالپى ماجىلىسىنە قاتىناسادى. ماجىلىستە ول ءىشىنارا جولداستارمەن بىرگە ۋاڭ ميڭ مەن ونىڭ جاقتاۋشىلارى العا قويعان «سولشىلدىق» قاتە قۋاتتامالارىنا قارسى تۇرادى. ول ورتالىق كوميتەتكە بايانداما تەزيسىن تاپسىرادى. باياندامادا «بۇقارانىڭ قازىرگى كوكەي تەستى تالابىن مىقتى ۇستاپ، قالىڭ بۇقارانى كۇرەسكە جۇمىلدىرىپ، بۇقارالىق ۇيىمداردى، سونداي - اق بۇقارالىق قارۋلى كۇشتەردى كەڭەيتۋ كەرەك» دەيدى.
1 - ايدىڭ 17 - كۇنى ساتقىنداردىڭ اشكەرەلەۋىمەن، ۋاڭ چيڭشى حى مىڭشيۇڭ، لين يۇينان، لي چيۋشى سياقتى كومپارتيا مۇشەلەرىمەن جانە توڭكەرىسشىلەرمەن بىرگە گومينداڭنىڭ سۇڭحۋ قورعانىس سىليڭبۋى جاعىنان قولعا الىنادى. تۇرمەدە ۋاڭ چيڭشى قاتارلىلار جاۋ جاعىنان اياۋسىز ۇرىپ - سوعىلادى، ءبىراق ولار مويىماي، پارتيانىڭ قۇپيالىعى مەن كوممۋنيستەردىڭ توڭكەرىستىك قاسيەتىن باستان - اياق ساقتايدى. 2 - ايدىڭ 7 - كۇنى ۋاڭ چيڭشى باسقا 23 كومپارتيا مۇشەسىمەن جانە توڭكەرىسشىمەن بىرگە ينتەرناتسيونال ءانىن اسقاقتاتا شىرقاپ، «جۇڭگو كوممۋنيستىك پارتياسى جاساسىن!»، «گومينداڭ كەرتارتپاشىلارىن جوعالتايىق!» دەپ ۇران شاقىرىپ، شاڭحايدىڭ لۇڭحۋا دەگەن جەرىندە 24 جاسىندا ەرلىكپەن قۇربان بولادى.
ۋاڭ چيڭشى قۇرباننىڭ ۇرپاعى رەتىندە، ۋاڭ چي سوڭعى جىلدارى قۇرباننىڭ مادەني ەسكەرتكىشتەرىن تابۋ جانە قورعاۋ جولىندا كۇش سالىپ كەلەدى. «وسى مادەني ەسكەرتكىشتەردىڭ ءبىزدىڭ ۋاڭ چيڭشىنى اناعۇرلىم تۇسىنۋىمىزگە مۇمكىندىك بەرۋىن ءۇمىت ەتەمىن. ونىڭ مىزعىماس توڭكەرىستىك سەنىمى، كوپ مۇددەسى ءۇشىن جەكە مۇددەنى قۇربان ەتۋدەي توڭكەرىستىك رۋحى ۇرپاقتاردى توڭكەرىستىك اۋەلگى ماقساتىن ەستە بەرىك ساقتاپ، مۇراتقا مۇراگەرلىك ەتىپ، ەرلىكپەن العا تارتۋعا ماڭگى شابىتتاندىرادى»، - دەيدى ۋاڭ چي.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
